ತಾಯಿಯ ಆಯ್ಕೆಯಂತೆ ಮದುವೆಯಾಗಿ, ನೂರಾರು ಕನಸುಗಳೊಂದಿಗೆ ಗಂಡನ ಮನೆಗೆ ಕಾಲಿಟ್ಟ ಯುವತಿಯೊಬ್ಬಳಿಗೆ ಕಾದಿದ್ದು ಕಹಿಸತ್ಯ. ಗಂಡನಿಗೆ ಅಕ್ರಮ ಸಂಬಂಧ ಆಕೆಗೆ ತಿಳಿದಿದೆ. ಸ್ವಂತ ತಾಯಿಯೊಂದಿಗೆ ಅಕ್ರಮ ಸಂಬಂಧ ಇಟ್ಟುಕೊಂಡಿರುವುದು ಆಕೆಗೆ ತಿಳಿದಾಗ ಆಘಾತವನ್ನುಂಟುಮಾಡಿತ್ತು.
ಗಂಡನ ಮೊಬೈಲ್ನಲ್ಲಿ ಸಿಕ್ಕಿದ್ದು, ತಾಯಿಯೊಂದಿಗಿನ ಅಶ್ಲೀಲ ಸಂದೇಶಗಳು ಮತ್ತು ಚಾಟ್ಗಳು. ಈ ಸಾಕ್ಷಿಗಳನ್ನು ಆಕೆ ತನ್ನ ತಂದೆಗೆ ಕಳುಹಿಸಲು ಯತ್ನಿಸಿದಳು, ಆದರೆ ಗಣೇಶ್ ಆಕೆಯನ್ನು ಬೆದರಿಸಿ, ಮೊಬೈಲ್ ಕಿತ್ತುಕೊಂಡು ಪರಾರಿಯಾಗಿದ್ದ. ಇತ್ತ, ಆಕೆಯ ತಾಯಿಯೂ ಊರಿನಿಂದ ನಾಪತ್ತೆಯಾದಳು.
ಗಂಡ ಮತ್ತು ತಾಯಿ ಇಬ್ಬರೂ ಊರಿನಿಂದ ಮಾಯವಾಗಿದ್ದರು. ಪೊಲೀಸರ ಬಳಿ ದೂರು ದಾಖಲಿಸಿದರೂ ಯಾವುದೇ ಪ್ರಯೋಜನವಾಗಲಿಲ್ಲ. ಆದರೆ, ಈ ಘಟನೆ ಟಿವಿ ಚಾನೆಲ್ಗಳಲ್ಲಿ ಸುದ್ದಿಯಾಗಿ ಪ್ರಸಾರವಾದಾಗ, ಆಕೆಯ ತಾಯಿ ಓಡಿಬಂದು, “ನಾನೇ ಕರೆದಿದ್ದೆ” ಎಂದು ಸಮಜಾಯಿಷಿ ನೀಡಲು ಪ್ರಯತ್ನಿಸಿದಳು. ಆದರೆ, ಈ ಕೃತ್ಯದ ಸತ್ಯ ಎಲ್ಲರ ಮುಂದೆ ಬಯಲಾಗಿತ್ತು. ಗಣೇಶ್ನ ಈ ಕೃತ್ಯ ಕೇವಲ ಆಕೆಯ ದಾಂಪತ್ಯ ಜೀವನವನ್ನೇ ಹಾಳುಮಾಡಿಲ್ಲ, ಬದಲಿಗೆ ಒಂದು ಕುಟುಂಬದ ಸಂಪೂರ್ಣ ಗೌರವವನ್ನೇ ಕಸಿದುಕೊಂಡಿದೆ.
ಪ್ರಕರಣ ಈಗ ತನಿಖೆಯ ಹಾದಿಯಲ್ಲಿದೆ. ಗಣೇಶ್ ಪತ್ತೆಯಾದ ಬಳಿಕ ಈ ಕೇಸ್ ಯಾವ ತಿರುವು ಪಡೆಯುತ್ತದೆ ಎಂಬುದು ಕಾದುನೋಡಬೇಕು.
