ಕ್ರಿಕೆಟ್ ಮೈದಾನದಲ್ಲಿ ತೀವ್ರ ಸ್ಪರ್ಧೆ ಇದ್ದರೂ ಆಟಗಾರರ ನಡುವಿನ ಗೌರವ ಮತ್ತು ಸ್ನೇಹವು ಆಟಕ್ಕೆ ನಿಜವಾದ ಸೌಂದರ್ಯ ನೀಡುತ್ತದೆ. ಐಪಿಎಲ್ 2026ರಲ್ಲಿ ಬುಧವಾರ ರಾತ್ರಿ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ಮತ್ತು ಲಖನೌ ಸೂಪರ್ ಜೈಂಟ್ಸ್ (LSG) ಪಂದ್ಯದ ನಂತರ ಇಂತಹದೊಂದು ಹೃದಯಸ್ಪರ್ಶಿ ಕ್ಷಣ ನಡೆದಿದೆ. ಲಖನೌ ತಂಡದ 20 ವರ್ಷದ ಯುವ ವೇಗಿ ನಮನ್ ತಿವಾರಿ ವಿರಾಟ್ ಕೊಹ್ಲಿಗೆ ಕಾಲಿಗೆ ಬೀಳುವ ಮೂಲಕ ಗೌರವ ಸಲ್ಲಿಸಲು ಮುಂದಾದರು. ಈ ಅನಿರೀಕ್ಷಿತ ನಡೆಗೆ ಕೊಹ್ಲಿ ಒಂದು ಕ್ಷಣ ಬೆಚ್ಚಿಬಿದ್ದರು. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.
ಪಂದ್ಯದ ಸಂಕ್ಷಿಪ್ತ ವಿವರ :
ಲಖನೌ ಸೂಪರ್ ಜೈಂಟ್ಸ್ ನೀಡಿದ್ದ 147 ರನ್ಗಳ ಸಾಧಾರಣ ಗುರಿಯನ್ನು ಆರ್ಸಿಬಿ 15.1 ಓವರ್ಗಳಲ್ಲಿ 5 ವಿಕೆಟ್ಗಳಿಂದ ಬೆನ್ನಟ್ಟಿ ಗೆದ್ದು ಪಾಯಿಂಟ್ಸ್ ಟೇಬಲ್ನಲ್ಲಿ ಅಗ್ರಸ್ಥಾನಕ್ಕೆ ಏರಿದೆ. ವಿರಾಟ್ ಕೊಹ್ಲಿ 34 ಎಸೆತಗಳಲ್ಲಿ 49 ರನ್ಗಳಿಸಿ ಟಾಪ್ ಸ್ಕೋರರ್ ಆದರು. ಒಂದು ರನ್ನಿಂದ ಅರ್ಧಶತಕ ತಪ್ಪಿಸಿಕೊಂಡರೂ, ಕೊಹ್ಲಿ ತಂಡವನ್ನು ಗೆಲುವಿನತ್ತ ಮುನ್ನಡೆಸಿದರು. ಈ ಪಂದ್ಯದಲ್ಲಿ ಕೊಹ್ಲಿ ಮೊದಲ ಬಾರಿಗೆ ಇಂಪ್ಯಾಕ್ಟ್ ಪ್ಲೇಯರ್ ಆಗಿ ಆಡಿದರು.
A Heartwarming gesture by Naman Tiwari.❣️
Naman Tiwari Touching the feel of Virat Kohli after the match.#RCBvsLSG । #LSGvsRCB । #IPL2026। #TATAIPL । #ViratKohli । #RajatPatidar । #RoyalChallengersBangalore । #RCB । #PlayBold । #RishabhPant । #LucknowSuperGiants pic.twitter.com/U94lSTs9Zg
— Infinite Info (@infiniteInfos) April 15, 2026
ಏನಾಯಿತು ಮೈದಾನದಲ್ಲಿ?
ಪಂದ್ಯದ ನಂತರ ಎರಡೂ ತಂಡಗಳ ಆಟಗಾರರು ಮೈದಾನದಲ್ಲಿ ಅಭಿನಂದಿಸುತ್ತಿದ್ದಾಗ ಲಖನೌದ ಯುವ ವೇಗಿ ನಮನ್ ತಿವಾರಿ ಕೊಹ್ಲಿ ಬಳಿಗೆ ಬಂದರು. ಕೊಹ್ಲಿಯನ್ನು ದಂತಕಥೆ ಎಂದು ಪರಿಗಣಿಸುವ ತಿವಾರಿ, ವಿಕೆಟ್ಗಳ ನಡುವೆ ಕೊಹ್ಲಿಯ ವೇಗ ಮತ್ತು ಫಿಟ್ನೆಸ್ ಬಗ್ಗೆ ವಿಚಾರಿಸಿದರು. ಮಾತನಾಡುತ್ತಿದ್ದಂತೆಯೇ ತಿವಾರಿ ಕೊಹ್ಲಿಗೆ ಕಾಲಿಗೆ ಬಿದ್ದು ಆಶೀರ್ವಾದ ಪಡೆಯಲು ಮುಂದಾದರು.
ಈ ಹಠಾತ್ ಗೌರವಕ್ಕೆ ವಿರಾಟ್ ಕೊಹ್ಲಿ ಶಾಕ್ ಆಗಿ ಒಂದು ಕ್ಷಣ ತಡೆದರು. ನಂತರ “ಇದೆಲ್ಲಾ ಬೇಡ” ಎಂದು ಹೇಳಿ ತಮಾಷೆಯಾಗಿ ಮಾತನಾಡುತ್ತಾ ತಿವಾರಿಯನ್ನು ತಡೆದರು. ಇಬ್ಬರೂ ನಗುತ್ತಾ ಫಿಟ್ನೆಸ್ ಬಗ್ಗೆ ಮುಂದುವರಿಸಿ ಮಾತನಾಡಿದರು. ಈ ದೃಶ್ಯ ಸೋಷಿಯಲ್ ಮೀಡಿಯಾದಲ್ಲಿ ಬಹಳಷ್ಟು ಶೇರ್ ಆಗುತ್ತಿದೆ.
ನಮನ್ ತಿವಾರಿ ಭಾರತ ಅಂಡರ್-19 ತಂಡದಲ್ಲಿ ಆಡಿದ್ದ 20 ವರ್ಷದ ಎಡಗೈ ವೇಗಿ. LSG ಅವರನ್ನು ₹1 ಕೋಟಿಗೆ ಸೈನ್ ಮಾಡಿತ್ತು. ಅವರು 145 ಕಿಮೀ ವೇಗದಲ್ಲಿ ಬೌಲ್ ಮಾಡುವುದಕ್ಕೆ ಹೆಸರಾಗಿದ್ದಾರೆ.
ಕೊಹ್ಲಿ ಫಿಟ್ನೆಸ್ ಬಗ್ಗೆ ಚರ್ಚೆ
ಪಂದ್ಯಕ್ಕೂ ಮುನ್ನ ಕೊಹ್ಲಿ ಪಾದದ ಗಾಯದಿಂದ ಬಳಲುತ್ತಿದ್ದರು ಎಂಬ ವರದಿಗಳಿದ್ದವು. ಆದರೂ ಕ್ರೀಸ್ನಲ್ಲಿ ಅವರು ಓಡಾಡಿದ ರೀತಿ ಗಾಯದ ಲಕ್ಷಣ ತೋರಿಸಲಿಲ್ಲ. ಯುವ ಬೌಲರ್ ತಿವಾರಿ ಕೂಡ “ನಿಮ್ಮ ಸ್ಟ್ರೆಂತ್ ನೋಡಿ ಆಶ್ಚರ್ಯವಾಯಿತು” ಎಂದು ಕೊಹ್ಲಿಗೆ ಹೇಳಿದರು.
ಈ ಘಟನೆ ಕ್ರಿಕೆಟ್ನಲ್ಲಿ ಯುವಕರು ಹಿರಿಯರನ್ನು ಗೌರವಿಸುವ ಸಂಸ್ಕೃತಿಯನ್ನು ಮತ್ತೆ ಎತ್ತಿ ಹಿಡಿದಿದೆ. ತೀವ್ರ ಸ್ಪರ್ಧೆಯ ನಡುವೆಯೂ ಇಂತಹ ಕ್ಷಣಗಳು ಕ್ರಿಕೆಟ್ ಅನ್ನು ವಿಶೇಷವಾಗಿಸುತ್ತವೆ.
