ಜನ್ಮಸಂಖ್ಯೆ 1 (1, 10, 19, 28ನೇ ತಾರೀಕು)
ಈ ಶುಕ್ರವಾರ, ಸ್ನೇಹಿತರು ಅಥವಾ ಸಂಬಂಧಿಗಳ ಆಹ್ವಾನದ ಮೇಲೆ ಊಟಕ್ಕೆ ಅಥವಾ ಗೆಟ್-ಟುಗೆದರ್‌ಗೆ ತೆರಳುವ ಸಾಧ್ಯತೆ ಇದೆ. ಕೆಲವರು ಎಲೆಕ್ಟ್ರಾನಿಕ್ ವಸ್ತುಗಳು ಅಥವಾ ರೆಸಾರ್ಟ್ ಭೇಟಿಯನ್ನು ಯೋಜಿಸಬಹುದು. ಅನಿರೀಕ್ಷಿತ ಹಣಕಾಸಿನ ಲಾಭ ಸಿಗಲಿದೆ. ವ್ಯಾಪಾರಿಗಳಿಗೆ ಮಾರಾಟ ಆಗದೆ ಉಳಿದ ವಸ್ತುಗಳು ಮಾರಾಟವಾಗುವ ಸಾಧ್ಯತೆ ಇದೆ. ಸಿಟ್ಟಿನ ಸ್ವಭಾವವಿದ್ದರೆ ಸಮಾಧಾನದಿಂದ ಇರಲು ಪ್ರಯತ್ನಿಸಿ, ಇದರಿಂದ ಅನುಕೂಲಗಳು ದೊರೆಯಬಹುದು. ಆಪ್ತರಿಂದ ವಿಭಿನ್ನ ಅಭಿಪ್ರಾಯಗಳು ಬರಬಹುದು, ಆದರೆ ತಲೆಕೆಡಿಸಿಕೊಳ್ಳದಿರಿ.
ಜನ್ಮಸಂಖ್ಯೆ 2 (2, 11, 20, 29ನೇ ತಾರೀಕು)
ನಿಮ್ಮ ತಪ್ಪನ್ನು ಒಪ್ಪಿಕೊಳ್ಳಲು ಮನಸ್ಸಿಲ್ಲದಿರಬಹುದು, ಆದರೆ ವಿತಂಡವಾದಕ್ಕೆ ಹೋಗದಿರಿ. ಅನಗತ್ಯ ಖರೀದಿಗಳಿಗೆ ಆಕರ್ಷಿತರಾಗಬಹುದು. ಆಪ್ತರ ಜತೆಗಿನ ಮಾತುಕತೆಯಲ್ಲಿ ಎಚ್ಚರಿಕೆಯಿಂದ ಪದಗಳನ್ನು ಬಳಸಿ, ಇಲ್ಲವಾದರೆ ಮನಸ್ತಾಪ ಸೃಷ್ಟಿಯಾಗಬಹುದು. ಮಕ್ಕಳ ಜತೆಗೆ ಮಾತನಾಡುವಾಗ ಕೋಪವನ್ನು ತಡೆಯಿರಿ. ಮನೆ-ಆಸ್ತಿ ಅಥವಾ ಮದುವೆ ವಿಷಯದಲ್ಲಿ ಭಿನ್ನಾಭಿಪ್ರಾಯವಿದ್ದರೆ ವಾದ ಮಾಡದೆ ಸುಮ್ಮನಿರಿ.
ಜನ್ಮಸಂಖ್ಯೆ 3 (3, 12, 21, 30ನೇ ತಾರೀಕು)
ಪರಿಚಿತರು ಉಚಿತವಾಗಿ ವಸ್ತುಗಳನ್ನು ನೀಡಬಹುದು ಅಥವಾ ತಮ್ಮ ವಾಹನವನ್ನು ಬಳಸಲು ಕೊಡಬಹುದು. ಸಂಗಾತಿಯಿಂದ ಬೇಡಿಕೆಗಳು ಬರಬಹುದು. ಆಸ್ತಿ ವಿಷಯದಲ್ಲಿ ತೀರ್ಮಾನಕ್ಕೆ ಸುಳಿವು ದೊರೆಯಲಿದೆ. ಸರ್ಕಾರಿ ಕೆಲಸಕ್ಕೆ ಪ್ರಯತ್ನಿಸುವವರಿಗೆ ಮಾರ್ಗದರ್ಶನ ಸಿಗಲಿದೆ. ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವುದರಿಂದ ಮನಶ್ಶಾಂತಿ ದೊರೆಯುತ್ತದೆ.
ಜನ್ಮಸಂಖ್ಯೆ 4 (4, 13, 22, 31ನೇ ತಾರೀಕು)
ನೀವು ವಹಿಸಿಕೊಂಡ ಜವಾಬ್ದಾರಿಗಳು ಭಾರವಾಗಬಹುದು. ಹಣ ನೀಡುವ ಭರವಸೆ ಈಡೇರದಿದ್ದರೆ ಆರೋಪಗಳು ಎದುರಾಗಬಹುದು. ನಿದ್ದೆಗೆ ಸಂಬಂಧಿಸಿದ ಸಮಸ್ಯೆಗಳು ಕಾಡಬಹುದು. ಸಲೂನ್ ಆರಂಭಿಸುವವರಿಗೆ ಹಣಕಾಸಿನ ಅನುಕೂಲ ಸಿಗಲಿದೆ. ಉದ್ಯೋಗ ಬದಲಾವಣೆಗೆ ಅವಕಾಶಗಳ ಬಗ್ಗೆ ಸ್ನೇಹಿತರು ಮಾಹಿತಿ ನೀಡಬಹುದು.
ಜನ್ಮಸಂಖ್ಯೆ 5 (5, 14, 23ನೇ ತಾರೀಕು)
ಸಂಗಾತಿಯ ಆರೋಗ್ಯ ಸಮಸ್ಯೆಗಳು ಆತಂಕಕ್ಕೆ ಕಾರಣವಾಗಬಹುದು. ನಿರೀಕ್ಷಿತ ಕೆಲಸಗಳಿಗೆ ಅಡೆತಡೆ ಉಂಟಾಗಬಹುದು. ವ್ಯಾಪಾರದಲ್ಲಿ ಭರವಸೆ ನೀಡಿದವರು ತೀರ್ಮಾನ ಬದಲಿಸಬಹುದು. ಪ್ರಾಪಂಚಿಕ ವಿಷಯಗಳ ಬಗ್ಗೆ ವೈರಾಗ್ಯ ಮೂಡಬಹುದು. ಮಾನಸಿಕವಾಗಿ ಸಿದ್ಧರಿಲ್ಲದ ವಿಷಯಗಳಲ್ಲಿ ನಿರ್ಧಾರ ತೆಗೆದುಕೊಳ್ಳಬೇಕಾಗಬಹುದು.
ಜನ್ಮಸಂಖ್ಯೆ 6 (6, 15, 24ನೇ ತಾರೀಕು)
ಕುಟುಂಬದೊಂದಿಗೆ ಪ್ರಯಾಣದ ಯೋಗವಿದೆ. ಆಪ್ತರ ಜತೆಗೆ ಊಟ-ತಿಂಡಿಗಳಿಂದ ತೃಪ್ತಿ ದೊರೆಯಲಿದೆ. ಆಹಾರ-ನೀರಿನ ವಿಷಯದಲ್ಲಿ ಎಚ್ಚರಿಕೆ ವಹಿಸಿ. ಬೆನ್ನುನೋವಿನ ಸಮಸ್ಯೆ ಉಲ್ಬಣಿಸಬಹುದು. ತವರುಮನೆಯಿಂದ ಉಡುಗೊರೆಗಳು ದೊರೆಯಬಹುದು. ಟೀವಿ, ಹೋಮ್ ಥಿಯೇಟರ್ ಖರೀದಿಗೆ ಯೋಜನೆ ಇರಬಹುದು.
ಜನ್ಮಸಂಖ್ಯೆ 7 (7, 16, 25ನೇ ತಾರೀಕು)
ನಿರ್ಧಾರಗಳನ್ನು ಸ್ಥಿರವಾಗಿಡಿ, ಇಲ್ಲವಾದರೆ ವಿಶ್ವಾಸಾರ್ಹತೆ ಕಳೆದುಕೊಳ್ಳಬಹುದು. ಸಿಟ್ಟನ್ನು ಬಹಿರಂಗವಾಗಿ ವ್ಯಕ್ತಪಡಿಸದಿರಿ. ಆಪ್ತರು ಖರೀದಿಗೆ ಕರೆಯಬಹುದು, ಆದರೆ ಒತ್ತಡ ಹಾಕದಿರಿ. ಕಣ್ಣಿನ ಅಲರ್ಜಿಗಳಿದ್ದರೆ ವೈದ್ಯರನ್ನು ಭೇಟಿಯಾಗಿ.
ಜನ್ಮಸಂಖ್ಯೆ 8 (8, 17, 26ನೇ ತಾರೀಕು)
ಊಟ-ತಿಂಡಿ, ಬಟ್ಟೆಗಳಿಂದ ತೃಪ್ತಿ ದೊರೆಯಲಿದೆ. ಸಿನಿಮಾ ರಂಗದವರಿಗೆ ದೊಡ್ಡ ಯೋಜನೆ ಸಿಗಬಹುದು. ಮನೆ ನಿರ್ಮಾಣ, ಸೋಲಾರ್ ವ್ಯವಹಾರಕ್ಕೆ ಆರ್ಡರ್‌ಗಳು ಬರಲಿವೆ. ಸ್ನೇಹಿತರ ರೆಫರೆನ್ಸ್‌ನಿಂದ ಗ್ರಾಹಕರು ಆಗಮಿಸಲಿದ್ದಾರೆ.
ಜನ್ಮಸಂಖ್ಯೆ 9 (9, 18, 27ನೇ ತಾರೀಕು)
ಎದುರಿಗಿರುವವರ ಮಾತನ್ನು ಗಮನವಿಟ್ಟು ಕೇಳಿ. ಪ್ರೀತಿಯಲ್ಲಿ ನಿರ್ಲಕ್ಷ್ಯದ ಭಾವನೆ ಮೂಡಬಹುದು. ಆಸ್ತಿ ವಿಷಯದಲ್ಲಿ ನಿರೀಕ್ಷೆಯಂತೆ ಬೆಳವಣಿಗೆ ಆಗದಿರಬಹುದು. ಹೋಟೆಲ್ ವ್ಯವಹಾರದವರು ವಿಸ್ತರಣೆಗೆ ಯೋಜನೆ ರೂಪಿಸಲಿದ್ದಾರೆ.
