19ನೇ ಆವೃತ್ತಿಯ ಐಪಿಎಲ್ಗೆ ಇಂದು ತೆರೆ ಬೀಳಲಿದೆ. ಹಾಲಿ ಚಾಂಪಿಯನ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ಮತ್ತು ಗುಜರಾತ್ ಟೈಟಾನ್ಸ್ (ಜಿಟಿ) ನಡುವಿನ ಹೈ-ವೋಲ್ಟೇಜ್ ಫೈನಲ್ ಪಂದ್ಯ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಪಂದ್ಯದ ನಂತರ ಬಿಸಿಸಿಐ ಭವ್ಯ ಸಮಾರೋಪ ಸಮಾರಂಭವನ್ನು ಆಯೋಜಿಸುತ್ತಿದೆ.
ಸಮಾರೋಪ ಸಮಾರಂಭದ ಹೈಲೈಟ್ಸ್ :
ಫೈನಲ್ ಪಂದ್ಯದ ನಂತರ ಸಂಜೆ 6 ಗಂಟೆಯಿಂದ ಸಮಾರೋಪ ಸಮಾರಂಭ ಆರಂಭವಾಗಲಿದೆ. ಈ ಸಮಾರಂಭದಲ್ಲಿ ಪ್ರಸಿದ್ಧ ಗಾಯಕ ಕೈಲಾಶ್ ಖೇರ್ ಅವರ ಮಧುರ ಗಾಯನ, ಬಾಲಿವುಡ್ ನಟ ವರುಣ್ ಧವನ್, ನಟಿಯರಾದ ಮೃಣಾಲ್ ಠಾಕೂರ್ ಮತ್ತು ಪೂಜಾ ಹೆಗ್ಡೆ ಅವರ ಪ್ರದರ್ಶನಗಳು ನಡೆಯುವ ನಿರೀಕ್ಷೆಯಿದೆ.
ಕ್ರೀಡಾಂಗಣದಲ್ಲಿ ಕಳೆದ ಕೆಲವು ದಿನಗಳಿಂದ ನೃತ್ಯ ಗುಂಪುಗಳು ತೀವ್ರ ಅಭ್ಯಾಸ ನಡೆಸುತ್ತಿರುವುದು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ.
ಸಮಾರಂಭದ ವಿಶೇಷತೆಗಳು :
- ಲೇಸರ್ ಲೈಟ್ ಮತ್ತು ಬೆಳಕಿನ ಭವ್ಯ ಪ್ರದರ್ಶನ
- ಸಿಡಿಮದ್ದು (Fireworks) ಶೋ
- ವಿಶುವಲ್ ಎಫೆಕ್ಟ್ಗಳೊಂದಿಗೆ ವೈಭವೀಕರಣ
- ಇನ್ನಿಂಗ್ಸ್ ವಿರಾಮದಲ್ಲಿ ಸಂಗೀತ ಮತ್ತು ನೃತ್ಯ ಕಾರ್ಯಕ್ರಮಗಳು
ಈ ಬಾರಿ ಬಿಸಿಸಿಐ ಸಮಾರೋಪ ಸಮಾರಂಭದ ಬಗ್ಗೆ ಹೆಚ್ಚು ರಹಸ್ಯವನ್ನು ಕಾಯ್ದುಕೊಂಡಿದೆ. ಆದರೆ ಅಧಿಕೃತ ಮಾಹಿತಿ ಬರದಿದ್ದರೂ, ಸ್ಟಾರ್ ಕಲಾವಿದರ ಆಗಮನ ಮತ್ತು ಕ್ರೀಡಾಂಗಣದ ಅಭ್ಯಾಸಗಳು ಅಭಿಮಾನಿಗಳಲ್ಲಿ ಭಾರೀ ಉತ್ಸಾಹ ಹೆಚ್ಚಿಸಿದೆ.
ಐಪಿಎಲ್ 2026ರ ಫೈನಲ್ ಪಂದ್ಯ ಮತ್ತು ಸಮಾರೋಪ ಸಮಾರಂಭ ಎರಡೂ ಕ್ರೀಡಾಭಿಮಾನಿಗಳಿಗೆ ಮರೆಯಲಾರದ ಅನುಭವವನ್ನು ನೀಡಲಿವೆ ಎಂದು ಅಭಿಮಾನಿಗಳು ಭಾವಿಸುತ್ತಿದ್ದಾರೆ.