ಇಂದು ಬೆಂಗಳೂರಿನಲ್ಲಿ ಮೊಳಗಿದ ಮೊದಲ ಸೈರನ್, ಒಟ್ಟು ಬೆಂಗಳೂರಿನಲ್ಲಿ 35 ಕಡೆ ಸೈರನ್ ಮೊಳಗಲಿದೆ

ಭಾರತ-ಪಾಕಿಸ್ತಾನದ ನಡುವಿನ ಉದ್ವಿಗ್ನ ಪರಿಸ್ಥಿತಿಯ ಹಿನ್ನೆಲೆಯಲ್ಲಿ, ದೇಶಾದ್ಯಂತ ಇಂದು ನಾಗರಿಕ ರಕ್ಷಣೆಗಾಗಿ ‘ಆಪರೇಷನ್ ಅಭ್ಯಾಸ್’ ಅಡಿಯಲ್ಲಿ ಅಣಕು ಕಾರ್ಯಾಚರಣೆ (ಮಾಕ್ ಡ್ರಿಲ್) ನಡೆಯುತ್ತಿದೆ. ಬೆಂಗಳೂರಿನಲ್ಲಿ ಇಂದು ಸಂಜೆ 3:58ಕ್ಕೆ 35 ಸ್ಥಳಗಳಲ್ಲಿ ಏಕಕಾಲದಲ್ಲಿ ಗಾಳಿ ದಾಳಿ ಎಚ್ಚರಿಕೆ ಸೈರನ್‌ಗಳು ಮೊಳಗಲಿವೆ. ಈ ಸೈರನ್‌ಗಳ ಶಬ್ದವು ಸುಮಾರು 3 ಕಿಲೋಮೀಟರ್ ವ್ಯಾಪ್ತಿಯವರೆಗೆ ಕೇಳಿಸಲಿದ್ದು, ಜನರು ಆತಂಕಗೊಳ್ಳದಂತೆ ಸಿವಿಲ್ ಡಿಫೆನ್ಸ್ ಅಧಿಕಾರಿಗಳು ಸೂಚಿಸಿದ್ದಾರೆ. ಈ ಕಾರ್ಯಾಚರಣೆಯು ಯುದ್ಧಕಾಲದಂತಹ ಸಂದರ್ಭಗಳಲ್ಲಿ ನಾಗರಿಕರ ಸುರಕ್ಷತೆಗೆ ಸಿದ್ಧತೆಯ ಭಾಗವಾಗಿದೆ.

ಮಾಕ್ ಡ್ರಿಲ್‌ನ ಉದ್ದೇಶ

ಈ ಮಾಕ್ ಡ್ರಿಲ್‌ನ ಮುಖ್ಯ ಉದ್ದೇಶವು ನಾಗರಿಕರಿಗೆ ಗಾಳಿ ದಾಳಿ, ಬೆಂಕಿ, ರಕ್ಷಣಾ ಕಾರ್ಯಾಚರಣೆ ಮತ್ತು ಸ್ಥಳಾಂತರದಂತಹ ತುರ್ತು ಸಂದರ್ಭಗಳಲ್ಲಿ ಸರಿಯಾಗಿ ಪ್ರತಿಕ್ರಿಯಿಸಲು ತರಬೇತಿ ನೀಡುವುದು. ಈ ಕಾರ್ಯಾಚರಣೆಯು ಭಾರತದ 244 ಸೂಕ್ಷ್ಮ ಜಿಲ್ಲೆಗಳಲ್ಲಿ ನಡೆಯುತ್ತಿದ್ದು, ಬೆಂಗಳೂರು, ರಾಯಚೂರು ಮತ್ತು ಕಾರವಾರ ಸೇರಿದಂತೆ ಕರ್ನಾಟಕದ ಮೂರು ಸ್ಥಳಗಳನ್ನು ಆಯ್ಕೆ ಮಾಡಲಾಗಿದೆ. ಬೆಂಗಳೂರಿನ 5,000 ಸಿವಿಲ್ ಡಿಫೆನ್ಸ್ ಸಿಬ್ಬಂದಿಯನ್ನು ಈ ದಿಟ್ಟ ಕಾರ್ಯಕ್ಕೆ ಸಜ್ಜುಗೊಳಿಸಲಾಗಿದೆ.

ಬೆಂಗಳೂರಿನಲ್ಲಿ ಮಾಕ್ ಡ್ರಿಲ್‌ ವಿವರ

ಬೆಂಗಳೂರಿನಲ್ಲಿ ಮಾಕ್ ಡ್ರಿಲ್‌ ಈಗಾಗಲೇ ಪ್ರಾರಂಭವಾದೆ. ಕಾರ್ಯಾಚರಣೆಯು ಈ ಕೆಳಗಿನ ಚಟುವಟಿಕೆಗಳನ್ನು ಒಳಗೊಂಡಿದೆ:

1. ಹಲಸೂರು ಕೆರೆಯಲ್ಲಿ ಬೋಟಿಂಗ್ ರಕ್ಷಣಾ ಕಾರ್ಯ: ಜಲಾಶಯಗಳಲ್ಲಿ ರಕ್ಷಣಾ ಕಾರ್ಯಾಚರಣೆಯ ಅಣಕು ಪ್ರದರ್ಶನ.

2. ಗಾಳಿ ದಾಳಿ ಸೈರನ್ ಪ್ರೋಟೋಕಾಲ್: ಸೈರನ್‌ನ ಮೂರು ವಿಭಿನ್ನ ಶಬ್ದಗಳ ಮೂಲಕ ತುರ್ತು ಸಂದರ್ಭದಲ್ಲಿ ಜನರು ತೆಗೆದುಕೊಳ್ಳಬೇಕಾದ ಕ್ರಮಗಳ ಬಗ್ಗೆ ತಿಳಿವಳಿಕೆ.

3. ಫೈರಿಂಗ್ ಗೆಸ್ಟ್ ಹೌಸ್‌ನಲ್ಲಿ ತರಬೇತಿ: ಬೆಂಕಿ ಅಥವಾ ಗಾಳಿ ದಾಳಿಯ ಸಂದರ್ಭದಲ್ಲಿ ರಕ್ಷಣಾ ಕಾರ್ಯಗಳ ಕುರಿತು ಪ್ರದರ್ಶನ.

4. ಗಾಯಾಳುಗಳ ರಕ್ಷಣೆ ಮತ್ತು ಸ್ಥಳಾಂತರ: ಕಟ್ಟಡಗಳಲ್ಲಿ ಸಿಲುಕಿಕೊಂಡವರನ್ನು ರಕ್ಷಿಸುವುದು ಮತ್ತು ಆಸ್ಪತ್ರೆಗೆ ಸಾಗಿಸುವ ಕಾರ್ಯಾಚರಣೆಯ ಸಿಮ್ಯುಲೇಶನ್.

ಈ ಎಲ್ಲಾ ಚಟುವಟಿಕೆಗಳನ್ನು ಸಿವಿಲ್ ಡಿಫೆನ್ಸ್, ಗೃಹರಕ್ಷಕ ದಳ, ಅಗ್ನಿಶಾಮಕ ದಳ, ಪೊಲೀಸ್ ಇಲಾಖೆ, ಎನ್‌ಸಿಸಿ, ಎನ್‌ಎಸ್‌ಎಸ್ ಮತ್ತು ವೈದ್ಯಕೀಯ ತಂಡಗಳ ಸಹಯೋಗದೊಂದಿಗೆ ನಡೆಸಲಾಗುತ್ತಿದೆ.

ಬೆಂಗಳೂರಿನ 35 ಸೈರನ್ ಸ್ಥಳಗಳು

ಬೆಂಗಳೂರಿನಲ್ಲಿ 35 ಗಾಳಿ ದಾಳಿ ಎಚ್ಚರಿಕೆ ಸೈರನ್‌ಗಳನ್ನು ಅಳವಡಿಸಲಾಗಿದ್ದು, ಅವುಗಳಲ್ಲಿ 32 ಕಾರ್ಯಾನಿರ್ವಹಿಸುತ್ತಿವೆ. ಈ ಸೈರನ್‌ಗಳು ಕೆಳಗಿನ ಸ್ಥಳಗಳಲ್ಲಿ ಮೊಳಗುತ್ವೆತಲಿವೆ.

• ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಸೈನ್ಸ್ (IISc)

• ಸಿಕ್ಯೂಎಎಲ್ (CQAL)

• ಇಎಸ್‌ಐ ಆಸ್ಪತ್ರೆ, ರಾಜಾಜಿನಗರ

• ರಾಷ್ಟ್ರೀಯ ವಾಯುಯಾನ ಸಂಶೋಧನಾ ಸಂಸ್ಥೆ (NAL)

• ಬೆಂಗಳೂರು ಡೈರಿ

• ಕೆನರಾ ಬ್ಯಾಂಕ್

• ಎಸ್‌ಆರ್‌ಎಸ್, ಪೀಣ್ಯ

• ವಿವಿ ಟವರ್ ಅಗ್ನಿಶಾಮಕ ಠಾಣೆ

• ಜ್ಞಾನಭಾರತಿ ಅಗ್ನಿಶಾಮಕ ಠಾಣೆ

• ಥಣಿಸಂದ್ರ ಅಗ್ನಿಶಾಮಕ ಠಾಣೆ

• ಬಾಣಸವಾಡಿ ಅಗ್ನಿಶಾಮಕ ಠಾಣೆ

• ಯಶವಂತಪುರ ಅಗ್ನಿಶಾಮಕ ಠಾಣೆ

• ಬನಶಂಕರಿ ಅಗ್ನಿಶಾಮಕ ಠಾಣೆ

• ರಾಜಾಜಿನಗರ ಅಗ್ನಿಶಾಮಕ ಠಾಣೆ

• ಚಾಮರಾಜಪೇಟೆ ಅಗ್ನಿಶಾಮಕ ಠಾಣೆ

• ಕಮರ್ಷಿಯಲ್ ಸ್ಟ್ರೀಟ್ ಪೊಲೀಸ್ ಠಾಣೆ

• ಹಲಸೂರು ಗೇಟ್ ಪೊಲೀಸ್ ಠಾಣೆ

• ಹಲಸೂರು ಪೊಲೀಸ್ ಠಾಣೆ

• ಉಪ್ಪಾರಪೇಟೆ ಪೊಲೀಸ್ ಠಾಣೆ

• ರಾಜರಾಜೇಶ್ವರಿನಗರ ಪೊಲೀಸ್ ಠಾಣೆ

• ಕಾಮಾಕ್ಷಿಪಾಳ್ಯ ಪೊಲೀಸ್ ಠಾಣೆ

• ಕೆ.ಆರ್. ಮಾರ್ಕೆಟ್ ಪೊಲೀಸ್ ಠಾಣೆ

• ವೈಯಾಲಿಕಾವಲ್ ಪೊಲೀಸ್ ಠಾಣೆ

• ಹಲಸೂರು ಗೃಹರಕ್ಷಕ ದಳ ಕೇಂದ್ರ ಕಚೇರಿ

ಜನರಿಗೆ ಸಲಹೆ

ಸೈರನ್ ಶಬ್ದ ಕೇಳಿದಾಗ ಜನರು ಆತಂಕಗೊಳ್ಳದೆ ಶಾಂತವಾಗಿರಬೇಕು. ಈ ಸೈರನ್‌ಗಳು ಯಾವುದೇ ನಿಜವಾದ ತುರ್ತು ಸ್ಥಿತಿಯನ್ನು ಸೂಚಿಸುವುದಿಲ್ಲ, ಬದಲಿಗೆ ಇದು ಕೇವಲ ತರಬೇತಿಯ ಭಾಗವಾಗಿದೆ. ಜನರು ತಮ್ಮ ದೈನಂದಿನ ಕೆಲಸವನ್ನು ಮುಂದುವರಿಸಬಹುದು, ಆದರೆ ಸೈರನ್ ಕೇಳಿದಾಗ ಗಮನವಿರಲಿ ಮತ್ತು ಸ್ಥಳೀಯ ಅಧಿಕಾರಿಗಳ ಸೂಚನೆಗಳನ್ನು ಪಾಲಿಸಲು ಸಿದ್ಧರಾಗಿರಿ. ಮನೆಯಲ್ಲಿ ವೈದ್ಯಕೀಯ ಕಿಟ್, ಟಾರ್ಚ್, ಮೇಣದ ಬತ್ತಿಗಳು ಮತ್ತು ಕೆಲವು ನಗದು ತುರ್ತು ಸಂದರ್ಭಕ್ಕಾಗಿ ಸಿದ್ಧವಿರಲಿ.