ರಾಜಮೌಳಿ, ರಾಕಿಂಗ್ ಸ್ಟಾರ್ ಯಶ್ ನಂತ್ರ ಮತ್ತೊಬ್ಬ ಸೌತ್ ಸೂಪರ್ ಸ್ಟಾರ್ ನಮ್ಮ ಸಿನಿಮಾಗಳನ್ನ ಗ್ಲೋಬಲ್ ಪ್ಲಾಟ್ಫಾರ್ಮ್ಗೆ ಕೊಂಡೊಯ್ಯುವ ಮಹದಾಸೆ ಹೊಂದಿದ್ದಾರೆ. ಯೆಸ್.. ಪುಷ್ಪ ಬೆನ್ನಲ್ಲೇ ಅಟ್ಲಿ ಜೊತೆ ರಾಕಾ ಸಿನಿಮಾ ಮಾಡ್ತಿರೋ ಐಕಾನ್ ಸ್ಟಾರ್ ಅಲ್ಲು ಅರ್ಜುನ್, ಮೇಕಿಂಗ್ ಹಂತದಲ್ಲೇ ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ ಮಾಡಿದ್ದಾರೆ. ಇಷ್ಟಕ್ಕೂ ಅಂಥದ್ದೇನು ಗೇಮ್ ಚೇಂಜಿಂಗ್ ಮಹಾನ್ ಕಾರ್ಯ ಮಾಡಿದ್ರು ಅಂತೀರಾ..? ಜಸ್ಟ್ ವಾಚ್.
- ‘ರಾಕಾ’ ಮೇಕಿಂಗ್ನಲ್ಲಿ ಕ್ರಾಂತಿ.. ಅಲ್ಲು-ಅಟ್ಲಿ ಗಿನ್ನೆಸ್ ರೆಕಾರ್ಡ್
- ಫಿಲ್ಮ್ ಮೇಕಿಂಗ್ ಟೆಕ್ನಾಲಜಿ.. ಗೇಮ್ ಚೇಂಜಿಂಗ್ ಮೊಮೆಂಟ್
- ಮೋಕ್ಯಾಪ್ ರಿಯಲ್ ಟೈಮ್ನಲ್ಲಿ ಏಕಕಾಲದಲ್ಲಿ 37 ಆರ್ಟಿಸ್ಟ್
- ಹಾಲಿವುಡ್ ಹುಬ್ಬೇರಿಸುವಂತೆ ಮಾಡಿದ ಸೌತ್ ಮೂವಿ ರಾಕಾ
ರಾಕಾ.. ಪುಷ್ಪ ಸ್ಟಾರ್ ಅಲ್ಲು ಅರ್ಜುನ್ ಅವರ 22ನೇ ಐಕಾನಿಕ್ ಮೂವಿ ಹಾಗೂ ಭಾರತೀಯ ಚಿತ್ರರಂಗದ ಸೆನ್ಸೇಷನಲ್ ಡೈರೆಕ್ಟರ್ ಅಟ್ಲಿ ಅವ್ರ 6ನೇ ವೆಂಚರ್. ನಮ್ಮ ಭಾರತೀಯ ಚಿತ್ರರಂಗದಿಂದ ಗ್ಲೋಬಲ್ ಪ್ಲಾಟ್ಫಾರ್ಮ್ಗೆ ಹೋಗಲು ತಯಾರಾಗ್ತಿರೋ ಹಾಲಿವುಡ್ ಸ್ಟ್ಯಾಂಡರ್ಡ್ ಸೈನ್ಸ್ ಫಿಕ್ಷನ್ ಮೂವಿ. ಈ ಸಿನಿಮಾ ಇನ್ನೂ ಮೇಕಿಂಗ್ ಹಂತದಲ್ಲೇ ಸಿಕ್ಕಾಪಟ್ಟೆ ಹಂಗಾಮ ಮಾಡ್ತಿದ್ದು, ನಮ್ಮ ಭಾರತೀಯ ಚಿತ್ರರಂಗದಲ್ಲಿ ಹೊಸ ಇತಿಹಾಸ ಸೃಷ್ಟಿಸೋ ಮೂಲಕ ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ ಗರಿಗೆ ಭಾಜನವಾಗಿದೆ.
ಹೌದು.. ನಮ್ಮ ಭಾರತೀಯ ಚಿತ್ರರಂಗದ ತಾಂತ್ರಿಕ ಪಯಣದಲ್ಲಿ.. ಸುವರ್ಣಾಕ್ಷರಗಳಲ್ಲಿ ಬರೆದಿಡುವಂತಹ ಮಹತ್ವದ ಮೈಲಿಗಲ್ಲೊಂದು ನಿರ್ಮಾಣವಾಗಿದೆ. ಐಕಾನ್ ಸ್ಟಾರ್ ಅಲ್ಲು ಅರ್ಜುನ್-ಅಟ್ಲಿ ಹಾಗೂ ಸನ್ ಪಿಕ್ಚರ್ಸ್ ಸಂಸ್ಥೆಯ ಕಲಾನಿಧಿ ಮಾರನ್ ನಿರ್ಮಾಣದ ಬಹುನಿರೀಕ್ಷಿತ ಪ್ಯಾನ್-ಇಂಡಿಯಾ ಪ್ರಾಜೆಕ್ಟ್ ರಾಕಾ ಸಿನಿಮಾ.. ಚಿತ್ರರಂಗದ ತಂತ್ರಜ್ಞಾನದಲ್ಲಿ ಹೊಸ ಕ್ರಾಂತಿ ಸೃಷ್ಟಿಸಿ ಪ್ರತಿಷ್ಠಿತ ಗಿನ್ನೆಸ್ ವಿಶ್ವ ದಾಖಲೆ ಸೇರಿದೆ.
ರಿಯಲ್ ಟೈಮ್ನಲ್ಲಿ ಏಕಕಾಲಕ್ಕೆ ಗರಿಷ್ಠ ಸಂಖ್ಯೆಯ ಕಲಾವಿದರ ಮೋಷನ್-ಕ್ಯಾಪ್ಚರ್ ಅನ್ನೋ ವಿಭಾಗದಲ್ಲಿ ಈ ಐತಿಹಾಸಿಕ ದಾಖಲೆ ಬರೆದಿದೆ ಚಿತ್ರತಂಡ. ಯೆಸ್.. 2026ರ ಫೆಬ್ರವರಿಯಲ್ಲಿ ನಡೆದ ಈ ಅಭೂತಪೂರ್ವ ಟೆಕ್ನಾಲಜಿಯ ಪ್ರಯೋಗ ಹಾಗೂ ಪ್ರಯತ್ನದಲ್ಲಿ, ಒಂದೇ ಸೆಷನ್ನಲ್ಲಿ ಬರೋಬ್ಬರಿ 37 ಮಂದಿ ಕಲಾವಿದರನ್ನ ರಿಯಲ್-ಟೈಮ್ನಲ್ಲಿ ಸೆರೆಹಿಡಿದು ಈ ಸಾಧನೆ ಮಾಡಲಾಗಿದೆ. ಇದೀಗ 2026ರ ಸೆಪ್ಟೆಂಬರ್ 15ರಂದು ಈ ದಾಖಲೆಯನ್ನ ಗಿನ್ನೆಸ್ ಸಂಸ್ಥೆಯು ಅಧಿಕೃತವಾಗಿ ದೃಢೀಕರಿಸಿದೆ. ರಾಕಾ ಚಿತ್ರದ ಕಲಾವಿದರು ಹಾಗೂ ತಂತ್ರಜ್ಞರ ಉಪಸ್ಥಿತಿಯಲ್ಲಿ ನಡೆದ ಸಮಾರಂಭದಲ್ಲಿ, ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ ಹಿರಿಯ ತೀರ್ಪುಗಾರರಾದ ಸ್ವಪ್ನಿಲ್ ದಂಗ್ರಿಕರ್ ಅಲ್ಲು-ಅಟ್ಲಿಗೆ ಅಧಿಕೃತ ಪ್ರಮಾಣಪತ್ರವನ್ನು ಹಸ್ತಾಂತರಿಸಿದ್ದಾರೆ.
ಈ ಅಪರೂಪದ ಮೋಷನ್-ಕ್ಯಾಪ್ಚರ್ ಪ್ರಕ್ರಿಯೆಯು ಭಾರತೀಯ ಚಿತ್ರರಂಗದ ಮಟ್ಟಿಗೆ ಅತ್ಯಂತ ಸವಾಲಿನದ್ದು. ಇದರಲ್ಲಿ 4 ವರ್ಷದ ಪುಟ್ಟ ಮಗುವಿನಿಂದ 70 ವರ್ಷದ ಹಿರಿಯ ವೃದ್ಧರವರೆಗೆ ಒಟ್ಟು 37 ಜನ ಕಲಾವಿದರು ಭಾಗವಹಿಸಿದ್ದರು. ಒಂದೇ ಕ್ಯಾಪ್ಚರ್ ವ್ಯಾಪ್ತಿಯಲ್ಲಿ ಪ್ರತಿಯೊಬ್ಬ ಕಲಾವಿದರ ಮುಖಭಾವ, ದೈಹಿಕ ಭಾಷೆ ಹಾಗೂ ಅಭಿನಯದ ಸೂಕ್ಷ್ಮಾತಿಸೂಕ್ಷ್ಮ ವಿವರಗಳು ಕಿಂಚಿತ್ತೂ ಮಿಸ್ ಆಗದಂತೆ ಸಹಜವಾಗಿ ಸೆರೆಹಿಡಿಯುವುದು ಬಿಗ್ಗೆಸ್ಟ್ ಚಾಲೆಂಜ್ ಆಗಿತ್ತು. ಅದಕ್ಕೆ ಈ ವಿಡಿಯೋನೇ ಸಾಕ್ಷಿ.
ಈ ಬೃಹತ್ ಸಾಹಸವನ್ನು ಸಾಕಾರಗೊಳಿಸಲು ರಾಕಾ ಚಿತ್ರದ VFX ಪ್ರೊಡ್ಯೂಸರ್ ನೇತೃತ್ವದಲ್ಲಿ ಹೊಚ್ಚಹೊಸ ಮೋಷನ್-ಕ್ಯಾಪ್ಚರ್ ಪೈಪ್ಲೈನ್ ಹಾಗೂ ವರ್ಕ್ಫ್ಲೋ ಸಿದ್ಧಪಡಿಸಲಾಗಿತ್ತು. ಬರೋಬ್ಬರಿ 92 ಅತ್ಯಾಧುನಿಕ ಆಪ್ಟಿಕಲ್ ಮೋಷನ್-ಕ್ಯಾಪ್ಚರ್ ಕ್ಯಾಮೆರಾಗಳು, ನಿಖರ ಕ್ಯಾಲಿಬ್ರೇಷನ್, ನೆಟ್ವರ್ಕಿಂಗ್, ಸಿಂಕ್ರೊನೈಸೇಷನ್, ಅನ್ರಿಯಲ್ ಎಂಜಿನ್ನ ರಿಯಲ್-ಟೈಮ್ ದೃಶ್ಯೀಕರಣ, ವಿಟ್ನೆಸ್ ಕ್ಯಾಮೆರಾಗಳು ಹಾಗೂ ಫೇಶಿಯಲ್ ಕ್ಯಾಪ್ಚರ್ ಸೇರಿದಂತೆ ಅಂತರರಾಷ್ಟ್ರೀಯ ಮಟ್ಟದ ತಾಂತ್ರಿಕ ಪರಿಸರವನ್ನು ಇದಕ್ಕಾಗಿ ನಿರ್ಮಿಸಲಾಗಿತ್ತು ಅನ್ನೋದು ಇಂಟರೆಸ್ಟಿಂಗ್.
ಸನ್ ಪಿಕ್ಚರ್ಸ್ ಬರೋಬ್ಬರಿ 800 ಕೋಟಿ ಬಜೆಟ್ನಲ್ಲಿ ಈ ಸಿನಿಮಾನ ನಿರ್ಮಾಣ ಮಾಡ್ತಿದ್ದು, ಅಟ್ಲಿಯವರ ದೂರದೃಷ್ಟಿ, ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ ಅವರ ಕಲಾ ಬದ್ಧತೆ, ಆ್ಯಪಲ್ ಆರ್ಟ್ ಸ್ಟುಡಿಯೋದ ಟೆಕ್ನಿಕಲ್ ಎಕ್ಸೆಲೆನ್ಸ್ ಹಾಗೂ ಸಮಗ್ರ VFX ತಂಡದ ಒಗ್ಗಟ್ಟಿನ ಶ್ರಮದಿಂದ ಈ ಜಾಗತಿಕ ಮೈಲಿಗಲ್ಲು ಸಾಧ್ಯವಾಗಿದೆ. ಈ ಐತಿಹಾಸಿಕ ಹೆಗ್ಗಳಿಕೆಯು ಭಾರತೀಯ ಚಿತ್ರರಂಗದ ಕ್ರಿಯೇಟಿವಿಟಿ ಹಾಗೂ ನ್ಯೂ ಟೆಕ್ನಾಲಜಿ ಸಾಮರ್ಥ್ಯವನ್ನು ಜಾಗತಿಕ ಭೂಪಟದಲ್ಲಿ ಮತ್ತಷ್ಟು ಎತ್ತರಕ್ಕೆ ಕೊಂಡೊಯ್ದಿದೆ. ಅಲ್ಲು ಅರ್ಜುನ್ ಸುಮಾರು ಮೂರು ಜನರೇಷನ್ನ 4 ಪಾತ್ರಗಳಿಗೆ ಜೀವ ತುಂಬುತ್ತಿದ್ದು, ತಾತ, ಮಗ, ಮೊಮ್ಮಕ್ಕಳಾಗಿ ಕಾಣಸಿಗಲಿದ್ದಾರೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
