ಮುಂಬೈ, ಏಪ್ರಿಲ್ 1: ಭಾರತೀಯ ಪುರುಷರ ಕ್ರಿಕೆಟ್ ತಂಡವು ಈ ಬಾರಿ ಜಿಂಬಾಬ್ವೆ ಪ್ರವಾಸ ಕೈಗೊಳ್ಳಲಿದೆ. ಜುಲೈ ತಿಂಗಳಲ್ಲಿ ಜಿಂಬಾಬ್ವೆ ವಿರುದ್ಧ ಮೂರು ಪಂದ್ಯಗಳ ಟಿ20ಐ ಸರಣಿಯನ್ನು ಆಡಲಿದೆ ಎಂದು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (BCCI) ಬುಧವಾರ ವೇಳಾಪಟ್ಟಿ ಪ್ರಕಟಿಸಿದೆ.
ಜುಲೈ 23, 25 ಮತ್ತು 26 ರಂದು ಹರಾರೆಯಲ್ಲಿ ಈ ಪಂದ್ಯಗಳು ನಡೆಯಲಿವೆ. ಈ ಮೂಲಕ ಎರಡು ವರ್ಷಗಳ ಬಳಿಕ ಭಾರತ ತಂಡವು ಜಿಂಬಾಬ್ವೆ ಪ್ರವಾಸ ಕೈಗೊಳ್ಳುತ್ತಿದೆ. ಕಳೆದ ಬಾರಿ 2024ರ ಜುಲೈನಲ್ಲಿ ಭಾರತ ಈ ಆಫ್ರಿಕನ್ ದೇಶಕ್ಕೆ ಪ್ರವಾಸ ಕೈಗೊಂಡಿತ್ತು. ಆ ಸರಣಿಯಲ್ಲೇ ಅಭಿಷೇಕ್ ಶರ್ಮಾ, ಧ್ರುವ್ ಜುರೆಲ್ ಮತ್ತು ರಿಯಾನ್ ಪರಾಗ್ ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್ಗೆ ಪಾದಾರ್ಪಣೆ ಮಾಡಿದ್ದರು.
ಇಂಗ್ಲೆಂಡ್ ಸರಣಿ ಮುಗಿಸಿ ಜಿಂಬಾಬ್ವೆಗೆ
ಜಿಂಬಾಬ್ವೆ ಪ್ರವಾಸಕ್ಕೂ ಮುನ್ನ ಟೀಂ ಇಂಡಿಯಾ ಇಂಗ್ಲೆಂಡ್ ಎದುರು ದೊಡ್ಡ ಸರಣಿಯಲ್ಲಿ ಕಣಕ್ಕಿಳಿಯಲಿದೆ. ಜುಲೈನಲ್ಲಿ ಐದು ಟಿ20ಐ ಮತ್ತು ಮೂರು ಏಕದಿನ ಪಂದ್ಯಗಳಿಗಾಗಿ ಭಾರತ ತಂಡ ಇಂಗ್ಲೆಂಡ್ಗೆ ಪ್ರಯಾಣ ಬೆಳೆಸಲಿದೆ. ಈ ಸರಣಿಯು 2027ರ ಏಕದಿನ ವಿಶ್ವಕಪ್ಗಾಗಿ ತಂಡದ ಬಲ ರೂಪಿಸುವಲ್ಲಿ ಪ್ರಮುಖ ಪಾತ್ರ ವಹಿಸಲಿದೆ.
ಇಂಗ್ಲೆಂಡ್ ಸರಣಿಯ ಅಂತಿಮ ಪಂದ್ಯ ಜುಲೈ 19ರಂದು ಲಂಡನ್ನಲ್ಲಿ ನಡೆಯಲಿದೆ. ಕೇವಲ ನಾಲ್ಕು ದಿನಗಳ ಬಳಿಕ ಜುಲೈ 23ರಂದು ಜಿಂಬಾಬ್ವೆ ವಿರುದ್ಧದ ಮೊದಲ ಟಿ20ಐ ಪಂದ್ಯ ನಡೆಯಲಿದೆ. ಈ ಬಿಗ್ ಶೆಡ್ಯೂಲ್ ಭಾರತೀಯ ತಂಡದ ಆಟಗಾರರ ದೈಹಿಕ ಸಾಮರ್ಥ್ಯ ಮತ್ತು ಸಮಯ ನಿರ್ವಹಣೆಯನ್ನು ಪರೀಕ್ಷಿಸಲಿದೆ.
ಪ್ರಮುಖ ಆಟಗಾರರ ನಿರ್ವಹಣೆ
ಏಕದಿನ ಮತ್ತು ಟಿ20ಐ ಸೆಟ್ಅಪ್ಗಳು ಪ್ರತ್ಯೇಕವಾಗಿದ್ದರೂ, ಹಾರ್ದಿಕ್ ಪಾಂಡ್ಯ, ಅಕ್ಷರ್ ಪಟೇಲ್, ಜಸ್ಪ್ರೀತ್ ಬುಮ್ರಾ ಮತ್ತು ಅರ್ಶ್ದೀಪ್ ಸಿಂಗ್ ಅವರಂತಹ ಪ್ರಮುಖ ಆಟಗಾರರು ಎರಡೂ ಸ್ವರೂಪಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಆದರೆ ಈ ಋತುವಿನಲ್ಲಿ ಬುಮ್ರಾ ದ್ವಿಪಕ್ಷೀಯ ಟಿ20ಐಗಳನ್ನು ಆಡದಿರುವ ನಿರೀಕ್ಷೆಯಿದೆ. ಇಂಗ್ಲೆಂಡ್ ಸರಣಿಯ ಬಳಿಕ ಜಿಂಬಾಬ್ವೆ ಪ್ರವಾಸದಲ್ಲಿ ಹೆಚ್ಚಾಗಿ ಯುವ ಆಟಗಾರರಿಗೆ ಅವಕಾಶ ನೀಡುವ ಸಾಧ್ಯತೆಯಿದೆ. ಇದರಿಂದ ಭಾರತದ ಬ್ಯಾಟಿಂಗ್ ಮತ್ತು ಬೌಲಿಂಗ್ ಬೆಂಚ್ ಸ್ಟ್ರೆಂತ್ ಮತ್ತಷ್ಟು ಬಲಗೊಳ್ಳಲಿದೆ.
ಜಿಂಬಾಬೈ ಪ್ರವಾಸದ ವಿಶೇಷತೆ
2024ರ ಜುಲೈನಲ್ಲಿ ನಡೆದ ಜಿಂಬಾಬ್ವೆ ಪ್ರವಾಸವು ಭಾರತೀಯ ಕ್ರಿಕೆಟ್ಗೆ ಮಹತ್ವದ್ದಾಗಿತ್ತು. ಆ ಸರಣಿಯಲ್ಲೇ ಯುವ ಆಟಗಾರರಾದ ಅಭಿಷೇಕ್ ಶರ್ಮಾ, ಧ್ರುವ್ ಜುರೆಲ್ ಮತ್ತು ರಿಯಾನ್ ಪರಾಗ್ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಪಾದಾರ್ಪಣೆ ಮಾಡಿದ್ದರು. ಈಗ ಆ ಮೂವರು ತಂಡದ ಪ್ರಮುಖ ಸದಸ್ಯರಾಗಿ ಬೆಳೆದಿದ್ದಾರೆ. ಈ ಬಾರಿಯ ಜಿಂಬಾಬ್ವೆ ಪ್ರವಾಸವೂ ಹೊಸ ಪ್ರತಿಭೆಗಳನ್ನು ಗುರುತಿಸುವ ದೃಷ್ಟಿಯಿಂದ ಮಹತ್ವ ಪಡೆದುಕೊಳ್ಳಲಿದೆ.
ಜಿಂಬಾಬ್ವೆ ಕ್ರಿಕೆಟ್ ತಂಡ ಕಳೆದ ಕೆಲವು ವರ್ಷಗಳಲ್ಲಿ ಸ್ಥಿರ ಪ್ರದರ್ಶನ ನೀಡುತ್ತಿದೆ. ತವರಿನಲ್ಲಿ ಅವರು ಯಾವುದೇ ತಂಡಕ್ಕೂ ಸವಾಲೊಡ್ಡುವ ಸಾಮರ್ಥ್ಯ ಹೊಂದಿದ್ದಾರೆ. ಭಾರತ ತಂಡಕ್ಕೆ ಈ ಸರಣಿಯು 2026ರ ಟಿ20 ವಿಶ್ವಕಪ್ ತಯಾರಿಯ ದೃಷ್ಟಿಯಿಂದಲೂ ಮುಖ್ಯವಾಗಿದೆ.
ವೇಳಾಪಟ್ಟಿ ವಿವರ
ಜಿಂಬಾಬ್ವೆ ವಿರುದ್ಧದ ಟಿ20ಐ ಸರಣಿ
-
ಮೊದಲ ಟಿ20ಐ: ಜುಲೈ 23, ಹರಾರೆ
-
ಎರಡನೇ ಟಿ20ಐ: ಜುಲೈ 25, ಹರಾರೆ
-
ಮೂರನೇ ಟಿ20ಐ: ಜುಲೈ 26, ಹರಾರೆ
ಇಂಗ್ಲೆಂಡ್ ವಿರುದ್ಧದ ಟಿ20ಐ ಸರಣಿ
-
ಮೊದಲ ಟಿ20ಐ: ಜುಲೈ 1, ದುರ್ಹ್ಯಾಮ್
-
ಎರಡನೇ ಟಿ20ಐ: ಜುಲೈ 4, ಮ್ಯಾಂಚೆಸ್ಟರ್
-
ಮೂರನೇ ಟಿ20ಐ: ಜುಲೈ 7, ನಾಟಿಂಗ್ ಹ್ಯಾಮ್
-
ನಾಲ್ಕನೇ ಟಿ20ಐ: ಜುಲೈ 9, ಬ್ರಿಸ್ಟಲ್
-
ಐದನೇ ಟಿ20ಐ: ಜುಲೈ 11, ಸೌತಾಮ್ಟನ್
ಇಂಗ್ಲೆಂಡ್ ವಿರುದ್ಧದ ಏಕದಿನ ಸರಣಿ
-
ಮೊದಲ ಏಕದಿನ: ಜುಲೈ 14, ಬರ್ಮಿಂಗ್ ಹ್ಯಾಮ್
-
ಎರಡನೇ ಏಕದಿನ: ಜುಲೈ 16, ಕಾರ್ಡಿಫ್
-
ಮೂರನೇ ಏಕದಿನ: ಜುಲೈ 19, ಲಂಡನ್