ಸೆಪ್ಟೆಂಬರ್ 9, 2026 ರ ನಿತ್ಯ ಭವಿಷ್ಯವು 12 ರಾಶಿಗಳಿಗೂ ದಿನದ ಪ್ರಮುಖ ಘಟನೆಗಳು, ಶುಭ-ಅಶುಭ ಕಾಲಗಳು ಮತ್ತು ಗ್ರಹಗಳ ಪ್ರಭಾವವನ್ನು ವಿವರಿಸುತ್ತದೆ. ಈ ದಿನದ ಸವಾಲುಗಳನ್ನು ಎದುರಿಸಲು ಮತ್ತು ಅವಕಾಶಗಳನ್ನು ಬಳಸಿಕೊಳ್ಳಲು ನಿಮಗೆ ಈ ಭವಿಷ್ಯ ಮಾರ್ಗದರ್ಶನ ನೀಡಲಿದೆ. ಮೇಷದಿಂದ ಮೀನದವರೆಗಿನ ರಾಶಿಗಳಿಗೆ ಹಣಕಾಸು, ಆರೋಗ್ಯ, ಸಂಬಂಧಗಳು ಮತ್ತು ವೃತ್ತಿಜೀವನಕ್ಕೆ ಸಂಬಂಧಿಸಿದ ಫಲಿತಾಂಶಗಳನ್ನು ತಿಳಿಯಿರಿ.
ಮೇಷ ರಾಶಿ
ಆತುರಾತುರದಿಂದ ಇಂದಿನ ಕಾರ್ಯಗಳನ್ನು ಮಾಡಬೇಕಾಗಬಹುದು. ವಿರೋಧಿಗಳು ನಿಮ್ಮ ಬೆನ್ನು ಬಿಡದೇ ಪೀಡಿಸಬಹುದು. ಯಾವುದಕ್ಕೂ ಉಪಯೋಗವಾಗದೇ ಹಣ ವ್ಯರ್ಥವಾಗಬಹುದು. ಸಾಲದ ಹೊರೆಯು ದುಃಸ್ವಪ್ನದಂತೆ ಕಾಡಬಹುದು. ಅಧ್ಯಾತ್ಮದ ಬಲವೇ ನಿಮ್ಮ ಸಂತೋಷಕ್ಕೆ ಕಾರಣ. ಸಂಸ್ಥೆಯ ಪಾಲುದಾರಿಕೆಗಾಗಿ ದೂರದ ಊರಿಗೆ ಪ್ರಯಾಣ ಮಾಡಬೇಕಾಗುವುದು.
ವೃಷಭ ರಾಶಿ
ನಿಮ್ಮವರ ಬಗ್ಗೆ ಬಹಳ ಕಾಳಜಿ ಇರಲಿದೆ. ಸಮಾರಂಭಗಳಿಗೆ ಆಹ್ವಾನ ಬರಬಹುದು. ಸಮಯ ಪಾಲನೆಯಲ್ಲಿ ನೀವು ನಿಷ್ಠುರರಾಗುವಿರಿ. ಚರಾಸ್ತಿಗಳೇ ನಿಮಗೆ ಆಧಾರವಾಗಬಹುದು. ಮನಸ್ಸು ಒತ್ತಡದಿಂದ ಆಚೆ ಬಂದಿದ್ದು ನಿರಾಳ ಅನಿಸುವುದು. ಕುಟುಂಬದಲ್ಲಿ ಸಂತೋಷದ ವಾತಾವರಣವಿರಲಿದೆ. ಸಮ್ಮಾನಗಳನ್ನು ಪಡೆಯಲು ಆಸೆಯಾಗುವುದು. ಆದರೆ ವೃತ್ತಿಯನ್ನು ಕಳೆದುಕೊಳ್ಳುವ ಸಾಧ್ಯತೆಯೂ ಇದೆ.
ಮಿಥುನ ರಾಶಿ
ಮಕ್ಕಳ ಕ್ಷೇಮದ ಬಗ್ಗೆ ಅತಿಯಾದ ಕಾಳಜಿ ಇರುವುದು. ಒರಟು ಸ್ವಭಾವದಿಂದ ಎಲ್ಲರಿಂದ ದೂರಾಗುವಿರಿ. ಸ್ತ್ರೀಯರು ಖರೀದಿಯಲ್ಲಿ ಸಮಯ ಕಳೆಯುವರು. ಆಲಂಕಾರಿಕ ದ್ರವ್ಯಗಳಿಂದ ನಷ್ಟವಾಗಬಹುದು. ಪ್ರಯಾಣದಿಂದ ಆಯಾಸವಾಗಬಹುದು. ಪರೋಪಕಾರದಿಂದ ಸಂತೋಷ ಸಿಗುವುದು. ವಿವಾಹ ಸಂಬಂಧಿತ ವಿಷಯದಲ್ಲಿ ತಾಯಿಯೊಂದಿಗೆ ಕಲಹವಾಗುವುದು. ಸಮಯವನ್ನು ಸದುಪಯೋಗಿಸಲು ಯೋಜನೆ ರೂಪಿಸಿಕೊಳ್ಳಿ.
ಕರ್ಕಾಟಕ ರಾಶಿ
ಪ್ರಭಾವಿ ವ್ಯಕ್ತಿಗಳ ಒಡನಾಟ ಅನಿರೀಕ್ಷಿತವಾಗಿ ಲಭ್ಯವಾಗಬಹುದು. ಅಧಿಕ ತಿರುಗಾಟವು ಉತ್ಸಾಹ ಕಡಿಮೆ ಮಾಡುವುದು. ಉದ್ಯೋಗದ ಸ್ಥಳದಲ್ಲಿ ನಿಮ್ಮನ್ನೇ ಹೆಚ್ಚು ಗಮನಿಸಬಹುದು. ಹಿತಶತ್ರುಗಳಿಂದ ವಿಘ್ನಗಳು ಬಂದರೂ ನಿಮಗೆ ಗೊತ್ತಾಗದೇ ಇರಬಹುದು. ಹಣದ ಹರಿವಿದ್ದರೂ ಖರ್ಚಿನ ದಾರಿಯೂ ತೆರೆದಿರುತ್ತದೆ. ಜವಾಬ್ದಾರಿಯನ್ನು ಜಾಣತನದಿಂದ ತಪ್ಪಿಸಿಕೊಳ್ಳುವಿರಿ.
ಸಿಂಹ ರಾಶಿ
ಸಿಕ್ಕ ಸಮಯವನ್ನು ಸದುಪಯೋಗ ಮಾಡಿಕೊಳ್ಳಿ. ನಿಮ್ಮ ಮೇಲಿನ ನಂಬಿಕೆಯು ನಷ್ಟವಾಗಬಹುದು. ಆಕಸ್ಮಿಕ ಸುದ್ದಿಯು ವಿಚಲಿತಗೊಳಿಸಬಹುದು. ಕಾರ್ಮಿಕರಿಂದ ವೇತನ ಅಧಿಕಕ್ಕೆ ಒತ್ತಡ ಬರಬಹುದು. ನಕಾರಾತ್ಮಕ ಆಲೋಚನೆಗಳು ಸಂದೇಹಪಡುವಂತೆ ಮಾಡುವುದು. ಅಪರಿಚಿತ ಸಂದೇಶಕ್ಕೆ ಗಾಬರಿಯಾಗುವಿರಿ. ಮನೋರಂಜನೆ ಕಡೆ ಹೆಚ್ಚು ಗಮನವಿರಬಹುದು. ಯಾರನ್ನೂ ಮಾನಸಿಕವಾಗಿ ಹಿಂಸಿಸಬೇಡಿ.
ಕನ್ಯಾ ರಾಶಿ
ಯಾರಿಂದಲಾದರೂ ಯೋಗ್ಯ ಸಂಗಾತಿಯ ಮಾಹಿತಿ ಸಿಗುವುದು. ಸಾಲಗಾರ ಬಾಧೆ ಕಡಿಮೆಯಿರುವುದರಿಂದ ಕೊಡಬೇಕಾದ ಹಣವನ್ನು ಸಂಗ್ರಹಿಸಿಕೊಳ್ಳಿ. ಪರಿಚಯಸ್ಥರ ಮೂಲಕ ಸಂಸ್ಥೆಯನ್ನು ಸೇರಿ ಕೆಲಸ ಮಾಡುವಿರಿ. ವಿವಾಹಯೋಗ ಬಂದಿರುವುದರಿಂದ ಹಿಂಜರಿಕೆ ಬೇಡ. ಸಾಮರಸ್ಯಕ್ಕಾಗಿ ಕಾರ್ಯ ಮಾಡಿಕೊಂಡು ನಿರುದ್ಯೋಗ ಸಮಸ್ಯೆಯನ್ನು ಸ್ವಲ್ಪಮಟ್ಟಿಗೆ ಪರಿಹರಿಸಿಕೊಳ್ಳುವಿರಿ.
ತುಲಾ ರಾಶಿ
ಮಾತು ಕೇಳಿ ತೊಂದರೆಯನ್ನು ತಪ್ಪಿಸಿಕೊಳ್ಳುವಿರಿ. ಇಷ್ಟ ವಸ್ತುಗಳನ್ನು ಖರೀದಿಸಲು ಸುದಿನ. ವಿದ್ಯಾರ್ಥಿಗಳು ಅಭ್ಯಾಸದಿಂದ ವಿಮುಖರಾಗುವಿರಿ. ಸಹನೆಯ ಮಿತಿ ಮೀರಬಹುದು. ಹದತಪ್ಪಿದ ಮಾತು ಕಷ್ಟಕೊಡುವುದು. ಹಠದ ಸ್ವಭಾವವು ಇತರರಿಗೆ ಕಷ್ಟವಾಗಬಹುದು. ಅಗೌರವ ಸಿಗುವ ಕಡೆ ಹೋಗಲಾರಿರಿ. ಸಾಲ ತೀರಿಸುವ ಯೋಜನೆ ಪೂರ್ಣ ಸಫಲವಾಗದು. ಹಣ ಸಂಪಾದನೆಗೆ ಉತ್ತಮ ಮಾರ್ಗ ಗೊತ್ತಾಗಲಿದೆ. ಬಾಕಿ ಕೆಲಸಗಳನ್ನು ಮುಗಿಸುವ ಒತ್ತಡವಿರುವುದು.
ವೃಶ್ಚಿಕ ರಾಶಿ
ಆದಾಯ ಹೆಚ್ಚಿಸಿಕೊಳ್ಳುವ ಬಗ್ಗೆ ಆಪ್ತರ ಸಲಹೆ ಅವಶ್ಯಕ. ಉದ್ಯೋಗದ ಹೆಚ್ಚಿದ ಜವಾಬ್ದಾರಿಯಿಂದ ಕುಟುಂಬಕ್ಕೆ ಸಮಯ ಕೊಡುವುದು ಕಷ್ಟ. ಪಿತ್ರಾರ್ಜಿತ ಆಸ್ತಿಯಲ್ಲಿ ಪಾಲು ಕೇಳುವ ಸಂದರ್ಭ ಬರಬಹುದು. ರಕ್ತದೊತ್ತಡದ ವ್ಯತ್ಯಾಸದಿಂದ ವೈದ್ಯರನ್ನು ಕಾಣಬೇಕಾಗುವುದು. ರಕ್ಷಣಾ ವ್ಯವಸ್ಥೆಯಲ್ಲಿರುವವರಿಗೆ ತೊಂದರೆಗಳಾಗಬಹುದು. ನಿಯಮ ಮೀರಿ ವರ್ತಿಸಬೇಡಿ. ಸಂಗಾತಿಯ ಬೆಂಬಲದಿಂದ ಖುಷಿ.
ಧನು ರಾಶಿ
ಹೊಸ ಯೋಜನೆಯನ್ನು ನಿಮ್ಮದಾಗಿಸಿಕೊಳ್ಳುವಿರಿ. ಪರರ ತಪ್ಪಿನಿಂದ ಕಲಿಯುವುದು ಉತ್ತಮ. ದಾಂಪತ್ಯದಲ್ಲಿ ಸಾಮರಸ್ಯದ ಕೊರತೆ ಎದ್ದು ತೋರುವುದು. ಮನೆಯವರ ಮೇಲಿನ ಕೋಪಕ್ಕೆ ಏನೂ ಮಾಡಲಾಗದ ಸ್ಥಿತಿ. ಹಲ್ಲುಕಿತ್ತ ಹಾವಿನಂತಹ ಸ್ಥಿತಿ ಬರುವುದು. ಯಾರದೋ ಮೇಲಿನ ಬೇಸರವನ್ನು ಮತ್ತೊಬ್ಬರ ಮೇಲೆ ಸಿಟ್ಟಾಗಿ ವ್ಯಕ್ತಪಡಿಸುವಿರಿ. ಮಾನಸಿಕ ಒತ್ತಡದಿಂದ ಬೇಗ ವಿಶ್ರಾಂತಿಗೆ ತೆರಳಬಹುದು. ಹೂಡಿಕೆ ನಿರೀಕ್ಷಿತ ಆದಾಯ ನೀಡುವುದಿಲ್ಲ.
ಮಕರ ರಾಶಿ
ವಿಫಲತೆಯು ಛಲವನ್ನು ತರಬಹುದು. ಕಛೇರಿಯ ಒತ್ತಡವನ್ನು ಮರೆತು ಆರಾಮಾಗಿರುವಿರಿ. ಮಾತು ಎಲ್ಲರಿಗೂ ಇಷ್ಟವಾದೀತು. ಮಕ್ಕಳ ವಿದ್ಯಾಭ್ಯಾಸದಲ್ಲಿ ವೇಗ ಹೆಚ್ಚಿಸುವಿರಿ. ಸಹೋದರರು ಸಹಾಯ ಕೇಳುವರು. ಅಸಹಾಯಕ ಸ್ಥಿತಿಯನ್ನು ಯಾರಲ್ಲಿಯೂ ಹೇಳಿಕೊಳ್ಳುವುದು ಕಷ್ಟ. ಉದ್ಯೋಗದಿಂದ ಸ್ವಲ್ಪ ವಿಶ್ರಾಂತಿ ಪಡೆಯುವಿರಿ.
ಕುಂಭ ರಾಶಿ
ಧಾರ್ಮಿಕ ಆಚರಣೆಯಲ್ಲಿ ಆಸಕ್ತಿ ಹೆಚ್ಚಿರಲಿದೆ. ಕೆಲಸಕ್ಕೆ ಸಂಬಂಧಿಸಿದಂತೆ ಗೊಂದಲವಿರಬಹುದು. ಹೆಚ್ಚು ಒತ್ತಡ ಆರೋಗ್ಯವನ್ನು ಕೆಡಿಸಬಹುದು. ಭೂಮಿಯ ವ್ಯವಹಾರ ಮಕ್ಕಳ ಸಹಾಯದಿಂದ ಕೈಗೂಡುವುದು. ಕಾರ್ಮಿಕರೊಂದಿಗೆ ವಾಗ್ವಾದ ಮಾಡುವಿರಿ. ಸಮಯ ಸದುಪಯೋಗಿಸಲು ಪ್ರಯತ್ನಿಸುವಿರಿ. ಇಂದಿನ ಪ್ರಯಾಣ ಬಹಳ ಖರ್ಚಿನದ್ದಾಗಲಿದೆ. ಹೂಡಿಕೆ ಮಾಡುವಾಗ ಮಾನಸಿಕ ನಿಯಂತ್ರಣ ಇಟ್ಟುಕೊಳ್ಳಿ.
ಮೀನ ರಾಶಿ
ಸಾಮಾಜಿಕವಾಗಿ ಮನ್ನಣೆ ಸಿಕ್ಕರೂ ನಿರಾಕರಿಸುವಿರಿ. ಯಾರ ಪ್ರಶಂಸೆಯನ್ನೂ ನಂಬಲಾರಿರಿ. ಸಂಪತ್ತಿಗೆ ಇತರರ ದೃಷ್ಟಿ ಬೀಳಬಹುದು. ಬರಬೇಕಾದ ಹಣ ವಿಳಂಬವಾಗಬಹುದು. ಎಲ್ಲ ಜವಾಬ್ದಾರಿಗಳಿಂದ ಹೊರಬರುವಿರಿ. ನಿರ್ಧಾರಗಳು ಅಸ್ಪಷ್ಟವಾಗಿರಬೇಡಿ. ಅನಗತ್ಯ ಹಸ್ತಕ್ಷೇಪದಿಂದ ಗೌರವ ಕಡಿಮೆಯಾಗಬಹುದು.
