ಬಾಲಿವುಡ್ ಹಾಗೂ ಸೌತ್ ಇಂಡಿಯನ್ ಮೂವಿಗಳು ಹಂಡ್ರೆಡ್ ಕ್ರೋರ್, ಥೌಸೆಂಡ್ ಕ್ರೋರ್ ಕ್ಲಬ್ ಸೇರೋದು ಸರ್ವೇ ಸಾಮಾನ್ಯ. ಆದ್ರೆ ಇಲ್ಲೊಂದು 50 ಲಕ್ಷ ಬಜೆಟ್‌‌ನ ಗುಜರಾತಿ ಮೂವಿ ಬರೋಬ್ಬರಿ 100 ಕೋಟಿ ಗಳಿಸೋ ಮೂಲಕ ವಿಶ್ವ ಸಿನಿದುನಿಯಾದ ಹುಬ್ಬೇರಿಸಿದೆ. ಇಷ್ಟಕ್ಕೂ ಆ ಸಿನಿಮಾ ಯಾವುದು..? ಅಂಥದ್ದೇನಿಗೆ ಆ ಚಿತ್ರದ ಕಥೆಯಲ್ಲಿ..? ಅದು ಹೇಗೆ ಸಾಧ್ಯವಾಯ್ತು ಅನ್ನೋದ್ರ ಎಕ್ಸ್‌‌ಕ್ಲೂಸಿವ್ ಸ್ಟೋರಿ ನಿಮ್ಮ ಮುಂದೆ.
ಇಡೀ ಭಾರತೀಯ ಚಿತ್ರರಂಗ ಗುಜರಾತಿ ಫಿಲ್ಮ್ ಇಂಡಸ್ಟ್ರಿ ಕಡೆ ತಿರುಗಿ ನೋಡುವಂತೆ ಮಾಡಿದೆ ಲಾಲೋ ಕೃಷ್ಣ ಸದಾ ಸಹಾಯತೇ ಅನ್ನೋ ಗುಜರಾತಿ ಸಿನಿಮಾ. ಯೆಸ್.. ಅಕ್ಟೋಬರ್ 10ರಂದು ತೆರೆಕಂಡಂತಹ ಈ ಗುಜರಾತಿ ಮೂವಿ, ಬಾಲಿವುಡ್, ಸೌತ್ ಸಿನಿಮಾಗಳೆಲ್ಲಾ ಹುಬ್ಬೇರಿಸುವಂತೆ ಮಾಡಿದೆ. ಅದಕ್ಕೆ ಕಾರಣ ಲಾಲೋ ಕೃಷ್ಣ ಚಿತ್ರದ ಬಾಕ್ಸ್ ಆಫೀಸ್ ಕಲೆಕ್ಷನ್. ಹೌದು.. 90 ಕೋಟಿ ಗಳಿಸಿರೋ ಈ ಚಿತ್ರ 100 ಕೋಟಿ ಕ್ಲಬ್ ಗಡಿಯಲ್ಲಿದೆ.
ಓ ಮೈ ಗಾಡ್.. 50 ಲಕ್ಷ ಬಜೆಟ್.. 100 ಕೋಟಿ ಕಲೆಕ್ಷನ್
ಸೈರಾಟ್‌ನ ಮೀರಿಸಲಿದೆ ಗುಜರಾತಿ ಫಿಲ್ಮ್ ಲಾಲೋ ಕೃಷ್ಣ..!
ಅಂದಹಾಗೆ ಲಾಲೋ ಕೃಷ್ಣ ಚಿತ್ರದ ಬಜೆಟ್ ಕೇಳಿದ್ರೆ ನೀವು ಬೆರಗಾಗೋದು ಗ್ಯಾರಂಟಿ. ಕೇವಲ 50 ಲಕ್ಷ ಬಜೆಟ್‌‌ನಲ್ಲಿ ಈ ಸಿನಿಮಾ ಮೂಡಿಬಂದಿದೆ ಅಂದ್ರೆ ನೀವು ನಂಬಲೇಬೇಕು. ಅಂಕಿತ್ ಸಖಿಯಾ ನಿರ್ದೇಶನದ ಲಾಲೋ ಕೃಷ್ಣಗೆ ಸುಮಾರು ಐದಾರು ಮಂದಿ ನಿರ್ಮಾಪಕರುಗಳು ಬಂಡವಾಳ ಹೂಡಿದ್ರು. ರೀವಾ ರಚ್, ಶ್ರುಹದ್ ಗೋಸ್ವಾಮಿ, ಕರಣ್ ಜೋಶಿ, ಮಿಸ್ಟಿ ಕಡೆಚಾ, ಅನ್ಷು ಜೋಶಿ, ಕಿನ್ನಲ್ ನಾಯಕ್, ಪಾರುಲ್ ರಾಜ್ಯಗುರು, ಜೈದೀಪ್ ತಿಮಾನಿಯಾ ಚಿತ್ರದ ತಾರಾಗಣದಲ್ಲಿದ್ದಾರೆ.
ಹೀಗೊಂದು ಸಣ್ಣ ಬಜೆಟ್ ಸಿನಿಮಾ 100 ಕೋಟಿ ಕ್ಲಬ್ ಟಚ್ ಮಾಡ್ತಿದೆ ಅಂದ್ರೆ ಅದ್ರಲ್ಲಿ ಅಂಥದ್ದೇನಿದೆ ಗುರು ಅಂತ ನೀವು ಅಂದ್ಕೋಬಹುದು. ಅದಕ್ಕೆ ಅಸಲಿ ಸೂತ್ರಧಾರ ಶ್ರೀಕೃಷ್ಣ ಪರಮಾತ್ಮ. ಹೌದು.. ಲಾರ್ಡ್‌ ಕೃಷ್ಣ ಹಾಗೂ ಆಟೋ ಡ್ರೈವರ್ ಕುರಿತ ಡಿವೈನ್ ಜರ್ನಿ ಈ ಲಾಲೋ ಕೃಷ್ಣ. ಈ ಚಿತ್ರದ ಸೆಂಟರ್ ಆಫ್ ಅಟ್ರ್ಯಾಕ್ಷನ್ ಶ್ರೀಕೃಷ್ಣ. ಹಾಗಾಗಿಯೇ ಇದು ಜನಕ್ಕೆ ಬೇಗ ಕನೆಕ್ಟ್ ಆಯ್ತು. ಆಟೋ ಡ್ರೈವರ್ ಒಬ್ಬ ಫಾರ್ಮ್ ಹೌಸ್‌‌ನಲ್ಲಿ ಲಾಕ್ ಆಗ್ತಾನೆ. ಪತ್ನಿ ಭಯಭೀತಳಾಗಿ ಪೊಲೀಸ್ ಸ್ಟೇಷನ್‌ಗೆ ಕಾಣೆಯಾದ ಪತಿಯನ್ನ ಹುಡುಕಿಕೊಡಲು ದೂರು ನೀಡ್ತಾಳೆ. ಆದ್ರೆ ಆ ಲಾಲೋ ಮಾತ್ರ ಶ್ರೀಕೃಷ್ಣನ ಜೊತೆ ಒಂದೊಳ್ಳೆ ಪಯಣ ಮಾಡ್ತಾನೆ. ಅದೇ ಈ ಚಿತ್ರದ ಜೀವಾಳ.
ಆಟೋ ಡ್ರೈವರ್ & ಲಾರ್ಡ್‌ ಕೃಷ್ಣನ ಕುರಿತ ಡಿವೈನ್ ಫಿಲ್ಮ್
‘ಲಾಲೋ ಕೃಷ್ಣ’ ಕಲೆಕ್ಷನ್ ನೋಡಿ ಬೆರಗಾಯ್ತು ಬಾಲಿವುಡ್
ಸ್ಮಿತ್ ಜೈ ಸಂಗೀತ ಸಂಯೋಜನೆಯ ಪ್ರೇಮ್ ಡಿ ದಾವೆ ಸಾಹಿತ್ಯದ ಹಾಡುಗಳು ಕೂಡ ಸಖತ್ ಕಲರ್‌ಫುಲ್ ಆಗಿವೆ. ಡಿವೈನ್ ಫೀಲ್ ಕೊಡುತ್ತವೆ. ಅಂದಹಾಗೆ ಈ ಲಾಲೋ ಕೃಷ್ಣ ಚಿತ್ರ ಬಿಡುಗಡೆ ಆದಾಗ ಮೊದಲ ಮೂರು ವಾರ ಮಕಾಡೆ ಮಲಗಿತ್ತು. ಸಿನಿಮಾನ ನೋಡೋಕೆ ಜನ ಥಿಯೇಟರ್‌ಗೆ ಬರ್ತಿರಲಿಲ್ಲವಂತೆ. ಆದ್ರೆ 3ನೇ ವಾರದಲ್ಲಿ ಮೌತ್ ಟಾಕ್‌‌ನಿಂದ ಪಿಕಪ್ ಆದ ಲಾಲೋ ಕೃಷ್ಣ, ಬಾಕ್ಸ್ ಆಫೀಸ್‌‌ನಲ್ಲಿ ಹೊಸ ದಾಖಲೆ ಬರೆದಿದೆ.
ಈ ಹಿಂದೆ ಮರಾಠಿಯ ಸೈರಾಟ್ ಅನ್ನೋ ರೊಮ್ಯಾಂಟಿಕ್ ಟ್ರ್ಯಾಜಿಡಿ ಕಥೆಯೊಂದು 4 ಕೋಟಿಯಲ್ಲಿ ತಯಾರಾಗಿ, 110 ಕೋಟಿ ಗಳಿಸಿತ್ತು. 2016ರಲ್ಲಿ ಆ ಸಿನಿಮಾ ಸಿಕ್ಕಾಪಟ್ಟೆ ಸೌಂಡ್ ಮಾಡಿತ್ತು. ಇದೀಗ ಗುಜರಾತಿಯ ಲಾಲೋ ಕೃಷ್ಣ ಸಂಚಲನ ಮೂಡಿಸಿದೆ. ಪ್ರಾದೇಶಿಕ ಭಾಷೆಯ ಚಿತ್ರಗಳು ಹೀಗೆ ದೊಡ್ಡ ಗೆಲುವು ಪಡೆದಿರೋದು ನಿಜಕ್ಕೂ ಗ್ರೇಟ್‌. ಇಂತಹ ಪ್ರಯೋಗಗಳು ಮತ್ತಷ್ಟು ಮಗದಷ್ಟು ಆಗಬೇಕಿದೆ. ಕಲೆ ಯಾರಪ್ಪನ ಸ್ವತ್ತು ಅಲ್ಲ. ಶ್ರದ್ಧೆ, ಭಕ್ತಿ ಇದ್ದು, ಶ್ರಮ ಹಾಕಿದವನಿಗೆ ಅದು ಒಲಿದೇ ಒಲಿಯುತ್ತೆ ಅನ್ನೋದಕ್ಕೆ ಇದಕ್ಕಿಂತ ಬೆಸ್ಟ್ ಎಕ್ಸಾಂಪಲ್ ಮತ್ತೊಂದಿಲ್ಲ.