ಯುಎಇ ತಂಡದಿಂದ ಬಾಂಗ್ಲಾದೇಶಕ್ಕೆ ಸೋಲಿನ ರುಚಿ

ಶಾರ್ಜಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ 2ನೇ ಟಿ20 ಪಂದ್ಯದಲ್ಲಿ ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ತಂಡವು ಬಾಂಗ್ಲಾದೇಶ ವಿರುದ್ಧ ರೋಚಕ ಗೆಲುವು ಸಾಧಿಸಿ ಹೊಸ ಇತಿಹಾಸ ಬರೆದಿದೆ. 206 ರನ್‌ಗಳ ಗುರಿಯನ್ನು 19.5 ಓವರ್‌ಗಳಲ್ಲಿ ಚೇಸ್ ಮಾಡಿ, ಟೆಸ್ಟ್ ರಾಷ್ಟ್ರವನ್ನು ಸೋಲಿಸಿದ ಯುಎಇ ತಂಡವು ಐಸಿಸಿ ಶ್ರೇಯಾಂಕದ ಟಾಪ್-10 ತಂಡದ ವಿರುದ್ಧ ದಾಖಲೆ ನಿರ್ಮಿಸಿದೆ.

ಶಾರ್ಜಾದಲ್ಲಿ ನಡೆದ ಈ ಟಿ20 ಪಂದ್ಯದಲ್ಲಿ ಟಾಸ್ ಗೆದ್ದ ಯುಎಇ ನಾಯಕ ಮೊಹಮ್ಮದ್ ವಸೀಮ್ ಬೌಲಿಂಗ್ ಆಯ್ಕೆ ಮಾಡಿದರು. ಮೊದಲು ಬ್ಯಾಟಿಂಗ್ ಆರಂಭಿಸಿದ ಬಾಂಗ್ಲಾದೇಶ ತಂಡಕ್ಕೆ ಆರಂಭಿಕ ಆಟಗಾರರಾದ ತಂಝಿದ್ ಹಸನ್ (59 ರನ್) ಮತ್ತು ಲಿಟ್ಟನ್ ದಾಸ್ (40 ರನ್) ಉತ್ತಮ ಆರಂಭ ಒದಗಿಸಿದರು. ನಂತರ ನಜ್ಮುಲ್ ಹೊಸೈನ್ ಶಾಂತೊ (27 ರನ್) ಮತ್ತು ತೌಹಿದ್ ಹೃದೋಯ್ (45 ರನ್) ತಂಡದ ಮೊತ್ತವನ್ನು 20 ಓವರ್‌ಗಳಲ್ಲಿ 5 ವಿಕೆಟ್‌ಗೆ 205 ರನ್‌ಗಳಿಗೆ ಕೊಂಡೊಯ್ದರು.

ಯುಎಇನ ಭರ್ಜರಿ ಚೇಸಿಂಗ್

206 ರನ್‌ಗಳ ಕಠಿಣ ಗುರಿಯನ್ನು ಚೇಸ್ ಮಾಡಿದ ಯುಎಇ ತಂಡಕ್ಕೆ ನಾಯಕ ಮೊಹಮ್ಮದ್ ವಸೀಮ್ ಸ್ಪೋಟಕ ಆರಂಭ ನೀಡಿದರು. ಮೊಹಮ್ಮದ್ ಝೊಹೈಬ್ ಜೊತೆಗೆ ಇನಿಂಗ್ಸ್ ಆರಂಭಿಸಿದ ವಸೀಮ್, ಮೊದಲ ಓವರ್‌ನಿಂದಲೇ ಆಕ್ರಮಣಕಾರಿ ಬ್ಯಾಟಿಂಗ್ ಪ್ರದರ್ಶಿಸಿದರು. 10 ಓವರ್‌ಗಳಲ್ಲಿ ತಂಡದ ಮೊತ್ತ 100 ರನ್‌ಗಳ ಗಡಿಯನ್ನು ದಾಟಿತು. ವಸೀಮ್ 42 ಎಸೆತಗಳಲ್ಲಿ 5 ಸಿಕ್ಸ್ ಮತ್ತು 9 ಫೋರ್‌ಗಳೊಂದಿಗೆ 82 ರನ್‌ ಬಾರಿಸಿ ಔಟಾದರು, ಆದರೆ ಝೊಹೈಬ್ 38 ರನ್‌ಗಳ ಕೊಡುಗೆ ನೀಡಿದರು.

UAE vs Bangladesh, 2nd T20I – Sharjah:
Relive the last over drama that unfolded at the iconic Sharjah Cricket Stadium as UAE stunned Bangladesh pic.twitter.com/IrkFvSN1Xz

— UAE Cricket Official (@EmiratesCricket) May 19, 2025

ನಂತರ ಆಸೀಫ್ ಖಾನ್ (19 ರನ್) ಮತ್ತು ಹೈದರ್ ಅಲಿ (15 ರನ್) ತಂಡವನ್ನು ಗೆಲುವಿನ ಹಾದಿಯಲ್ಲಿ ಇರಿಸಿದರು. ಕೊನೆಯ ಓವರ್‌ನಲ್ಲಿ 12 ರನ್‌ಗಳ ಅಗತ್ಯವಿತ್ತು. ಬಾಂಗ್ಲಾದೇಶದ ತಂಝಿಮ್ ಹಸನ್ ಸಾಕಿಬ್ ಎಸೆದ ಕೊನೆಯ ಓವರ್‌ನಲ್ಲಿ ವೈಡ್, ಸಿಕ್ಸ್, ಮತ್ತು ನೋ ಬಾಲ್‌ನಿಂದ ಯುಎಇ ತಂಡವು ರೋಚಕವಾಗಿ 2 ವಿಕೆಟ್‌ಗಳ ಗೆಲುವು ಸಾಧಿಸಿತು. ಧ್ರುವ್ ಪರಾಶರ್ (11 ರನ್) ಕೊನೆಯ ಕ್ಷಣದಲ್ಲಿ ಭರ್ಜರಿ ಸಿಕ್ಸ್ ಬಾರಿಸಿ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು.

ಆರ್‌ಸಿಬಿ ಸ್ಟಾರ್ ಟಿಮ್ ಸಿಡಿಲಬ್ಬರದ ಶತಕ..11 ಸಿಕ್ಸರ್‌, 6 ಬೌಂಡರಿ ಬಾರಿಸಿ ದಾಖಲೆ

ಏಷ್ಯಾಕಪ್‌ಗೆ ದಿನಾಂಕ ನಿಗದಿ: ಇಂಡೋ- ಪಾಕ್ ಯುದ್ಧಕ್ಕೆ ಕೌಂಟ್‌ಡೌನ್‌

ಸಿಡಿಲಬ್ಬರದ ಶತಕ ಸಿಡಿಸಿ ಹಲವು ದಾಖಲೆ ಬರೆದ ಜೋ ರೂಟ್!

ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ವಿದಾಯ ಹೇಳಿದ ಕನ್ನಡತಿ ವೇದಾ ಕೃಷ್ಣಮೂರ್ತಿ

ಹೊಸ ಇತಿಹಾಸ ಸೃಷ್ಟಿ

ಈ ಗೆಲುವು ಯುಎಇ ತಂಡಕ್ಕೆ ಟಿ20 ಕ್ರಿಕೆಟ್‌ನಲ್ಲಿ ಮೊದಲ ಬಾರಿಗೆ ಬಾಂಗ್ಲಾದೇಶ ವಿರುದ್ಧ ಜಯ ತಂದಿದೆ. ಇದು ಟೆಸ್ಟ್ ರಾಷ್ಟ್ರವೊಂದರ ವಿರುದ್ಧ ಯುಎಇನ ಮೊದಲ ಗೆಲುವಾಗಿದೆ. ಜೊತೆಗೆ, ಐಸಿಸಿ ಶ್ರೇಯಾಂಕದ ಟಾಪ್-10 ತಂಡದ ವಿರುದ್ಧ 200+ ರನ್‌ಗಳ ಗುರಿಯನ್ನು ಚೇಸ್ ಮಾಡಿ ಯುಎಇ ಐತಿಹಾಸಿಕ ದಾಖಲೆ ಸೃಷ್ಟಿಸಿದೆ.