ಗೂಗಲ್ ಮೇಡ್ ಬೈ ಗೂಗಲ್ ವಾರ್ಷಿಕ ಕಾರ್ಯಕ್ರಮವನ್ನು, ಆಗಸ್ಟ್ 20ರಂದು ನ್ಯೂಯಾರ್ಕ್ನಲ್ಲಿ ನಡೆಸಲಿದೆ. ಈ ಕಾರ್ಯಕ್ರಮದಲ್ಲಿ ಗೂಗಲ್ ತನ್ನ ಇತ್ತೀಚಿನ ಪಿಕ್ಸೆಲ್ ಸ್ಮಾರ್ಟ್ಫೋನ್ಗಳ ಶ್ರೇಣಿಯನ್ನು ಅನಾವರಣಗೊಳಿಸಲಿದೆ. ಈ ವರ್ಷ, ಗೂಗಲ್ ಐದು ರೂಪಾಂತರಗಳನ್ನು ಬಿಡುಗಡೆ ಮಾಡಲಿದೆ ಎಂದು ವರದಿಯಾಗಿದೆ.
ಪಿಕ್ಸೆಲ್ 10, ಪಿಕ್ಸೆಲ್ 10 ಎಕ್ಸ್ಎಲ್, ಪಿಕ್ಸೆಲ್ 10 ಪ್ರೊ, ಪಿಕ್ಸೆಲ್ 10 ಪ್ರೊ ಎಕ್ಸ್ಎಲ್, ಮತ್ತು ಬಹುನಿರೀಕ್ಷಿತ ಪಿಕ್ಸೆಲ್ ಪ್ರೊ ಫೋಲ್ಡ್. ಭಾರತದಲ್ಲಿ ಈ ಲಾಂಚ್ ಈವೆಂಟ್ನ ಲೈವ್ಸ್ಟ್ರೀಮ್ ರಾತ್ರಿ 10:30ಕ್ಕೆ (IST) ಗೂಗಲ್ನ ಅಧಿಕೃತ ಯೂಟ್ಯೂಬ್ ಚಾನೆಲ್ ಮತ್ತು ಮೇಡ್ ಬೈ ಗೂಗಲ್ ಈವೆಂಟ್ ಪೇಜ್ನಲ್ಲಿ ಲಭ್ಯವಿರುತ್ತದೆ. ಪ್ರೇಕ್ಷಕರು ಯೂಟ್ಯೂಬ್ನಲ್ಲಿ ರಿಮೈಂಡರ್ ಸೆಟ್ ಮಾಡಬಹುದು. ಗೂಗಲ್ನ ಸಾಮಾಜಿಕ ಮಾಧ್ಯಮ ಹ್ಯಾಂಡಲ್ಗಳ ಮೂಲಕ ನೈಜ-ಸಮಯದ ಅಪ್ಡೇಟ್ಗಳನ್ನು ಫಾಲೋ ಮಾಡಬಹು.
ಗೂಗಲ್ ಪಿಕ್ಸೆಲ್ 10ರಲ್ಲಿ ಏನಿರಲಿದೆ?
ಪಿಕ್ಸೆಲ್ 10 ಟ್ರಿಪಲ್ ಕ್ಯಾಮೆರಾ ಸೆಟಪ್ನೊಂದಿಗೆ ಟೆಲಿಫೋಟೋ ಲೆನ್ಸ್ನ್ನು ಹೊಂದಿರುತ್ತದೆ. ಇದು ಹಿಂದಿನ ಪಿಕ್ಸೆಲ್ ಪ್ರೊ ಮಾದರಿಗಳಂತೆಯೇ ಇರಲಿದೆ. ಗೂಗಲ್ ತನ್ನ ಟೆನ್ಸರ್ G5 ಪ್ರೊಸೆಸರ್ನ ಉತ್ಪಾದನೆಯನ್ನು ಸ್ಯಾಮ್ಸಂಗ್ನಿಂದ TSMCಗೆ ಬದಲಾಯಿಸಿದೆ. ಇದರಿಂದ ಉತ್ತಮ ಥರ್ಮಲ್ ಕಂಡಕ್ಷನ್ ಮತ್ತು ಪ್ರೊಸೆಸಿಂಗ್ ಶಕ್ತಿ ದೊರೆಯಲಿದೆ. ಟಿಪ್ಸ್ಟರ್ಗಳು ಪಿಕ್ಸೆಲ್ ಸರಣಿಯು “ಪಿಕ್ಸೆಲ್ಸ್ನ್ಯಾಪ್” ಬ್ರ್ಯಾಂಡ್ ಮೂಲಕ ವೈರ್ಲೆಸ್ ಚಾರ್ಜಿಂಗ್ಗೆ ಹೊಂದಿಕೊಳ್ಳುವ ಸಾಧ್ಯತೆಯಿದೆ ಎಂದು ಸೂಚಿಸಿದ್ದಾರೆ.
ಪಿಕ್ಸೆಲ್ 10 ಪ್ರೊ ಫೋಲ್ಡ್ ಗೂಗಲ್ನ ಮೊದಲ ಫೋಲ್ಡಬಲ್ ಫೋನ್ ಆಗಿದ್ದು, IP68 ರೇಟಿಂಗ್ನೊಂದಿಗೆ ಧೂಳು ಮತ್ತು ನೀರಿನಿಂದ ಸಂಪೂರ್ಣ ರಕ್ಷಣೆಯನ್ನು ಒದಗಿಸಲಿದೆ. ಆಂಡ್ರಾಯ್ಡ್ ಹೆಡ್ಲೈನ್ಸ್ನ ಟಿಪ್ಸ್ಟರ್ನ ಪ್ರಕಾರ, ಗೂಗಲ್ “ಕ್ಯಾಮೆರಾ ಕೋಚ್” ಎಂಬ ಹೊಸ AI-ಆಧಾರಿತ ಫೀಚರ್ ಅನ್ನು ಪರಿಚಯಿಸಬಹುದು. ಇದು ಜೆಮಿನಿ AI ಬಳಸಿ ಫೋಟೋ ಮತ್ತು ವೀಡಿಯೊ ಶೂಟಿಂಗ್ ಸಮಯದಲ್ಲಿ ಬೆಳಕು, ಫ್ರೇಮಿಂಗ್, ಮತ್ತು ಕೋನಗಳನ್ನು ಸಲಹೆಗಳನ್ನು ನೀಡಲಿದೆ.
ಪಿಕ್ಸೆಲ್ 10 ಫೋನ್ಗಳು ಗೂಗಲ್ನ ಸಾಮಾನ್ಯ “ಒಬ್ಸಿಡಿಯನ್” ಕಪ್ಪು ಬಣ್ಣದ ಜೊತೆಗೆ “ಇಂಡಿಗೊ”, “ಫ್ರಾಸ್ಟ್”, ಮತ್ತು “ಲಿಮೊನ್ಸೆಲೊ” ಬಣ್ಣಗಳಲ್ಲಿ ಲಭ್ಯವಿರಲಿವೆ. ಪ್ರೊ ಮಾದರಿಗಳು “ಪೋರ್ಸಲೈನ್” ಬಿಳಿ, “ಜೇಡ್”, ಮತ್ತು “ಮೂನ್ಸ್ಟೋನ್” ಬಣ್ಣಗಳಲ್ಲಿ ಬರಲಿವೆ. ಪಿಕ್ಸೆಲ್ 10 ಪ್ರೊ ಮತ್ತು ಪ್ರೊ ಎಕ್ಸ್ಎಲ್ ಕೂಡ ಒಬ್ಸಿಡಿಯನ್ ಕಪ್ಪು ಬಣ್ಣವನ್ನು ಒಳಗೊಂಡಿರುತ್ತವೆ.
ಪಿಕ್ಸೆಲ್ ವಾಚ್ ಮತ್ತು ಇಯರ್ಬಡ್ಸ್
ಗೂಗಲ್ ಈ ಕಾರ್ಯಕ್ರಮದಲ್ಲಿ ಪಿಕ್ಸೆಲ್ ವಾಚ್ 4 ಮತ್ತು ಹೊಸ ಪಿಕ್ಸೆಲ್ ಬಡ್ಸ್ ಮಾದರಿಯನ್ನು ಅನಾವರಣಗೊಳಿಸಬಹುದು. ಇದು ಖಚಿತವಾದರೆ, ಗೂಗಲ್ನ ಪಿಕ್ಸೆಲ್ ಹಾರ್ಡ್ವೇರ್ಗಳ ಏಕೀಕೃತ ಶ್ರೇಣಿಯನ್ನು ರಚಿಸುವ ಪ್ರಯತ್ನವನ್ನು ಇದು ಬಲಪಡಿಸಲಿದೆ. ಪಿಕ್ಸೆಲ್ ವಾಚ್ 4 41mm ಮತ್ತು 45mm ಗಾತ್ರಗಳಲ್ಲಿ ಲಭ್ಯವಿರಲಿದ್ದು, Wi-Fi ಆವೃತ್ತಿಯ ಬೆಲೆ $349 ರಿಂದ ಪ್ರಾರಂಭವಾಗಲಿದೆ. ಆದರೆ LTE ಮಾದರಿಗಳು $449 ವರೆಗೆ ಇರಬಹುದು.
ಭಾರತದಲ್ಲಿ ವಿಶೇಷ ಲಾಂಚ್
ಗೂಗಲ್ ಭಾರತದಲ್ಲಿ ಪಿಕ್ಸೆಲ್ 10 ಸರಣಿಗಾಗಿ ಆಗಸ್ಟ್ 21, 2025ರಂದು ವಿಶೇಷ ಲಾಂಚ್ ಈವೆಂಟ್ನ್ನು ಆಯೋಜಿಸಿದೆ. ಇದು ಭಾರತೀಯ ಮಾರುಕಟ್ಟೆಯ ಮೇಲಿನ ಗೂಗಲ್ನ ಗಮನವನ್ನು ತೋರಿಸುತ್ತದೆ. ಲೀಕ್ಗಳ ಪ್ರಕಾರ, ಪಿಕ್ಸೆಲ್ 10 (256GB) ಬೆಲೆ ₹79,999, ಪಿಕ್ಸೆಲ್ 10 ಪ್ರೊ (256GB) ₹1,09,999, ಪಿಕ್ಸೆಲ್ 10 ಪ್ರೊ ಎಕ್ಸ್ಎಲ್ (256GB) ₹1,24,999, ಮತ್ತು ಪಿಕ್ಸೆಲ್ 10 ಪ್ರೊ ಫೋಲ್ಡ್ (256GB) ₹1,72,999 ಆಗಿರಬಹುದು. ಆಗಸ್ಟ್ 21 ರಿಂದ ಭಾರತದಲ್ಲಿ ಪ್ರೀ-ಆರ್ಡರ್ಗಳು ಆರಂಭವಾಗಲಿವೆ.
ಆಂಡ್ರಾಯ್ಡ್ 16 ಮತ್ತು AI ವೈಶಿಷ್ಟ್ಯಗಳು
“ಆಸ್ಕ್ ಮೋರ್ ಆಫ್ ಯುವರ್ ಫೋನ್” ಎಂಬ ಟ್ಯಾಗ್ಲೈನ್ AI-ಆಧಾರಿತ ಸಾಮರ್ಥ್ಯಗಳ ಮೇಲಿನ ಗೂಗಲ್ನ ಗಮನವನ್ನು ಸೂಚಿಸುತ್ತದೆ.
