ಬಾಲಿವುಡ್ ಅಂಗಳದಲ್ಲಿ ವಾರ್ ಮುಗಿಸಿ ಬಂದಿರೋ ಗ್ಲೋಬಲ್ ಸ್ಟಾರ್ ಜೂನಿಯರ್ ಎನ್‌ಟಿಆರ್, ಸದ್ಯ ನಮ್ಮ ಕರುನಾಡಿನಲ್ಲೊಂದು ಹೊಸ ವಾರ್ ಶುರು ಮಾಡಿದ್ದಾರೆ. ಅದು ಡ್ರ್ಯಾಗನ್ ಮಾಸ್ ಇಂಜಿನ್‌‌‌ಗಳ ಮಹಾ ಸಂಗಮ. ಕುಮುಟಾದಲ್ಲಿ ನಾನ್‌ಸ್ಟಾಪ್ ಶೂಟಿಂಗ್ ನಡೆಯುತ್ತಿದ್ದು, ಡ್ರ್ಯಾಗನ್ ಥಿಯೇಟರ್ ಎಂಟ್ರಿ ಡೇಟ್ ಲಾಕ್ ಆಗಿದೆ.
ಮ್ಯಾನ್ ಆಫ್ ಮಾಸಸ್ ಜೂನಿಯರ್ ಎನ್‌ಟಿಆರ್ ಸಿನಿಮಾಗಳು ಅಂದ್ರೆ ಜನಕ್ಕೆ ಎಲ್ಲಿಲ್ಲದ ಕ್ಯೂರಿಯಾಸಿಟಿ. ಕಾರಣ ಪಾತ್ರಕ್ಕಾಗಿ ಅವರ ಡೆಡಿಕೇಷನ್, ಹಾರ್ಡ್‌ ವರ್ಕ್‌ ಹಾಗೂ ಜೀವಿಸುವ ಪರಿ ಅನನ್ಯ. ಅದರಲ್ಲೂ ತ್ರಿಬಲ್ ಆರ್ ಚಿತ್ರದ ಬಳಿಕ ತಾರಕ್ ಸ್ಟಾರ್ಡಮ್ ಮತ್ತಷ್ಟು ಹೆಚ್ಚಿದೆ. ದೇವರದಿಂದ ಅದನ್ನ ಮಗದಷ್ಟು ದುಪ್ಪಟ್ಟು ಮಾಡಿಕೊಂಡಿದ್ದಾರೆ ಯಂಗ್ ಟೈಗರ್.
ಸಕ್ಸಸ್‌‌ಫುಲ್ ಸಿನಿಮಾಗಳಿಂದ ಟಾಕ್ ಆಫ್ ದಿ ಟೌನ್ ಆಗಿರೋ ತಾರಕ್, ಸದ್ಯ ನಮ್ಮ ಕರುನಾಡಿನಲ್ಲೇ ಬೀಡುಬಿಟ್ಟಿದ್ದಾರೆ. ದಕ್ಷಣ ಕನ್ನಡದ ಕುಮಟಾದಲ್ಲಿರೋ ರಾಮನಗಿಂಡಿ ಬೀಚ್‌‌ನಲ್ಲಿ ಮಾನ್‌ಸ್ಟರ್ ಡೈರೆಕ್ಟರ್ ನೀಲ್ ಜೊತೆ ಹೊಸ ಸಿನಿಮಾದ ಶೂಟಿಂಗ್ ಕಿಕ್‌‌ಸ್ಟಾರ್ಟ್‌ ಮಾಡಿದ್ದಾರೆ.
ಅರ್ಧ ಚಂದ್ರಾಕಾರದಲ್ಲಿರೋ ಕಡಲ ಕಿನಾರೆಯಲ್ಲಿ ದೊಡ್ಡ ದೊಡ್ಡ ಸೆಟ್‌‌‌ಗಳನ್ನ ನಿರ್ಮಿಸಲಾಗಿದೆ. ಅದರಲ್ಲಿ ಎನ್‌ಟಿಆರ್-ನೀಲ್ ಸಿನಿಮಾ ಡ್ರ್ಯಾಗನ್ ಶೂಟಿಂಗ್ ನಡೆಸಲಾಗುತ್ತಿದೆ. ಇಲ್ಲಿ ಸುಮಾರು 15 ರಿಂದ 20 ದಿನಗಳ ಕಾಲ ನಡೆಯಲಿರೋ ಶೂಟಿಂಗ್‌ನಲ್ಲಿ ಚಿತ್ರದ ಕ್ಲೈಮ್ಯಾಕ್ಸ್, ಸಾಂಗ್ ಹಾಗೂ ಒಂದಷ್ಟು ಮುಖ್ಯವಾದ ದೃಶ್ಯಗಳನ್ನು ಸೆರೆಹಿಡಿಯಲಾಗುತ್ತಿದೆ.
ಹಳೆಯ ಕಾಲದ ಬೋಟ್, ಬಂದರು ಕಟ್ಟಡಗಳು, ಹಳೆಯ ಓಣಿಗಳು, ಸಮುದ್ರ ಜಟ್ಟಿ, ಮನೆ, ರೈಲು, ಹೆಲಿಕಾಪ್ಟರ್ ಮುಂತಾದ ಮಾಡೆಲ್‌ಗಳನ್ನ ಈ ಡ್ರ್ಯಾಗನ್ ಸೆಟ್ ಒಳಗೊಂಡಿದೆ ಎನ್ನಲಾಗ್ತಿದೆ. ಅಂದಹಾಗೆ ಈ ಸಿನಿಮಾದ ಪಾತ್ರಕ್ಕಾಗಿ ತಾರಕ್ ಬರೋಬ್ಬರಿ 18 ಕೆಜಿ ದೇಹದ ತೂಕ ಇಳಿಸಿಕೊಂಡಿದ್ದಾರಂತೆ. ತುಂಬಾ ಸ್ಲಿಮ್ ಆಗಿರೋ ಯಂಗ್ ಟೈಗರ್, ಯಾರನ್ನ ಬೇಟೆ ಆಡ್ತಾರೆ..? ಚಿತ್ರದ ಕಥೆ ಏನು ಅನ್ನೋ ಕ್ಯೂರಿಯಾಸಿಟಿ ಹೆಚ್ಚಿಸಿದೆ.
ಬಿಟೌನ್‌‌ನಲ್ಲಿ ಗ್ರೀಕ್ ಗಾಡ್ ಹೃತಿಕ್ ರೋಷನ್ ಜೊತೆ ವಾರ್ ಚಿತ್ರದ ಸೀಕ್ವೆಲ್ ಆಗಿರೋ ವಾರ್-2 ಶೂಟಿಂಗ್ ಮುಗಿಸಿ ಬಂದಿರೋ ನಟ ಜೂನಿಯರ್ ಎನ್‌ಟಿಆರ್, ಒಳ್ಳೆಯ ಹುಮ್ಮಸ್ಸಿನಲ್ಲಿದ್ದಾರೆ. ಅದು ಆಗಸ್ಟ್ 14ಕ್ಕೆ ವರ್ಲ್ಡ್‌ವೈಡ್ ಪ್ರೇಕ್ಷಕರನ್ನ ರಂಜಿಸಲು ಬರ್ತಿದೆ. ಇದೀಗ ಅದು ತೆರೆ ಕಾಣುವ ಮೊದಲೇ ತಾರಕ್, ಡ್ರ್ಯಾಗನ್ ವರ್ಲ್ಡ್‌ಗೆ ಎಂಟ್ರಿ ಕೊಟ್ಟಿರೋದು ಖುಷಿಯ ವಿಚಾರ.
ನಮ್ಮ ಪ್ರಶಾಂತ್ ನೀಲ್ ಕೂಡ ಸಲಾರ್ ಮೊದಲ ಭಾಗದ ನಂತ್ರ ಶೂಟಿಂಗ್ ಮಾಡದೆ ಬಹಳ ಹಸಿದಿದ್ದರು. ಹಾಗಾಗಿ ಈ ಸಿನಿಮಾ ಮೂಲಕ ತಮ್ಮ ನಿರ್ದೇಶನದ ಹಸಿವನ್ನ ನೀಗಿಸಿಕೊಳ್ಳಲು ಸಜ್ಜಾಗಿದ್ದಾರೆ. ಬ್ಯಾಕ್ ಟು ಬ್ಯಾಕ್ ಶೆಡ್ಯೂಲ್‌‌ಗಳಿಂದ ಡ್ರ್ಯಾಗನ್ ಬೇಗ ಕಂಪ್ಲೀಟ್ ಆಗಲಿದ್ದು, ನಮ್ಮ ಸಪ್ತ ಸಾಗರದಾಚೆ ಎಲ್ಲೋ ಖ್ಯಾತಿಯ ಪುಟ್ಟಿ ರುಕ್ಮಿಣಿ ವಸಂತ್ ತಾರಕ್‌ಗೆ ಜೋಡಿಯಾಗಿ ಬಣ್ಣ ಹಚ್ಚಲಿದ್ದಾರಂತೆ. ಅಂದಹಾಗೆ ಈ ಸಿನಿಮಾದ ರಿಲೀಸ್ ಡೇಟ್ ಲಾಕ್ ಆಗಿದ್ದು, 2026ರ ಜೂನ್ 25ಕ್ಕೆ ಬೆಳ್ಳಿತೆರೆ ಬೆಳಗುವುದು ಪಕ್ಕಾ ಆಗಿದೆ.