ಗೂಗಲ್ ಇಂದು ಗೂಗಲ್ ಡೂಡಲ್ ಭಾರತದ ಅತ್ಯಂತ ಪ್ರತಿಷ್ಠಿತ ಕ್ರಿಕೆಟ್ ಲೀಗ್ ಇಂಡಿಯನ್ ಪ್ರೀಮಿಯರ್ ಲೀಗ್‌‌‌‌ನ ಉದ್ಘಾಟನೆಯನ್ನು ವಿಶೇಷ ಡೂಡಲ್‌ನೊಂದಿಗೆ ಸ್ವಾಗತಿಸಿದೆ. ಕೋಲ್ಕತ್ತಾದ ಈಡನ್ ಗಾರ್ಡನ್ಸ್‌ನಲ್ಲಿ ಇಂದು ಸಂಜೆ 7.30ಕ್ಕೆ ಪ್ರಾರಂಭವಾಗಲಿರುವ ಐಪಿಎಲ್ 2025ರ ಮೊದಲ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮುಖಾಮುಖಿ ಆಗಲಿದೆ.ಕಳೆದ ವರ್ಷದಂತೆ,90 ದಿನಗಳ ಕಾಲ ನಡೆಯಲಿರುವ ಈ ಪಂದ್ಯಾವಳಿಯಲ್ಲಿ 10 ತಂಡಗಳು ಸ್ಪರ್ಧಿಸಲಿದ್ದು, ಗೂಗಲ್ ಡೂಡಲ್‌ನ ಮೂಲಕ ಅನೇಕ ಮಾಹಿತಿಗಳನ್ನು ಹಂಚಿಕೊಂಡಿದೆ.
ಗೂಗಲ್ ಡೂಡಲ್‌ನ ವಿಶೇಷತೆ:
ಡೂಡಲ್‌ನಲ್ಲಿ ಬ್ಯಾಟ್ಸ್‌ಮನ್ ಚೆಂಡನ್ನು ಹೊಡೆಯುವ ಆನಿಮೇಷನ್ ತೋರಿಸಲಾಗಿದೆ. ಇದರ ಮೇಲೆ ಕ್ಲಿಕ್ ಮಾಡಿದರೆ, ಐಪಿಎಲ್ 2025 ಪಂದ್ಯಾವಳಿಯ ವೇಳಾಪಟ್ಟಿ, ತಂಡಗಳ ಲೈನ್-ಅಪ್‌ಗಳು, ಸ್ಥಳ ಮತ್ತು ಸಮಯದ ವಿವರಗಳು ಸ್ಕ್ರೀನ್‌ನಲ್ಲಿ ತೆರೆದುಕೊಳ್ಳುತ್ತವೆ. ಇದರ ಜೊತೆಗೆ, ಐಪಿಎಲ್‌ನ ಅಧಿಕೃತ ಸೋಶಿಯಲ್ ಮೀಡಿಯಾ ಲಿಂಕ್‌ಗಳು X, ಇನ್ಸ್ಟಾಗ್ರಾಮ್, ಸುದ್ದಿ ನವೀಕರಣಗಳು ಮತ್ತು ಸ್ಟ್ರೀಮಿಂಗ್ ವಿವರಗಳನ್ನು ಗೂಗಲ್ ಒಂದೇ ಜಾಗದಲ್ಲಿ ಸಂಗ್ರಹಿಸಿದೆ.
IPL 2025 ಸ್ಟ್ರೀಮ್ ಮಾಡಲು ಟೆಲಿಕಾಂ ಕಂಪನಿಗಳ ಸ್ಪೆಷಲ್ ರೀಚಾರ್ಜ್ ಯೋಜನೆಗಳು
IPL ಪಂದ್ಯಗಳನ್ನು ಜಿಯೋಹಾಟ್‌ಸ್ಟಾರ್‌ನಲ್ಲಿ ಸ್ಟ್ರೀಮ್ ಮಾಡಲಾಗುವುದು. ಇದಕ್ಕಾಗಿ ರಿಲಯನ್ಸ್ ಜಿಯೋ, ಏರ್ಟೆಲ್ ಮತ್ತು ವೋಡಾಫೋನ್-ಐಡಿಯಾ ತಮ್ಮ ಪ್ರಿಪೇಯ್ಡ್ ರೀಚಾರ್ಜ್ ಪ್ಲಾನ್‌ಗಳಲ್ಲಿ ಹಾಟ್‌ಸ್ಟಾರ್ ಚಂದಾದಾರಿಕೆಯನ್ನು ಇಂಟಿಗ್ರೇಟ್ ಮಾಡಿವೆ. ಸೀಮಿತ ಬಜೆಟ್ ಇರುವ ಬಳಕೆದಾರರಿಗಾಗಿ “ಮೊಬೈಲ್-ಓನ್ಲಿ” ಪ್ಯಾಕ್‌ಗಳು ಸಿಗುತ್ತಿವೆ.
ನೀವು ಅದನ್ನು ಪ್ರಿಪೇಯ್ಡ್ ರೀಚಾರ್ಜ್‌ನೊಂದಿಗೆ ಜೋಡಿಸಬಹುದು ಅಥವಾ ಜಿಯೋ ಹಾಟ್‌ಸ್ಟಾರ್ ವೆಬ್‌ಸೈಟ್‌ಗೆ ಭೇಟಿ ನೀಡುವ ಮೂಲಕ ಪ್ರತ್ಯೇಕ ಚಂದಾದಾರಿಕೆಯನ್ನು ಪಡೆಯಬಹುದು. ಜಿಯೋ ಹಾಟ್‌ಸ್ಟಾರ್ ತನ್ನ ಬಳಕೆದಾರರಿಗೆ ಮೊಬೈಲ್ ಮಾತ್ರ ಯೋಜನೆಗಳನ್ನು ಸಹ ನೀಡುತ್ತಿದೆ.
ಇಂದಿನ ಮೊದಲ ಪಂದ್ಯ: RCB vs KKR
ಐಪಿಎಲ್ 2025ರ ಮೊದಲ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಗಳ ನಡುವೆ ಸಂಜೆ 7:30ಕ್ಕೆ ಥ್ರಿಲರ್ ಮುಖಾಮುಖಿ ನಿರೀಕ್ಷಿಸಲಾಗಿದೆ. ಪಂದ್ಯದ ಲೈವ್ ಅಪ್‌ಡೇಟ್‌ಗಳಿಗಾಗಿ ಗೂಗಲ್ ಡೂಡಲ್ ಅಥವಾ ಹಾಟ್‌ಸ್ಟಾರ್ ಆಪ್ ಬಳಸಿ.
