ಇತ್ತೀಚಿನ ದಿನಗಳಲ್ಲಿ ಯುವಕರಿಂದ ಮಧ್ಯವಯಸ್ಕರವರೆಗೂ ಬಿಯರ್ ಕುಡಿಯುವವರು ಹೆಚ್ಚುತ್ತಿದ್ದಾರೆ. ವಾರಾಂತ್ಯ, ಸ್ನೇಹಿತರ ಜತೆಗಿನ ಪಾರ್ಟಿ, ಸಂಭ್ರಮದ ಕ್ಷಣ ಇತ್ಯಾದಿ ಸಂದರ್ಭಗಳಲ್ಲಿ ಬಿಯರ್ ಆರಾಮ ನೀಡುತ್ತದೆ ಎಂಬ ಭಾವನೆ ಜನರಲ್ಲಿ ಹೆಚ್ಚಿದೆ.
ಹಾರ್ಡ್ ಡ್ರಿಂಕ್ಸ್‌ಗಳಿಗೆ ಹೋಲಿಸಿದರೆ ಬಿಯರ್ ಅನ್ನು ಹೆಚ್ಚು ಸೌಮ್ಯವೆಂದು ಪರಿಗಣಿಸಲಾಗುತ್ತದೆ. ಆದರೆ ಇದು ಸಂಪೂರ್ಣವಾಗಿ ಹಾನಿರಹಿತವಲ್ಲ. ಯಾವುದೇ ಆಲ್ಕೋಹಾಲ್ ಒಳಗೊಂಡ ಪಾನೀಯದಂತೆ, ಬಿಯರ್ ಕೂಡ ದೇಹ ಮತ್ತು ಮನಸ್ಸಿನ ಮೇಲೆ ಪರಿಣಾಮ ಬೀರುತ್ತದೆ. ಹೀಗಾಗಿ, ಬಿಯರ್ ಅನ್ನು ಸರಿಯಾದ ಪ್ರಮಾಣದಲ್ಲಿ, ಸರಿಯಾದ ಸಮಯದಲ್ಲಿ ಮತ್ತು ಸರಿಯಾದ ರೀತಿಯಲ್ಲಿ ಸೇವಿಸುವುದು ಅತ್ಯಗತ್ಯ. ಯಾವ ಬಿಯರ್ ಆರೋಗ್ಯಕ್ಕೆ ಒಳ್ಳೇದು, ಎಷ್ಟು ಬಾರಿ ಕುಡಿಯಬೇಕು, ನಶೆಯ ಪರಿಣಾಮಗಳು ಮತ್ತು ಯಾವ ಸಂದರ್ಭಗಳಲ್ಲಿ ತಪ್ಪಿಸಬೇಕು ಎಂಬುದನ್ನು ತಿಳಿಯಿರಿ.
ತಿಂಗಳಲ್ಲಿ ಎಷ್ಟು ಬಾರಿ ಬಿಯರ್ ಕುಡಿಯಬಹುದು?
ಆರೋಗ್ಯ ಸಮಸ್ಯೆಗಳಿಲ್ಲದ ಒಬ್ಬ ವಯಸ್ಕ ವ್ಯಕ್ತಿ ತಿಂಗಳಲ್ಲಿ 2–4 ಸಲ ಮಿತವಾಗಿ ಬಿಯರ್ ಸೇವಿಸಿದರೆ ಅದು ಸಾಮಾನ್ಯವಾಗಿ ಅಪಾಯಕಾರಿಯಲ್ಲ ಎಂದು ತಜ್ಞರು ಹೇಳುತ್ತಾರೆ. ಆದರೆ ಇದು ಮಿತ ಸೇವನೆಗಷ್ಟೇ ಅನ್ವಯ. ಪ್ರತಿದಿನ ಬಿಯರ್ ಕುಡಿಯುವುದು ದೇಹಕ್ಕೆ ಅನಗತ್ಯ ಒತ್ತಡವನ್ನು ತರಬಹುದು.
ಆರೋಗ್ಯ ಮಾರ್ಗಸೂಚಿಗಳ ಪ್ರಕಾರ
-
ಪುರುಷರು: ದಿನಕ್ಕೆ ಗರಿಷ್ಠ 650 ml (ಸುಮಾರು 2 ಗ್ಲಾಸ್).
-
ಮಹಿಳೆಯರು: ದಿನಕ್ಕೆ ಗರಿಷ್ಠ 330 ml (ಸುಮಾರು 1 ಗ್ಲಾಸ್).
ಇದೂ ಸಹ ಪ್ರತಿ ದಿನಕ್ಕೆ ಶಿಫಾರಸು ಮಾಡಿಲ್ಲ. ಅದರ ಬದಲಾಗಿ ಸಾಂದರ್ಭಿಕವಾಗಿ ಕುಡಿಯುವುದು ಒಳಿತು. ಪ್ರತಿದಿನ ಕುಡಿಯುವುದರಿಂದ ತೂಕ ಹೆಚ್ಚಳ, ಯಕೃತ್ತಿನ ಮೇಲೆ ಒತ್ತಡ, ನಿದ್ರೆಯ ಗುಣಮಟ್ಟ ಹೀನವಾಗುವ ಸಾಧ್ಯತೆ ಇದೆ.
ಯಾವ ಬಿಯರ್ ಆರೋಗ್ಯಕ್ಕೆ ಹೆಚ್ಚು ಸೂಕ್ತ?
ಆಲ್ಕೋಹಾಲ್ ಸೇವನೆ ಸಂಪೂರ್ಣ ಸುರಕ್ಷಿತ ಅಲ್ಲ. ಆದರೆ, ಬಿಯರ್ ಕುಡಿಯಬೇಕೆಂದರೆ ಕಡಿಮೆ ಆಲ್ಕೋಹಾಲ್ ಮತ್ತು ಕಡಿಮೆ ಕ್ಯಾಲೊರಿಯುಳ್ಳ ಆಯ್ಕೆಗಳನ್ನು ಮಾಡುವುದು ಉತ್ತಮ.
ಆರೋಗ್ಯಕ್ಕೆ ಅನುಕೂಲಕರವಾದ ಬಿಯರ್‌ಗಳ ಪಟ್ಟಿಃ
-
ಲೈಟ್ ಬಿಯರ್ : ಕಡಿಮೆ ಕ್ಯಾಲೊರಿ ಮತ್ತು ಕಡಿಮೆ ಆಲ್ಕೋಹಾಲ್.
-
ಗೋಧಿ ಬಿಯರ್ (Wheat Beer) : ಹಗುರವಾದ ರುಚಿ, ಸುಲಭ ಜೀರ್ಣ.
-
ಲೋ ಕಾರ್ಬ್ ಬಿಯರ್ : ತೂಕವನ್ನ ಕಂಟ್ರೋಲ್‌ ಮಾಡುತ್ತಿರುವವರಿಗೆ ಸೂಕ್ತ.
-
ಕ್ರಾಫ್ಟ್ ಬಿಯರ್ (ಹಗುರ ವರ್ಗಗಳು) : ನೈಸರ್ಗಿಕ ಪದಾರ್ಥಗಳಿಂದ ತಯಾರಾಗಿವುದು, ಆದರೆ ಆಲ್ಕೋಹಾಲ್ ಪ್ರಮಾಣ ಪರೀಕ್ಷಿಸಲೇಬೇಕು.
ಡಾರ್ಕ್ ಬಿಯರ್, ಸ್ಟ್ರಾಂಗ್ ಬಿಯರ್ ಅಥವಾ ಹೆಚ್ಚಿನ ಆಲ್ಕೋಹಾಲ್ ಇರುವ ಬಿಯರ್‌ಗಳು ದೇಹಕ್ಕೆ ಹೆಚ್ಚು ಒತ್ತಡ ನೀಡುತ್ತವೆ. ಹಗುರ ಬಿಯರ್‌ಗಳು ಜೀರ್ಣವಾಗಲು ಸುಲಭ ಹಾಗು ದೇಹದ ಮೇಲೆ ಕಡಿಮೆ ಹೊರೆ.
ಯಾವ ಋತುವಿನಲ್ಲಿ ಬಿಯರ್ ಕುಡಿಯುವುದು ಸೂಕ್ತ?
ಬಿಯರ್ ಯಾವುದೇ ಋತುವಿನಲ್ಲೂ ಕುಡಿಯಬಹುದು. ಆದರೆ ಬೇಸಿಗೆಯಲ್ಲಿ ತಣ್ಣನೆಯ ಬಿಯರ್ ಹೆಚ್ಚು ತಾಜಾತನ ನೀಡುತ್ತದೆ. ಚಳಿಗಾಲದಲ್ಲಿ, ಕೆಲವು ಬಿಯರ್‌ಗಳನ್ನು ತೀರ ತಣ್ಣಗೆ ಮಾಡದೆ ಕೋಣೆಯ ತಾಪಮಾನದಲ್ಲಿ ಕುಡಿಯುವುದು ಉತ್ತಮ. ಇದು ಬಿಯರ್‌ನ ಮೂಲ ರುಚಿ ಮತ್ತು ಪರಿಮಳವನ್ನು ಉಳಿಸುತ್ತದೆ.
ಬಿಯರ್ ಅನ್ನು ಅತಿಯಾಗಿ ತಣ್ಣಗಾಗಿಸುವುದು ಅದರ ನೈಸರ್ಗಿಕ ರುಚಿಯನ್ನು ಕಳೆದುಕೊಳ್ಳಬಹುದು. ಆದ್ದರಿಂದ ಸರಿಯಾದ ತಾಪಮಾನದ ಬಿಯರ್ ಆರಿಸಿ.
ಬಿಯರ್‌ನ ನಶೆ ಎಷ್ಟು ಗಂಟೆ ಇರುತ್ತದೆ?
ಸಾಮಾನ್ಯವಾಗಿ ಬಿಯರ್‌ನ ಪ್ರಭಾವ 2 ರಿಂದ 4 ಗಂಟೆಗಳವರೆಗೆ ಇರುತ್ತದೆ. ಆದರೆ ಇದು ಹಲವು ಅಂಶಗಳ ಮೇಲೆ ಅವಲಂಬಿತವಾಗಿತ್ತೆ.
-
ಎಷ್ಟು ಪ್ರಮಾಣ ಕುಡಿದಿದ್ದೀರಿ?
-
ದೇಹದ ತೂಕ ಹಾಗೂ ಮೆಟಾಬಾಲಿಜಂ ವೇಗ
-
ಖಾಲಿ ಹೊಟ್ಟೆಯಲ್ಲಿ ಕುಡಿದಿರಾ?
ಪೂರ್ಣವಾಗಿ ಚೇತರಿಸಿಕೊಳ್ಳಲು ಕೆಲವರಿಗೆ 2 ರಿಂದ 5 ಗಂಟೆ ಬೇಕಾಗಬಹುದು. ಈ ಅವಧಿಯಲ್ಲಿ ವಾಹನ ಚಲಾಯಿಸುವುದು ಅಪಾಯಕಾರಿಯಾಗಿದೆ.
ಯಾವಾಗ ಬಿಯರ್ ಅನ್ನು ಸಂಪೂರ್ಣ ತಪ್ಪಿಸಬೇಕು?
ಈ ಸಂದರ್ಭಗಳಲ್ಲಿ ಬಿಯರ್ ಸೇವನೆ ತೀವ್ರವಾಗಿ ತಡೆಗಟ್ಟಲಾಗಿದೆ
-
ಗರ್ಭಾವಸ್ಥೆ ಅಥವಾ ಹಾಲುಣಿಸುವ ಸಮಯ
-
ಯಕೃತ್ತು, ಮೂತ್ರಪಿಂಡ, ಹೃದಯ ಸಂಬಂಧಿ ಕಾಯಿಲೆಗಳು
-
ಖಾಲಿ ಹೊಟ್ಟೆ
-
ಔಷಧಿ ಸೇವನೆ ನಡೆಯುತ್ತಿರುವಾಗ (ವಿಶೇಷವಾಗಿ ಆಂಟಿಬಯೋಟಿಕ್, ಸೆಡೇಟಿವ್‌ಗಳು)
-
ವಾಹನ ಅಥವಾ ಯಂತ್ರೋಪಕರಣಗಳನ್ನು ಚಲಾಯಿಸುವ ಮೊದಲು
-
ತೀವ್ರ ಒತ್ತಡ, ಕಳವಳ, ಮಾನಸಿಕ ಒತ್ತಡದ ಸಂದರ್ಭಗಳು
ಬಿಯರ್ ಮಿತವಾಗಿ, ಸರಿಯಾದ ಸಂದರ್ಭಗಳಲ್ಲಿ, ನಿಮ್ಮ ಆರೋಗ್ಯದ ಸ್ಥಿತಿಯನ್ನು ಗಮನಿಸಿ ಕುಡಿದರೆ ಅಪಾಯ ಕಡಿಮೆ. ಆದರೆ ಮಿತಿಯನ್ನು ಮೀರಿದರೆ ಅದು ಯಕೃತ್ ಹಾನಿ, ತೂಕ ಹೆಚ್ಚಳ, ನಿದ್ರಾ ತೊಂದರೆ ಸೇರಿದಂತೆ ಹಲವು ಸಮಸ್ಯೆಗಳತ್ತ ದಾರಿ ಮಾಡಿಕೊಳ್ಳಬಹುದು. ಆರೋಗ್ಯಕ್ಕೆ ಮೊದಲ ಆದ್ಯತೆ ನೀಡಿ, ಮಿತವ್ಯಯದ ಜೀವನ ಶೈಲಿಯನ್ನು ಪಾಲಿಸಿ.