ಕಾಲ್ತುಳಿತ ದುರಂತದ ನಂತರ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಕರ್ನಾಟಕ ರಾಜ್ಯ ಕ್ರಿಕೆಟ್ ಅಸೋಸಿಯೇಷನ್ (ಕೆಎಸ್ಸಿಎ) ಪೂರ್ಣ ಎಚ್ಚರಿಕೆಯಲ್ಲಿದೆ. ಮಾರ್ಚ್ 28ನೇ ತಾರೀಕು ಇಲ್ಲಿ ನಡೆಯಲಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ಪಂದ್ಯದ ವೇಳೆ ಕ್ರಿಕೆಟ್ ಅಭಿಮಾನಿಗಳಿಗೆ ಕಟ್ಟುನಿಟ್ಟಿನ ಸುರಕ್ಷತಾ ನಿಯಮಗಳನ್ನು ಜಾರಿಗೊಳಿಸಲಾಗಿದೆ.
ಕೆಎಸ್ಸಿಎ ಮತ್ತು ಬೆಂಗಳೂರು ಪೊಲೀಸ್ ಇಲಾಖೆ ಸಂಯುಕ್ತವಾಗಿ ಸ್ಟೇಡಿಯಂ ಪ್ರವೇಶಕ್ಕೆ ಕಡಕ್ ಮಾರ್ಗಸೂಚಿಗಳನ್ನು ಜಾರಿಗೆ ತಂದಿದ್ದಾರೆ. ಸ್ಟೇಡಿಯಂ ಹೊರಗೆ ದೊಡ್ಡ ಬೋರ್ಡ್ಗಳಲ್ಲಿ ನಿಷೇಧಿತ ವಸ್ತುಗಳ ಪಟ್ಟಿ ಚಿತ್ರಿಸಲಾಗಿದೆ. ಅಪಾಯಕಾರಿ ವಸ್ತುಗಳು ಸೇರಿದಂತೆ ಹಲವು ವಸ್ತುಗಳನ್ನು ಸ್ಟೇಡಿಯಂಗೆ ತರಲು ಸಂಪೂರ್ಣ ನಿಷೇಧಿಸಲಾಗಿದೆ.
ನಿಷೇಧಿತ ವಸ್ತುಗಳ ಪಟ್ಟಿ :
- ಅಪಾಯಕಾರಿ ವಸ್ತುಗಳು: ಪಿಸ್ತೂಲ್, ಚಾಕು, ಕತ್ತರಿ, ಆಲ್ಕೋಹಾಲ್ ಬಾಟಲ್ಗಳು
- ದಹನಕಾರಿ ವಸ್ತುಗಳು: ಪೆಟ್ರೋಲ್, ಡೀಸೆಲ್, ಲೈಟರ್, ಪಟಾಕಿಗಳು
- ಆಹಾರ ಮತ್ತು ಪಾನೀಯ: ಫುಡ್ ಐಟಮ್ಸ್, ಬಾಟಲ್ಗಳು (ವಾಟರ್ ಬಾಟಲ್ ಸೇರಿದಂತೆ)
- ಧೂಮಪಾನ ಸಾಮಗ್ರಿಗಳು: ಬೀಡಿ, ಸಿಗರೇಟ್
- ಇತರೆ: ಬ್ಯಾಗ್ಗಳು, ಹೆಲ್ಮೆಟ್, ಎಲೆಕ್ಟ್ರಾನಿಕ್ ವಸ್ತುಗಳು (ಕ್ಯಾಮರಾ, ಲ್ಯಾಪ್ಟಾಪ್ ಸೇರಿದಂತೆ), ಮಕ್ಕಳ ಟಾಯ್ಸ್ಗಳು
ಸ್ಟೇಡಿಯಂ ಪ್ರವೇಶಿಸುವ ಮುನ್ನ ಎಲ್ಲಾ ಅಭಿಮಾನಿಗಳ ಬ್ಯಾಗ್ಗಳು ಮತ್ತು ವಸ್ತುಗಳನ್ನು ಪರಿಶೀಲಿಸಲಾಗುವುದು. QR ಕೋಡ್ ಟಿಕೆಟ್ ಸ್ಕ್ಯಾನಿಂಗ್ ಕಡ್ಡಾಯವಾಗಿದೆ.
ಕೆಎಸ್ಸಿಎಯ ಸಂದೇಶ:
“ಅಭಿಮಾನಿಗಳ ಸುರಕ್ಷತೆಯೇ ನಮ್ಮ ಮೊದಲ ಆದ್ಯತೆ. ಕಾಲ್ತುಳಿತ ದುರಂತದ ನಂತರ ಸುರಕ್ಷತಾ ಕ್ರಮಗಳನ್ನು ಬಲಪಡಿಸಲಾಗಿದೆ. ದಯವಿಟ್ಟು ನಿಷೇಧಿತ ವಸ್ತುಗಳನ್ನು ತರಬೇಡಿ. ಸಹಕರಿಸಿ” ಎಂದು ಕೆಎಸ್ಸಿಎ ಅಧಿಕಾರಿಗಳು ಮನವಿ ಮಾಡಿದ್ದಾರೆ.
ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಈ ಬಾರಿ AI ಆಧಾರಿತ ಕ್ರೌಡ್ ಮ್ಯಾನೇಜ್ಮೆಂಟ್, ಹೊಸ ಗೇಟ್ಗಳು, ಹೋಲ್ಡಿಂಗ್ ಏರಿಯಾಗಳು ಮತ್ತು ಇನ್ನಷ್ಟು ಸುಧಾರಿತ ಸುರಕ್ಷತಾ ವ್ಯವಸ್ಥೆಗಳನ್ನು ಜಾರಿಗೊಳಿಸಲಾಗಿದೆ. ಅಭಿಮಾನಿಗಳು ಸಮಯಕ್ಕೆ ಸರಿಯಾಗಿ ಬಂದು, ನಿಯಮಗಳನ್ನು ಪಾಲಿಸಿ ಪಂದ್ಯವನ್ನು ಸುರಕ್ಷಿತವಾಗಿ ಆನಂದಿಸುವಂತೆ ಕೆಎಸ್ಸಿಎ ಸೂಚಿಸಿದೆ.
ಸಲಹೆ:
- ಟಿಕೆಟ್ QR ಕೋಡ್ ರೆಡಿ ಇರಿಸಿಕೊಳ್ಳಿ.
- ಕೇವಲ ಅಗತ್ಯ ವಸ್ತುಗಳನ್ನು ಮಾತ್ರ ತನ್ನಿ .
- ಸ್ಟೇಡಿಯಂ ಹೊರಗೆ ಗುಂಪುಗೂಡುವುದನ್ನು ತಪ್ಪಿಸಿ.
