ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಎಲ್ಲೇ ಹೋದ್ರು ಅಲ್ಲಿ ಕ್ಯಾಮೆರಾಗಳು ಅವರನ್ನೇ ಫಾಲೋ ಮಾಡ್ತಿರುತ್ತವೆ. ಆದ್ರೆ ಇತ್ತೀಚೆಗೆ ನಡೆದ ಘಟನೆ ರಶ್ಮಿಕಾಗೆ ಮುಜುಗರ ತರಿಸಿದೆ ಎನ್ನಲಾಗಿತ್ತು. ರಶ್ಮಿಕಾ ಹೆಗಲ ಮೇಲೆ ಕೈ ಹಾಕಲು ಬಂದಾಗ ರಶ್ಮಿಕಾ ಯಾಕೆ ತಡೆದರು..?ಇದೀಗ ಮತ್ತೆ ನಗುತ್ತಾ ಶಾಹಿದ್ ಜೊತೆ ಇರುವ ರಶ್ ನಡುವಳಿಕೆ ಫ್ಯಾನ್ಸ್ ವಲಯದಲ್ಲಿ ಗೊಂದಲ ಮೂಡಿಸಿದೆ. ಹಾಗಾದ್ರೆ ಅಸಲಿ ಮ್ಯಾಟರ್ ಏನು ಹೇಳ್ತೀವಿ ಈ ಸ್ಟೋರಿ ನೋಡಿ.
- ಶಾಹಿದ್ ಟಚ್ಗೆ ರಶ್ಮಿಕಾ ಶಾಕ್…ಫ್ಯಾನ್ಸ್ ಕನ್ಫ್ಯೂಸ್..!
- ರಶ್ಮಿಕಾ ಹೆಗಲ ಮೇಲೆ ಕೈ ಹಾಕೋಕೂ ಹೆದರಿದ್ರಾ ಶಾಹಿದ್ ಕಪೂರ್..?
- ಶಾಹಿದ್ ಬ್ಯಾಡ್ ಟಚ್ ಅಥವಾ ಬಿಗ್ ಮಿಸ್ಅಂಡರ್ಸ್ಟ್ಯಾಂಡ್ ಆ..?
- ಪ್ರಮೋಷನ್ ಗಿಮಿಕ್ Vs ರಿಯಾಲಿಟಿ.. ನಾರ್ಮಲ್ ಆದ ಸ್ಟಾರ್ಸ್!
ಇತ್ತೀಚೆಗಷ್ಟೇ ರಶ್ಮಿಕಾ ವಿಜಯ್ ದೇವರಕೊಂಡ ಕೈ ಹಿಡಿದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿರುವುದು ಗೊತ್ತೇ ಇದೆ. ಹನಿಮೂನ್ ಮುಗಿಸಿ ಬಂದ ಪ್ರಣಯದ ಗುಂಗಿನಲ್ಲಿರೋ ಮಿಸೆಸ್ ದೇವರಕೊಂಡ ನಟನೆಯ ‘ಕಾಕ್ಟೇಲ್-2’ ಚಿತ್ರದ ಕಾನ್ಸೆಪ್ಟ್ ಟ್ರೈಲರ್ ಲಾಂಚ್ ಇವೆಂಟ್ ಮುಂಬೈನಲ್ಲಿ ಅದ್ಧೂರಿಯಾಗಿ ನಡೆಯಿತು. ಆದರೆ, ಇತೀಚಿನ ವಿಡಿಯೋದಲ್ಲಿ ಕಾಣುವಂತೆ ವೇದಿಕೆಯ ಮೇಲಿದ್ದ ಗದ್ದಲದ ನಡುವೆ ಶಾಹಿದ್ ಕಪೂರ್ ರಶ್ಮಿಕಾ ಬೆನ್ನ ಹಿಂದೆ ಕೈ ಹಾಕಲು ಬಂದಾಗ ರಶ್ಮಿಕಾ ದಿಢೀರ್ ಅಂತ ಶಾಕ್ ಆಗಿದ್ದಾರೆ. ಆ ಟಚ್ ಬ್ಯಾಡ್ ಟಚ್ ಹೌದೋ ಅಲ್ವೋ ಗೊತ್ತಿಲ್ಲ, ಆದರೆ ಸಾರ್ವಜನಿಕರ ಮುಂದೆ ರಶ್ಮಿಕಾ ಒಮ್ಮೆಗೆ ಫುಲ್ ಅನ್ಕಂಫರ್ಟಬಲ್ ಆಗಿದ್ದಂತೂ ಸುಳ್ಳಲ್ಲ.
ಸೋಶಿಯಲ್ ಮೀಡಿಯಾದಲ್ಲಿ “ವಾಸ್ ಶಿ ಅನ್ಕಂಫರ್ಟಬಲ್ ಬಿಫೋರ್?” ಎಂಬ ಕ್ಯಾಪ್ಶನ್ ಇರುವ ಈ ವಿಡಿಯೋ ಕ್ಲಿಪ್ ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ. ಶಾಹಿದ್ ಕಪೂರ್ ಹತ್ತಿರ ಬಂದು ಬೆನ್ನಿಗೆ ಥಟ್ ಅಂತ ಕೈ ಹಾಕಿದಾಗ, ರಶ್ಮಿಕಾ ತಮ್ಮ ಕೈಗಳನ್ನು ಅಡ್ಡ ಇಟ್ಟುಕೊಂಡು ಮುಜುಗರ ವ್ಯಕ್ತಪಡಿಸಿದ್ದಾರೆ. ಹೊಸದಾಗಿ ಮದುವೆಯಾಗಿ ಬಂದಿರೋ ಹೆಣ್ಣುಮಗಳಿಗೆ ಹೀಗೆ ಸಾರ್ವಜನಿಕವಾಗಿ ಇಕ್ಕಟ್ಟು ತರಿಸಿದ ಶಾಹಿದ್ ಕಪೂರ್ ನಡೆಗೆ ನೆಟ್ಟಿಗರು ಕ್ಲಾಸ್ ತೆಗೆದುಕೊಳ್ಳುತ್ತಿದ್ದಾರೆ.
ಸದ್ಯ ಆ ವಿಡಿಯೋ ವೈರಲ್ ಆಗ್ತಿದ್ದಂತೆ ಇದೀಗ ಮತ್ತೊಂದು ವಿಡಿಯೋ ಚರ್ಚೆಯಲ್ಲಿದೆ. ತಾನು ಮಾಡಿದ ಟಚ್ಗೆ ರಶ್ಮಿಕಾ ಬೆಚ್ಚಿಬಿದ್ದಿದ್ದನ್ನು ನೋಡಿ ಶಾಹಿದ್ ಕಪೂರ್ ಇದೀಗ ರಶ್ಮಿಕಾನ ಕಿಚಾಯಿಸುತ್ತಾ ರೇಗಿಸಿದ್ದಾರೆ. ಈ ಇಮಿಟೇಟ್ ಮಾಡಿದ ದೃಶ್ಯವೇ ಈಗ ಸೋಶಿಯಲ್ ಮೀಡಿಯಾದಲ್ಲಿ “ಅಂಡ್ ಓಕೆ ಲೇಟರ್?” ಎಂಬ ಪ್ರಶ್ನೆಯೊಂದಿಗೆ ಭಾರಿ ಗಾಸಿಪ್ಗೆ ಕಾರಣವಾಗಿದೆ.
ವೇದಿಕೆಯ ಮೇಲಿದ್ದ ಆ ಇಕ್ಕಟ್ಟಿನ ಪರಿಸ್ಥಿತಿ ಹಾಗೂ ಬಿಗುವಿನ ವಾತಾವರಣ ಮುಗಿದ ಬಳಿಕ, ಕೃತಿ ಸನನ್ ಸಮ್ಮುಖದಲ್ಲಿ ಪ್ರಮೋಷನಲ್ ಶೂಟ್ ವೇಳೆ ಇಬ್ಬರೂ ಸ್ಟಾರ್ಸ್ ಫುಲ್ ನಾರ್ಮಲ್ ಆಗಿದ್ದಾರೆ. ಕಾರೊಂದರ ಮುಂದೆ ನಿಂತು ಪೋಸ್ ಕೊಡುವಾಗ ಶಾಹಿದ್ ಮತ್ತು ರಶ್ಮಿಕಾ ಒಬ್ಬರನ್ನೊಬ್ಬರು ನೋಡಿ ಜೋರಾಗಿ ನಗುತ್ತಾ, ಹೈ-ಫೈ ನೀಡುತ್ತಾ ಜಬರ್ದಸ್ತ್ ಆಫ್-ಸ್ಕ್ರೀನ್ ಕೆಮಿಸ್ಟ್ರಿ ಪ್ರದರ್ಶಿಸಿದ್ದಾರೆ. ವೇದಿಕೆ ಮೇಲಿನ ಬ್ಯಾಡ್ ಟಚ್ ಮತ್ತು ಬ್ಯಾಡ್ ವರ್ಡ್ ವಿವಾದವನ್ನು ಮರೆಮಾಚಲು ಇಬ್ಬರೂ ಕ್ಯಾಮೆರಾ ಮುಂದೆ ಹೀಗೆ ಕೂಲ್ ಆಗಿ ನಟಿಸುತ್ತಿದ್ದಾರಾ? ಅಥವಾ ಪ್ರಚಾರಕ್ಕಾಗಿ ಹೀಗೆಲ್ಲ ಮಾಡ್ತಿದ್ದಾರಾ? ಎಂಬ ರಿಯಾಲಿಟಿ ಚೆಕ್ ಸದ್ಯಕ್ಕೆ ಇಡೀ ಸೋಷಿಯಲ್ ಮೀಡಿಯಾವನ್ನು ಹುಚ್ಚೆಬ್ಬಿಸಿದೆ.