ಕೆಡಿ ದಿ ಡೆವಿಲ್.. ಹ್ಯಾಟ್ರಿಕ್ ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಕರಿಯರ್‌ನ ಬಿಗ್ಗೆಸ್ಟ್ ಪ್ಯಾನ್ ಇಂಡಿಯಾ ಮೂವಿ. ಇತ್ತೀಚೆಗೆ ಸ್ವಿಟ್ಜರ್ಲೆಂಡ್ ಶೆಡ್ಯೂಲ್ ಮುಗಿಸಿ ಬಂದಿರೋ ಟೀಂ, ಪೋಸ್ಟ್ ಪ್ರೊಡಕ್ಷನ್‌‌ನಲ್ಲಿ ಬ್ಯುಸಿ ಆಗಿದೆ. ಅಷ್ಟೇ ಅಲ್ಲ, ರಿಲೀಸ್ ಡೇಟ್ ಕೂಡ ಅನೌನ್ಸ್ ಮಾಡೋ ಧಾವಂತದಲ್ಲಿದೆ. ಈ ಮಧ್ಯೆ ಆ ಫಾರಿನ್ ಸಾಂಗ್‌ನ ವಿಡಿಯೋ ಫೂಟೇಜ್ ಸೋರಿಕೆ ಆಗಿದೆ.
- KD ಸಾಂಗ್ ಫೂಟೇಜ್ ಲೀಕ್.. ಸ್ವಿಟ್ಜರ್ಲೆಂಡ್‌‌ನಲ್ಲಿ DR ಜೋಡಿ
- ರೆಟ್ರೋ ಸ್ಟೈಲು.. ಬ್ಯೂಟಿಫುಲ್ ಲೊಕೇಷನ್.. ಕಲರ್‌ಫುಲ್ ಡ್ರೆಸ್
- ಕೆಡಿ ಜೊತೆ ಕಿಚ್ಚ ಅಪಿಯರೆನ್ಸ್.. ಅದು ಮುಗಿದ್ರೆ ಶೋ ಬಿಗಿನ್ಸ್..!
- ಭರ್ಜರಿ ಪ್ರಮೋಷನ್ಸ್.. ಅದ್ಧೂರಿ ಪ್ರೊಡಕ್ಷನ್.. ಪ್ರೇಮ್ ಪವರ್
ಸೆಟ್ ಆಗಲ್ಲ ಹೋಗೆ ನಂಗೂ ನಿಂಗೂ.. ಇದು ಶೋಮ್ಯಾನ್ ಜೋಗಿ ಪ್ರೇಮ್ಸ್ ಸ್ವತಃ ತಮ್ಮ ಕೆಡಿ ಸಿನಿಮಾಗಾಗಿ ತಾವೇ ಬರೆದಿದ್ದ ಯೂತ್‌ಫುಲ್ ಸಾಂಗ್. ಇತ್ತೀಚೆಗೆ ಇದನ್ನ ಮಿಕಾ ಸಿಂಗ್ ಅದ್ಭುತವಾಗಿ ಹಾಡಿದ್ರು. ಅರ್ಜುನ್ ಜನ್ಯ ಸಂಗೀತ ಸಂಯೋಜನೆಯ ಈ ಹಾಡು ಚಿತ್ರೀಕರಣಕ್ಕೆ ಮೊದಲೇ ತೆರೆಗಪ್ಪಳಿಸಿತ್ತು. ಧ್ರುವ ಸರ್ಜಾ ಹಾಗೂ ರೀಷ್ಮಾ ನಾಣಯ್ಯ ಕಾಂಬೋನ ಈ ಕಲೋಕಿಯಲ್ ಡ್ಯಾನ್ಸಿಂಗ್ ನಂಬರ್ ಒಂದು ಕೋಟಿಗೂ ಅಧಿಕ ವೀವ್ಸ್‌ನಿಂದ ಎಲ್ಲರ ದಿಲ್ ದೋಚಿತ್ತು.
ಇತ್ತೀಚೆಗೆ ಇದೇ ಸೆಟ್ಟಾಗಲ್ಲ ಸಾಂಗ್‌ನ ಸ್ವಿಟ್ಜರ್ಲೆಂಡ್ಗೆ ಹೋಗಿ ಚಿತ್ರಿಸಿಕೊಂಡು ಬಂದಿದ್ದಾರೆ ಡೈರೆಕ್ಟರ್ ಪ್ರೇಮ್. ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಹಾಗೂ ರೀಷ್ಮಾ ರೆಟ್ರೋ ಲುಕ್‌‌ನಲ್ಲಿ ಕಲರ್‌ಫುಲ್ ಕಾಸ್ಟ್ಯೂಮ್ ಹಾಗೂ ಬ್ಯೂಟಿಫುಲ್ ಲೊಕೇಷನ್ಸ್‌‌ನಲ್ಲಿ ರಂಗೇರಿದೆ. ಇಡೀ ಟೀಂ ಒಂದು ವಾರದ ಕಾಲ ಸ್ವಿಟ್ಜರ್ಲೆಂಡ್ಗೆ ಹೋಗಿ ಬಂದಿದ್ದು ಮಾತ್ರ ಗೊತ್ತಿದೆ. ಅಲ್ಲಿನ ಹಾಡಿನ ದೃಶ್ಯಾವಳಿಗಳು ಮಾತ್ರ ಇನ್ನೂ ರಿವೀಲ್ ಆಗಿಲ್ಲ. ಆದ್ರೀಗ ಒಂದು ದೃಶ್ಯದ ಫೂಟೇಜ್ ಸೋರಿಕೆ ಆಗಿದೆ. ಸೋಶಿಯಲ್ ಮೀಡಿಯಾದಲ್ಲಿ ಅದು ಸಖತ್ ವೈರಲ್ ಆಗ್ತಿದೆ.
ಜೋಗಿ ಪ್ರೇಮ್ ನಿರ್ದೇಶನದ ಹಾಗೂ ಕೆವಿಎನ್ ಪ್ರೊಡಕ್ಷನ್ಸ್ ನಿರ್ಮಾಣದ ಬಹುಕೋಟಿ ಸಿನಿಮಾ ಇದಾಗಿದ್ದು, ಇಲ್ಲಿ ಸೆಟ್‌ನಲ್ಲಿ ಕೆಲಸ ಮಾಡುವ ಪ್ರತಿಯೊಬ್ಬರಿಗೂ ಮೊಬೈಲ್ ಫೋನ್ ನ ನಿರ್ಬಂಧಿಸಲಾಗಿದೆ. ಆದಾಗ್ಯೂ ಈ ದೃಶ್ಯ ಲೀಕ್ ಆಗಿರೋದಕ್ಕೆ ಚಿತ್ರತಂಡ ಅಸಮಾಧಾನಗೊಂಡಿದೆ. ಆದ್ರೆ ಧ್ರುವ ಸರ್ಜಾ ಫ್ಯಾನ್ಸ್ ಮಾತ್ರ ಈ ಕಲರ್‌ಫುಲ್ ಸ್ಮಾಲ್ ವಿಡಿಯೋ ಕ್ಲಿಪ್ ನೋಡಿ ದಿಲ್‌ಖುಷ್ ಆಗ್ತಿದ್ದಾರೆ. ಅಂದಹಾಗೆ ಕಿಚ್ಚ ಸುದೀಪ್ ಈ ಚಿತ್ರದಲ್ಲಿ ಸ್ಪೆಷಲ್ ಅಪಿಯರೆನ್ಸ್ ನೀಡ್ತಿದ್ದು, ಅವರ ಪೋರ್ಷನ್ಸ್ ಕಂಪ್ಲೀಟ್ ಆದ್ರೆ ಪ್ರೇಕ್ಷಕರ ಮುಂದೆ ಬರೋದು ಕನ್ಫರ್ಮ್‌.
ಅಂದಹಾಗೆ ಟೀಸರ್ ಜೊತೆ ಶಿವ ಶಿವ ಸಾಂಗ್ ಐದು ಕೋಟಿ ವೀವ್ಸ್‌ನಿಂದ ಸಖತ್ ಸದ್ದು ಮಾಡ್ತಿದೆ. ಸಿನಿಮಾ ಕೂಡ ಪೀರಿಯಾಡಿಕ್ ಆ್ಯಕ್ಷನ್ ವೆಂಚರ್ ಆಗಿರಲಿದ್ದು, ಬಹುದೊಡ್ಡ ತಾರಾಗಣದ ಸಿನಿಮಾ ಕಾರಣಕ್ಕೆ ಎಲ್ಲೆಡೆ ಹೈಪ್ ಕ್ರಿಯೇಟ್ ಮಾಡಿದೆ. ಹೌದು, ಧ್ರುವ ಸರ್ಜಾ ಜೊತೆ ಮುಖ್ಯಭೂಮಿಕೆಯಲ್ಲಿ ಸಂಜಯ್ ದತ್, ರವಿಚಂದ್ರನ್, ಶಿಲ್ಪಾ ಶೆಟ್ಟಿ ಹಾಗೂ ರಮೇಶ್ ಅರವಿಂದ್ ಕೂಡ ಇದ್ದಾರೆ. ಅವ್ರ ಒಂದೊಂದು ಲುಕ್ ಕೂಡ ಕಿಕ್ ಕೊಟ್ಟಿದ್ದು, ಸದ್ಯದಲ್ಲೇ ಅಫಿಶಿಯಲಿ ರಿಲೀಸ್ ಡೇಟ್ ಅನೌನ್ಸ್ ಮಾಡಲಿದೆ ಕೆವಿಎನ್ ಪ್ರೊಡಕ್ಷನ್ಸ್.