ಇರಾನ್ – ಅಮೆರಿಕ ನಡುವಿನ ಉದ್ವಿಗ್ನತೆ ಮುಂದುವರಿದಿದ್ದು, ಈ ಸಂಘರ್ಷವು ದಿನದಿಂದ ದಿನಕ್ಕೆ ಹೊಸ ತಿರುವು ಪಡೆಯುತ್ತಿದೆ. ಯುದ್ಧದ ಕಾರ್ಮೋಡ ಕವಿದಿರುವ ಬೆನ್ನಲ್ಲೇ, ಇರಾನ್ ಸರ್ಕಾರವು ಇದೀಗ ಹೊಸದೊಂದು ವಿವಾದಾತ್ಮಕ ಹಾಗೂ ಸಖತ್ ಆಘಾತಕಾರಿ ಘೋಷಣೆಯನ್ನು ಹೊರಡಿಸಿದೆ.
ಅಮೆರಿಕನ್ ಸೈನಿಕರನ್ನು ಹಿಡಿದುಕೊಟ್ಟರೆ 30 ಸಾವಿರ ಡಾಲರ್ ಬಹುಮಾನ!
ಇರಾನ್ ಸರ್ಕಾರಿ ಮೂಲಗಳ ಪ್ರಕಾರ, ಅಮೆರಿಕದ ಸೈನಿಕರನ್ನು ಸೆರೆಹಿಡಿದು ಅಥವಾ ಹತ್ಯೆ ಮಾಡಿ ತಂದುಕೊಡುವವರಿಗೆ 30,000 ಡಾಲರ್ ಬಹುಮಾನ ನೀಡುವುದಾಗಿ ಘೋಷಿಸಲಾಗಿದೆ. ಭಾರತೀಯ ಕರೆನ್ಸಿಯಲ್ಲಿ ಇದು ಸರಿಸುಮಾರು 25 ರಿಂದ 29 ಲಕ್ಷ ರೂಪಾಯಿಗಳಿಗೂ ಅಧಿಕವಾಗಲಿದೆ. ಈ ಘೋಷಣೆಯು ಇರಾನ್ನಾದ್ಯಂತ ಭಾರೀ ಚರ್ಚೆಗೆ ಗ್ರಾಸವಾಗಿದ್ದು, ಜನಸಾಮಾನ್ಯರು ಮತ್ತು ಸೈನಿಕ ವಲಯದಲ್ಲಿ ಕುತೂಹಲ ಮೂಡಿಸಿದೆ.
ಯುವತಿಯರಿಗೆ ವಿಶೇಷ ಆಫರ್: 60 ಸಾವಿರ ಡಾಲರ್!
ಇರಾನ್ ಹೊರಡಿಸಿರುವ ಈ ವಿಶೇಷ ಆಫರ್ ಕೇವಲ ಯುವಕರಿಗೆ ಮಾತ್ರವಲ್ಲ, ದೇಶದ ಯುವತಿಯರು ಹಾಗೂ ಮಹಿಳೆಯರಿಗೂ ಅನ್ವಯಿಸುತ್ತದೆ. ಈ ಕೃತ್ಯದಲ್ಲಿ ಭಾಗವಹಿಸುವ ಮಹಿಳೆಯರಿಗೆ ಪುರುಷರಿಗಿಂತ ರೊಕ್ಕ ದುಪ್ಪಟ್ಟು (60,000 ಡಾಲರ್) ಅಂದರೆ ಸುಮಾರು 50 ಲಕ್ಷಕ್ಕೂ ಅಧಿಕ ಹಣವನ್ನು ನೀಡುವುದಾಗಿ ವರದಿಯಾಗಿದೆ. ಇರಾನ್ನ ವಿವಿಧ ಭಾಗಗಳಲ್ಲಿ ನೆಲೆಸಿರುವ ಅಮೆರಿಕನ್ ಸೈನಿಕರನ್ನು ಗುರಿಯಾಗಿಸಲು ಅಲ್ಲಿನ ಯುವಕ-ಯುವತಿಯರಿಗೆ ಈ ರೀತಿಯ ಪ್ರಚೋದನಾಕಾರಿ ಆಫರ್ ನೀಡಲಾಗಿದೆ ಎನ್ನಲಾಗಿದೆ.
ಈ ದಿಢೀರ್ ಘೋಷಣೆಯಿಂದ ಮುಂದಿನ ದಿನಗಳಲ್ಲಿ ಪರಿಸ್ಥಿತಿ ಯಾವ ಹಂತಕ್ಕೆ ತಲುಪಲಿದೆ ಎಂಬುದನ್ನು ಕಾದುನೋಡಬೇಕಿದೆ.
