ಹೌದು ಅಂದುಕೊಂಡಂತೆ ಅಮೆರಿಕವು ಭಾರತದ ಉತ್ಪನ್ನಗಳ ಮೇಲೆ ಶೇ.27ರಷ್ಟು ಪ್ರತಿ ತೆರಿಗೆ ಘೋಷಿಸಿದೆ. ಇದರಿಂದ ಭಾರತದ ರಫ್ತಿಗೆ ಭಾರೀ ಹೊಡೆತ ಬಿಳೋದು ಗ್ಯಾರಂಟಿ. ಏಷ್ಯಾದ ಪ್ರತಿಸ್ಪರ್ಧಿಗಳಿಗೆ ಹೋಲಿಸಿದರೆ ಭಾರತದ ಮೇಲೆ ಹಾಕಿರುವ ತೆರಿಗೆ ಕಡಿಮೆ. ಹಾಗಾಗಿ ಏಷ್ಯಾದ ಇತರೆ ದೇಶಗಳಿಗೆ ಹೋಲಿಸಿದರೆ ಭಾರತ ತನ್ನ ಉತ್ಪನ್ನಗಳ ಮೇಲೆ ಸ್ಪರ್ಧಾತ್ಮಕ ದರಕ್ಕೆ ಮಾರಲು ಅವಕಾಶವಿದೆ. ಕಳೆದ ವರ್ಷ ಭಾರತದಿಂದ ಅಮೆರಿಕಕ್ಕೆ 59,794 ಕೋಟಿ ರೂ. ಟೆಕ್ಸ್ಟೈಲ್ ಉತ್ಪನ್ನಗಳನ್ನು ರಫ್ತು ಮಾಡಲಾಗಿದೆ. ಭಾರತದ ವಸ್ತುಗಳ ರಫ್ತಿನ ಮೇಲೆ ಅಮೆರಿಕವು ಶೇ.27ರಷ್ಟು ತೆರಿಗೆ ಹಾಕಿದ್ದರೂ ಪ್ರತಿಸ್ಪರ್ಧಿ ವಿಟ್ನಾಂ (ಶೇ.46) ಮತ್ತು ಬಾಂಗ್ಲಾದೇಶ ( ಶೇ.37)ಕ್ಕೆ ಹೋಲಿಸಿದರೆ ಇದು ಕಡಿಮೆಯಾಗಿದೆ.
ದೇಶಿಯ ಉದ್ಯಮಗಳಿಗೆ ಆದ್ಯತೆ, ಸ್ಥಳೀಯವಾಗಿ ಉದ್ಯೋಗ ಸೃಷ್ಟಿಸಿರುವ ಗುರಿಯೊಂದಿಗೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಭಾರತ ಸೇರಿದಂತೆ ವಿವಿಧ ವಿವಿಧ ದೇಶಗಳ ಮೇಲೆ ಬುಧವಾರ ಪ್ರತಿತೆರಿಗೆ ಘೋಷಿಸಿದ್ದಾರೆ. ವಿಯೇಟ್ನಾಂಗೆ ಶೇ.46, ಥಾಯ್ಲೆಂಡ್ಗೆ ಶೇ.34, ಚೀನಾಕ್ಕೆ ಶೇ.34, ತೈವಾನ್ ಶೇ.32, ಪಾಕಿಸ್ತಾನ ಶೇ.29, ಇಯು ಶೇ.20, ಜಪಾನ್ ಶೇ.24 ಹೀಗೆ ಒಂದೊಂದು ದೇಶಗಳಿಗೆ ಒಂದೊಂದು ರೀತಿಯ ಪ್ರತಿತೆರಿಗೆ ಹಾಕುವ ಮೂಲಕ ಅಂತರಾಷ್ಟ್ರೀಯ ತೆರಿಗೆ ಯುದ್ಧಕ್ಕೆ ನಾಂದಿ ಹಾಡಿದ್ದಾರೆ.
ಹೌದು ಅಮೆರಿಕಾದ ಈ ನಡೆಯಿಂದಾಗಿ ವಿಶ್ವದಾದ್ಯಂತ ಆಟೋಮೋಬೈಲ್, ಡೈರಿ, ಸ್ಟೀಲ್ ಮತ್ತು ಎಲೆಕ್ಟ್ರಾನಿಕ್ ಕ್ಷೇತ್ರದಲ್ಲಿ ಭಾರೀ ತಲ್ಲಣ ಸೃಷ್ಟಿಯಾಗಿದೆ. ಹಲವು ದಶಕಗಳ ಕಾಲ ನಮ್ಮ ಸ್ನೇಹಿತರು ಸೇರಿ ಎಲ್ಲರೂ ವ್ಯಾಪಾರದ ಹೆಸರಿನಲ್ಲಿ ಲೂಟಿ, ಅತ್ಯಾಚಾರ ಮಾಡಿದ್ದಾರೆ. ಇದೀಗ ಸ್ಯಾಯಸಮ್ಮತ ವ್ಯಾಪಾರಕ್ಕಾಗಿ ಆ ದೇಶಗಳ ಮೇಲೆ ಪ್ರತಿ ತೆರಿಗೆ ಹಾಕುತ್ತಿದ್ದೇವೆ. ಇಂದು ವಿಮೋಚನೆಯ ದಿನ . ಈ ದಿನವನ್ನು ಅಮೆರಿಕಾದ ಉದ್ಯಮದ ಮರುಹುಟ್ಟಿನ ದಿನವಾಗಿ ನೆನಪಿನಲ್ಲಿಟ್ಟುಕೊಳ್ಳಲಾಗುತ್ತದೆ ಎಂದು ಪ್ರತಿ ತೆರಿಗೆ ಘೋಷಿಸಿದ ಬಳಿಕ ಟ್ರಂಪ್ ಹೇಳಿದ್ದಾರೆ.
ಈ ರೀತಿಯ ತೆರಿಗೆಯ ಮೂಲಕ ಅಮೆರಿಕದ ಖಜಾನೆಗೆ ನೂರಾರು ಶತಕೋಟಿ ಆದಾಯ ಬರಲಿದೆ ಮತ್ತು ಅಂತರಾಷ್ಟ್ರೀಯ ವ್ಯಾಪಾರವನ್ನು ನ್ಯಾಯಸಮ್ಮತಗೊಳಿಸಲಿದೆ ಎಂದು ಟ್ರಂಪ್ ಹೇಳಿದ್ದಾರೆ. ಇದನ್ನು ಖಂಡಿಸಿದ ಚೀನಾ ಅಮೇರಿಕದಿಂದ ಆಮದಾಗುವ ವಸ್ತುಗಳ ಮೇಲೆ ಪ್ರತಿ ತೆರಿಗೆ ಹಾಕುವ ಸಂದೇಶ ನೀಡುವ ಮೂಲಕ ಕಿಡಿಕಾರಿದೆ.