ನಟಿ ಸಮಂತಾ ಅಂದ್ರೆ ಯಾರಿಗೆ ತಾನೇ ಇಷ್ಟ ಆಗಲ್ಲ ಹೇಳಿ..? ಈ ಚೆಲುವೆ ಚಿತ್ರರಂಗಕ್ಕೆ ಕಾಲಿಟ್ಟು ಬರೋಬ್ಬರಿ 16 ವರ್ಷಗಳಾಗಿದೆ. ಮದ್ವೆ, ಡಿವೋರ್ಸ್, ಅನಾರೋಗ್ಯ ಮತ್ತೆ ಮದ್ವೆ..ಅಬ್ಬಬ್ಬಾ ಸ್ಯಾಮ್ ನೋಡದ ಏಳುಬೀಳುಗಳೇ ಇಲ್ಲ. ಮಯೋಸೈಟಿಸ್ ಎಂಬ ಮಾರಿ ಬೆನ್ನತ್ತಿದ್ರೂ, 38ರ ಹರೆಯದಲ್ಲೂ 18ರ ಹುಡುಗಿಯಂತೆ ಕಂಗೊಳಿಸ್ತಿದ್ದಾರೆ ಸ್ಯಾಮ್. ಇಷ್ಟಕ್ಕೂ ಈ ಸುಂದರಿಯ ಹಾಟ್ & ಫಿಟ್ ಬಾಡಿಯ ಸೀಕ್ರೆಟ್ ಏನು..? ಸ್ಯಾಮ್ ಬೆಳಗ್ಗೆ ಎದ್ದ ತಕ್ಷಣ ಮಾಡೋ ಆ ಎಂಟು ಮ್ಯಾಜಿಕ್ ಕೆಲಸಗಳಾದ್ರೂ ಏನು..?
ಬಹುಭಾಷಾ ನಟಿ ಸಮಂತಾ, ಸದ್ಯ ಸೌತ್ ಸಿನಿ ದುನಿಯಾದ ಮೋಸ್ಟ್ ವಾಂಟೆಡ್ ನಟಿ. ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟು ಒಂದೂವರೆ ದಶಕ ಕಳೆದ್ರೂ, ಸ್ಯಾಮ್ ಕ್ರೇಜ್ ಮಾತ್ರ ಕಿಂಚಿತ್ತೂ ಕಡಿಮೆಯಾಗಿಲ್ಲ. ಅದೆಷ್ಟೋ ಏಟು ತಿಂದ್ರೂ, ಫೀನಿಕ್ಸ್ ಹಕ್ಕಿಯಂತೆ ಎದ್ದು ಬರೋ ಸಮಂತಾ, ಈಗ ಸಖತ್ ಬೋಲ್ಡ್ ಆಂಡ್ ಬ್ಯೂಟಿಫುಲ್. ಸದ್ಯ ಈ ‘ಊ ಅಂಟಾವಾ’ ಬೆಡಗಿ ‘ಮಾ ಇಂಟಿ ಬಂಗಾರಂ’ ಚಿತ್ರದ ಮೂಲಕ ಮತ್ತೆ ಬೆಳ್ಳಿತೆರೆ ಮೇಲೆ ಅಬ್ಬರಿಸಲು ರೆಡಿಯಾಗಿದ್ದಾರೆ. ಅದಕ್ಕೂ ಮುನ್ನ ಸ್ಯಾಮ್ ತಮ್ಮ ಫಿಟ್ನೆಸ್ ಗುಟ್ಟನ್ನ ರಟ್ಟು ಮಾಡಿದ್ದಾರೆ.
38ರ ಹರೆಯದ ಸಮಂತಾ..ಫಿಟ್ನೆಸ್ ಸೀಕ್ರೆಟ್ ರಿವೀಲ್
ಮಯೋಸೈಟಿಸ್ ಮೆಟ್ಟಿ ನಿಂತ ಸಮಂತಾ ಹೆಲ್ತ್ ಪಾಠ..!
ಮಯೋಸಿಟಿಸ್ ಎಂಬ ಕಾಯಿಲೆ ಸಮಂತಾರನ್ನ ಕಂಗೆಡಿಸಿತ್ತು ನಿಜ, ಆದ್ರೆ ಸ್ಯಾಮ್ ಮಾತ್ರ ಸೋಲೊಪ್ಪಲಿಲ್ಲ. ಈಗ ಪಾಡ್ಕ್ಯಾಸ್ಟ್ ಮೂಲಕ ಜನರಲ್ಲಿ ಹೆಲ್ತ್ ಅವೇರ್ನೆಸ್ ಮೂಡಿಸ್ತಿರೋ ಈ ಚೆಲುವೆ, ತನ್ನ ಚರ್ಮದ ಹೊಳಪು ಮತ್ತು ಸ್ಲಿಮ್ ಬಾಡಿಯ ಸೀಕ್ರೆಟ್ ರಿವೀಲ್ ಮಾಡಿದ್ದಾರೆ. ಸ್ಯಾಮ್ ಹಂಚಿಕೊಂಡಿರೋ ಈ ‘ಪವರ್ ಮಾರ್ನಿಂಗ್’ ವಿಡಿಯೋ ಈಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗ್ತಿದೆ. ಮೈಯೆಲ್ಲಾ ಮಾದಕತೆ ತುಂಬಿರೋ ಈ ಬ್ಯೂಟಿ, ತನ್ನ ಫಿಟ್ನೆಸ್ ಕಾಪಾಡಿಕೊಳ್ಳಲು ದಿನನಿತ್ಯ ಮಾಡುವ ಆ ಎಂಟು ಕೆಲಸಗಳು ಈಗ ಎಲ್ಲರ ಹುಬ್ಬೇರಿಸುವಂತೆ ಮಾಡಿದೆ.
ಮ್ಯಾಜಿಕ್ ಡ್ರಿಂಕ್, ಸಕ್ಕರೆಗೆ ಗುಡ್ ಬೈ ಇದೆ.. ಇದೇ ಸೀಕ್ರೆಟ್
ಬೆಳಗ್ಗೆ ಎದ್ದ ತಕ್ಷಣ ಸ್ಯಾಮ್ ಮಾಡುವ ಆ 8 ಕೆಲಸಗಳೇನು..?
ಸ್ಯಾಮ್ ಫಿಟ್ನೆಸ್ ಫಾರ್ಮುಲಾದಲ್ಲಿ ಮೊದಲ ಮಂತ್ರವೇ ನೋ ಫೋನ್. ಬೆಳಗ್ಗೆ ಎದ್ದ ತಕ್ಷಣ ಒಂದು ಗಂಟೆ ಫೋನ್ ಮುಟ್ಟೋದೇ ಇಲ್ವಂತೆ. ಎಚ್ಚರವಾದ ಕೂಡಲೇ ಐದು ನಿಮಿಷ ಪ್ರಶಾಂತವಾಗಿ ಕುಳಿತು ದೀರ್ಘವಾಗಿ ಉಸಿರಾಡೋದು ಇವರ ಮೊದಲ ಮಂತ್ರ. ಅಷ್ಟೇ ಅಲ್ಲ, ಬಿಸಿ ನೀರಿಗೆ ನಿಂಬೆ, ಅರಿಶಿನ, ಆಪಲ್ ಸೈಡರ್ ವಿನೆಗರ್, ಮತ್ತು ಒಂದು ಹನಿ ಆಲಿವ್ ಆಯಿಲ್ ಬೆರೆಸಿ ಕುಡಿಯೋದು ಇವರ ಹಾಟ್ನೆಸ್ ಸೀಕ್ರೆಟ್. ಬೆಳಗ್ಗೆ 11ರ ಒಳಗಾಗಿ ಜಿಮ್ನಲ್ಲಿ ಎರಡು ಗಂಟೆಗಳ ಕಾಲ ಬೆವರಿಸೋ ಸಮಂತಾ, ಸಕ್ಕರೆ ಅಂಶವಿರೋ ಪದಾರ್ಥಗಳಿಂದ ಮಾರು ದೂರ ಇರ್ತಾರೆ. ಇದೇ ನೋಡಿ ಸ್ಯಾಮ್ ಅವರ ಎವರ್ ಗ್ರೀನ್ ಅಂದದ ಅಸಲಿ ಗುಟ್ಟು.
ನೋಡಿದ್ರಲ್ಲ, ಸಮಂತಾ ಅವರ ಈ ಫಿಟ್ನೆಸ್ ಮಂತ್ರ ನಿಜಕ್ಕೂ ಇಂಟ್ರೆಸ್ಟಿಂಗ್ ಅಲ್ವಾ? ಕೇವಲ ಗ್ಲಾಮರ್ ಅಷ್ಟೇ ಅಲ್ಲ, ಆರೋಗ್ಯದ ಬಗ್ಗೆಯೂ ಸ್ಯಾಮ್ ಎಷ್ಟು ಕೇರ್ ತಗೊತಾರೆ ಅನ್ನೋದಕ್ಕೆ ಅವರ ಈ ಮಾತುಗಳೇ ಸಾಕ್ಷಿ. ನೀವೂ ಕೂಡ ಸಮಂತಾ ತರ ಫಿಟ್ ಆಗಿರಬೇಕು ಅಂದ್ರೆ ಈ ಟಿಪ್ಸ್ ಫಾಲೋ ಮಾಡ. ಸದ್ಯಕ್ಕೆ ಸ್ಯಾಮ್ ಅವರ ‘ಮಾ ಇಂಟಿ ಬಂಗಾರಂ’ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಯಾವ ರೀತಿ ಧೂಳೆಬ್ಬಿಸುತ್ತೆ ಅಂತ ಕಾದು ನೋಡೋಣ.
ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್