ನವದೆಹಲಿ: ಜಗತ್ತಿನಾದ್ಯಂತ 250 ಮಿಲಿಯನ್ಗಿಂತಲೂ ಹೆಚ್ಚು ಫಾಲೋವರ್ಸ್ ಹೊಂದಿರುವ ಏಷ್ಯಾದ ಏಕೈಕ ಕ್ರೀಡಾಪಟು ಎಂಬ ಹೆಗ್ಗಳಿಕೆಯ ವಿರಾಟ್ ಕೊಹ್ಲಿ ಮತ್ತು ಅವರ ಸಹೋದರ ವಿಕಾಸ್ ಕೊಹ್ಲಿ ಅವರ ಇನ್ಸ್ಟಾಗ್ರಾಮ್ ಖಾತೆಗಳು ಜನವರಿ 29 ರಂದು ಏಕಾಏಕಿ ಡಿಲೀಟ್ ಆಗಿತ್ತು. ಅಭಿಮಾನಿಗಳು ವಿರಾಟ್ ಅವರ ಖಾತೆಯನ್ನು ಸರ್ಚ್ ಮಾಡಿದಾಗ ‘User Not Found’ ಎಂಬ ಸಂದೇಶ ಬರುತ್ತಿತ್ತು. ಇದು ವಿರಾಟ್ ಅಭಿಮಾನಿಗಳಲ್ಲಿ ಭಾರಿ ಆತಂಕ ಮೂಡಿಸಿತ್ತು.
ಹ್ಯಾಕ್ ಆಗಿದೆಯೇ ಅಥವಾ ಡಿಲೀಟ್ ಮಾಡಿದ್ದಾರೆಯೇ ?
ಕೊಹ್ಲಿ ಅವರ ಅಕೌಂಟ್ ಕಾಣದಿದ್ದಾಗ ಇಂಟರ್ನೆಟ್ನಲ್ಲಿ ಇತರೆ ಊಹಾಪೋಹಗಳು ಹಬ್ಬಿದ್ದವು. ಕಿಂಗ್ ಕೊಹ್ಲಿ ತಮ್ಮ ಅಕೌಂಟ್ ಡಿಲೀಟ್ ಮಾಡಿದ್ದಾರಾ ?, ಕಿಡಿಗೇಡಿಗಳು ಅಕೌಂಟ್ ಹ್ಯಾಕ್ ಮಾಡಿದ್ದಾರಾ ? ಅಥವಾ ಇನ್ಸ್ಟಾಗ್ರಾಮ್ ಸಂಸ್ಥೆಯೇ ಏನಾದರೂ ತಾಂತ್ರಿಕ ಕ್ರಮ ಕೈಗೊಂಡಿದೆಯೇ ? ಎಂಬ ಪ್ರಶ್ನೆಗಳು ಎಕ್ಸ್ (ಟ್ವಿಟರ್)ನಲ್ಲಿ ಟ್ರೆಂಡ್ ಆಗಿದ್ದವು. ವಿಶೇಷವಾಗಿ ವಿರಾಟ್ ಮತ್ತು ಅವರ ಸಹೋದರ ಇಬ್ಬರ ಖಾತೆಗಳೂ ಏಕಕಾಲಕ್ಕೆ ಮಾಯವಾಗಿದ್ದು ಈ ಅನುಮಾನವನ್ನು ಮತ್ತಷ್ಟು ಹೆಚ್ಚಿಸಿತ್ತು.
ಮತ್ತೆ ಮರಳಿದ ಕಿಂಗ್
ಗಂಟೆಗಳ ಕಾಲ ನಡೆದ ಈ ಹೈಡ್ರಾಮಾಕ್ಕೆ ಈಗ ತೆರೆ ಬಿದ್ದಿದ್ದು, ವಿರಾಟ್ ಕೊಹ್ಲಿ ಅವರ ಇನ್ಸ್ಟಾಗ್ರಾಮ್ ಖಾತೆ ಮತ್ತೆ ಸಹಜ ಸ್ಥಿತಿಗೆ ಮರಳಿದೆ. ಖಾತೆಯಲ್ಲಿದ್ದ ಹಳೆಯ ಫೋಟೋಗಳು, ವಿಡಿಯೋಗಳು ಮತ್ತು ಫಾಲೋವರ್ಸ್ ಸಂಖ್ಯೆಯಲ್ಲಿ ಯಾವುದೇ ಬದಲಾವಣೆ ಕಂಡುಬಂದಿಲ್ಲ. ಅಕೌಂಟ್ ರಿಸ್ಟೋರ್ ಆಗಿದ್ದರೂ ಸಹ, ಅಸಲಿಗೆ ಏನಾಗಿತ್ತು ಎಂಬುದು ಮಾತ್ರ ಇನ್ನು ನಿಗೂಢವಾಗಿದೆ.
ತಾಂತ್ರಿಕ ದೋಷದಿಂದ (Technical Glitch) ಹೀಗಾಯಿತೇ ಅಥವಾ ಮೆಟಾ ಸಂಸ್ಥೆಯ ಯಾವುದಾದರೂ ಸರ್ವರ್ ಸಮಸ್ಯೆಯೇ ಎಂಬುದರ ಬಗ್ಗೆ ವಿರಾಟ್ ಕೊಹ್ಲಿ ಕಡೆಯಿಂದಾಗಲಿ ಅಥವಾ ಇನ್ಸ್ಟಾಗ್ರಾಮ್ ಸಂಸ್ಥೆಯಿಂದಾಗಲಿ ಯಾವುದೇ ಅಧಿಕೃತ ಸ್ಪಷ್ಟನೆ ಬಂದಿಲ್ಲ. ಸದ್ಯಕ್ಕೆ ಕೊಹ್ಲಿ ಪೋಸ್ಟ್ ನೋಡಿ ಸಂಭ್ರಮಿಸುವ ಅವರ ಫ್ಯಾನ್ಸ್ ಮಾತ್ರ ನಿಟ್ಟುಸಿರು ಬಿಟ್ಟಿದ್ದಾರೆ.
ವಿರಾಟ್ ಕೊಹ್ಲಿ ಇನ್ಸ್ಟಾಗ್ರಾಮ್ ಅಕೌಂಟ್ ಇದ್ದಕ್ಕಿದ್ದಂತೆ ಡಿಲೀಟ್!; ಕಾರಣವೇನು ?
ಟೀಂ ಇಂಡಿಯಾದ ಮಾಜಿ ನಾಯಕ ಹಾಗೂ ವಿಶ್ವ ಕ್ರಿಕೆಟ್ನ ಸೂಪರ್ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ (Virat Kohli) ತಮ್ಮ ಅಧಿಕೃತ ಇನ್ಸ್ಟಾಗ್ರಾಮ್ ಖಾತೆಯನ್ನು ಹಠಾತ್ ನಿಷ್ಕ್ರಿಯಗೊಳಿಸಿದ್ದಾರೆ..ಇದು ಕ್ರಿಕೆಟ್ ಅಭಿಮಾನಿಗಳಲ್ಲಿ ಭಾರೀ ಅಚ್ಚರಿ ಮತ್ತು ಕುತೂಹಲವನ್ನು ಮೂಡಿಸಿದೆ. ವಿಶ್ವದಾದ್ಯಂತ 270 ಮಿಲಿಯನ್ಗಿಂತ ಹೆಚ್ಚು ಫಾಲೋವರ್ಸ್ ಹೊಂದಿರುವ ಕೊಹ್ಲಿ, ಸಾಮಾಜಿಕ ಜಾಲತಾಣದಲ್ಲಿ ಅತಿ ಹೆಚ್ಚು ಜನಪ್ರಿಯ ಕ್ರಿಕೆಟಿಗ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಇಂತಹ ದೊಡ್ಡ ಅಭಿಮಾನಿ ಬಳಗ ಹೊಂದಿರುವ ಸ್ಟಾರ್ ಆಟಗಾರರು ತಮ್ಮ ಖಾತೆಯನ್ನು ಏಕಾಏಕಿ ಡಿಲೀಟ್ ಮಾಡಿರುವುದು ವ್ಯಾಪಕ ಚರ್ಚೆಗೆ ಕಾರಣವಾಗಿದೆ.
ಟೀಂ ಇಂಡಿಯಾದ ಮಾಜಿ ನಾಯಕ ಹಾಗೂ ವಿಶ್ವ ಕ್ರಿಕೆಟ್ನ ಸೂಪರ್ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ (Virat Kohli) ತಮ್ಮ ಅಧಿಕೃತ ಇನ್ಸ್ಟಾಗ್ರಾಮ್ ಖಾತೆಯನ್ನು ಹಠಾತ್ ನಿಷ್ಕ್ರಿಯಗೊಳಿಸಿದ್ದಾರೆ..ಇದು ಕ್ರಿಕೆಟ್ ಅಭಿಮಾನಿಗಳಲ್ಲಿ ಭಾರೀ ಅಚ್ಚರಿ ಮತ್ತು ಕುತೂಹಲವನ್ನು ಮೂಡಿಸಿದೆ. ವಿಶ್ವದಾದ್ಯಂತ 270 ಮಿಲಿಯನ್ಗಿಂತ ಹೆಚ್ಚು ಫಾಲೋವರ್ಸ್ ಹೊಂದಿರುವ ಕೊಹ್ಲಿ, ಸಾಮಾಜಿಕ ಜಾಲತಾಣದಲ್ಲಿ ಅತಿ ಹೆಚ್ಚು ಜನಪ್ರಿಯ ಕ್ರಿಕೆಟಿಗ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಇಂತಹ ದೊಡ್ಡ ಅಭಿಮಾನಿ ಬಳಗ ಹೊಂದಿರುವ ಸ್ಟಾರ್ ಆಟಗಾರರು ತಮ್ಮ ಖಾತೆಯನ್ನು ಏಕಾಏಕಿ ಡಿಲೀಟ್ ಮಾಡಿರುವುದು ವ್ಯಾಪಕ ಚರ್ಚೆಗೆ ಕಾರಣವಾಗಿದೆ.
ಸೋಷಿಯಲ್ ಮೀಡಿಯಾದಿಂದ ತಾತ್ಕಾಲಿಕ ದೂರ?
ಇತ್ತೀಚಿನ ದಿನಗಳಲ್ಲಿ ಹಲವು ಸೆಲೆಬ್ರಿಟಿಗಳು ಮಾನಸಿಕ ಆರೋಗ್ಯ, ವೈಯಕ್ತಿಕ ಜೀವನ ಮತ್ತು ಮಾನಸಿಕ ವಿಶ್ರಾಂತಿಗಾಗಿ ಸೋಷಿಯಲ್ ಮೀಡಿಯಾದಿಂದ ತಾತ್ಕಾಲಿಕ ವಿರಾಮ ಪಡೆಯುತ್ತಿರುವುದು ಸಾಮಾನ್ಯವಾಗಿದೆ. ವಿರಾಟ್ ಕೊಹ್ಲಿಯೂ ಇದೇ ಕಾರಣದಿಂದ ಇನ್ಸ್ಟಾಗ್ರಾಮ್ ಖಾತೆಯನ್ನು ನಿಷ್ಕ್ರಿಯಗೊಳಿಸಿದ್ದಾರೆಯೆಂಬ ಊಹೆಗಳು ಹರಿದಾಡುತ್ತಿವೆ. ಕ್ರಿಕೆಟ್ನ ಒತ್ತಡ, ಸಾರ್ವಜನಿಕ ಜೀವನದ ತೀವ್ರ ಗಮನ ಹಾಗೂ ನಿರಂತರ ವಿಮರ್ಶೆಗಳಿಂದ ದೂರ ಉಳಿಯಲು ಅವರು ಈ ನಿರ್ಧಾರ ಕೈಗೊಂಡಿರಬಹುದೆಂದು ಅಭಿಮಾನಿಗಳು ಅಂದಾಜಿಸುತ್ತಿದ್ದಾರೆ.
ಅಭಿಮಾನಿಗಳ ಆತಂಕ ಮತ್ತು ನಿರೀಕ್ಷೆ
ಕೊಹ್ಲಿಯ ಇನ್ಸ್ಟಾಗ್ರಾಮ್ ಖಾತೆ ನಿಷ್ಕ್ರಿಯಗೊಳಿಸಿರುವುದು ಅಭಿಮಾನಿಗಳಲ್ಲಿ ತೀವ್ರ ಆತಂಕವನ್ನು ಹುಟ್ಟುಹಾಕಿದೆ. ಹಲವರು ‘ಇದು ತಾತ್ಕಾಲಿಕ ಬ್ರೇಕ್ ಮಾತ್ರ’ ಎಂದು ಭಾವಿಸಿದ್ದರೆ, ಇನ್ನೂ ಕೆಲವರು ‘ಯಾವುದಾದರೂ ದೊಡ್ಡ ನಿರ್ಧಾರದ ಮುನ್ನುಡಿ ಇದಾಗಬಹುದೇ?’ ಎಂದು ಪ್ರಶ್ನಿಸುತ್ತಿದ್ದಾರೆ.
ಕೊಹ್ಲಿಯ ಮುಂದಿನ ಹೆಜ್ಜೆಗಳತ್ತ ಎಲ್ಲರ ಕಣ್ಣು
ಸದ್ಯಕ್ಕೆ ಅಧಿಕೃತ ಸ್ಪಷ್ಟನೆ ಇಲ್ಲದಿರುವುದರಿಂದ, ವಿರಾಟ್ ಕೊಹ್ಲಿಯ ಈ ನಿರ್ಧಾರವು ಅಭಿಮಾನಿಗಳಲ್ಲಿ ಭಾರೀ ಚರ್ಚೆ ಮತ್ತು ಕುತೂಹಲಕ್ಕೆ ಕಾರಣವಾಗಿದೆ. ಕಿಂಗ್ ಕೊಹ್ಲಿಯ ಮುಂದಿನ ಹೆಜ್ಜೆ ಏನಾಗಲಿದೆ? ಅವರು ಮತ್ತೆ ಯಾವಾಗ ಇನ್ಸ್ಟಾಗ್ರಾಮ್ಗೆ ಮರಳುತ್ತಾರೆ? ಎಂಬ ಪ್ರಶ್ನೆಗಳು ಈಗ ಕ್ರಿಕೆಟ್ ವಲಯದಲ್ಲಿ ಹಾಟ್ ಟಾಪಿಕ್ ಆಗಿವೆ. ಅಭಿಮಾನಿಗಳು ಅವರ ಸ್ಪಷ್ಟನೆಗಾಗಿ ಕಾತರದಿಂದ ಕಾಯುತ್ತಿದ್ದಾರೆ.