ಅಸ್ಸಾಂ, ಪಶ್ಚಿಮ ಬಂಗಾಳ, ಕೇರಳ, ತಮಿಳುನಾಡು ಹಾಗೂ ಪುದುಚೇರಿ ರಾಜ್ಯಗಳ ವಿಧಾನಸಭಾ ಚುನಾವಣೆಯ ಮತ ಎಣಿಕೆ ಸೋಮವಾರ ಬೆಳಗ್ಗೆ 8 ಗಂಟೆಯಿಂದ ಆರಂಭವಾಗಲಿದ್ದು, ಮಧ್ಯಾಹ್ನ ಅಥವಾ ಸಂಜೆಯ ವೇಳೆಗೆ ಸ್ಪಷ್ಟ ಫಲಿತಾಂಶಗಳು ಹೊರಬರಲಿವೆ.
ಬಿಜೆಪಿ, ಕಾಂಗ್ರೆಸ್, ಟಿಎಂಸಿ, ಡಿಎಂಕೆ, ಅಣ್ಣಾಡಿಎಂಕೆ, ಟಿವಿಕೆ ಸೇರಿದಂತೆ ಪ್ರಮುಖ ಪಕ್ಷಗಳ ನಡುವೆ ತೀವ್ರ ಹಣಾಹಣಿ ಏರ್ಪಟ್ಟಿದೆ. ಈ ಬಾರಿ ಸಾಂಪ್ರದಾಯಿಕ ಚುನಾವಣೋತ್ತರ ಸಮೀಕ್ಷೆಗಳು ಪ್ರಕಟವಾಗದ ಕಾರಣ ಫಲಿತಾಂಶಗಳು ಹೆಚ್ಚು ಅಚ್ಚರಿ ಮೂಡಿಸುವ ಸಾಧ್ಯತೆ ಇದೆ.
ರಾಜ್ಯವಾರು ಸ್ಥಿತಿ :
ಅಸ್ಸಾಂ: 126 ಸ್ಥಾನಗಳಿಗೆ 722 ಅಭ್ಯರ್ಥಿಗಳ ಸ್ಪರ್ಧೆ. ಬಿಜೆಪಿ ಮೂರನೇ ಬಾರಿ ಅಧಿಕಾರಕ್ಕೆ ಬರುವ ತವಕದಲ್ಲಿದ್ದರೆ, ಕಾಂಗ್ರೆಸ್ 10 ವರ್ಷಗಳ ಗೆಲುವಿನ ಬರವನ್ನು ಕಳೆಯಲು ಹೊರಟಿದೆ. ಹಿಮಂತ ಬಿಸ್ವ ಶರ್ಮಾ ಮತ್ತು ಗೌರವ್ ಗೊಗೋಯ್ ಮುಖ್ಯಮಂತ್ರಿ ಸ್ಥಾನಕ್ಕೆ ಪ್ರಮುಖ ಸ್ಪರ್ಧಿಗಳು.
ಪಶ್ಚಿಮ ಬಂಗಾಳ: 294 ಸ್ಥಾನಗಳಲ್ಲಿ ಟಿಎಂಸಿ ಮತ್ತು ಬಿಜೆಪಿ ನಡುವೆ ನೇರ ಘರ್ಷಣೆ. ಮಮತಾ ಬ್ಯಾನರ್ಜಿ ಅವರ ಭದ್ರಕೋಟೆಯನ್ನು ಬಿಜೆಪಿ ಛಿದ್ರಗೊಳಿಸುವ ಸಾಧ್ಯತೆಯನ್ನು ಕೆಲವು ಸಮೀಕ್ಷೆಗಳು ಹೇಳಿವೆ.
ತಮಿಳುನಾಡು: 234 ಸ್ಥಾನಗಳಲ್ಲಿ ಡಿಎಂಕೆ-ಕಾಂಗ್ರೆಸ್, ಅಣ್ಣಾಡಿಎಂಕೆ-ಬಿಜೆಪಿ ಮತ್ತು ವಿಜಯ್ ಅವರ ಟಿವಿಕೆ ಪಕ್ಷದ ತ್ರಿಕೋನ ಸ್ಪರ್ಧೆ. ಈ ಬಾರಿ ಟಿವಿಕೆ ಗೆಲುವಿನ ಸಾಧ್ಯತೆಯನ್ನು ಕೆಲವು ಸಮೀಕ್ಷೆಗಳು ತೋರಿಸಿವೆ.
ಕೇರಳ: 140 ಸ್ಥಾನಗಳಲ್ಲಿ ಎಲ್ಡಿಎಫ್, ಯುಡಿಎಫ್ ಮತ್ತು ಬಿಜೆಪಿ ನಡುವೆ ತ್ರಿಕೋನ ಕದನ. ಯುಡಿಎಫ್ಗೆ ಸ್ವಲ್ಪ ಮುನ್ನಡೆಯ ಸಾಧ್ಯತೆ ಇದೆ ಎಂದು ಹೆಚ್ಚಿನ ಸಮೀಕ್ಷೆಗಳು ಅಂದಾಜಿಸಿವೆ.
ಪುದುಚೇರಿ: 30 ಸ್ಥಾನಗಳಲ್ಲಿ ಎನ್ಡಿಎ ಮತ್ತು ಇಂಡಿಯಾ ಕೂಟದ ನಡುವಿನ ಸ್ಪರ್ಧೆ. ಎನ್ಡಿಎ ಪುನಃ ಅಧಿಕಾರಕ್ಕೆ ಬರುವ ಸಾಧ್ಯತೆ ಹೆಚ್ಚಿದೆ.
ಪಶ್ಚಿಮ ಬಂಗಾಳ
- ಒಟ್ಟು ಸ್ಥಾನ 294
- ಬಹುಮತಕ್ಕೆ 148
ತಮಿಳುನಾಡು
- ಒಟ್ಟು ಸ್ಥಾನ 234
- ಬಹುಮತಕ್ಕೆ 118
ಕೇರಳ
- ಒಟ್ಟು ಸ್ಥಾನ 140
- ಬಹುಮತಕ್ಕೆ 71
ಅಸ್ಸಾಂ
- ಒಟ್ಟು ಸ್ಥಾನ 126
- ಬಹುಮತಕ್ಕೆ 63
ಪುದುಚೇರಿ
- ಒಟ್ಟು ಸ್ಥಾನ 30
- ಬಹುಮತಕ್ಕೆ 16
ಈ ಫಲಿತಾಂಶಗಳು ರಾಷ್ಟ್ರೀಯ ರಾಜಕೀಯದ ಮೇಲೆ ದೊಡ್ಡ ಪರಿಣಾಮ ಬೀರಲಿವೆ.