ಭೂತದ ಕಾಟವಿರುವ ಆ ಹಂಟೆಡ್ ರೋಡ್.. ಸಾಲ ಮಾಡಿ ತಂದ ವಿಚಿತ್ರ ಬಸ್.. ಮತ್ತೆ ಮೈ ನವಿರೇಳಿಸುವ ರಹಸ್ಯಗಳ ರಕ್ತಸಿಕ್ತ ಲೋಕ. ಯೆಸ್.. ಬಿಗ್ ಬಾಸ್ ವಿನ್ನರ್ ಶೈನ್ ಶೆಟ್ಟಿ ಹಾಗೂ ಟಾಲೆಂಟೆಡ್ ಮೇಕರ್ ಸುಮಂತ್ ಭಟ್ ಕಾಂಬಿನೇಷನ್‌ನಲ್ಲಿ ಮೂಡಿಬರ್ತಿರೋ ಬಹುನಿರೀಕ್ಷಿತ ಶಂಕರಾಭರಣ ಸಿನಿಮಾದ ಟ್ರೈಲರ್ ಕುತೂಹಲ ಹೆಚ್ಚಿಸಿದೆ. 15 ವರ್ಷಗಳ ನಿರೀಕ್ಷೆಯ ನಂತರ ತೌಡುಗೋಳಿ ಗ್ರಾಮದ ಹಿನ್ನೆಲೆಯಲ್ಲಿ ತೆರೆಕಾಣುತ್ತಿರುವ ಈ ಮಸ್ತ್ ಮಿಸ್ಟರಿ ಥ್ರಿಲ್ಲರ್‌ನ ಅಸಲಿ ಕಹಾನಿ ಏನು..? ಇಲ್ಲಿದೆ ಇಂಟ್ರೆಸ್ಟಿಂಗ್‌ ಸ್ಟೋರಿ..
- 15 ವರ್ಷದ ಕನಸಿಗೆ ಟ್ರೈಲರ್ ಟಚ್.. ಶಂಕರಾಭರಣ ತೆರೆಗೆ ಸಜ್ಜು
- ನಟನೆ ಜೊತೆ ಕಥೆಯ ಜವಾಬ್ದಾರಿ.. ಶೈನ್ ಶೆಟ್ಟಿ ಮಲ್ಟಿ ಟ್ಯಾಲೆಂಟ್
- ಊರ ದಾರಿಲಿ ದೆವ್ವದ ಕಾಟ.. ಬಸ್ ಸುತ್ತ ನಿಗೂಢ ಘಟನೆಗಳಾಟ
- ಮಲಯಾಳಂನಿಂದ ಚಂದನವನಕ್ಕೆ ತನ್ವಿ ರಾಮ್ ಗ್ರ್ಯಾಂಡ್ ಎಂಟ್ರಿ
ಚಿತ್ರದ ಆರಂಭದ ಟ್ರೈಲರ್ ನಲ್ಲೆ ಪ್ರೇಕ್ಷಕರನ್ನು ರೋಮಾಂಚನಗೊಳಿಸುವ ದೃಶ್ಯಗಳು ಎದೆಬಡಿತ ಹೆಚ್ಚಿಸುತ್ತವೆ. ದೆವ್ವದ ಕಾಟವಿದೆ ಎಂದು ನಂಬಲಾದ ವಿಚಿತ್ರ ಹಂಟೆಡ್ ಬ್ರಿಡ್ಜ್ ಮತ್ತು ಆ ರಸ್ತೆಯಲ್ಲಿ ಸಂಚರಿಸುವ ಒಂದು ವಿಚಿತ್ರ ಬಸ್ ಕಥೆಯ ಕೇಂದ್ರ ಬಿಂದುವಾಗಿದೆ. ಸಾಲ ಮಾಡಿ ಬಸ್ ತಂದ ನಾಯಕನ ಪಾತ್ರ ಹಾಗೂ ಆ ಬಸ್ಸಿನ ಸುತ್ತ ನಡೆಯುವ ವಿಚಿತ್ರ ವಿದ್ಯಮಾನಗಳು ಸಿನಿಮಾದಲ್ಲಿ ಕಾಮಿಡಿ ಮತ್ತು ಹಾರರ್‌ನ ಸಖತ್ ಮಿಕ್ಸ್ ಇರುವುದನ್ನು ತೋರಿಸಿಕೊಟ್ಟಿವೆ.
ಬಿಗ್ ಬಾಸ್ ಖ್ಯಾತಿಯ ಶೈನ್ ಶೆಟ್ಟಿ ಈ ಚಿತ್ರದಲ್ಲಿ ಕಂಪ್ಲೀಟ್ ಡಿಫರೆಂಟ್ ಹಾಗೂ ಎನರ್ಜೆಟಿಕ್ ಮಾಸ್ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಮದುವೆ ಹಾಗೂ ಫಸ್ಟ್ ನೈಟ್ ಕಾನ್ಸೆಪ್ಟ್ ಇಟ್ಟುಕೊಂಡು ಬರುವ ಹಾಸ್ಯದ ತುಣುಕುಗಳು ಪ್ರೇಕ್ಷಕರ ಮುಖದಲ್ಲಿ ನಗು ತರಿಸುವುದರ ಜೊತೆಗೆ ಸಿನಿಮಾದ ಮೇಲಿನ ಕುತೂಹಲವನ್ನು ಡಬಲ್ ಮಾಡಿದೆ. ಕೇವಲ ನಟನಷ್ಟೇ ಅಲ್ಲ, ನಿರ್ಮಾಪಕ ಹಾಗೂ ಕಥೆಗಾರನಾಗಿಯೂ ಶೈನ್ ಶೆಟ್ಟಿ ಜವಾಬ್ದಾರಿ ಹೊತ್ತಿದ್ದಾರೆ. ಇನ್ನು ಮಲಯಾಳಂ ನಟಿ ತನ್ವಿ ರಾಮ್ ಮೊದಲ ಬಾರಿಗೆ ಶಂಕರಭರಣ ಸಿನಿಮಾ ಮೂಲಕ ಸ್ಯಾಂಡಲ್ ವುಡ್ ಗೆ ಎಂಟ್ರಿ ಕೊಟ್ಟಿದ್ದಾರೆ
ಬ್ಯಾಂಕ್ ಆಫ್ ಭಾಗ್ಯಲಕ್ಷ್ಮಿ ಖ್ಯಾತಿಯ ಸುಮಂತ್ ಭಟ್ ಈ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ದು, ನಿರ್ದೇಶನದ ಪ್ರತಿ ಹಂತದಲ್ಲೂ ತಮ್ಮ ವಿಭಿನ್ನ ಶೈಲಿಯನ್ನು ಪ್ರದರ್ಶಿಸಿದ್ದಾರೆ. ಇದರೊಂದಿಗೆ ಚರಣ್ ರಾಜ್ ಅವರ ಹಿನ್ನೆಲೆ ಸಂಗೀತ ಟ್ರೇಲರ್‌ನ ರೋಚಕತೆಯನ್ನು ಮುಂದಿನ ಮಟ್ಟಕ್ಕೆ ಕೊಂಡೊಯ್ದಿದೆ. ಪ್ರತಿ ದೃಶ್ಯದಲ್ಲೂ ಕಾಣಿಸುವ ಮಿಸ್ಟರಿ ಮತ್ತು ಕ್ಯಾಮೆರಾ ವರ್ಕ್ ಸಿನಿಪ್ರಿಯರನ್ನು ಚಿತ್ರಮಂದಿರದತ್ತ ಸೆಳೆಯುವುದರಲ್ಲಿ ಯಾವುದೇ ಸಂಶಯವಿಲ್ಲ.
ಬರೋಬ್ಬರಿ 15 ವರ್ಷಗಳ ಸುದೀರ್ಘ ನಿರೀಕ್ಷೆ ಹಾಗೂ ಭಾರಿ ಸಿದ್ಧತೆಯೊಂದಿಗೆ ರೂಪುಗೊಂಡಿರುವ ಶಂಕರಭರಣ ಸಿನಿಮಾವು ಸ್ಯಾಂಡಲ್‌ವುಡ್‌ನಲ್ಲಿ ಹೊಸ ಅಲೆಯೊಂದನ್ನು ಸೃಷ್ಟಿಸಲು ಹೊರಟಿದೆ. ರಂಗಸ್ಥಳ ಸ್ಟುಡಿಯೋಸ್ ಲಾಂಛನದಲ್ಲಿ ಮೂಡಿಬಂದಿರುವ ಈ ಟ್ರೇಲರ್ ಸೋಷಿಯಲ್ ಮೀಡಿಯಾದಲ್ಲಿ ವ್ಯೂಸ್ ಹಾಗೂ ಲೈಕ್ಸ್ ಮೂಲಕ ಹೊಸ ದಾಖಲೆ ಬರೆಯುತ್ತಿದ್ದು, ಸಿನಿಮಾ ಇದೆ ನವೆಂಬರ್ 20ಕ್ಕೆ ಬಿಡುಗಡೆ ಆಗ್ತಿದೆ.
ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್
