ಮುಂಬೈ: ದೇಶದ ವಿಮಾನಯಾನ ಇತಿಹಾಸದಲ್ಲಿ ಹೊಸ ಅಧ್ಯಾಯವನ್ನು ಸೃಷ್ಟಿಸುವ ನವಿ ಮುಂಬೈ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ (NMIA) ಮೊದಲ ಹಂತವನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ಉದ್ಘಾಟಿಸಿದ್ದಾರೆ. ಸುಮಾರು 19,650 ಕೋಟಿ ರೂಪಯಿಗಳ ವಿಶಾಲ ಬಂಡವಾಳದಿಂದ ನಿರ್ಮಿಸಲಾದ ಈ ವುಂಆನ ನಿಲ್ದಾನ ಉದ್ಘಾಟನಾ ಸಮಾರಂಭದಲ್ಲಿ ಮಹಾರಾಷ್ಟ್ರ ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್ ಹಾಜರಿದ್ದರು.
ಹೊಸ ವಿಮಾನ ನಿಲ್ದಾಣವು 3,700-ಮೀಟರ್ ಉದ್ದದ ರನ್‌ವೇಯನ್ನು ಹೊಂದಿದೆ, ಇದು ಏರ್ಬಸ್ A380 ನಂತಹ ದೊಡ್ಡ ವಿಮಾನಗಳನ್ನು ಸಹ ಸುಲಭವಾಗಿ ನಿರ್ವಹಿಸುವ ಸಾಮರ್ಥ್ಯವನ್ನು ಹೊಂದಿದೆ. ವಿಮಾನ ನಿಲ್ದಾಣದ ವಾಸ್ತುಶಿಲ್ಪವು ಕಮಲದ ಹೂವಿನ ಆಕಾರದಿಂದ ಸ್ಫೂರ್ತಿ ಪಡೆದಿದೆ. ಈ ವಿಶೇಷ ವಿನ್ಯಾಸದಲ್ಲಿ 12 ಶಿಲ್ಪಕಲಾ ಕಾಲಮ್‌ಗಳು ಮತ್ತು 17 ಮೆಗಾ-ಕಾಲಮ್‌ಗಳಿವೆ, ಇವು ಭೂಕಂಪನ, ಬಲವಾದ ಗಾಳಿ ಮತ್ತು ಭಾರೀ ಹೊರೆಗಳನ್ನು ತಡೆದುಕೊಳ್ಳುವಂತೆ ವಿನ್ಯಾಸಗೊಳಿಸಲಾಗಿದೆ.
NMIAಯ ಪ್ರಮುಖ ವಿಶೇಷತೆಯೆಂದರೆ ಸ್ವಯಂಚಾಲಿತ ಪೀಪಲ್ ಮೂವರ್ (APM) ವ್ಯವಸ್ಥೆ. ಈ ವ್ಯವಸ್ಥೆಯು ಎಲ್ಲಾ ನಾಲ್ಕು ಪ್ರಯಾಣಿಕರ ಟರ್ಮಿನಲ್ಗಳನ್ನು ಸಂಪರ್ಕಿಸುತ್ತದೆ. ಪ್ರತ್ಯೇಕ ಲ್ಯಾಂಡ್ಸ್ ಎಪಿಎಂ ಟರ್ಮಿನಲ್ಗಳನ್ನು ನಗರದ ಮೂಲಸೌಕರ್ಯದೊಂದಿಗೆ ಸಂಪರ್ಕಿಸಲಾಗುವುದು.
ಭವಿಷ್ಯದ ವಿಸ್ತರಣಾ ಯೋಜನೆಗಳಲ್ಲಿ ಮೂರು ಹೆಚ್ಚುವರಿ ಟರ್ಮಿನಲ್ಗಳು ಮತ್ತು ಸಮಾನಾಂತರ ರನ್‌ವೇ ನಿರ್ಮಿಸುವುದು ಸೇರಿದೆ. ಈ ವಿಸ್ತರಣೆಗಳು ಪೂರ್ಣಗೊಂಡರೆ ವಿಮಾನ ನಿಲ್ದಾಣದ ಒಟ್ಟು ಪ್ರಯಾಣಿಕರ ಸಾಮರ್ಥ್ಯವು ವರ್ಷಕ್ಕೆ 90 ಮಿಲಿಯನ್ ಮತ್ತು ಸರಕು ನಿರ್ವಹಣಾ ಸಾಮರ್ಥ್ಯವು ವರ್ಷಕ್ಕೆ 3.25 ಮಿಲಿಯನ್ ಮೆಟ್ರಿಕ್ ಟನ್ ಗೆ ಹೆಚ್ಚಾಗಲಿದೆ.
