ಉಡುಪಿ ಮೂಲದ ಬಹುಭಾಷಾ ನಟಿ ಪೂಜಾ ಹೆಗ್ಡೆ ಆಡಿರೋ ಮಾತುಗಳು ಇದೀಗ ಸಿಕ್ಕಾಪಟ್ಟೆ ವೈರಲ್ ಆಗ್ತಿವೆ. ಜನ ನಾಯಗನ್ ಚೆಲುವೆ ಪೂಜಾ ತವರಿಗೆ ಬಂದಾಗ ಹೇಳಿದ್ದೇನು..? ಆಕೆಯ ಫೇವರಿಟ್ ಕನ್ನಡ ಆ್ಯಕ್ಟರ್ ಯಾರು ಅನ್ನೋ ಕ್ಯೂರಿಯಾಸಿಟಿಗೆ ಉತ್ತರ ಇಲ್ಲಿದೆ.
- ತವರಲ್ಲಿ ಪೂಜಾ ಹೆಗ್ಡೆ.. ರಾಜ್ ಶೆಟ್ರೇ ಈ ಬ್ಯೂಟಿ ಫೇವರಿಟ್
- ಉಡುಪಿಗೆ ಬಂದ ಬಹುಭಾಷಾ ಚೆಲುವೆ ತುಳುನಲ್ಲಿ ಮಾತು..!
- ಸು ಫ್ರಮ್ ಸೋ ನೋಡಿ ಸಖತ್ ಎಂಜಾಯ್ ಮಾಡಿದ ನಟಿ
- ‘ಜನನಾಯಗನ್’ನಿಂದ ಕನ್ನಡತಿ ಭರ್ಜರಿ ಕಂಬ್ಯಾಕ್ ಗುರು..!
ಪೂಜಾ ಹೆಗ್ಡೆ.. 2012ರಿಂದ ಭಾರತೀಯ ಚಿತ್ರರಂಗದಲ್ಲಿ ಆ್ಯಕ್ಟೀವ್ ಆಗಿರೋ ಬಹುಭಾಷಾ ನಟಿಮಣಿ. ಹುಟ್ಟಿದ್ದು ಉಡುಪಿಯ ಬಂಟ್ ಕುಟುಂಬದಲ್ಲಿ ಆದ್ರೆ ಬೆಳೆದದ್ದು, ಬದುಕು ಕಟ್ಟಿಕೊಂಡಿದ್ದೆಲ್ಲಾ ಮುಂಬೈನಲ್ಲಿ. ತಂದೆ ಫೇಮಸ್ ಕ್ರಿಮಿನಲ್ ಲಾಯರ್. ತಾಯಿ ರೋಗ ನಿರೋಧಕ ತಜ್ಞೆ. ತಮಿಳು, ತೆಲುಗು, ಹಿಂದಿ ಚಿತ್ರಗಳಲ್ಲಿ ಸಿಕ್ಕಾಪಟ್ಟೆ ಡಿಮ್ಯಾಂಡ್ ಇರೋ ಈ ಚೆಲುವೆ ಇತ್ತೀಚೆಗೆ ತವರೂರಿಗೆ ಆಗಮಿಸಿದ್ರು.
ಉಡುಪಿಗೆ ಆಗಮಿಸಿದ್ದ ಪೂಜಾ ಹೆಗ್ಡೆ, ಟೆಂಪಲ್ ರನ್ ಮಾಡಿ, ತಮ್ಮ ನೆಂಟರ ಮನೆಗಳಿಗೆಲ್ಲಾ ವಿಸಿಟ್ ಮಾಡಿದ್ದಾರೆ. ಆ ನಂತರ ಕರಾವಳಿಯ ವಾಹಿನಿಯೊಂದರ ಜೊತೆ ಮಾತನಾಡಿರೋ ಪೂಜಾ, ತಮ್ಮ ತುಳು ಸಿನಿಮಾ ನಟನೆ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ. ಮಾತೃ ಭಾಷೆ ತುಳುವಿನಲ್ಲೇ ಮಾತಾಡೊರೋ ಚೆಲುವೆ, ಕನ್ನಡದಲ್ಲಿ ತಮಗೆ ರಾಜ್ ಬಿ ಶೆಟ್ಟಿ ಅಂದ್ರೆ ತುಂಬಾ ಇಷ್ಟ. ಅವರೇ ನನ್ನ ಫೇವರಿಟ್ ಆ್ಯಕ್ಟರ್ ಎಂದಿದ್ದಾರೆ.
ಮೋಸ್ಟ್ ವರ್ಸಟೈಲ್ ಆ್ಯಕ್ಟರ್ ರಾಜ್ ಬಿ ಶೆಟ್ರ ಸು ಫ್ರಮ್ ಸೋ ಸಿನಿಮಾ ನೋಡಿರೋದಾಗಿ ಹೇಳಿರೋ ಪೂಜಾ, ಆ ಚಿತ್ರವನ್ನ ಸಖತ್ ಎಂಜಾಯ್ ಮಾಡಿದ್ರಂತೆ. ಅಫ್ ಕೋರ್ಸ್.. ಅಕ್ಷಯ್ ಕುಮಾರ್, ಅಜಯ್ ದೇವಗನ್ ಅಂತಹ ಬಾಲಿವುಡ್ ಸ್ಟಾರ್ಗಳೇ ಸು ಫ್ರಮ್ ಸೋಗೆ ಫಿದಾ ಆಗಿದ್ದಾರೆ ಅಂದಾಗ ಪೂಜಾ ಹೆಗ್ಡೆಗೆ ಇಷ್ಟವಾಗದೆ ಇರುತ್ತದೆಯೇ..? ಕರುಣಾಕರ ಗುರೂಜಿ ಪಾತ್ರದಲ್ಲಿದ್ದ ರಾಜ್ ಶೆಟ್ರ ನಟನೆಗೆ ಅಕ್ಷರಶಃ ಕ್ಲೀನ್ ಬೋಲ್ಡ್ ಆಗಿದ್ದಾರೆ. ಅದನ್ನ ಮುಕ್ತವಾಗಿ ಕ್ಯಾಮೆರಾ ಮುಂದೆ ಮಾತನಾಡಿರೋದು ವಿಶೇಷ.
ಒಳ್ಳೆಯ ಕಲಾವಿದೆಯಾಗಿ ಕಲೆಯನ್ನ ಮೆಚ್ಚಿರೋ ಪರಿ ಇಂಟರೆಸ್ಟಿಂಗ್. ಅಂದಹಾಗೆ ಪೂಜಾ ಕರಿಯರ್ ಕೊಂಚ ಡಲ್ ಹೊಡೀತು ಅಂದುಕೊಳ್ಳೋ ಸಮಯಕ್ಕೆ ಕೂಲಿ ಚಿತ್ರದ ಲವ್ ಯೂ ಮೋನಿಕಾ ಸಾಂಗ್ ಬಿಗ್ ಬೂಸ್ಟ್ ನೀಡಿತು. ಇನ್ನೂ ತಮಿಳುನಾಡು ಸಿಎಂ ವಿಜಯ್ ಜೊತೆಗಿನ ಜನನಾಯಗನ್ ಚಿತ್ರ ಸಿಕ್ಕಾಪಟ್ಟೆ ಕ್ಯೂರಿಯಾಸಿಟಿ ಹುಟ್ಟಿಸಿದೆ. ಹಿಂದಿ ಸಿನಿಮಾವೊಂದರ ಜೊತೆ ಕಾಂಚನ-4, ದುಲ್ಕರ್ ಸಲ್ಮಾನ್ ನಟನೆಯ 41ನೇ ಸಿನಿಮಾಗೂ ಇವರೇ ನಾಯಕನಟಿ. ಒಂಥರಾ ಪೂಜಾಗೆ ಇದು ಸೆಕೆಂಡ್ ಇನ್ನಿಂಗ್ಸ್ ಆಗಲಿದ್ದು, ಇನ್ಮೇಲೆ ಮತ್ತಷ್ಟು ಬ್ಯುಸಿ ಆಗುವ ಮುನ್ಸೂಚನೆ ನೀಡಿದ್ದಾರೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
