ಪಾಕಿಸ್ತಾನಕ್ಕೆ ಬಿಗ್‌‌ ಶಾಕ್: ಸೇನೆ ಯುದ್ಧಾಭ್ಯಾಸದಲ್ಲಿ ಹೊತ್ತಿ ಉರಿದ ವಿಮಾನ

ಲಾಹೋರ್: ಪಾಕಿಸ್ತಾನದ ಸೇನೆಯ ಯುದ್ಧಾಭ್ಯಾಸದ ವೇಳೆ ಒಂದು ದುರಂತ ಸಂಭವಿಸಿದೆ. ಲಾಹೋರ್‌ನಲ್ಲಿ ನಡೆಯುತ್ತಿದ್ದ ಯುದ್ಧ ವಿಮಾನದ ಲ್ಯಾಂಡಿಂಗ್ ಸಮಯದಲ್ಲಿ ಭಾರಿ ಬೆಂಕಿ ಕಾಣಿಸಿಕೊಂಡಿದ್ದು, ಈ ಘಟನೆಯಿಂದ ಎಲ್ಲಾ ವಿಮಾನಗಳ ಕಾರ್ಯಾಚರಣೆಯನ್ನು ರದ್ದುಗೊಳಿಸಲಾಗಿದೆ.

ವಿಮಾನವು ಲಾಹೋರ್‌ನ ರನ್‌ವೇಯಲ್ಲಿ ಲ್ಯಾಂಡ್ ಆಗುವ ಸಂದರ್ಭದಲ್ಲಿ ಏಕಾಏಕಿ ಬೆಂಕಿಗೆ ಆಹುತಿಯಾಯಿತು. ಈ ಘಟನೆಯಿಂದಾಗಿ ವಿಮಾನದಲ್ಲಿ ಯಾವುದೇ ಗಾಯಾಳುಗಳು ಅಥವಾ ಸಾವುನೋವುಗಳು ಸಂಭವಿಸಿದ ಬಗ್ಗೆ ಯಾವುದೇ ಸ್ಪಷ್ಟ ಮಾಹಿತಿ ಲಭ್ಯವಾಗಿಲ್ಲ. 
ಈ ಘಟನೆಯಿಂದಾಗಿ ಲಾಹೋರ್‌ನ ವಿಮಾನ ನಿಲ್ದಾಣದಲ್ಲಿ ಎಲ್ಲಾ ವಿಮಾನಗಳ ಓಡಾಟವನ್ನು ರದ್ದುಗೊಳಿಸಲಾಗಿದೆ. ಈ ಘಟನೆಯು ಸ್ಥಳೀಯ ವಿಮಾನಯಾನ ಕಾರ್ಯಾಚರಣೆಗೆ ತೊಂದರೆಯನ್ನು ಉಂಟುಮಾಡಿದ್ದು, ಸೇನೆಯ ಯುದ್ಧಾಭ್ಯಾಸದ ವಿಶ್ವಾಸಾರ್ಹತೆಯ ಮೇಲೆಯೂ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ಪಾಕಿಸ್ತಾನದ ಸೇನೆಯು ಈ ಘಟನೆಯ ಕಾರಣವನ್ನು ಕಂಡುಹಿಡಿಯಲು ತನಿಖೆಯನ್ನು ಆರಂಭಿಸಿದೆ.