ಇಸ್ರೇಲ್-ಇರಾನ್ ಸಂಘರ್ಷದ ನಡುವೆ ಅಮೆರಿಕಾ ಇರಾನ್ಗೆ ಭಯಾನಕ ಎಚ್ಚರಿಕೆ ನೀಡಿದೆ. ಇರಾನ್ ನಾಗರಿಕತೆಯನ್ನೇ ಅಂತ್ಯಗೊಳಿಸುವಂತಹ ಭೀಕರ ಹೇಳಿಕೆ ಅಮೆರಿಕದಿಂದ ಬಂದಿರುವುದು ಜಗತ್ತನ್ನು ಬೆಚ್ಚಿಬೀಳಿಸಿದೆ.
ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಇರಾನ್ ಆಡಳಿತವು ಕೇವಲ ಕೆಲವೇ ಗಂಟೆಗಳಲ್ಲಿ ಅಂತ್ಯವಾಗಲಿದೆ ಎಂದು ಎಚ್ಚರಿಸಿದ್ದಾರೆ. ಕಳೆದ 47 ವರ್ಷಗಳಿಂದ ಅಮೆರಿಕಾಗೆ ಸವಾಲು ಹಾಕುತ್ತಿರುವ ಇರಾನ್ ಆಡಳಿತಕ್ಕೆ ಇದು ತೀವ್ರ ಎಚ್ಚರಿಕೆಯಾಗಿದೆ.
ಇರಾನ್ ಅಧ್ಯಕ್ಷರ ಖಡಕ್ ಪ್ರತಿಕ್ರಿಯೆ ಅಮೆರಿಕಾದ ಈ ಹೇಳಿಕೆಗೆ ಇರಾನ್ ಅಧ್ಯಕ್ಷ ಮಸೂದ್ ಪೆಜೆಶ್ಕಿಯಾನ್ ತೀವ್ರ ಪ್ರತಿಕ್ರಿಯೆ ನೀಡಿದ್ದಾರೆ. “ನಮ್ಮ ದೇಶದ ನಾಗರಿಕತೆಯನ್ನು ಅಂತ್ಯಗೊಳಿಸಲು ಮುಂದಾದರೆ, ಇರಾನ್ನ 1.4 ಕೋಟಿ ಜನರು ದೇಶಕ್ಕಾಗಿ ಪ್ರಾಣತ್ಯಾಗ ಮಾಡಲು ಸಿದ್ಧರಿದ್ದಾರೆ” ಎಂದು ಘೋಷಿಸುವ ಮೂಲಕ ಅಮೆರಿಕಾಗೆ ನೇರ ಸವಾಲು ಹಾಕಿದ್ದಾರೆ.
ಇಸ್ರೇಲ್ನ 12 ಗಂಟೆಗಳ ಎಚ್ಚರಿಕೆ ಈ ಉದ್ವಿಗ್ನತೆಯ ನಡುವೆ ಇರಾನ್ ಜನರಲ್ಲಿ ಭಾರೀ ಆತಂಕ ಹೆಚ್ಚಾಗಿದೆ. ಇಂದು ರಾತ್ರಿ ಇರಾನ್ನ ರೈಲು ಮತ್ತು ಮೆಟ್ರೋಗಳ ಮೇಲೆ ಭೀಕರ ದಾಳಿ ನಡೆಯುವ ಸಾಧ್ಯತೆ ಇದೆ ಎಂಬ ವದಂತಿಗಳು ಹರಡಿವೆ. ಇಸ್ರೇಲ್ ಸೇನೆಯು ಇರಾನ್ ಜನರಿಗೆ ಸಂದೇಶ ರವಾನಿಸಿ, “ಮುಂದಿನ 12 ಗಂಟೆಗಳ ಕಾಲ ಯಾರೂ ರೈಲುಗಳಲ್ಲಿ ಪ್ರಯಾಣಿಸಬೇಡಿ” ಎಂದು ಎಚ್ಚರಿಸಿದೆ ಎನ್ನಲಾಗಿದೆ.
ಜಾಗತಿಕ ಪರಿಣಾಮ ಈ ಯುದ್ಧದ ಭೀತಿಯಿಂದಾಗಿ ಜಗತ್ತಿನಾದ್ಯಂತ ಇಂಧನ ಬಿಕ್ಕಟ್ಟು ಉಂಟಾಗಿದೆ. ಪೆಟ್ರೋಲ್, ಡೀಸೆಲ್ ಮತ್ತು ಗ್ಯಾಸ್ ದರಗಳು ಗಗನಕ್ಕೇರುತ್ತಿವೆ. ಶಾಂತಿ ಮಾತುಕತೆಗಿಂತ ಯುದ್ಧದ ಹಾದಿ ಹಿಡಿದಿರುವುದು ಜಾಗತಿಕ ವಿನಾಶಕ್ಕೆ ಮುನ್ನುಡಿಯಾಗುತ್ತದೆಯೇ ಎಂಬ ಭೀತಿ ವಿಶ್ವಸಂಸ್ಥೆಯನ್ನು ಕಾಡುತ್ತಿದೆ.
ಇರಾನ್-ಇಸ್ರೇಲ್-ಅಮೆರಿಕಾ ನಡುವಿನ ಈ ಸಂಘರ್ಷವು ಇನ್ನಷ್ಟು ಉದ್ವಿಗ್ನತೆಗೆ ಕಾರಣವಾಗುತ್ತಿದೆ. ಇರಾನ್ ನಾಗರಿಕತೆಯ ಸರ್ವನಾಶದ ಬಗ್ಗೆ ಅಮೆರಿಕಾ ನೀಡಿರುವ ಎಚ್ಚರಿಕೆ ಜಗತ್ತಿನ ಗಮನ ಸೆಳೆದಿದೆ.
