ನಾಲ್ಕನೇ ಬಾರಿ ಒಂದಾಗ್ತಿರೋ ಟಗರು ಜೋಡಿ ಶಿವಣ್ಣ-ಡಾಲಿ, ಮತ್ತೊಮ್ಮೆ ಮೋಡಿ ಮಾಡೋಕೆ ತುದಿಗಾಲಲ್ಲಿ ನಿಂತಿದ್ದಾರೆ. ಹೌದು, ಡ್ರೀಮ್ ಥಿಯೇಟರ್‌ನಲ್ಲಿ ಹೊಚ್ಚ ಹೊಸ ಆಪರೇಷನ್ ಮಾಡಲು ಸಜ್ಜಾಗಿರೋ ಈ ಸೂಪರ್ ಕಾಂಬೋ, ಚಿತ್ರಪ್ರೇಮಿಗಳನ್ನು 70ರ ದಶಕಕ್ಕೆ ಕೊಂಡೊಯ್ಯಲಿದೆ. ಇಷ್ಟಕ್ಕೂ ಇದು ಯಾವ ಜಾನರ್ ಸಿನಿಮಾ..? ಸಾರಥಿ ಯಾರು..? ಕಾನ್ಸೆಪ್ಟ್ ಲುಕ್ ಹೇಗಿದೆ ಅಂತೀರಾ? ಇಲ್ಲಿದೆ ಕಂಪ್ಲೀಟ್ ಮಾಹಿತಿ.
- ‘ಡ್ರೀಮ್ ಥಿಯೇಟರ್‌’ನಲ್ಲಿ ಶಿವಣ್ಣ-ಡಾಲಿ ನ್ಯೂ ‘ಆಪರೇಷನ್’
- ಕವಲುದಾರಿ ಡೈರೆಕ್ಟರ್ ಜೊತೆ ಮೋಡಿಗೆ ರೆಡಿ ಟಗರು ಜೋಡಿ!
- ‘ಉತ್ತರಕಾಂಡ’ಗೂ ಮೊದ್ಲೇ ಹೊಚ್ಚ ಹೊಸ ಪ್ರಾಜೆಕ್ಟ್ ಅನೌನ್ಸ್
- ಟೈಟಲ್ ಜೊತೆ ಫಸ್ಟ್‌ಲುಕ್ ಕಿಕ್.. 70ರ ದಶಕದ ಶೈಲಿಯ ಚಿತ್ರ
666 ಆಪರೇಷನ್ ಡ್ರೀಮ್ ಪ್ರಾಜೆಕ್ಟ್.. ಸ್ಯಾಂಡಲ್‌ವುಡ್ ಅಂಗಳದಲ್ಲಿ ಅನೌನ್ಸ್ ಆಗಿರೋ ಹೊಚ್ಚ ಹೊಸ ಸಿನಿಮಾ. ಹೌದು, ಕನ್ನಡ ಹಾಗೂ ತೆಲುಗು ಎರಡೆರಡು ಭಾಷೆಗಳಲ್ಲಿ ಒಟ್ಟೊಟ್ಟಿಗೆ ಚಿತ್ರೀಕರಣವಾಗಲಿರೋ ಈ ಸಿನಿಮಾದಲ್ಲಿ ನಾಲ್ಕನೇ ಬಾರಿ ಒಂದಾಗ್ತಿದ್ದಾರೆ ನಟ ಶಿವರಾಜ್‌ಕುಮಾರ್ ಹಾಗೂ ಡಾಲಿ ಧನಂಜಯ.
ಟಗರು ಸಿನಿಮಾದಿಂದ ಜೊತೆಯಾದ ಶಿವಣ್ಣ-ಡಾಲಿ ಜೋಡಿ ಬೈರಾಗಿ, ಉತ್ತರಕಾಂಡ ಸಿನಿಮಾಗಳ ಮೂಲಕ ಹ್ಯಾಟ್ರಿಕ್ ಕಾಂಬೋ ಅನಿಸಿಕೊಂಡಿತ್ತು. ಇದೀಗ ಉತ್ತರಕಾಂಡ ಚಿತ್ರ ಕಂಪ್ಲೀಟ್ ಆಗೋಕೆ ಮೊದಲೇ ಮತ್ತೊಂದು ಸಿನಿಮಾ ಅನೌನ್ಸ್ ಆಗಿದೆ. ಅದೇ 666 ಆಪರೇಷನ್ ಡ್ರೀಮ್ ಪ್ರಾಜೆಕ್ಟ್. ಅಂದಹಾಗೆ ಈ ಹಿಟ್ ಕಾಂಬೋನ ಮತ್ತೊಮ್ಮೆ ಜೊತೆಯಾಗಿಸಿರೋದು ಸಕ್ಸಸ್‌‌ಫುಲ್ ಸಿನಿಮಾಗಳ ನಿರ್ದೇಶಕ ಹೇಮಂತ್ ರಾವ್.
ಗೋಧಿಬಣ್ಣ ಸಾಧಾರಣ ಮೈಕಟ್ಟು, ಕವಲುದಾರಿ, ಸಪ್ತ ಸಾಗರದಾಚೆ ಎಲ್ಲೋ ಸೈಡ್ ಎ ಹಾಗೂ ಸೈಡ್ ಬಿ ಅಂತಹ ಭಿನ್ನ ಅಲೆಯ ಸಿನಿಮಾಗಳಿಗೆ ಆ್ಯಕ್ಷನ್ ಕಟ್ ಹೇಳಿ, ಪ್ರೇಕ್ಷಕರಿಗೆ ಫ್ರೆಶ್ ಫೀಲ್ ನೀಡಿದ್ದ ಡೈರೆಕ್ಟರ್ ಹೇಮಂತ್ ರಾವ್. ಈ ಹಿಂದೆಯೇ ಹೇಮಂತ್ ರಾವ್‌ಗೆ ಶಿವಣ್ಣ ಡೇಟ್ಸ್ ನೀಡಿದ್ದರು. ಅದೀಗ ಸಾಕಾರಗೊಳ್ತಿದ್ದು, ಈ ಇಂಟರೆಸ್ಟಿಂಗ್ ಕಾಂಬೋಗೆ ವೈಶಾಖ್ ಫಿಲಂಸ್ ಬ್ಯಾನರ್‌‌ನಡಿ ಡಾ. ವೈಶಾಖ್ ಜೆ ಗೌಡ ಬಂಡವಾಳ ಹೂಡುತ್ತಿದ್ದಾರೆ.
ಚಿತ್ರದ ಫಸ್ಟ್ ಲುಕ್ ಜೊತೆ ಟೈಟಲ್ ಕೂಡ ಸಖತ್ ಡಿಫರೆಂಟ್ ಆಗಿದ್ದು, ಸಿನಿಮಾ ಅದಕ್ಕಿಂತ ವಿಭಿನ್ನವಾಗಿರಲಿದೆ ಎನ್ನಲಾಗ್ತಿದೆ. ಅಂದಹಾಗೆ ಇದು 70ರ ದಶಕದ ಶೈಲಿಯ ಸಿನಿಮಾ ಆಗಿದ್ದು, ಕಂಪ್ಲೀಟ್ ರೆಟ್ರೋ ಬ್ಯಾಕ್‌‌ಡ್ರಾಪ್‌ನಿಂದ ಕೂಡಿರಲಿದೆ ಎನ್ನಲಾಗ್ತಿದೆ. ಶಿವಣ್ಣ ಇಲ್ಲಿ ಪವರ್‌ಫುಲ್ ರೋಲ್‌ಗೆ ಜೀವ ತುಂಬಲಿದ್ದು, ಡಾಲಿ- ಶಿವಣ್ಣ ಅಂದಾಗ ಸಹಜವಾಗಿಯೇ ಪ್ರೇಕ್ಷಕರಿಗೆ ಕ್ಯೂರಿಯಾಸಿಟಿ ಡಬಲ್ ಆಗಿದೆ.
ಟಗರು ಸಿನಿಮಾದಲ್ಲಿ ಹೀರೋ- ವಿಲನ್‌ಗಳಾಗಿ ಶಿವಣ್ಣ-ಡಾಲಿಯ ಟಗ್ ಆಫ್ ವಾರ್ ಸಖತ್ ಜೋರಿತ್ತು. ನಂತರ ಬಂದಂತಹ ಬೈರಾಗಿ ಸಿನಿಮಾದಲ್ಲೂ ಇವರಿಬ್ಬರು ಪಾಸಿಟಿವ್- ನೆಗೆಟಿವ್ ಶೇಡ್‌‌ಗಳಲ್ಲಿ ಪ್ರೇಕ್ಷಕರನ್ನ ರಂಜಿಸಿದ್ದರು. ಉತ್ತರಕಾಂಡದಲ್ಲಿ ಗುದ್ದಾಂಗುದ್ದಿ ಮಾಡೋಕೆ ಸಜ್ಜಾಗಿದ್ದ ಮಾಲೀಕ ಹಾಗೂ ಗಬ್ರು ಅಸಲಿ ಕಥೆ ಬಯಲಾಗುವ ಮೊದಲೇ ಈ ಆಪರೇಷ್ ಡ್ರೀಮ್ ಪ್ರಾಜೆಕ್ಟ್ ಅನೌನ್ಸ್ ಆಗಿದೆ.
130 ಸಿನಿಮಾಗಳನ್ನ ಕಂಪ್ಲೀಟ್ ಮಾಡಿರೋ ಶಿವಣ್ಣ ಸಿನಿಕರಿಯರ್‌ಗೆ ಇಂದಿಗೆ ಬರೋಬ್ಬರಿ 40 ವರ್ಷ. ಅಲ್ಲದೆ ಶಿವಣ್ಣ, ಡಾಲಿ ಇಬ್ಬರೂ ಸಹ ನಟನೆ ಜೊತೆ ನಿರ್ಮಾಪಕರಾಗಿಯೂ ಗುರ್ತಿಸಿಕೊಂಡಿದ್ದಾರೆ. ತಮ್ಮದೇ ಹೋಮ್ ಬ್ಯಾನರ್‌‌ಗಳನ್ನ ಬಿಟ್ಟು, ಒಂದೊಳ್ಳೆ ಸಬ್ಜೆಕ್ಟ್‌ಗಾಗಿ ಹೇಮಂತ್ ರಾವ್ ಜೊತೆ ಕೈ ಜೋಡಿಸಿರೋದು ಇಂಪ್ರೆಸ್ಸೀವ್. ಇನ್ನು ಪ್ರೇಕ್ಷಕರಿಗೆ ಹೊಸತೇನನ್ನೋ ಕೊಡ ಬಯಸುವ ಹೇಮಂತ್ ರಾವ್, ಈ ಬಾರಿ ಯಾವ ತರಹದ ಕಥೆಯನ್ನ ಪ್ರೆಸೆಂಟ್ ಮಾಡ್ತಾರೆ ಅನ್ನೋದೇ ಕೌತುಕ.
