ಟೆಹ್ರಾನ್: ಪಶ್ಚಿಮ ಏಷ್ಯಾದಲ್ಲಿ ನಡೆಯುತ್ತಿರುವ ಸಂಘರ್ಷ ಈಗ ಅಮಾಯಕರ ರಕ್ತದ ಮಡುವಿನಲ್ಲಿ ಮಿಂದೆದ್ದಿದೆ. ಇರಾನ್ನ ಮಿನಾಬ್ ನಗರದ ಬಾಲಕಿಯರ ಶಾಲೆಯೊಂದರ ಮೇಲೆ ನಡೆದ ಭೀಕರ ವೈಮಾನಿಕ ದಾಳಿಯು ಇಡೀ ಜಗತ್ತನ್ನೇ ನಡುಗಿಸಿದೆ. ಕಲಿಯಬೇಕಿದ್ದ ಪುಸ್ತಕಗಳು ರಕ್ತಸಿಕ್ತವಾಗಿವೆ, ಕನಸುಗಳು ಕಾಂಕ್ರೀಟ್ ರಾಶಿಯಡಿ ಹೂತುಹೋಗಿವೆ.
160 ವಿದ್ಯಾರ್ಥಿನಿಯರ ಸಾಮೂಹಿಕ ಅಂತ್ಯಕ್ರಿಯೆ
ಅಮೆರಿಕ ಮತ್ತು ಇಸ್ರೇಲ್ ನಡೆಸಿದ ಜಂಟಿ ಕಾರ್ಯಾಚರಣೆಯ ಭಾಗವಾಗಿ ಈ ದಾಳಿ ನಡೆದಿದೆ ಎಂದು ಇರಾನ್ ಆರೋಪಿಸಿದೆ. ಈ ಘೋರ ದುರಂತದಲ್ಲಿ ಸುಮಾರು 160ಕ್ಕೂ ಹೆಚ್ಚು ವಿದ್ಯಾರ್ಥಿನಿಯರು ಸಾವನ್ನಪ್ಪಿದ್ದಾರೆ. ಗುರುತು ಸಿಗದಷ್ಟು ಛಿದ್ರಗೊಂಡ ಮಕ್ಕಳ ದೇಹಗಳನ್ನು ನೋಡಿ ಪೋಷಕರ ಆಕ್ರಂದನ ಮುಗಿಲು ಮುಟ್ಟಿದೆ. ಇರಾನ್ನ ವಿದೇಶಾಂಗ ಸಚಿವ ಅಬ್ಬಾಸ್ ಅರಗ್ನಿ ಅವರು ಸಾಮಾಜಿಕ ಜಾಲತಾಣ ‘ಎಕ್ಸ್’ನಲ್ಲಿ ಈ ಭೀಕರತೆಯ ಚಿತ್ರಗಳನ್ನು ಹಂಚಿಕೊಂಡಿದ್ದು, ಗಾಜಾದಿಂದ ಮಿನಾಬ್ವರೆಗೆ ಅಮಾಯಕರ ಹತ್ಯೆ ಮುಂದುವರಿಯುತ್ತಿದೆ ಎಂದು ಕಳವಳ ವ್ಯಕ್ತಪಡಿಸಿದ್ದಾರೆ.
Funeral procession for the 165 school girls killed by the US and Israeli Joint Forces attack on Minab Elementary School in Iran is currently underway in Iran.
— Aditya Raj Kaul (@AdityaRajKaul) March 3, 2026
ದಾಳಿ ನಡೆದ ಶಾಲೆಯ ಮೈದಾನವೇ ಈಗ ಸ್ಮಶಾನವಾಗಿ ಮಾರ್ಪಟ್ಟಿದೆ. ಸಾಲು ಸಾಲಾಗಿ ಅಗೆಯಲಾದ ಸಮಾಧಿಗಳು ಮತ್ತು ಅವುಗಳ ಮುಂದೆ ಪೋಷಕರು ಮೌನವಾಗಿ ಅಳುತ್ತಿದ್ದಾರೆ. ಸಚಿವ ಅರಗ್ನಿ ಅವರು ಹಂಚಿಕೊಂಡಿರುವ ವಿಡಿಯೋಗಳಲ್ಲಿ, ರಕ್ಷಣಾ ಸಿಬ್ಬಂದಿ ಕಟ್ಟಡದ ಶಿಥಿಲಾವಶೇಷಗಳ ಅಡಿಯಿಂದ ಪುಟ್ಟ ಮಕ್ಕಳ ಮೃತದೇಹಗಳನ್ನು ಹೊರತೆಗೆಯುತ್ತಿರುವ ದೃಶ್ಯಗಳು ಎಂತವರ ಕಣ್ಣಲ್ಲೂ ನೀರು ತರಿಸುತ್ತವೆ. ಸದ್ಯ 60ಕ್ಕೂ ಹೆಚ್ಚು ಬಾಲಕಿಯರು ಗಂಭೀರವಾಗಿ ಗಾಯಗೊಂಡಿದ್ದು, ಸಾವು-ಬದುಕಿನ ನಡುವೆ ಹೋರಾಡುತ್ತಿದ್ದಾರೆ.
ಅಂತರಾಷ್ಟ್ರೀಯ ಮಾನವೀಯ ಕಾನೂನುಗಳ ಪ್ರಕಾರ, ಯುದ್ಧದ ಸಮಯದಲ್ಲಿ ಶಾಲೆಗಳು, ಆಸ್ಪತ್ರೆಗಳು ಮತ್ತು ಧಾರ್ಮಿಕ ಕೇಂದ್ರಗಳನ್ನು ಗುರಿಯಾಗಿಸುವುದು ಅಕ್ಷಮ್ಯ ಅಪರಾಧ. ಇರಾನ್ ಈ ವಿಷಯವನ್ನು ವಿಶ್ವಸಂಸ್ಥೆಯಲ್ಲಿ ಪ್ರಸ್ತಾಪಿಸಿದ್ದು, ಇದು ನೇರವಾದ ಯುದ್ಧಾಪರಾಧ ಎಂದು ಕಿಡಿಕಾರಿದೆ. ಇದು ಇಸ್ರೇಲ್ ಭರವಸೆ ನೀಡಿದ್ದ ರಕ್ಷಣೆಯ ನಿಜರೂಪವೇ ? ಎಂದು ಅರಗ್ನಿ ಪ್ರಶ್ನಿಸಿದ್ದಾರೆ.
These are graves being dug for more than 160 innocent young girls who were killed in the US-Israeli bombing of a primary school. Their bodies were torn to shreds.
This is how “rescue” promised by Mr. Trump looks in reality.
From Gaza to Minab, innocents murdered in cold blood. pic.twitter.com/cRdJ3BELOn
— Seyed Abbas Araghchi (@araghchi) March 2, 2026
ಅಮೆರಿಕ-ಇಸ್ರೇಲ್ ನಿಲುವು ಏನು?
ಈ ದಾಳಿಯ ಬಗ್ಗೆ ಅಮೆರಿಕ ಅಥವಾ ಇಸ್ರೇಲ್ ಈವರೆಗೆ ಅಧಿಕೃತವಾಗಿ ಹೊಣೆ ಹೊತ್ತುಕೊಂಡಿಲ್ಲ. ಆದರೆ, ಆ ಪ್ರದೇಶದಲ್ಲಿದ್ದ ಇರಾನ್ನ ‘ಇಸ್ಲಾಮಿಕ್ ರೆವಲ್ಯೂಷನರಿ ಗಾರ್ಡ್ ಕಾರ್ಪ್ಸ್’ (IRGC) ನೆಲೆಗಳನ್ನು ಗುರಿಯಾಗಿಸಿ ದಾಳಿ ಮಾಡುವಾಗ ಈ ಅನಾಹುತ ಸಂಭವಿಸಿರಬಹುದು ಎಂದು ವಿಶ್ಲೇಷಿಸಲಾಗುತ್ತಿದೆ. ಗುರಿ ತಪ್ಪಿದ ಕ್ಷಿಪಣಿಗಳು ಈ ಶಾಲೆಯ ಮೇಲೆ ಬಿದ್ದಿವೆಯೇ ಅಥವಾ ಇದು ಉದ್ದೇಶಪೂರ್ವಕ ದಾಳಿಯೇ ಎಂಬುದು ತನಿಖೆಯಿಂದ ಹೊರಬರಬೇಕಿದೆ.
ಒಟ್ಟಾರೆಯಾಗಿ, ರಾಜಕೀಯ ದಾಳಗಳ ನಡುವೆ ನೂರಾರು ಮಕ್ಕಳ ಜೀವ ಬಲಿಯಾಗಿರುವುದು ಜಾಗತಿಕ ಸಮುದಾಯದ ಆತ್ಮಸಾಕ್ಷಿಯನ್ನು ಪ್ರಶ್ನಿಸುವಂತಿದೆ.
