ಸೂಪರ್ ಸ್ಟಾರ್ ರಜನೀಕಾಂತ್ ಹಾಗೂ ಯೂನಿವರ್ಸಲ್ ಸ್ಟಾರ್ ಕಮಲ್ ಹಾಸನ್ ಒಟ್ಟಿಗೆ ಒಂದೇ ಸಿನಿಮಾದಲ್ಲಿ ನಟಿಸೋ ಸುದ್ದಿ, ಸದ್ಯ ಟಾಕ್ ಆಫ್ ದಿ ಟೌನ್ ಆಗಿದೆ. ಬರೋಬ್ಬರಿ ನಾಲ್ಕೂವರೆ ದಶಕಗಳ ನಂತ್ರ ಒಂದಾಗ್ತಿರೋ ಈ ಕಂಪ್ಲೀಟ್ ಆ್ಯಕ್ಟರ್ಗಳನ್ನ ಬೆಳ್ಳಿತೆರೆ ಮೇಲೆ ಒಂದುಗೂಡಿಸೋ ಮಹಾನ್ ಕಾರ್ಯ ಮಾಡ್ತಿರೋದ್ಯಾರು..? ಹೇಗಿರಲಿದೆ ಸಿನಿಮಾ..? ಪ್ರೊಡ್ಯೂಸರ್ ಯಾರು ಅನ್ನೋದ್ರ ಡಿಟೈಲ್ಸ್ ಇಲ್ಲಿದೆ.
- ಒಂದೇ ಚಿತ್ರದಲ್ಲಿ ರಜನಿ-ಕಮಲ್.. ಇದು 46 ವರ್ಷದ ಕನಸು
- ಹೈ ವೋಲ್ಟೇಜ್ ಆ್ಯಕ್ಷನ್ ಚಿತ್ರಕ್ಕೆ ಲೋಕೇಶ್ ಕನಕರಾಜ್ ಸಾರಥಿ
- ಕಮಲ್ ಹಾಸನ್ ನಿರ್ಮಾಣದಲ್ಲಿ ತಯಾರಾಗಲಿದೆ ಪ್ರಾಜೆಕ್ಟ್
- ಇದು ನಿಜವಾದ್ರೆ ದಂಗಲ್ 2200Cr ರೆಕಾರ್ಡ್ ಉಡೀಸ್..!
ಒಬ್ರು ಸೂಪರ್ ಸ್ಟಾರ್ ರಜನೀಕಾಂತ್.. ಚಿತ್ರರಂಗದಲ್ಲಿ ಯಶಸ್ವಿ 50 ವರ್ಷ ಪೂರೈಸಿರೋ ಸಿನಿಸಂತ. 74ರ ಹರೆಯದಲ್ಲೂ ಯಂಗ್ಸ್ಟರ್ಸ್ನ ನಾಚಿಸೋ ಎನರ್ಜಿ ಹೌಸ್. 171 ಸಿನಿಮಾಗಳಲ್ಲಿ ನಟಿಸಿರೋ ತಲೈವಾ, ಕೂಲಿ ಚಿತ್ರದ ಮೂಲಕ ನಾಲ್ಕೇ ದಿನದಲ್ಲಿ 404 ಕೋಟಿ ಪೈಸಾ ವಸೂಲ್ ಮಾಡಿ, ವಿಶ್ವ ಸಿನಿದುನಿಯಾದಲ್ಲಿ ತಮ್ಮ ಗತ್ತು, ಗೈರತ್ತು ಪ್ರದರ್ಶಿಸಿದ್ದಾರೆ.
ಮತ್ತೊಬ್ರು ಯೂನಿವರ್ಸಲ್ ಸ್ಟಾರ್ ಕಮಲ್ ಹಾಸನ್. ಎಕ್ಸ್ಪೆರಿಮೆಂಟ್ಸ್ಗೆ ಕೇರ್ ಆಫ್ ಅಡ್ರೆಸ್ ಆಗಿರೋ ಕಮಲ್, ಮೂಕಿ ಟು ಟಾಕಿ ಸುಮಾರು 234 ಚಿತ್ರಗಳನ್ನ ಮಾಡಿ, ಇಂದಿಗೂ ಅದೇ ಡಿಮ್ಯಾಂಡ್ ಉಳಿಸಿಕೊಂಡಿರೋ ಮೋಸ್ಟ್ ಸ್ಟೈಲಿಶ್ ಸ್ಟಾರ್. 70 ವರ್ಷ ಹರೆಯದ ಕಮಲ್, ಇಂದಿನ ಜನರೇಷನ್ ಸ್ಟಾರ್ಸ್ ಕೂಡ ಕಾಣದಂತಹ ಸ್ಟೈಲಿಶ್ ಲುಕ್ಸ್ನಲ್ಲಿ ಕಮಾಲ್ ಮಾಡ್ತಿದ್ದಾರೆ. ಥಗ್ ಲೈಫ್ ಸಿನಿಮಾ ಅಟ್ಟರ್ ಫ್ಲಾಪ್ ಆದ್ರೂ, ಅದೇ ಸಿನಿಮೋತ್ಸಾಹ.
ಅಂದಹಾಗೆ ರಜನಿ ಹಾಗೂ ಕಮಲ್ ಹಾಸನ್ ಇಬ್ಬರೂ ಕೂಡ ನೇಮು ಫೇಮ್ ಜೊತೆ ನಟನೆ, ಫ್ಯಾನ್ ಫಾಲೋಯಿಂಗ್ನಲ್ಲಿ ದಿಗ್ಗಜರೇ. ಇವ್ರ ಸಿನಿಮಾಗಳನ್ನ ಇಂದಿಗೂ ಫ್ಯಾನ್ಸ್ ಎಲ್ಲೆಡೆ ಹಬ್ಬದಂತೆ ಸೆಲೆಬ್ರೇಟ್ ಮಾಡ್ತಾರೆ. ಆದ್ರೆ ಇವರಿಬ್ಬರೂ ಒಟ್ಟಿಗೆ ಬಣ್ಣ ಹಚ್ಚಿ ಬರೋಬ್ಬರಿ 46 ವರ್ಷಗಳಾಗಿದೆ. ಇದೀಗ ನಾಲ್ಕೂವರೆ ದಶಕದ ನಂತ್ರ ಈ ಇಬ್ಬರು ಅಪ್ರತಿಮ ಕಲಾವಿದರನ್ನ ಒಟ್ಟಿಗೆ ಒಂದೇ ಸಿನಿಮಾದಲ್ಲಿ ತೋರಿಸೋಕೆ ಸಜ್ಜಾಗ್ತಿದ್ದಾರೆ ಒಬ್ಬ ಯಂಗ್ ಡೈರೆಕ್ಟರ್. ಅವ್ರೇ ಕೂಲಿ ಸಾರಥಿ ಲೋಕೇಶ್ ಕನಕರಾಜ್.
ಹೌದು, ರಜನೀಕಾಂತ್- ಕಮಲ್ ಹಾಸನ್ ಕಾಂಬೋ ಚಿತ್ರ ಹೈ ವೋಲ್ಟೇಜ್ ಮಾಸ್ ವೆಂಚರ್ ಆಗಿರಲಿದ್ದು, ಅದನ್ನ ಸ್ವತಃ ಕಮಲ್ ಹಾಸನ್ ಅವ್ರೇ ತಮ್ಮ ಹೋಮ್ ಬ್ಯಾನರ್ನಡಿ ಬಂಡವಾಳ ಹೂಡಿ ಬಿಗ್ ಸ್ಕೇಲ್ನಲ್ಲಿ ಪ್ರೊಡ್ಯೂಸ್ ಮಾಡ್ತಾರೆ ಎನ್ನಲಾಗ್ತಿದೆ. ಇವರಿಬ್ಬರೂ ಸ್ಟಾರ್ಗಳು ಅನ್ನೋದಕ್ಕಿಂತ ಹೆಚ್ಚಾಗಿ ಅತ್ಯದ್ಭುತ ಪರ್ಫಾಮರ್ಗಳು. ಹಾಗಾಗಿ ನಟನೆಯಲ್ಲಿ ನಾನಾ ನೀನಾ ಅಂತ ಒಬ್ಬರಿಗಿಂತ ಮತ್ತೊಬ್ಬರು ಮೇಲುಗೈ ಸಾಧಿಸ್ತಾರೆ. ಆ ಅದ್ಭುತ, ಅಮೋಘ, ಅದ್ವಿತೀಯ ಟಗ್ ಆಫ್ ವಾರ್ ಪರ್ಫಾಮೆನ್ಸ್ ನೋಡೋಕೆ ಈ ಜನರೇಷನ್ ನಿಜಕ್ಕೂ ಪುಣ್ಯ ಮಾಡಿರಲಿದೆ.
ಅಂದಹಾಗೆ ಇವರಿಬ್ರೂ ಈ ಹಿಂದೆ ಎಂದೂ ಕೂಡ ಒಟ್ಟಿಗೆ ನಟಿಸಿಲ್ಲವೇ ಅಂದ್ರೆ ತಪ್ಪಾಗುತ್ತೆ. 1975ರ ಅಪೂರ್ವ ರಾಗಂಗಳ್ ಚಿತ್ರದಲ್ಲೇ ರಜನಿ-ಕಮಲ್ ಒಟ್ಟಿಗೆ ಕಮಾಲ್ ಮಾಡಿದ್ರು. ಅದರಲ್ಲಿ ಕಮಲ್ ಹಾಸನ್ ಹೀರೋ ಆದ್ರೆ ರಜನಿ ವಿಲನ್. ಆ ಬಳಿಕ ಒಂದಷ್ಟು ಚಿತ್ರಗಳಲ್ಲಿ ಇವರಿಬ್ಬರೂ ತೆರೆ ಹಂಚಿಕೊಂಡರಾದ್ರೂ 1979ರ ಅಲಾವುದ್ದೀನುಮ್ ಅರ್ಪುತ ವಿಲಕ್ಕುಂ ಚಿತ್ರವೇ ಕೊನೆ. ಅದಾದ ಬಳಿಕ ಒಂದೇ ಚಿತ್ರದಲ್ಲಿ ನಟಿಸಿಲ್ಲ. ಇದೀಗ ಆ ಅವಕಾಶ ಕೂಡಿ ಬರ್ತಿದೆ.
ರಜನೀಕಾಂತ್ರ ಇತ್ತೀಚಿನ ಎಲ್ಲಾ ಸಿನಿಮಾಗಳು ಮಾಸ್ ಮಸಾಲ ಎಂಟರ್ಟೈನರ್ಗಳೇ. ಕನಿಷ್ಟ 400 ರಿಂದ 500 ಕೋಟಿ ಬಾಕ್ಸ್ ಆಫೀಸ್ಗೆ ಮೋಸವಿಲ್ಲ. ಇನ್ನು ವಿಕ್ರಮ್ ಚಿತ್ರದಿಂದ ಕಮಲ್ ಕೂಡ ಫೀನಿಕ್ಸ್ನಂತೆ ಎದ್ದು ಬಂದರು. ಹೀಗಾಗಿ ರಜನಿ-ಕಮಲ್ ಮಾಡೋ ಈ ಚಿತ್ರ ರಿಲೀಸ್ ಆದ್ರೆ ಇಲ್ಲಿಯವರೆಗೂ ಭಾರತೀಯ ಚಿತ್ರರಂಗದಲ್ಲಿ ಅತಿಹೆಚ್ಚು ಗಳಿಸಿದ ಸಿನಿಮಾ ಆಗಿರೋ ಆಮೀರ್ ಖಾನ್ರ ದಂಗಲ್ ಚಿತ್ರದ 2200 ಕೋಟಿ ರೆಕಾರ್ಡ್ನ ಒಂದೇ ವಾರದಲ್ಲಿ ಉಡೀಸ್ ಮಾಡಲಿದೆ ಎನ್ನಲಾಗ್ತಿದೆ. ಇವರಿಬ್ಬರನ್ನ ಒಟ್ಟಿಗೆ ಕಣ್ತುಂಬಿಕೊಳ್ಳೋಕೆ ಇಡೀ ವಿಶ್ವ ಸಿನಿದುನಿಯಾ ಎದುರು ನೋಡ್ತಿದ್ದು, ಅದು ಆದಷ್ಟು ಬೇಗ ಈಡೇರಲಿ ಅನ್ನೋದು ನಮ್ಮ ಆಶಯ.