ಅದ್ದೂರಿಯಾಗಿ ನಡೆದ ʼಆಸ್ಟ್ರಲ್ ಸ್ಟಾರ್ ಕಿಡ್ಸ್ ಮತ್ತು ಆಸ್ಟ್ರಲ್ ಮಮ್ಮಿ & ಮೀʼ ಫ್ಯಾಷನ್‌ ಶೋ!

ಬೆಂಗಳೂರು: ಬೆಂಗಳೂರಿನ ಮೈಸೂರು ರಸ್ತೆಯ ಗ್ಲೋಬಲ್ ಡಿವಿನಿಟಿ ಮಾಲ್‌ನಲ್ಲಿ ‘ಆಸ್ಟ್ರಲ್ ಸ್ಟಾರ್ ಕಿಡ್ಸ್’ ಮತ್ತು ‘ಆಸ್ಟ್ರಲ್ ಮಮ್ಮಿ & ಮೀ’ ಫ್ಯಾಷನ್ ಶೋದ ಮೊದಲ ಆವೃತ್ತಿಯು ಅದ್ದೂರಿಯಾಗಿ ನಡೆಯಿತು. ಆಸ್ಟ್ರಲ್ ಪೇಜೆಂಟ್ಸ್ ಮತ್ತು ಮೀಡಿಯಾ ಕನೆಕ್ಟ್ ಸಹಯೋಗದೊಂದಿಗೆ ಆಯೋಜಿತವಾದ ಈ ಕಾರ್ಯಕ್ರಮವು ಮಕ್ಕಳು ಮತ್ತು ತಾಯಂದಿರ ಪ್ರತಿಭೆಗೆ ಒಂದು ಭವ್ಯ ವೇದಿಕೆಯಾಗಿ ಮೂಡಿಬಂತು.

ಎರಡು ವಿಭಾಗಗಳನ್ನು ಈ ಫ್ಯಾಷನ್‌ ಶೋ ಒಳಗೊಂಡಿದ್ದು, ಮಕ್ಕಳ ರ‍್ಯಾಂಪ್‌ ವಾಕ್ ಮತ್ತು ತಾಯಿ ಹಾಗೂ ಮಗುವಿನ ರ‍್ಯಾಂಪ್‌ ವಾಕ್ ನಿಂದ ಕೂಡಿತ್ತು. ‌ಕಾರ್ಯಕ್ರಮದಲ್ಲಿ ಪಾಲ್ಗೊಂಡವರಿಗೆ ವಿವಿಧ ವಿಭಾಗದಲ್ಲಿ ಬಹುಮಾನ ವಿತರಿಸಲಾಯಿತು.

ಕಾರ್ಯಕ್ರಮದ ಮುಖ್ಯ ಆಕರ್ಷಣೆಯಾದ ಆಸ್ಟ್ರಲ್ ಮಮ್ಮಿ & ಮೀ ಕರ್ನಾಟಕ ಕಿರೀಟವನ್ನು ವಿನುತಾ ಜೆವಿ ಮತ್ತು ಚೇಶ್ವಿಕ ಗೆದ್ದರು. ಸುಪ್ರಿಯಾ ಮತ್ತು ಸಿಯರ ಆರ್ ಶ್ರೀವತ್ಸ ಫಸ್ಟ್ ರನ್ನರ್ ಅಪ್ ಆಗಿ, ಡಾ. ಶಿಲ್ಪಾ ಸಿಂಗ್ ಮತ್ತು ಔರಿಯಾ ಸುರಾ ಸೆಕೆಂಡ್ ರನ್ನರ್ ಅಪ್ ಆಗಿ ಹೊರಹೊಮ್ಮಿದರು.

ಜೂನಿಯರ್ ಮಿಸ್ ಆಸ್ಟ್ರಲ್ ಕರ್ನಾಟಕ ವಿಭಾಗದಲ್ಲಿ ಅದ್ವಿತ ಪ್ರಥಮ ಬಹುಮಾನ, ಬೆಳಕು ಫಸ್ಟ್ ರನ್ನರ್ ಅಪ್, ಮತ್ತು ಆದ್ಯಾ ಸೆಕೆಂಡ್ ರನ್ನರ್ ಅಪ್ ಆಗಿ ಗೆದ್ದರು. ಜೂನಿಯರ್ ಮಿಸ್ಟರ್ ಆಸ್ಟ್ರಲ್ ಕರ್ನಾಟಕ ವಿಭಾಗದಲ್ಲಿ ಸಂಪ್ರೀತ್ ರಾಯ್ ಪ್ರಥಮ ಬಹುಮಾನ ಮತ್ತು ಸಂಭ್ರಮ್ ಮಠದ್ ಫಸ್ಟ್ ರನ್ನರ್ ಅಪ್ ಗಳಿಸಿದರು.

ಟೈನಿ ಮಿಸ್ಟರ್ ಆಸ್ಟ್ರಲ್ ಕರ್ನಾಟಕ ವಿಭಾಗದಲ್ಲಿ ವಾಗೀಶ್ ಎಸ್ ಮಗನೂರ್ ಪ್ರಥಮ ಬಹುಮಾನ, ಭೀವಿನ್ ಫಸ್ಟ್ ರನ್ನರ್ ಅಪ್, ಮತ್ತು ಕೌಶಿಕ್ ಆರ್ ರಾವತ್ ಸೆಕೆಂಡ್ ರನ್ನರ್ ಅಪ್ ಗೆದ್ದರು. ಲಿಟಲ್ ಮಿಸ್ ಆಸ್ಟ್ರಲ್ ಕರ್ನಾಟಕ ವಿಭಾಗದಲ್ಲಿ ಮೆಲೋನಿ ಮುತಕ್ಕ ಪ್ರಥಮ ಬಹುಮಾನ, ಚೇತನ ಸಿರಿ ಎಂ ಆರ್ ಫಸ್ಟ್ ರನ್ನರ್ ಅಪ್, ಮತ್ತು ಅದಿತಿ ಕಟ್ಟಿ ಸೆಕೆಂಡ್ ರನ್ನರ್ ಅಪ್ ಆಗಿ ಗೆದ್ದರು. ಲಿಟಲ್ ಮಿಸ್ಟರ್ ಆಸ್ಟ್ರಲ್ ಕರ್ನಾಟಕ ವಿಭಾಗದಲ್ಲಿ ರೆಯಾನ್ಷ್ ಡಿ ಪ್ರಥಮ ಬಹುಮಾನ, ಕಿಯಾನ್ ಫಸ್ಟ್ ರನ್ನರ್ ಅಪ್, ಮತ್ತು ವೇದಾಂತ್ ಜಿ ಸೆಕೆಂಡ್ ರನ್ನರ್ ಅಪ್ ಗಳಿಸಿದರು. ಆಸ್ಟ್ರಲ್ ಬಡ್ಸ್ & ಬ್ಯೂಟಿ ಕರ್ನಾಟಕ ವಿಭಾಗದಲ್ಲಿ ಸಪ್ನಾ ಮತ್ತು ರಿಷಬ್ ವಸಿಷ್ಠ ಪ್ರಥಮ ಬಹುಮಾನ, ಮತ್ತು ಡಾ. ಶಿಲ್ಪಾ ಮತ್ತು ರಾಗ್ನರ್ ಔಲೀಸ್ ಸುರಾ ಫಸ್ಟ್ ರನ್ನರ್ ಅಪ್ ಆಗಿ ಗೆದ್ದರು.

ಕಾರ್ಯಕ್ರಮದ ಮುಖ್ಯ ಆಯೋಜಕರಾದ ಪ್ರತಿಭಾ ಸೌಂಶಿಮಠ (ಮಿಸೆಸ್ ಇಂಡಿಯಾ ಕರ್ನಾಟಕ ನಿರ್ದೇಶಕಿ ಮತ್ತು ಮಿಸೆಸ್ ಇಂಡಿಯಾ ರಾಷ್ಟ್ರೀಯ ನಿರ್ದೇಶಕಿ) ಮಾತನಾಡಿ, “ಈ ಕಾರ್ಯಕ್ರಮವು ತಾಯಂದಿರಿಗೆ ಮತ್ತು ಮಕ್ಕಳಿಗೆ ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಲು ಒಂದು ವಿಶಿಷ್ಟ ವೇದಿಕೆಯಾಗಿದೆ. ಇದು ಕೇವಲ ಫ್ಯಾಷನ್ ಶೋ ಅಲ್ಲ, ತಾಯಿ-ಮಗುವಿನ ಬಾಂಧವ್ಯವನ್ನು ಬಲಪಡಿಸುವ ಮತ್ತು ಮಕ್ಕಳಲ್ಲಿ ಆತ್ಮವಿಶ್ವಾಸವನ್ನು ಹೆಚ್ಚಿಸುವ ಒಂದು ಅವಕಾಶವಾಗಿದೆ,” ಎಂದರು.

ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಡಾ. ನಿಶಿತಾ ಶೆಟ್ಟಿ ಫರ್ನಾಂಡಿಸ್ (ಮಿಸೆಸ್ ಇಂಡಿಪೆಂಡೆಂಟ್ ಇಂಟರ್‌ನ್ಯಾಷನಲ್ ರನ್ನರ್), ಶಿಕಾ ಪ್ರಸಾದ್ (ನಟ ಸ್ಕಂದ ಅಶೋಕ್ ಅವರ ಪತ್ನಿ), ವಿದ್ಯಾ ನವೀನ್ (ಸೆಲೆಬ್ರಿಟಿ ಮೇಕಪ್ ಕಲಾವಿದೆ ಮತ್ತು ಇನ್‌ಫ್ಲುಯೆನ್ಸರ್), ಮತ್ತು ಸಿಂಧೂರಿ ಯತೀಶ್ ತೀರ್ಪುಗಾರರಾಗಿ ಉಪಸ್ಥಿತರಿದ್ದರು.

ವಿಜೇತರ ವಿವರಗಳ ಪಟ್ಟಿ: