ಬಿಕಿನಿಯಲ್ಲಿ ‘ಕಾಂತಾರ’ ನಟಿ ರುಕ್ಮಿಣಿ ವಸಂತ್? ವೈರಲ್‌‌ ಆಯ್ತು ಹಾಟ್‌ ಫೋಟೋಸ್..!

‘ಕಾಂತಾರ: ಚಾಪ್ಟರ್ 1’ ಸಿನಿಮಾದ ಮೂಲಕ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಮಿಂಚುತ್ತಿರುವ ನಟಿ ರುಕ್ಮಿಣಿ ವಸಂತ್ ಅವರು ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಟ್ರೆಂಡ್ ಆಗುತ್ತಿದ್ದಾರೆ. ಆದರೆ ಇದಕ್ಕೆ ಕಾರಣ ಅವರ ಹೊಸ ಸಿನಿಮಾ ಅಲ್ಲ, ಬದಲಿಗೆ ಅವರದ್ದೆಂದು ಹೇಳಲಾದ ಕೆಲವು ಬಿಕಿನಿ ಫೋಟೋಗಳು ಮತ್ತು ವಿಡಿಯೋಗಳು. ಈ ಫೋಟೋ, ವಿಡಿಯೋಗಳು ವೈರಲ್ ಆಗುತ್ತಿದ್ದಂತೆಯೇ ಅಭಿಮಾನಿಗಳ ಮನದಲ್ಲಿ ಹಲವಾರು ಪ್ರಶ್ನೆಗಳು ಮೂಡಿವೆ. ಇದು ನಿಜವಾಗಿಯೂ ರುಕ್ಮಿಣಿ ವಸಂತ್ ಅವರೇನಾ? ಅಥವಾ ಎಐ ತಂತ್ರಜ್ಞಾನದ ಮೂಲಕ ಸೃಷ್ಟಿಸಲಾದ ಫೇಕ್ ವಿಡಿಯೋನಾ? ಎಂಬುದೇ ಅಭಿಮಾನಿಗಳ ತೀವ್ರ ಕುತೂಹಲ ಮೂಡಿಸಿದೆ.

ವೈರಲ್ ಆಗಿರುವುದೇನು?

‘ರುಕ್ಮಿಣಿ ವಸಂತ್ ಅವರ ಮೊದಲ ಬಿಕಿನಿ ಫೋಟೋಶೂಟ್’ ಎಂಬ ಕ್ಯಾಪ್ಷನ್‌ನೊಂದಿಗೆ ಹಲವು ಸಾಮಾಜಿಕ ಜಾಲತಾಣಗಳ ಖಾತೆಗಳಲ್ಲಿ ಈ ಫೋಟೋ ಮತ್ತು ವಿಡಿಯೋಗಳನ್ನು ಪೋಸ್ಟ್ ಮಾಡಲಾಗಿದೆ. ವೈರಲ್ ವಿಡಿಯೋದಲ್ಲಿ ಬಿಕಿನಿ ಧರಿಸಿರುವ ವ್ಯಕ್ತಿಯೊಬ್ಬರು ಈಜುಕೊಳದೊಳಗೆ ಇಳಿಯುತ್ತಿರುವ ದೃಶ್ಯವಿದೆ. ಅವರ ಸುತ್ತಮುತ್ತ ಕ್ಯಾಮೆರಾಮ್ಯಾನ್‌ಗಳು ಮತ್ತು ಸಿಬ್ಬಂದಿ ಕೂಡ ಇದ್ದಾರೆ. ಅನೇಕ ಅಭಿಮಾನಿಗಳು ಈ ದೃಶ್ಯವನ್ನು ಸ್ಕ್ರೀನ್ಶಾಟ್ ಮಾಡಿ, ಫೋಟೋಗಳನ್ನು ಶೇರ್ ಮಾಡುತ್ತಿದ್ದಾರೆ. ‘ರುಕ್ಮಿಣಿ ಇಷ್ಟು ಬೋಲ್ಡ್ ಆಗಿರಲಿಲ್ಲ’, ‘ಇದು ನಿಜಕ್ಕೂ ಅವರ ತುಂಟಾಟವೇ?’ ಎಂಬ ಕಮೆಂಟ್‌ಗಳು ಬರುತ್ತಿವೆ.

AI ಯುಗದಲ್ಲಿ ನಿಜ-ಸುಳ್ಳು ಪತ್ತೆ ಸವಾಲು

ಇದು AI (ಕೃತಕ ಬುದ್ಧಿಮತ್ತೆ) ಯುಗ. ಯಾವುದೇ ಫೋಟೋ ಅಥವಾ ವಿಡಿಯೋವನ್ನು ಅತ್ಯಂತ ವಾಸ್ತವಿಕವಾಗಿ ಸೃಷ್ಟಿಸಬಹುದಾಗಿದೆ. ಇಂದು ಯಾವುದು ನಿಜ, ಯಾವುದು ನಕಲಿ ಎಂಬುದನ್ನು ಸಾಮಾನ್ಯ ಜನರು ಪತ್ತೆಹಚ್ಚುವುದು ಕಷ್ಟವಾಗಿದೆ. ಅನೇಕ ಸೆಲೆಬ್ರಿಟಿಗಳು ಈ ರೀತಿಯ AI ಮೂಲಕ ಸೃಷ್ಟಿಸಲಾದ ನಕಲಿ ವಿಡಿಯೋಗಳು ಮತ್ತು ಫೋಟೋಗಳಿಂದ ಬಳಲುತ್ತಿದ್ದಾರೆ. ರುಕ್ಮಿಣಿ ವಸಂತ್ ಅವರ ಈ ವೈರಲ್ ವಿಡಿಯೋ ಕೂಡ AI ನ ಸೃಷ್ಟಿಯಾಗಿರುವ ಸಾಧ್ಯತೆ ಇದೆ. ಅಭಿಮಾನಿಗಳೂ ಸಹ ಅನೇಕ ಕಡೆ ‘ಇದು AI ಫೇಕ್’, ‘ರಿಯಲ್ ಅಲ್ಲ’ ಎಂದು ಕಮೆಂಟ್ ಮಾಡುತ್ತಿದ್ದಾರೆ.

ರುಕ್ಮಿಣಿ ಸ್ಪಷ್ಟನೆ ಏಕೆ ಇಲ್ಲ?

ವೈರಲ್ ವಿಡಿಯೋ ಸುಳ್ಳಾಗಿದ್ದರೂ ಸಹ, ರುಕ್ಮಿಣಿ ವಸಂತ್ ಅವರು ಇನ್ನೂ ಈ ವಿಚಾರದಲ್ಲಿ ಯಾವುದೇ ಸ್ಪಷ್ಟನೆ ನೀಡಿಲ್ಲ. ಸಾಮಾನ್ಯವಾಗಿ ಹಲವು ನಟಿಯರು ತಮ್ಮ ನಕಲಿ ವಿಡಿಯೋಗಳು ವೈರಲ್ ಆದ ತಕ್ಷಣ ಸ್ಪಷ್ಟನೆ ನೀಡುವುದು ಅಥವಾ ಕಾನೂನು ಕ್ರಮಕ್ಕೆ ಮುಂದಾಗುವುದು ಸಾಮಾನ್ಯ. ಆದರೆ ರುಕ್ಮಿಣಿ ಅವರು ಸಂಪೂರ್ಣ ಮೌನವಾಗಿರುವುದು ಅಭಿಮಾನಿಗಳಲ್ಲಿ ಮತ್ತಷ್ಟು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. 

ಒಟ್ಟಾರೆ ರುಕ್ಮಿಣಿ ವಸಂತ್ ಅವರ ಬಿಕಿನಿ ಫೋಟೋ ಮತ್ತು ವಿಡಿಯೋ ನಿಜವೋ, ಸುಳ್ಳೋ ಎಂಬುದು ಇನ್ನೂ ದೃಢಪಟ್ಟಿಲ್ಲ. ಅಭಿಮಾನಿಗಳು ಯಾವುದೇ ತೀರ್ಮಾನಕ್ಕೆ ಬರುವ ಮೊದಲು ಅಧಿಕೃತ ಮಾಹಿತಿಗಾಗಿ ಕಾಯುವುದು ಸೂಕ್ತ. ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುವ ಪ್ರತಿಯೊಂದು ವಿಷಯವೂ ನಿಜವಾಗಿರುವುದಿಲ್ಲ.