ಸೌತ್ ಇಂಡಿಯನ್ ಬಾಕ್ಸ್ ಆಫೀಸ್ ಮೇಲೆ ಸರ್ಜಿಕಲ್ ಸ್ಟ್ರೈಕ್ ಮಾಡೋಕೆ ಸಜ್ಜಾಗಿದೆ ಪಕ್ಕದ ಟಾಲಿವುಡ್. ಈ ಕುರಿತು ರೌಡಿ ವಿಜಯ್ ದೇವರಕೊಂಡ ವೇದಿಕೆಯಲ್ಲಿ ಬಹಿರಂಗವಾಗಿ ಮಾತನಾಡಿದ್ದು, ಅದಕ್ಕೆ ಆಪರೇಷನ್ TFI ಅನ್ನೋ ಟೈಟಲ್ ಕೂಡ ಕೊಟ್ಟಿದ್ದಾರೆ. ಇಷ್ಟಕ್ಕೂ ಏನಿದ್ರು ನಯಾ ಆಪರೇಷನ್ ಅನ್ನೋರು ಈ ಸ್ಟೋರಿ ಒಮ್ಮೆ ನೋಡಿ.
- ರಶ್ಮಿಕಾ ಪತಿ ರೌಡಿ ಬಾಯಿಂದ ಆಪರೇಷನ್ TFI ರಿವೀಲ್
- ಬಾಕ್ಸಾಫೀಸ್ ಮೇಲೆ ಸರ್ಜಿಕಲ್ ಸ್ಟ್ರೈಕ್ಗೆ ಟಾಲಿವುಡ್ ರೆಡಿ
- ಎಪಿಕ್ ಪ್ರೀ-ರಿಲೀಸ್ ಇವೆಂಟ್ನಲ್ಲಿ ವಿಜಯ್ ಭವಿಷ್ಯವಾಣಿ
- ನಾನಿ, ಬಾಲಯ್ಯನ ನೆನೆದ ದೇವರಕೊಂಡ ಫ್ಯಾಮಿಲಿ ಸ್ಟಾರ್..!
ಎಪಿಕ್.. ಇದೇ ಸೆಪ್ಟೆಂಬರ್ 11ರಂದು ತೆರೆಗೆ ಬರ್ತಿರೋ ಪಕ್ಕದ ತೆಲುಗು ಚಿತ್ರರಂಗದ ಭರವಸೆಯ ಸಿನಿಮಾ. ವಿಜಯ್ ದೇವರಕೊಂಡ ಸಹೋದರ ಆನಂದ್ ದೇವರಕೊಂಡ ಮುಖ್ಯಭೂಮಿಕೆಯಲ್ಲಿ ನಟಿಸಿರೋ ಈ ಸಿನಿಮಾ ಯೂತ್ಫುಲ್ ಎಂಟರ್ಟೈನರ್ ಆಗಿದ್ದು, ಇತ್ತೀಚೆಗೆ ಗ್ರ್ಯಾಂಡ್ ಪ್ರೀ-ರಿಲೀಸ್ ಇವೆಂಟ್ನಿಂದ ಗಮನ ಸೆಳೆಯಿತು. ಇಂಟರೆಸ್ಟಿಂಗ್ ಅಂದ್ರೆ ತಮ್ಮನ ಸಿನಿಮಾ ಇವೆಂಟ್ಗೆ ಅಣ್ಣ ವಿಜಯ್ ಚೀಫ್ ಗೆಸ್ಟ್. ಬಂದು ಶುಭ ಕೋರಿದ್ದಲ್ಲದೆ, ಹೀರೋ-ಹೀರೋಯಿನ್ ಜೊತೆ ಮಸ್ತ್ ಆಗಿ ಕುಣಿದು ಕುಪ್ಪಳಿಸಿದ್ದು ಹೈಲೈಟ್.
ಇಂಟರೆಸ್ಟಿಂಗ್ ಅಂದ್ರೆ ಎಪಿಕ್ ವೇದಿಕೆಯಲ್ಲಿ ವಿಜಯ್ ದೇವರಕೊಂಡ ಸ್ಟೇಟ್ಮೆಂಟ್ ಸಖತ್ ಸಂಚಲನ ಮೂಡಿಸಿದೆ. ಹೌದು.. ಆಪರೇಷನ್ TFI ಬಗ್ಗೆ ಮಾತನಾಡಿರೋ ರಶ್ಮಿಕಾ ಪತಿ, ತಮ್ಮ ಕುಟುಂಬದಿಂದ ಆನಂದ್, ನಾನು ಹಾಗೂ ರಶ್ಮಿಕಾ ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳನ್ನ ಕೊಡ್ತಿದ್ದೀವಿ ಎಂದಿದ್ದಾರೆ. ಅಷ್ಟೇ ಅಲ್ಲ, ನಾನಿಯ ಪ್ಯಾರಡೈಸ್, ಬಾಲಯ್ಯನ ದಾದಾ ಸಿನಿಮಾ ಬಗ್ಗೆಯೂ ಮಾತನಾಡಿದ್ದಾರೆ.
2027ರ ಜನವರಿ ತನಕ ಬರ್ತಿರೋ ವೆರಿ ವೆರಿ ಪ್ರಾಮಿಸಿಂಗ್ ತೆಲುಗು ಸಿನಿಮಾಗಳ ಬಗ್ಗೆ ಮಾತನಾಡಿರೋ ವಿಜಯ್, ಆ ಪೈಕಿ ನಾಲ್ಕೈದು ಚಿತ್ರಗಳ ಗ್ಲಿಂಪ್ಸ್ ಕೂಡ ನೋಡಿದ್ದಾರಂತೆ. ಅದನ್ನ ನೋಡ್ತಿದ್ರೆ ನನಗೆ ಖುಷಿ ಆಯ್ತು. ಜನರಿಗೆ ಇಷ್ಟವಾಗಲಿವೆ. ದೊಡ್ಡ ಹಿಟ್ ಆಗಲಿವೆ ಅಂತ ಭವಿಷ್ಯ ಕೂಡ ನುಡಿದು ಬಿಟ್ಟಿದ್ದಾರೆ.
ಒಟ್ಟಾರೆ ಎಪಿಕ್, ಮೈಸಾ, ರಣಬಾಲಿ.. ಹೀಗೆ ಒಂದರ ಹಿಂದೊಂದು ದೇವರಕೊಂಡ ಕುಟುಂಬದ ಸ್ಟಾರ್ಗಳ ಸಿನಿಮಾಗಳು ಮೋಡಿ ಮಾಡೋಕೆ ಸಾಲು ಸಾಲಾಗಿ ಬರ್ತಿವೆ. ರಣಬಾಲಿ ಶೂಟಿಂಗ್ ಸೆಟ್ನಿಂದಲೇ ವೇದಿಕೆಗೆ ನೇರವಾಗಿ ಆಗಮಿಸಿದ್ದ ವಿಜಯ್, ಕಾರ್ಯಕ್ರಮ ಮುಗಿಸಿ ಮತ್ತೆ ಸೆಟ್ಗೆ ತೆರಳುವ ಬಗ್ಗೆಯೂ ಮುಕ್ತವಾಗಿ ಮಾತನಾಡಿದ್ರು. ಅದೇನೇ ಇರಲಿ, ವಿಜಯ್ ಮಾತುಗಳಲ್ಲಿ ತೆಲುಗು ಚಿತ್ರರಂಗ ಬಾಕ್ಸ್ ಆಫೀಸ್ ಮೇಲೆ ಸರ್ಜಿಕಲ್ ಸ್ಟ್ರೈಕ್ ಮಾಡೋ ಮುನ್ಸೂಚನೆಯಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್