ಮೇಷ ರಾಶಿ: ಇಂದು ನೀವು ನಿಮ್ಮ ದೌರ್ಬಲ್ಯಗಳನ್ನೇ ಶಕ್ತಿಯನ್ನಾಗಿ ಮಾಡಿಕೊಂಡು ಮುನ್ನಡೆಯಲಿದ್ದೀರಿ. ಆಧ್ಯಾತ್ಮಿಕ ಚಿಂತನೆಯಿಂದ ಆತ್ಮಬಲ ವೃದ್ಧಿಯಾಗಲಿದೆ. ಮನೆಯಲ್ಲಿನ ಸಣ್ಣಪುಟ್ಟ ಭಿನ್ನಾಭಿಪ್ರಾಯಗಳನ್ನು ಚಾಣಾಕ್ಷತನದಿಂದ ನಿಭಾಯಿಸುವಿರಿ. ನಿಮ್ಮ ಉದ್ಯೋಗದ ನಿಜವಾದ ಪರಿಸ್ಥಿತಿಯನ್ನು ಸಂಗಾತಿಗೆ ವಿವರಿಸುವುದು ಉತ್ತಮ.
ವೃಷಭ ರಾಶಿ: ವ್ಯವಹಾರದಲ್ಲಿ ಪಾರದರ್ಶಕತೆ ಇರಲಿ, ಯಾರನ್ನೂ ಮೋಸಗೊಳಿಸಲು ಸಾಧ್ಯವಿಲ್ಲ. ನಿಮ್ಮ ಮೃದು ಮಾತುಗಳು ಇತರರಿಗೆ ಇಷ್ಟವಾಗಲಿವೆ. ಆದರೆ, ನಿಮ್ಮ ಬಗ್ಗೆ ಯಾರಾದರೂ ಚಾಡಿ ಹೇಳುವ ಸಾಧ್ಯತೆ ಇದೆ, ಎಚ್ಚರವಿರಲಿ. ಅಪರಿಚಿತರೊಂದಿಗೆ ಅತಿಯಾದ ಸಲುಗೆ ಬೇಡ.
ಮಿಥುನ ರಾಶಿ: ಮಕ್ಕಳ ಬೇಡಿಕೆಗಳನ್ನು ಪೂರೈಸುವಿರಿ. ಅವರಿಗೆ ಇಂದು ನಿಮ್ಮ ಸರಿಯಾದ ಮಾರ್ಗದರ್ಶನದ ಅಗತ್ಯವಿದೆ. ಹೊಸ ಉದ್ಯಮಕ್ಕಾಗಿ ದೊಡ್ಡ ವ್ಯಕ್ತಿಗಳನ್ನು ಭೇಟಿ ಮಾಡುವಿರಿ. ಆರ್ಥಿಕ ಅನಿವಾರ್ಯತೆಯಿಂದ ಸಾಲ ಮಾಡಬೇಕಾಗಬಹುದು.
ಕರ್ಕಾಟಕ ರಾಶಿ: ವಾಹನ ಚಾಲನೆಯಲ್ಲಿ ಅತೀವ ಜಾಗ್ರತೆ ಇರಲಿ. ಅಧಿಕಾರದ ಆಸೆ ತೋರಿಸಿ ಯಾರಾದರೂ ನಿಮ್ಮನ್ನು ಬಳಸಿಕೊಳ್ಳಬಹುದು. ಸಂಗಾತಿಯಿಂದ ಆರ್ಥಿಕ ಸಹಾಯ ಸಿಗಲಿದೆ. ಪಾಲುದಾರಿಕೆ ವ್ಯವಹಾರ ಲಾಭದಾಯಕವಾಗಿದ್ದರೂ, ನಿಮ್ಮ ಹಳೆಯ ವಸ್ತುಗಳನ್ನು ಮಾರಾಟ ಮಾಡಬೇಕಾದ ಪರಿಸ್ಥಿತಿ ಬರಬಹುದು.
ಸಿಂಹ ರಾಶಿ: ಸ್ವಾಭಿಮಾನಕ್ಕೆ ಧಕ್ಕೆ ಬರುವ ಜಾಗಕ್ಕೆ ಹೋಗಬೇಡಿ. ಪರರಿಗೆ ಸಹಾಯ ಮಾಡಲು ನಿಮ್ಮ ಉಳಿತಾಯದ ಹಣ ಬಳಸುವಿರಿ. ಕೆಲಸದ ವಿಳಂಬದಿಂದ ಮೇಲಧಿಕಾರಿಗಳ ಕೆಂಗಣ್ಣಿಗೆ ಗುರಿಯಾಗಬಹುದು. ಹೊಸ ವಿಷಯಗಳನ್ನು ಕಲಿಯಲು ಆಸಕ್ತಿ ತೋರುವಿರಿ.
ಕನ್ಯಾ ರಾಶಿ: ಅಶಿಸ್ತು ನಿಮ್ಮ ಗೌರವಕ್ಕೆ ಧಕ್ಕೆ ತರಬಹುದು. ಸಂಕುಚಿತ ಮನೋಭಾವ ಬಿಟ್ಟು ವಿಶಾಲವಾಗಿ ಯೋಚಿಸಿ. ವಾಹನ ಸಂಚಾರದಲ್ಲಿ ಅಡೆತಡೆಗಳು ಎದುರಾಗಬಹುದು. ಪುಣ್ಯಕ್ಷೇತ್ರಗಳ ದರ್ಶನದಿಂದ ನೆಮ್ಮದಿ ಸಿಗಲಿದೆ.
ತುಲಾ ರಾಶಿ: ವ್ಯಾಪಾರಿಗಳಿಗೆ ಹೊಸ ಯೋಜನೆಗಳನ್ನು ರೂಪಿಸುವ ಆತುರವಿರುತ್ತದೆ. ನಿಮ್ಮ ಶ್ರಮಕ್ಕೆ ತಕ್ಕ ಪ್ರತಿಫಲ ಸಿಗದೆ ಕಹಿಯಾದ ಮಾತುಗಳನ್ನು ಕೇಳಬೇಕಾಗಬಹುದು. ಸಾಮಾಜಿಕ ಕೆಲಸಗಳಲ್ಲಿ ಹಿನ್ನಡೆಯಾಗುವ ಸಾಧ್ಯತೆ ಇದೆ. ಭವಿಷ್ಯದ ಬಗ್ಗೆ ನಕಾರಾತ್ಮಕ ಆಲೋಚನೆಗಳು ಬೇಡ, ಮಕ್ಕಳ ಸಂತೋಷದಲ್ಲಿ ಭಾಗಿಯಾಗಿ.
ವೃಶ್ಚಿಕ ರಾಶಿ: ಸ್ಥಗಿತಗೊಂಡ ಕೆಲಸಗಳು ಪುನರಾರಂಭಗೊಳ್ಳಲಿವೆ. ಸಣ್ಣ ವ್ಯಾಪಾರಿಗಳಿಗೆ ಉತ್ತಮ ದಿನ. ಆರೋಗ್ಯದ ಕಡೆ ಗಮನಹರಿಸಿ, ಹಳೆಯ ನೋವು ಮರುಕಳಿಸಬಹುದು. ಸ್ನೇಹಿತರ ಬೆಂಬಲ ಸದಾ ನಿಮ್ಮೊಂದಿಗಿರುತ್ತದೆ. ಸಂಗಾತಿಯೊಂದಿಗೆ ಸಣ್ಣಪುಟ್ಟ ಅನುಮಾನಗಳು ಬರದಂತೆ ನೋಡಿಕೊಳ್ಳಿ.
ಧನು ರಾಶಿ: ವಿನಯವಂತಿಕೆಯಿಂದ ಕೆಲಸ ಕಾರ್ಯಗಳನ್ನು ಸಾಧಿಸಿಕೊಳ್ಳಿ. ಅನಿರೀಕ್ಷಿತ ದೂರ ಪ್ರಯಾಣದಿಂದ ವೆಚ್ಚ ಹೆಚ್ಚಾಗಬಹುದು. ಹಿರಿಯರೊಂದಿಗೆ ಗೌರವದಿಂದ ವರ್ತಿಸಿ. ಸ್ತ್ರೀಯರಿಂದ ಅವಮಾನವಾಗುವ ಸಂಭವವಿದ್ದು, ಎಚ್ಚರಿಕೆ ಅಗತ್ಯ. ಆದರೆ ಅನಿರೀಕ್ಷಿತ ಧನಲಾಭ ನಿಮ್ಮನ್ನು ಆಶ್ಚರ್ಯಗೊಳಿಸಲಿದೆ.
ಮಕರ ರಾಶಿ: ಆದಾಯಕ್ಕಿಂತ ಹೆಚ್ಚು ಖರ್ಚು ಮಾಡುವ ಸಾಧ್ಯತೆ ಇದೆ. ಆರ್ಥಿಕ ಶಿಸ್ತು ಪಾಲಿಸಿ. ಸಹೋದ್ಯೋಗಿಗಳೊಂದಿಗೆ ವಾಗ್ವಾದ ಬೇಡ. ಇತರರ ಪ್ರಭಾವ ಬಳಸಿ ಕೆಲಸ ಸಾಧಿಸಿಕೊಳ್ಳುವಿರಿ. ನಿಮ್ಮ ಮಾತಿನಲ್ಲಿ ಉದ್ಧಟತನ ಬೇಡ, ನಯವಾಗಿ ವ್ಯವಹರಿಸಿ.
ಕುಂಭ ರಾಶಿ: ಆರಂಭದಲ್ಲಿ ಹುಮ್ಮಸ್ಸು ಇದ್ದರೂ ನಂತರ ಸವಾಲುಗಳು ಎದುರಾಗುತ್ತವೆ. ಹೂಡಿಕೆಯಲ್ಲಿ ನಷ್ಟವಾಗುವ ಭೀತಿ ಇರುವುದರಿಂದ ಎಚ್ಚರಿಕೆ ಇರಲಿ. ನಿಯಮಗಳನ್ನು ಉಲ್ಲಂಘಿಸಿ ದಂಡ ಕಟ್ಟುವ ಪರಿಸ್ಥಿತಿ ಬರಬಹುದು.
ಮೀನ ರಾಶಿ: ನೌಕರರಿಗೆ ಇಂದು ಶುಭ ದಿನ, ಸವಲತ್ತುಗಳು ಹೆಚ್ಚಲಿವೆ. ನಿಮ್ಮ ವಾದಗಳು ತರ್ಕಬದ್ಧವಾಗಿರಲಿ. ಸಮಾನ ಮನಸ್ಕರ ಸ್ನೇಹ ದೊರೆಯಲಿದೆ. ಜ್ಞಾನವೃದ್ಧರ ಸೇವೆ ಮಾಡುವ ಅವಕಾಶ ಸಿಗಲಿದೆ. ಹಳೆಯ ಗಾಯ ಅಥವಾ ಅಪಘಾತದ ನೋವಿನಿಂದ ಚೇತರಿಸಿಕೊಳ್ಳುವಿರಿ.
