ಉತ್ತರ ಪ್ರದೇಶ: ಒಬ್ಬ ಸೊಸೆ ತನ್ನ ವೃದ್ಧ ಅತ್ತೆಯ ಮೇಲೆ ಕ್ರೂರವಾಗಿ ಹಲ್ಲೆ ನಡೆಸಿರುವ ಘಟನೆ ಉತ್ತರ ಪ್ರದೇಶದ ಗಾಜಿಯಾಬಾದ್ನಲ್ಲಿ ನಡೆದಿದೆ. ಅತ್ತೆಯ ಮೇಲೆ ಕ್ರೂರವಾಗಿ ಹಲ್ಲೆ ನಡೆಸಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಜುಲೈ 1, 2025ರಂದು ನಡೆದ ಈ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.
ಅತ್ತೆಯ ಮೇಲೆ ಕ್ರೂರವಾಗಿ ಹಲ್ಲೆ ನಡೆಸಿದ ಆಕಾಂಕ್ಷಾ ಎಂಬ ಸೊಸೆ. ಅವರು ಮನೆಗೆ ಬಂದೊಡನೆ ತಮ್ಮ ಅತ್ತೆಯೊಂದಿಗೆ ಜಗಳಕ್ಕಿಳಿದರು. ಈ ಸಮಯದಲ್ಲಿ, ಅತ್ತೆ ತಮ್ಮ ಮೊಬೈಲ್ ಫೋನ್ನಿಂದ ಸೊಸೆಯ ಆಕ್ರಮಣಕಾರಿ ವರ್ತನೆಯನ್ನು ವೀಡಿಯೊ ಮಾಡಲು ಪ್ರಯತ್ನಿಸಿದರು. ಇದನ್ನು ಗಮನಿಸಿದ ಆಕಾಂಕ್ಷಾ ಅತ್ತೆಯ ಕೈಯಿಂದ ಫೋನ್ ಕಿತ್ತುಕೊಂಡರು. ಈ ಕಾರಣಕ್ಕೆ ಆರಂಭದಲ್ಲಿ ಮಾತಿನ ಜಗಳವಾಗಿದ್ದ ವಿವಾದವು ತಾರತಕ್ಕೇರಿದೆ.
In Ghaziabad, a woman named Akanksha and her mother brutally assaulted her elderly mother-in-law, Sudesh Devi. Police took action only after the CCTV footage of the incident went viral.
Spoke to a family friend for further assistance. pic.twitter.com/S1PPsltGb4— Barkha Trehan 🇮🇳 / बरखा त्रेहन (@barkhatrehan16) July 7, 2025
ಸಿಸಿಟಿವಿ ದೃಶ್ಯಗಳ ಪ್ರಕಾರ, ಆಕಾಂಕ್ಷಾ ತನ್ನ ಅತ್ತೆಯ ಕೆನ್ನೆಗೆ ಜೋರಾಗಿ ಹೊಡೆದಿದ್ದಾಳೆ. ಇದರೊಂದಿಗೆ, ವೃದ್ಧ ಮಹಿಳೆಯನ್ನು ಮೆಟ್ಟಿಲುಗಳಿಂದ ಕೆಳಗೆ ತಳ್ಳಿದ್ದಾಳೆ. ಆದರೂ ಆಕಾಂಕ್ಷಾಳ ಕ್ರೌರ್ಯ ಇನ್ನೂ ನಿಲ್ಲದೇ, ಅವಳು ಅತ್ತೆಯ ತಲೆಗೆ ಪದೇ ಪದೇ ಹೊಡೆಯುವ ಮೂಲಕ ತನ್ನ ಕೋಪವನ್ನು ಮುಂದುವರೆಸಿದ್ದಾಳೆ. ಈ ದೃಶ್ಯವನ್ನು ರೆಕಾರ್ಡ್ ಮಾಡುತ್ತಿದ್ದ ಆಕಾಂಕ್ಷಾಳ ತಾಯಿ, ಕೊನೆಗೆ ಜಗಳವನ್ನು ಬಿಡಿಸಲು ಒದ್ದಾಡಿದ್ದಾರೆ.
ಆಕಾಂಕ್ಷಾ, ತನ್ನ ಕ್ರೂರ ಕೃತ್ಯವನ್ನು ಮುಂದುವರೆಸುತ್ತಾ, ಅತ್ತೆಯನ್ನು ಮನೆಯೊಳಗೆ ಎಳೆದುಕೊಂಡು ಹೋಗಿದ್ದಾಳೆ. ಈ ಎಲ್ಲ ದೃಶ್ಯಗಳು ಮನೆಯ ಸಿಸಿಟಿವಿಯಲ್ಲಿ ಸೆರೆಯಾಗಿವೆ. ಈ ಘಟನೆಯಿಂದಾಗಿ ಸ್ಥಳೀಯ ಕವಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆಯು ತೀವ್ರಗೊಂಡಿದೆ.
