ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಇಂದು ವಿಧಾನಸೌಧದಲ್ಲಿ ತಮ್ಮ ದಾಖಲೆಯ 17ನೇ ರಾಜ್ಯ ಬಜೆಟ್ ಮಂಡಿಸಿ ಮುಗಿಸಿದ್ದಾರೆ. ಸುಮಾರು 3 ಗಂಟೆ 40 ನಿಮಿಷಗಳ ಸುದೀರ್ಘ ಭಾಷಣ ನೀಡಿದ ಸಿದ್ದರಾಮಯ್ಯ ಅವರು ರಾಜ್ಯದ ಇತಿಹಾಸದಲ್ಲೇ ಅತಿ ದೀರ್ಘಕಾಲದ ಬಜೆಟ್ ಭಾಷಣ ದಾಖಲೆಯನ್ನು ನಿರ್ಮಿಸಿದ್ದಾರೆ.
ವಿಧಾನಸಭೆಯಲ್ಲಿ ಬಜೆಟ್ ಮಂಡನೆಯ ಸಮಯದಲ್ಲಿ ಸಿದ್ದರಾಮಯ್ಯ ಅವರು ಚೇರ್ ಮೇಲೆ ಕೂರದೆಯೇ ನಿಂತು ಭಾಷಣ ಮಾಡಿದರು. ನೀರು ಕುಡಿಯದೆಯೇ ಸತತವಾಗಿ ಓದಿದ್ದು, ಇದು ಅವರ ದೃಢತೆ ಮತ್ತು ಶಕ್ತಿಯನ್ನು ತೋರಿಸಿದೆ ಎಂದು ಸದನದಲ್ಲಿ ಗಮನ ಸೆಳೆಯಿತು. ಬಜೆಟ್ ಓದುವಿಕೆ ಮುಗಿದ ನಂತರ ವಿರೋಧ ಪಕ್ಷಗಳು ಮತ್ತು ಆಡಳಿತ ಪಕ್ಷದ ಸದಸ್ಯರು ಸಿಎಂಗೆ ಜೋರಾಗಿ ಚಪ್ಪಾಳೆ ತಟ್ಟಿದರು.
ವಿರೋಧ ಪಕ್ಷದ ಪ್ರತಿಕ್ರಿಯೆ ಬಜೆಟ್ ಮಂಡನೆಯ ಸಮಯದಲ್ಲಿ ಬಿಜೆಪಿ ಸದಸ್ಯರು “ಬಜೆಟ್ನಲ್ಲಿ ಏನಿಲ್ಲ.. ಚೊಂಬೋ ಚೊಂಬು” ಎಂದು ಕೂಗಿದರು. ಆದರೆ ಬಜೆಟ್ ಮುಗಿದ ನಂತರ ಕೆಲವು ಬಿಜೆಪಿ ಸದಸ್ಯರು “ಗೋವಿಂದ ಗೋವಿಂದ” ಎಂದು ಕೂಗಿ ಸಿಎಂಗೆ ಗೌರವ ಸಲ್ಲಿಸಿದ್ದು ಗಮನಾರ್ಹವಾಯಿತು.
ಸಿದ್ದರಾಮಯ್ಯ ಅವರು ತಮ್ಮ 17ನೇ ಬಜೆಟ್ ಮಂಡನೆಯ ಮೂಲಕ ರಾಜ್ಯದ ಇತಿಹಾಸದಲ್ಲಿ ಅತಿ ಹೆಚ್ಚು ಬಜೆಟ್ಗಳನ್ನು ಮಂಡಿಸಿದ ವ್ಯಕ್ತಿಯಾಗಿ ದಾಖಲೆ ನಿರ್ಮಿಸಿದ್ದಾರೆ. ಈ ಬಜೆಟ್ ರಾಜ್ಯದ ಆರ್ಥಿಕತೆಗೆ ಹೊಸ ದಿಕ್ಕು ನೀಡುವ ಗುರಿಯನ್ನು ಹೊಂದಿದೆ ಎಂದು ಸರ್ಕಾರ ವಾದಿಸಿದೆ.
