ಪ್ರಧಾನಿ ನರೇಂದ್ರ ಮೋದಿಯವರು ತಮ್ಮ ಐದು ದೇಶಗಳ ವಿದೇಶಿ ಪ್ರವಾಸದ ಭಾಗವಾಗಿ ಘಾನಾಕ್ಕೆ ಭೇಟಿ ನೀಡಿದ್ದರು. ಜುಲೈ 3ರಂದು ತಮ್ಮ ಘಾನಾ ಪ್ರವಾಸವನ್ನು ಮುಗಿಸಿದ ಮೋದಿಯವರು, ಘಾನಾದ ಅಧ್ಯಕ್ಷ ಜಾನ್ ಮಹಾಮ ಮತ್ತು ಅವರ ಪತ್ನಿ ಲಾರ್ಡಿನಾ ಮಹಾಮ ಅವರಿಗೆ ಭಾರತದ ಕರಕುಶಲತೆಯನ್ನು ಪ್ರತಿನಿಧಿಸುವ ವಿಶೇಷ ಉಡುಗೊರೆಗಳನ್ನು ನೀಡಿದ್ದಾರೆ. ಈ ಉಡುಗೊರೆಗಳು ಕರ್ನಾಟಕದ ಬೀದರ್‌ನಿಂದ ತೆಗೆದುಕೊಂಡು ಹೋಗಲಾದ ಕಲಾಕೃತಿಗಳಾಗಿದೆ.
ಪ್ರಧಾನಿ ಮೋದಿಯವರು ಘಾನಾದ ಅಧ್ಯಕ್ಷರಿಗೆ ಕರ್ನಾಟಕದ ಬೀದರ್‌ನಿಂದ ತಯಾರಾದ ಬಿದ್ರಿವೇರ್ ಹೂದಾನಿಯನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಈ ಕಪ್ಪು ಬಣ್ಣದ ಸುಂದರವಾದ ಹೂದಾನಿಯು ಬೆಳ್ಳಿಯ ಕುಸುರಿಯಿಂದ ಅಲಂಕೃತವಾಗಿದ್ದು, ಭಾರತದ ಲೋಹ ಕರಕುಶಲತೆಯ ಸಾಂಪ್ರದಾಯಿಕ ಶೈಲಿಯನ್ನು ಪ್ರತಿಬಿಂಬಿಸುತ್ತದೆ. ಶತಮಾನಗಳಷ್ಟು ಹಳೆಯ ತಂತ್ರಜ್ಞಾನವನ್ನು ಬಳಸಿಕೊಂಡು, ಸತು-ತಾಮ್ರ ಮಿಶ್ರಲೋಹದಿಂದ ಈ ಹೂದಾನಿಗಳನ್ನು ನುರಿತ ಕುಶಲಕರ್ಮಿಗಳು ಕರಕುಶಲವಾಗಿ ರಚಿಸಿದ್ದಾರೆ. ಈ ಕಲಾಕೃತಿಗಳ ಮೇಲೆ ಸೌಂದರ್ಯ ಮತ್ತು ಸಮೃದ್ಧಿಯನ್ನು ಸಂಕೇತಿಸುವ ಹೂವಿನ ಚಿತ್ರಗಳನ್ನು ಕೆತ್ತಲಾಗಿದೆ. ವಿಶಿಷ್ಟವಾದ ಆಕ್ಸಿಡೀಕರಣ ಪ್ರಕ್ರಿಯೆಯಿಂದ ಈ ಹೂದಾನಿಗಳು ತಮ್ಮ ಸಾಂಪ್ರದಾಯಿಕ ನೋಟವನ್ನು ಪಡೆದಿವೆ.
India’s Prime Minister @narendramodi gifts Silver Filigree Work Purse to Lordina Mahama, the spouse of President of Ghana John Mahama.
This elegant Silver Filigree Work Purse from Cuttack, Odisha, is a stunning example of the region’s renowned Tarakasi craft — intricate silver… pic.twitter.com/E9UJ3KUDca
— DD India (@DDIndialive) July 3, 2025
ಇದೇ ರೀತಿಯಾಗಿ, ಘಾನಾದ ಅಧ್ಯಕ್ಷರ ಪತ್ನಿ ಲಾರ್ಡಿನಾ ಮಹಾಮ ಅವರಿಗೆ ಬೆಳ್ಳಿಯ ಫಿಲಿಗ್ರೀ ಕೆಲಸದಿಂದ ಕೂಡಿದ ಪರ್ಸ್ ಒಂದನ್ನು ಉಡುಗೊರೆಯಾಗಿ ನೀಡಲಾಗಿದೆ. ಈ ಪರ್ಸ್ ಅನ್ನು ಉತ್ತಮ ಗುಣಮಟ್ಟದ ಬೆಳ್ಳಿ ತಂತಿಗಳಿಂದ ಸೂಕ್ಷ್ಮವಾಗಿ ರಚಿಸಲಾಗಿದ್ದು, ಭಾರತದ ಮತ್ತೊಂದು ಕರಕುಶಲ ಕಲೆಯಾದ ಫಿಲಿಗ್ರೀ ಕೆಲಸದ ಸೌಂದರ್ಯವನ್ನು ಪ್ರದರ್ಶಿಸುತ್ತದೆ. ಈ ಉಡುಗೊರೆಯು ಭಾರತದ ಕಲಾತ್ಮಕ ಸಂಪ್ರದಾಯವನ್ನು ಒಳಗೊಂಡಿದೆ.
