ಬೆಂಗಳೂರು ಇನ್ನಷ್ಟು ಬ್ಯೂಟಿಫುಲ್ ಆಗಲಿದೆ. ರಸ್ತೆಗುಂಡಿಗಳು, ಕಾಮಗಾರಿಗಳು, ಟ್ರಾಫಿಕ್ ಸಮಸ್ಯೆ ಇದನ್ನ ಹೊರತುಪಡಿಸಿ ನಗರ ಇನ್ನಷ್ಟು ಸೌಂದರ್ಯ ರೂಪ ಹೊಂದಲಿದೆ.ಈ ಬ್ಯೂಟಿಫುಲ್ ಕೆಲಸದಲ್ಲಿ ನೀವು ಭಾಗಿಯಾಗಬಹುದು.
ಬೆಂಗಳೂರಲ್ಲಿ ಸದ್ಯ ಎಲ್ಲೇ ನೋಡಿದ್ರು ಕಾಮಗಾರಿಗಳು. ಯಾವ ರಸ್ತೆ ನೋಡಿದ್ರು ಹಳ್ಳ-ಗುಂಡಿಗಳು..ಮಳೆ ಬಂದ್ರೆ ಹಲವು ಪ್ರದೇಶಗಳು ಜಲಾವೃತ. ಇದೆಲ್ಲ ಕಾರಣದಿಂದ ಬೆಂಗಳೂರು ಬ್ಯೂಟಿ ಹಾಳಾಗ್ತಿದೆ ಎಂಬ ವಾದ ಇದೆ. ಆದ್ರೀಗ ಕಳೆದು ಹೋಗ್ತಿರುವ ಬೆಂಗಳೂರು ಬ್ಯೂಟಿಯನ್ನ ಇನ್ನಷ್ಟು ಹೆಚ್ಚಿಸುವ ಕೆಲಸ ಆಗ್ತಿದೆ.
ಜನರಿಗೆ ಉಪಯೋಗ ಆಗದೇ ಇರುವ ಸಾರ್ವಜನಿಕ ಸ್ಥಳಗಳನ್ನ ಪುನಶ್ಚೇತನಗೊಳಿಸಲು ಬಿಬಿಎಂಪಿ ಮುಂದಾಗಿದೆ. ಸಿಲಿಕಾನ್ ಸಿಟಿಯಲ್ಲಿ ಹಲವು ಡೆಡ್ ಸ್ಪಾಟ್ ಗಳಿದ್ದು, ಅಂತಹ ಪ್ರದೇಶಗಳನ್ನ ಈಗ ಗುರುತಿಸಿ ಅಭಿವೃದ್ಧಿಪಡಿಸಲು ಮುಂದಾಗಿದ್ದಾರೆ.. ಬಯಸಿದಂತೆ ಬಯಲು ಎಂಬ ಅಭಿಯಾನದಡಿ ಬೆಂಗಳೂರು ಅಂದ ಚೆಂದ ಹೆಚ್ಚಿಸಲು ತೀರ್ಮಾನಿಸಿದ್ದು, ಈ ಕ್ಯಾಂಪೇನ್ ನಲ್ಲಿ ಜನರನ್ನ ಭಾಗಿಯಾಗಿಸಿಕೊಳ್ಳಲಾಗುತ್ತಿದೆ. ಹೌದು, ನಿಮ್ಮ ಸುತ್ತಾಮುತ್ತಲಿನ ರಸ್ತೆ, ಬೀದಿಗಳಲ್ಲಿ, ಜಂಕ್ಷನ್ಗಳಲ್ಲಿ ಜನರಿಗೆ ಉಪಯೋಗವಾಗದ ಸಾರ್ವಜನಿಕ ಸ್ಥಳಗಳಿದ್ದರೇ ಅದನ್ನ ಪಾಲಿಕೆಗೆ ಗಮನಕ್ಕೆ ತರಬಹುದು.. ಆ ಜಾಗದ ಇತಿಮಿತಿಯಲ್ಲಿ ವಿಶ್ರಾಂತಿ ತಾಣ, ಮಿನಿ ಪಾರ್ಕ್, ಅಥವಾ ವಾಸ್ತುಶಿಲ್ಪವನ್ನ ನಿರ್ಮಿಸುವ ಮೂಲಕ ಆಕರ್ಷಿಣಿಯ ಸ್ಥಳವನ್ನಾಗಿ ಮಾರ್ಪಾಡು ಮಾಡಲಿದ್ದಾರೆ.
ನಗರದಲ್ಲಿ ಈಗಾಗಲೇ ಇಂತಹದೊಂದು ಪ್ರಯತ್ನ ಆಗಿದೆ. ಹಡ್ಸನ್ ಸರ್ಕಲ್ ನಲ್ಲಿ ಗಂಡಭೇರುಂಡ, ಶಿವಾನಂದ ವೃತ್ತದಲ್ಲಿ ವಿಶ್ರಾಂತಿ ತಾಣ, ಮೇಲ್ಸುತುವೆ ಕೆಳಗೆ ಆಟದ ಜಾಗ ಹೀಗೆ ನಗರದ ಅಂದ ಚೆಂದ ಹೆಚ್ಚಿಸಿರುವ ಉದಾಹರಣೆ ಇದೆ. ಆದ್ರೀಗ ಬಯಸಿದಂತೆ ಬಯಲು ಅಭಿಯಾನದಡಿ ಪಾಲಿಕೆ ವ್ಯಾಪ್ತಿಯ ಊರುಕೇರಿ, ಗಲ್ಲಿಗಳಲ್ಲಿಯೂ ಇಂಥಹ ಬ್ಯೂಟಿಫಿಕೇಶನ್ ಮಾಡುವ ಹೆಜ್ಜೆ ಇಟ್ಟಿರುವುದು ಹೊಸತು.. ಇದನ್ನ ಜನ ಕೂಡ ಸ್ವಾಗತಿಸಿದ್ದಾರೆ.
ನಮ್ಮ ಬೆಂಗಳೂರನ್ನ ಸುಂದರವಾಗಿಸಲು, ಸ್ವಚ್ಚವಾಗಿಸಲು ಇದೊಂದು ಅವಕಾಶ.. ಸಾರ್ವಜನಿಕ ಖಾಲಿ ಜಾಗಗಳಲ್ಲಿ ಕಸ, ಕಡ್ಡಿ ಎಸೆದ ಹಾಳು ಮಾಡುವ ಬದಲು, ಅಂತಹ ಸ್ಥಳಗಳನ್ನ ಪುನಶ್ಚೇತನಗೊಳಿಸುವುದು ಉತ್ತಮ ಆಯ್ಕೆ… ಅದೇ ರೀತಿ ಬಿಬಿಎಂಪಿ ಕೂಡ ಹೇಳಿದಂತೆ ಈ ಬಯಸಿದಂತೆ ಬಯಲು ಯೋಜನೆಯನ್ನ ಕಾರ್ಯರೂಪಕ್ಕೆ ತಂದು ನಗರದ ಸೌಂದರ್ಯ ಹೆಚ್ಚಿಸುವುದು.
