ಐಪಿಎಲ್ 2026ರ ಲೀಗ್ ಹಂತದ 29ನೇ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ ತಂಡ ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ 54 ರನ್ಗಳ ಭರ್ಜರಿ ಗೆಲುವು ಸಾಧಿಸಿದೆ. ಏಪ್ರಿಲ್ 19 ರಂದು ನಡೆದ ಈ ಪಂದ್ಯದ ಬಳಿಕ ತಂಡದ ಸಹ ಮಾಲೀಕರಾದ ನಟಿ ಪ್ರೀತಿ ಜಿಂಟಾ ಅವರು ಆಟಗಾರರನ್ನು ಅಪ್ಪಿಕೊಂಡು ಸಂಭ್ರಮಿಸಿದ ಘಟನೆಯೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಪಂಜಾಬ್ ಅಗ್ರಸ್ಥಾನ
ಈ ಗೆಲುವಿನೊಂದಿಗೆ ಪಂಜಾಬ್ ಕಿಂಗ್ಸ್ ತಂಡವು ಒಟ್ಟು 11 ಅಂಕಗಳನ್ನು ಗಳಿಸಿ, ಸೋಲಿಲ್ಲದ ಸರದಾರನಾಗಿ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನವನ್ನು ಅಲಂಕರಿಸಿದೆ. ತಂಡದ ಬ್ಯಾಟಿಂಗ್ ಮತ್ತು ಬೌಲಿಂಗ್ ಎರಡೂ ವಿಭಾಗಗಳಲ್ಲೂ ಅದ್ಭುತ ಪ್ರದರ್ಶನ ನೀಡಿದೆ. ಲಕ್ನೋ ತಂಡವನ್ನು 54 ರನ್ಗಳಿಂದ ಸೋಲಿಸುವ ಮೂಲಕ ಪಂಜಾಬ್ ತನ್ನ ಗೆಲುವಿನ ನಾಗಾಲೋಟವನ್ನು ಮುಂದುವರಿಸಿದೆ.
ಪಂದ್ಯ ಮುಗಿದ ಬಳಿಕ ಸಹ ಮಾಲೀಕರಾದ ಪ್ರೀತಿ ಜಿಂಟಾ ಸಾಮಾನ್ಯವಾಗಿ ಮೈದಾನಕ್ಕೆ ಆಗಮಿಸಿದ್ದಾರೆ. ಅವರು ಆಟಗಾರರೊಂದಿಗೆ ಸಂತಸ ಹಂಚಿಕೊಂಡಿದ್ದು, ಹಾಗೆಯೇ ಕೋಚ್ ಜೊತೆ ಮಾತನಾಡುತ್ತಾರೆ. ಅಭಿಮಾನಿಗಳೊಂದಿಗೆ ಸೆಲ್ಫಿ ತೆಗೆದುಕೊಳ್ಳುವುದು, ಅವರ ಫೋಟೋಗಳನ್ನು ಕ್ಲಿಕ್ಕಿಸುವುದು ಅವರ ಹವ್ಯಾಸ. ನಿನ್ನೆಯೂ ಅವರು ಹಾಗೆಯೇ ವಿವಿಧ ಸ್ಟ್ಯಾಂಡ್ಗಳ ಬಳಿ ತೆರಳಿ ಅಭಿಮಾನಿಗಳನ್ನು ಭೇಟಿಯಾದರು.
ಅರ್ಷ್ದೀಪ್ ಸಿಂಗ್ಗೆ ಅಪ್ಪುಗೆ
ಈ ವೇಳೆಯಲ್ಲಿ ಪಂಜಾಬ್ ಕಿಂಗ್ಸ್ ತಂಡದ ಪ್ರಮುಖ ವೇಗದ ಬೌಲರ್ ಅರ್ಷ್ದೀಪ್ ಸಿಂಗ್ ಅವರ ಬಳಿಗೆ ಪ್ರೀತಿ ಜಿಂಟಾ ತೆರಳಿದರು. ನಂತರ ಅವರು ಅರ್ಷ್ದೀಪ್ ಅವರನ್ನು ಅಪ್ಪಿಕೊಂಡರು. ಆದರೆ ಅಪ್ಪುಗೆ ಸಿಕ್ಕ ಕೂಡಲೇ ಅರ್ಷ್ದೀಪ್ ಸಿಂಗ್ ತಮ್ಮ ಎರಡೂ ಕೈಗಳನ್ನು ಮೇಲೆತ್ತಿ ಹರ್ಷೋದ್ಗಾರದಿಂದ ಕುಣಿದಾಡಲು ಆರಂಭಿಸಿದರು. ಅವರ ಮುಖದಲ್ಲಿ ಅಪಾರ ಸಂತಸ ಮೂಡಿತ್ತು. ಅವರ ಈ ಸಂಭ್ರಮವನ್ನು ಅಲ್ಲಿದ್ದವರೆಲ್ಲರೂ ನೋಡಿ ನಕ್ಕರು.
When, yesterday after the match, Preity Zinta hugged Arshdeep Singh, he started celebrating and jumping with so much joy that it looked like he had won everything in the world. What a moment ♥️😍
MUST WATCH VIDEO !🥹
pic.twitter.com/gESLXz8MqF— lndian Sports Netwrk (@IS_Netwrk29) April 20, 2026
ಬಾಲ್ಯದ ಕ್ರಶ್ ನೆನಪಾಯ್ತೇನು?:
ಪ್ರೀತಿ ಜಿಂಟಾ 2000ರ ದಶಕದಲ್ಲಿ ಬಾಲಿವುಡ್ನ ಪ್ರಮುಖ ನಟಿಯರಾಗಿದ್ದರು. ‘ಕಲ್ ಹೋ ನಾ ಹೋ’, ‘ವೀರ್-ಝಾರಾ’ ಸೇರಿದಂತೆ ಅನೇಕ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ಅರ್ಷ್ದೀಪ್ ಸಿಂಗ್ ಕೂಡ ಬಾಲ್ಯದಲ್ಲಿ ಅವರ ಅಭಿಮಾನಿಯಾಗಿದ್ದರು ಎಂದು ಹೇಳಲಾಗುತ್ತದೆ. ತಮ್ಮ ಕ್ರಶ್ ನಟಿಯ ಅಪ್ಪುಗೆ ಪಡೆದ ನಂತರ ಅವರು ಕುಣಿದಾಡಿದರು. ಈ ಘಟನೆಯನ್ನು ಕಂಡ ಕೆಲವರು “ಅರ್ಷ್ದೀಪ್ ಸಿಂಗ್ ಎಲ್ಲವನ್ನೂ ಗೆದ್ದುಬಿಟ್ಟ” ಎಂದು ಕಾಮೆಂಟ್ ಮಾಡಿದ್ದಾರೆ.
ವಿಡಿಯೊ ವೈರಲ್
ಈ ಸಂಪೂರ್ಣ ಘಟನೆಯ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.. ಅಭಿಮಾನಿಗಳು ಅರ್ಷ್ದೀಪ್ ಸಿಂಗ್ ಅವರ ನಿಷ್ಕಲ್ಮಶ ಸಂತಸವನ್ನು ಮೆಚ್ಚಿಕೊಂಡಿದ್ದಾರೆ. ಕೆಲವರು “ಕ್ರಶ್ ಸಿಕ್ಕಾಗ ಏನಾಗುತ್ತೆ ಅನ್ನೋದಕ್ಕೆ ಇದೊಂದು ಲೈವ್ ಉದಾಹರಣೆ” ಎಂದು ತಮಾಷೆ ಮಾಡಿದ್ದಾರೆ.
