ಮಧ್ಯಪ್ರದೇಶದ ಭೋಪಾಲ್ನಲ್ಲಿ ನಡೆದ ಒಂದು ಅಪರೂಪದ ಡಿವೋರ್ಸ್ ವಿವಾದ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಯಾಗುತ್ತಿದೆ. 42 ವರ್ಷದ ವ್ಯಕ್ತಿಯೊಬ್ಬರು 18 ವರ್ಷಗಳ ಹಿಂದೆ ಮದುವೆಯಾಗಿದ್ದರು. ಆದರೆ ಇತ್ತೀಚಿಗೆ ಅವರು ತಮ್ಮ ಆಫೀಸ್ನಲ್ಲಿ ಕೆಲಸ ಮಾಡುತ್ತಿರುವ 54 ವರ್ಷದ ಮಹಿಳೆಯ ಜೊತೆಗೆ ಪ್ರೀತಿ ಸಂಬಂಧ ಬೆಳೆಸಿದ್ದರು.
ಗಂಡನು ತನ್ನ ಹೆಂಡತಿ ಮತ್ತು ಮಕ್ಕಳನ್ನು ನಿರ್ಲಕ್ಷಿಸಿ, ತನಗಿಂತ 12 ವರ್ಷ ಹಿರಿಯಳಾದ ಪ್ರೇಯಸಿಯ ಜೊತೆಗೆ ಹೆಚ್ಚಿನ ಸಮಯ ಕಳೆಯಲು ಆರಂಭಿಸಿದ. ಇದರಿಂದ ಕುಟುಂಬದಲ್ಲಿ ಭಿನ್ನಾಭಿಪ್ರಾಯ ಉಲ್ಬಣಗೊಂಡು ದಂಪತಿಗಳು ಡಿವೋರ್ಸ್ಗೆ ಮುಂದಾದರು.
ಡಿವೋರ್ಸ್ ವಾದದ ಸಂದರ್ಭದಲ್ಲಿ ಹೆಂಡತಿ ತನ್ನ ಜೀವನಾಂಶಕ್ಕಾಗಿ ₹1.5 ಕೋಟಿ ಹಣವನ್ನು ಕೇಳಿದ್ದಳು. ಆದರೆ ಪತಿ ಈ ಮೊತ್ತವನ್ನು ಒಪ್ಪದಿದ್ದಾಗ, ಅವನ ಪ್ರೇಯಸಿ ಮಹಿಳೆಯೇ ಮುಂದಾಗಿ ಹಣವನ್ನು ಕೊಟ್ಟಳು. ಪ್ರೇಯಸಿ ಒಂದು ದುಬಾರಿ ಡುಪ್ಲೆಕ್ಸ್ ಮನೆ (ಮೌಲ್ಯ ಸುಮಾರು ₹1.23 ಕೋಟಿ) ಮತ್ತು ₹27 ಲಕ್ಷ ನಗದು ಹಣವನ್ನು ಹೆಂಡತಿಗೆ ನೀಡಿದ್ದಾಳೆ ಎಂದು ವರದಿಗಳು ತಿಳಿಸಿವೆ.
ಈ ಮೊತ್ತದಿಂದಾಗಿ ಹೆಂಡತಿ ಡಿವೋರ್ಸ್ಗೆ ಒಪ್ಪಿಗೆ ನೀಡಿದ್ದು, ಪ್ರಕರಣ ಸೌಹಾರ್ದಯುತವಾಗಿ ಮುಗಿದಿದೆ ಎಂದು ಕುಟುಂಬದ ಮೂಲಗಳು ಹೇಳಿವೆ. ಆದರೆ ಈ ಘಟನೆಯು ಸಾಮಾಜಿಕ ಜಾಲತಾಣಗಳಲ್ಲಿ “ಗಂಡನನ್ನು ₹1.5 ಕೋಟಿಗೆ ಮಾರಿದ ಹೆಂಡತಿ” ಎಂಬ ಶೀರ್ಷಿಕೆಯೊಂದಿಗೆ ವೈರಲ್ ಆಗಿದೆ.
ಕುಟುಂಬದ ಸದಸ್ಯರು ಹೇಳಿದ್ದು:
ಹೆಂಡತಿ ಮತ್ತು ಮಕ್ಕಳು ಈಗ ಆರ್ಥಿಕವಾಗಿ ಸುರಕ್ಷಿತರಾಗಿದ್ದಾರೆ. ಪತಿ ಮತ್ತು ಪ್ರೇಯಸಿ ಒಟ್ಟಿಗೆ ವಾಸಿಸುತ್ತಿದ್ದಾರೆ. ಎರಡೂ ಕಡೆಯವರು ಈಗ ಶಾಂತಿಯುತ ಜೀವನ ನಡೆಸುತ್ತಿದ್ದಾರೆ
ಈ ರೀತಿಯ ವಿಚಿತ್ರ ಡಿವೋರ್ಸ್ ಸೆಟಲ್ಮೆಂಟ್ಗಳು ಇತ್ತೀಚಿನ ದಿನಗಳಲ್ಲಿ ಹೆಚ್ಚಾಗುತ್ತಿರುವುದು ಗಮನಾರ್ಹ.
