ಬೆಂಗಳೂರು: ಈ ಬಾರಿಯ ದೀಪಾವಳಿ ಹಬ್ಬಕ್ಕೆ ಭಾರತೀಯರು ಆನ್‌ಲೈನ್‌ನಲ್ಲಿ ಏನೇನು ಖರೀದಿಸಿದ್ದಾರೆ? ಧನತ್ರಯೋದಶಿ ದಿನ ಎಷ್ಟು ಚಿನ್ನ ಮಾರಾಟವಾಗಿದೆ? ಎಂಬ ಕುತೂಹಲಕಾರಿ ವರದಿಯೊಂದನ್ನು ಪ್ರಮುಖ ಕ್ವಿಕ್ ಕಾಮರ್ಸ್ ಪ್ಲಾಟ್‌ಫಾರ್ಮ್ ‘ಇನ್‌ಸ್ಟಾಮಾರ್ಟ್’ ಬಿಡುಗಡೆ ಮಾಡಿದೆ.
ಒಂದೇ ಆರ್ಡರ್‌ನಲ್ಲಿ ಚಿನ್ನದ ನಾಣ್ಯದ ಜೊತೆಗೆ ಮಗುವಿನ ಲಂಚ್ ಬಾಕ್ಸ್ ಖರೀದಿಸಿದವರಿಂದ ಹಿಡಿದು, ಮಧ್ಯರಾತ್ರಿ ಡಯಟ್ ಕೋಲಾ ಆರ್ಡರ್ ಮಾಡಿದವರವರೆಗೆ ಭಾರತೀಯರ ದೀಪಾವಳಿ ಶಾಪಿಂಗ್‌ನ ರೋಚಕ ಅಂಕಿ-ಅಂಶಗಳು ಇಲ್ಲಿವೆ.
ಧನ್‌ತ್ರಯೋದಶಿ: ಮಧ್ಯರಾತ್ರಿಯೇ ಶುರುವಾಯ್ತು ಚಿನ್ನ-ಬೆಳ್ಳಿ ಬೇಟೆ!
ರಾತ್ರಿ 12 ಗಂಟೆಗೆ ಫಸ್ಟ್ ಆರ್ಡರ್: ನವೆಂಬರ್ 6ರ ಧನತ್ರಯೋದಶಿ (ಧನ್‌ತೇರಸ್) ಶುರುವಾಗುತ್ತಿದ್ದಂತೆ (ಮಧ್ಯರಾತ್ರಿ 12:00:30 ಕ್ಕೆ) ಹೈದರಾಬಾದ್‌ನ ಗ್ರಾಹಕರೊಬ್ಬರು 24 ಕ್ಯಾರೆಟ್‌ನ ಹೂವಿನ ವಿನ್ಯಾಸದ ‘ಚಿನ್ನದ ನಾಣ್ಯ’ವನ್ನು ಆರ್ಡರ್ ಮಾಡಿದ್ದಾರೆ. ಇದಾದ ಕೇವಲ 4 ಸೆಕೆಂಡ್‌ಗಳ ಅಂತರದಲ್ಲಿ (12:00:34 ಕ್ಕೆ) ಬೆಂಗಳೂರಿನ ಗ್ರಾಹಕರೊಬ್ಬರು ಬೆಳ್ಳಿ ನಾಣ್ಯ ಆರ್ಡರ್ ಮಾಡಿದ್ದಾರೆ.
ಯಾವ ಡಿಸೈನ್‌ಗೆ ಡಿಮ್ಯಾಂಡ್?: ಖರೀದಿಯಾದ ಪ್ರತಿ ಮೂರು ಚಿನ್ನದ ನಾಣ್ಯಗಳಲ್ಲಿ ಎರಡು ನಾಣ್ಯಗಳು ಗುಲಾಬಿ ಅಥವಾ ಹೂವಿನ ವಿನ್ಯಾಸ ಹೊಂದಿದ್ದವು. ಬೆಳ್ಳಿ ನಾಣ್ಯಗಳ ವಿಚಾರಕ್ಕೆ ಬಂದರೆ ಶೇ. 73ರಷ್ಟು ಜನರು ಲಕ್ಷ್ಮಿ-ಗಣೇಶ ವಿನ್ಯಾಸವನ್ನೇ ಇಷ್ಟಪಟ್ಟು ಖರೀದಿಸಿದ್ದಾರೆ.
ಪೀಕ್ ಟೈಮ್: ಧನತ್ರಯೋದಶಿ ದಿನ ಸಂಜೆ 6:38 ರ ಸಮಯವು ಅತಿ ಹೆಚ್ಚು ಚಿನ್ನ ಮತ್ತು ಬೆಳ್ಳಿ ನಾಣ್ಯಗಳ ಆರ್ಡರ್ ಬಂದ ‘ಬ್ಯುಸಿ ನಿಮಿಷ’ವಾಗಿ ದಾಖಲಾಗಿದೆ.
ಸಿಹಿತಿಂಡಿ, ಪಾರ್ಟಿ ಮತ್ತು ಕುತೂಹಲಕಾರಿ ಟ್ರೆಂಡ್ಸ್!
ಕಾಜು ಕತ್ಲಿಯೇ ಕಿಂಗ್: ದೀಪಾವಳಿಯ ಸಿಹಿತಿಂಡಿಗಳ ಪಟ್ಟಿಯಲ್ಲಿ ‘ಕಾಜು ಕತ್ಲಿ’ ಮೊದಲ ಸ್ಥಾನದಲ್ಲಿದೆ. ಇದರ ನಂತರ ಮೋತಿಚೂರ್ ಲಡ್ಡು, ಬೇಸನ್ ಲಡ್ಡು, ಮೈಸೂರ್ ಪಾಕ್ ಮತ್ತು ಸೋನ್ ಪಾಪಡಿ ಅತಿ ಹೆಚ್ಚು ಸೇಲ್ ಆಗಿವೆ.
ಮಧ್ಯರಾತ್ರಿ ‘ಡಯಟ್ ಕೋಕ್’ ಡಿಮ್ಯಾಂಡ್: ದೀಪಾವಳಿಯ ಹಿಂದಿನ ರಾತ್ರಿ ದಿನಸಿಯೇತರ ವಸ್ತುಗಳ ಪೈಕಿ ‘ಡಯಟ್ ಕೋಕಾ ಕೋಲಾ’ ಅತಿ ಹೆಚ್ಚು ಆರ್ಡರ್ ಆಗಿದೆ! ಪಾರ್ಟಿಗಳಿಗೆ ಬೇಕಾದ ವಸ್ತುಗಳ ಆರ್ಡರ್ ಕಳೆದ ವರ್ಷಕ್ಕಿಂತ ಶೇ. 162 ರಷ್ಟು ಹೆಚ್ಚಾಗಿದೆ.
ಉಡುಗೊರೆಗಳ ಭರಾಟೆ: ಗಿಫ್ಟ್ ಕೊಡಲು ಜನರು ಡ್ರೈ-ಫ್ರೂಟ್ಸ್ ಪ್ಯಾಕ್‌ಗಳನ್ನು ಅತಿ ಹೆಚ್ಚು ಬಳಸಿದ್ದಾರೆ. ವಸ್ತುಗಳ ವಿಭಾಗದಲ್ಲಿ ‘ಡಿನ್ನರ್ ಸೆಟ್’ ಬೆಸ್ಟ್ ಗಿಫ್ಟಿಂಗ್ ಐಟಂ ಆಗಿ ಹೊರಹೊಮ್ಮಿದೆ.
ಮೆಟ್ರೋಗಳನ್ನು ಮೀರಿಸಿದ ಸಣ್ಣ ನಗರಗಳು: ಹಬ್ಬದ ಶಾಪಿಂಗ್‌ನಲ್ಲಿ ರಾಯ್‌ಪುರ, ಮಧುರೈ, ಗುವಾಹಟಿ, ತ್ರಿಶೂರ್ ಮತ್ತು ಕೊಲ್ಲಂ ನಗರಗಳು ಭಾರಿ ಬೇಡಿಕೆ ಸೃಷ್ಟಿಸುವ ಮೂಲಕ ಮೆಟ್ರೋ ನಗರಗಳಿಗೆ ಪೈಪೋಟಿ ನೀಡಿವೆ.
ಲಕ್ಷ ಲಕ್ಷ ಶಾಪಿಂಗ್: ಭಾರತೀಯರ ವಿಚಿತ್ರ ಮತ್ತು ವಿಶೇಷ ಕಾರ್ಟ್‌ಗಳು!
ಜನರು ಕೇವಲ ಹಬ್ಬದ ವಸ್ತುಗಳನ್ನಷ್ಟೇ ಅಲ್ಲ, ದಿನನಿತ್ಯದ ವಸ್ತುಗಳನ್ನು ಚಿನ್ನದ ಜೊತೆಯೇ ಕಾರ್ಟ್‌ಗೆ ಹಾಕಿ ಖರೀದಿಸಿರುವುದು ವಿಶೇಷವಾಗಿತ್ತು:
ಮುಂಬೈ ಟಾಪ್: ಮುಂಬೈನ ಗ್ರಾಹಕರೊಬ್ಬರು ಒಂದೇ ಆರ್ಡರ್‌ನಲ್ಲಿ ಲಕ್ಷ್ಮಿ-ಗಣೇಶ ಹಾಗೂ ಕಮಲದ ವಿನ್ಯಾಸದ ಚಿನ್ನದ ನಾಣ್ಯಗಳಿಗಾಗಿ ಬರೋಬ್ಬರಿ 1.11 ಲಕ್ಷ ರೂ. ಖರ್ಚು ಮಾಡಿದ್ದಾರೆ.
ಹೈದರಾಬಾದ್: ಇಲ್ಲೊಬ್ಬ ಗ್ರಾಹಕರು 2 ಗ್ರಾಂ ಚಿನ್ನ ಮತ್ತು 100 ಗ್ರಾಂ ಬೆಳ್ಳಿಯ ಬಾರ್ ಖರೀದಿಗೆ 52,215 ರೂ. ವ್ಯಯಿಸಿದ್ದಾರೆ.
ಬೆಂಗಳೂರು ಗ್ರಾಹಕನ ವೆರೈಟಿ: ಬೆಂಗಳೂರಿನ ಗ್ರಾಹಕರೊಬ್ಬರು 32,298 ರೂ. ಮೌಲ್ಯದ ಆರ್ಡರ್ ಮಾಡಿದ್ದು, ಇದರಲ್ಲಿ 2 ಗ್ರಾಂ ಲಕ್ಷ್ಮಿ ಚಿನ್ನದ ನಾಣ್ಯದ ಜೊತೆಗೆ ಅಡುಗೆಗೆ ಬಳಸುವ ‘ಆಲಿವ್ ಆಯಿಲ್’ ಕೂಡ ಇತ್ತು!
ಗುರ್ಗಾಂವ್: ಇಲ್ಲಿನ ಗ್ರಾಹಕರೊಬ್ಬರು 1 ಗ್ರಾಂ ಚಿನ್ನದ ಜೊತೆಗೆ, ತಮ್ಮ ಮಗುವಿಗೆ ಬೇಕಾದ ‘ಲಂಚ್ ಬಾಕ್ಸ್’ ಸೇರಿಸಿ 30,855 ರೂ. ಬಿಲ್ ಮಾಡಿದ್ದಾರೆ.
ದೆಹಲಿ: 1 ಗ್ರಾಂ ಚಿನ್ನದ ಜೊತೆಗೆ ಮನೆಯಲಂಕಾರದ ‘ಎಲ್.ಇ.ಡಿ ಕರ್ಟನ್ ಲೈಟ್ಸ್’ ಅನ್ನು ದೆಹಲಿಗರು ಆರ್ಡರ್ ಮಾಡಿದ್ದಾರೆ.
ನೋಯ್ಡಾ: ಇಲ್ಲಿನ ಗ್ರಾಹಕರೊಬ್ಬರು ಹಬ್ಬದ ದಿನ ಮನೆ ಸ್ವಚ್ಛಗೊಳಿಸಲು 25,313 ರೂ. ಮೌಲ್ಯದ ‘ಏರ್ ಪ್ಯೂರಿಫೈಯರ್’ ಮತ್ತು ‘ವ್ಯಾಕ್ಯೂಮ್ ಕ್ಲೀನರ್’ ಖರೀದಿಸಿದ್ದಾರೆ.
ಒಟ್ಟಿನಲ್ಲಿ ಮಧ್ಯರಾತ್ರಿಯ ಚಿನ್ನದ ನಾಣ್ಯದಿಂದ ಹಿಡಿದು, ಬೆಳಗಿನ ಜಾವದ ಪೂಜಾ ಸಾಮಗ್ರಿಗಳು ಹಾಗೂ ಸಿಹಿತಿಂಡಿಗಳವರೆಗೆ ಪ್ರತಿಯೊಂದನ್ನೂ ಕ್ಷಣಾರ್ಧದಲ್ಲಿ ತಲುಪಿಸುವ ಮೂಲಕ ಇನ್‌ಸ್ಟಾಮಾರ್ಟ್, ಭಾರತೀಯರ ಈ ಬಾರಿಯ ದೀಪಾವಳಿಯನ್ನು ಇನ್ನಷ್ಟು ಸುಲಭ ಮತ್ತು ಸಂಭ್ರಮದಾಯಕವಾಗಿಸಿದೆ.
