ಬಾಲಿವುಡ್ಗೆ ನಾವೇ ಕಿಂಗು ಕಿಲಾಡಿ ಅಂತಿದ್ದ ಖಾನ್ಗಳ ಸ್ಟಾರ್ಡಮ್ಗೆ ದೊಡ್ಡ ಹೊಡೆತ ಕೊಡೋ ಯಂಗ್ಸ್ಟರ್ಗಳು ಬಂದಿದ್ದಾರೆ. ಸದ್ಯ ರಣ್ಬೀರ್, ರಣ್ವೀರ್, ವಿಕ್ಕಿ ಕೌಶಲ್ ಮೋಸ್ಟ್ ಸೆನ್ಸೇಷನಲ್ ಸ್ಟಾರ್ಗಳಾಗಿ ರಾರಾಜಿಸ್ತಿದ್ದಾರೆ. ಅಕ್ಷರಶಃ ಬಿಟೌನ್ ಆಳುತ್ತಿದ್ದಾರೆ.
ಶಾರೂಖ್ ಖಾನ್, ಆಮೀರ್ ಖಾನ್, ಸಲ್ಮಾನ್ ಖಾನ್.. ಬಾಲಿವುಡ್ನ ಈ ಸೂಪರ್ ಸ್ಟಾರ್ಗಳು ಖಾನ್ತ್ರಯರು ಅಂತಲೇ ಫೇಮಸ್. ಅಪಾರ ಅಭಿಮಾನಿ ಬಳಗ ಹೊಂದಿರೋ ಈ ಖಾನ್ಗಳು ನೂರಾರು ಕೋಟಿ ರೂಪಾಯಿ ಬಿಗ್ ಬಜೆಟ್ ಸಿನಿಮಾಗಳನ್ನ ಮಾಡ್ತಾರೆ. ಬಾಕ್ಸ್ ಆಫೀಸ್ನಲ್ಲೂ ಇವರ ಸಿನಿಮಾಗಳ ಅಬ್ಬರ, ಆರ್ಭಟ ಸಖತ್ ಜೋರು ಇರ್ತಿತ್ತು. ಆದ್ರೀಗ ಟ್ರೆಂಡ್ ಕೊಂಚ ಬದಲಾಗಿದೆ.
ಬಿಟೌನ್ ಖಾನ್ಸ್ಗೆ ರಣ್ಬೀರ್, ರಣ್ವೀರ್, ವಿಕ್ಕಿ ಕೌಶಲ್ ಟಕ್ಕರ್
ಸದ್ಯ ಬಾಲಿವುಡ್ ಅಂಗಳದಲ್ಲಿ ನಡೀತಿಲ್ಲ ಖಾನ್ಗಳ ದರ್ಬಾರ್..!
ಇತ್ತೀಚೆಗೆ ಖಾನ್ಗಳು ಕಮಾಲ್ ಮಾಡ್ತಿರೋದು ಅಷ್ಟಕ್ಕಷ್ಟೇ. ಯಾಕಂದ್ರೆ ಅವರುಗಳ ಸಕ್ಸಸ್ ರೇಟ್ ಇಳಿಮುಖ ಆಗಿದೆ. ಸೋತು ಸುಣ್ಣವಾಗಿದ್ದ ಶಾರೂಖ್ ಖಾನ್ ಮಾತ್ರ ಪಠಾಣ್ ಹಾಗೂ ಜವಾನ್ ಸಿನಿಮಾಗಳಿಂದ ಚೇತರಿಸಿಕೊಂಡರಾದ್ರೂ ಸಲ್ಮಾನ್ ಹಾಗೂ ಆಮೀರ್ಗೆ ಆ ಭಾಗ್ಯ ಇನ್ನೂ ಬರಲೇ ಇಲ್ಲ.
ಆಮೀರ್ ಖಾನ್ ಅಂತೂ ಬಾಲಿವುಡ್ ತೊರೆಯುವ ಆಲೋಚನೆ ಮಾಡಿದ್ರು. ಪತ್ನಿ ಕಿರಣ್ ರಾವ್ಗೆ ಡಿವೋರ್ಸ್ ನೀಡಿ ಮತ್ತೊಂದು ರಿಲೇಷನ್ಶಿಪ್ನಲ್ಲಿರೋ ಆಮೀರ್, ಮಗನನ್ನ ಹೀರೋ ಆಗಿಸೋದರಲ್ಲಿ ಬ್ಯುಸಿ. ಸಿತಾರೆ ಜಮೀನ್ಪರ್ ಮೂವಿ ತಕ್ಕಮಟ್ಟಿಗೆ ಸದ್ದು ಮಾಡಿತಾದ್ರೂ, ಎಲ್ಲಾ ಮೂವಿಗಳಲ್ಲಿ ಆಮೀರ್ ರಿಯಾಕ್ಷನ್ ಸೇಮ್ ಅಂತ ನೆಟ್ಟಿಗರು ಆಡಿಕೊಳ್ತಿದ್ದಾರೆ.
ಅನಿಮಲ್, ಛಾವಾ, ಧುರಂಧರ್ ಹಿಟ್.. ಖಾನ್ಗಳಿಗೆ ಢವಢವ
ಆಮೀರ್ & ಸಲ್ಮಾನ್ ಖಾನ್ಗೆ ಬ್ಯಾಕ್ ಟು ಬ್ಯಾಕ್ ಸೋಲುಗಳು
ಸಲ್ಮಾನ್ ಖಾನ್ಗೆ ಬಹುಶಃ ಸುಲ್ತಾನ್ ಸಿನಿಮಾನೇ ಕೊನೆ. ಅದಾದ ಬಳಿಕ ಮತ್ಯಾವ ಚಿತ್ರ ಕೂಡ ಹಿಡಿಯಲೇ ಇಲ್ಲ. ಬ್ಯಾಕ್ ಟು ಬ್ಯಾಕ್ ಸೋಲುಗಳನ್ನ ಕಂಡಂತಹ ಸಲ್ಲು ಸುಸ್ತಾಗಿ ಹೋಗಿದ್ದಾರೆ. ಈ ಮಧ್ಯೆ ಖಾನ್ಗಳ ಕೈ ಜಾರಿ ಹೋಗಿದೆ ಬಾಲಿವುಡ್. ರಣ್ಬೀರ್ ಕಪೂರ್, ರಣ್ವೀರ್ ಸಿಂಗ್ ಹಾಗೂ ವಿಕ್ಕಿ ಕೌಶಲ್ ಇದೀಗ ಬಿಟನ್ನ ನಯಾ ಸರದಾರರಾಗಿ ರಾರಾಜಿಸ್ತಿದ್ದಾರೆ.
ಅನಿಮಲ್ ಚಿತ್ರದಿಂದ ರಣ್ಬೀರ್ ಕಪೂರ್, ಛಾವಾ ಚಿತ್ರದಿಂದ ವಿಕ್ಕಿ ಕೌಶಲ್ ಹಾಗೂ ಧುರಂಧರ್ ಫ್ರಾಂಚೈಸ್ ಮೂವಿಗಳ ಮೂಲಕ ರಣ್ವೀರ್ ಸಿಂಗ್ ಸ್ಟಾರ್ಡಮ್ ಡಬಲ್ ಆಗಿದೆ. ಸೋ.. ಇಲ್ಲಿಯತನಕ ಒಂದು ಲೆಕ್ಕ ಇದ್ದಂತಹ ಬಾಲಿವುಡ್ನಲ್ಲಿ ಇದೀಗ ಹೊಸ ಲೆಕ್ಕಾಚಾರಗಳು ಶುರುವಾಗಿವೆ. ಇದು ಹೀಗೆಯೇ ಮುಂದುವರೆದಲ್ಲಿ ಖಾನ್ಗಳು ಮುಂದೊಂದು ದಿನ ಚಿತ್ರರಂಗದಲ್ಲಿ ಅಡ್ರೆಸ್ಗೆ ಇಲ್ಲದಂತೆ ಆದ್ರೂ ಅಚ್ಚರಿಯಿಲ್ಲ ಅನ್ನೋ ಮಾತುಗಳು ಸಹ ಕೇಳಿಬರ್ತಿವೆ.
