ಜೈಲರ್ ಮುತ್ತುವೇಲ್ ಪಾಂಡಿಯನ್ ಈಸ್ ಬ್ಯಾಕ್. ಯೆಸ್.. ಬ್ಲಾಕ್ ಬಸ್ಟರ್ ಹಿಟ್ ಜೈಲರ್ ಸಿನಿಮಾದ ಸೀಕ್ವೆಲ್ ಜೈಲರ್-2 ರಿಲೀಸ್‌‌‌ಗೆ ದಿನಗಣನೆ ಶುರುವಾಗಿದೆ. ದಸರಾಗೆ ಮಾಸ್ ಧಮಾಕ ಮಾಡೋಕೆ ಬರ್ತಿರೋ ತಲೈವಾ ಜೈಲರ್-2 ಟ್ರೈಲರ್ ಕೂಡ ರಿಲೀಸ್ ಆಗಿದ್ದು, ನೋಡುಗರ ನಾಡಿಮಿಡಿತ ಹೆಚ್ಚಿಸಿದೆ. ಅದರ ಹೈಲೈಟ್ಸ್ ಇಲ್ಲಿದೆ ನೋಡಿ…
- ‘ಜೈಲರ್’ ಈಸ್ ಬ್ಯಾಕ್.. ಮಲ್ಟಿ ಸ್ಟಾರ್ಸ್ ಜೊತೆ ‘ಟೈಗರ್’ ಬೇಟೆ
- ಕರುನಾಡಿಗೆ ಜೈಲರ್‌‌‌ನ ಕರೆತಂದ ಗಂಡುಗಲಿ.. ಕೆ ಮಂಜು ರಿಟರ್ನ್ಸ್
- ಅಕ್ಟೋಬರ್ 15ರಿಂದ ತಲೈವಾ ರಜನಿ ಮಾಸ್ ಶೋ ಬಿಗಿನ್ಸ್
- ಈ ಬಾರಿ ಶಿವಣ್ಣನ ಸ್ಕ್ರೀನ್ ಟೈಂ ಜಾಸ್ತಿ.. ಮಾಸ್ ಫೆಸ್ಟ್..!!
ಜೈಲರ್.. ಸೂಪರ್ ಸ್ಟಾರ್ ರಜನಿಕಾಂತ್ ಕರಿಯರ್ ನ ಬಿಗ್ಗೆಸ್ಟ್ ಹಿಟ್ ಮೂವಿಗಳಲ್ಲೊಂದು. ಇದೀಗ ಅದರ ಸೀಕ್ವೆಲ್ ಕೂಡ ಬೆಳ್ಳಿತೆರೆ ಬೆಳಗೋಕೆ ಸಜ್ಜಾಗಿದೆ. ಇತ್ತೀಚೆಗೆ ಟ್ರೈಲರ್ ಲಾಂಚ್ ಆಗಿದ್ದು, ಬಹುಭಾಷಾ ಸ್ಟಾರ್ಸ್ ಜೊತೆ ತಲೈವಾ ಮಾಸ್ ಫೆಸ್ಟ್ ನೆಕ್ಸ್ಟ್ ಲೆವೆಲ್ ಗೆ ಇರಲಿದೆ ಅನ್ನೋದ್ರ ಹಿಂಟ್ ಸಿಕ್ಕಿದೆ.
ಕ್ಯಾಬ್ ಡ್ರೈವರ್ ಆಗಿದ್ದುಕೊಂಡೇ ಆಪರೇಷನ್ಸ್ ನಡೆಸೋ ಟೈಗರ್ ಮುತ್ತುವೇಲ್ ಪಾಂಡಿಯನ್ ಮಾಸ್ ಆಟ ಈ ಬಾರಿ ಸಖತ್ ಜೋರಿರಲಿದೆ. ಅದ್ರಲ್ಲೂ ಮೊದಲ ಭಾಗಕ್ಕಿಂತ ನಮ್ಮ ಶಿವಣ್ಣನ ಸ್ಕ್ರೀನ್ ಸ್ಪೇಸ್ ಈ ಬಾರಿ ಕೊಂಚ ಜಾಸ್ತಿನೇ ಇರಲಿದೆ ಎನ್ನಲಾಗ್ತಿದೆ. ಜಸ್ಟ್ ಟಿಶ್ಯೂ ಪೇಪರ್ ಝಲಕ್ ಗೆ ಫಿದಾ ಆಗಿದ್ದ ಚಿತ್ರಪ್ರೇಮಿಗಳಿಗೆ ದೊಡ್ಮನೆ ದೊರೆ ಈ ಬಾರಿ ದೊಡ್ಡ ಮಟ್ಟದಲ್ಲಿ ಖದರ್ ತೋರಿಸಿ, ಶಿಳ್ಳೆ ಚಪ್ಪಾಳೆ ಗಿಟ್ಟಿಸಲಿದ್ದಾರೆ.
ರಜನಿ, ಶಿವಣ್ಣ ಜೊತೆ ಮೋಹನ್ ಲಾಲ್, ಹೃತಿಕ್ ರೋಷನ್, ವಿಜಯ್ ಸೇತುಪತಿ, ಜಾಕಿಶ್ರಾಫ್ ಕೂಡ ಝಲಕ್ ತೋರಲಿದ್ದಾರೆ. ಅಲ್ಲದೆ ಎಸ್ ಜೆ ಸೂರ್ಯ ವಿಲನ್ ಖದರ್ ಜೊತೆ ವಿದ್ಯಾ ಬಾಲನ್, ಮಿಥುನ್ ಚಕ್ರವರ್ತಿ ಪಾತ್ರಗಳು ಸಂಥಿಂಗ್ ಸ್ಪೆಷಲ್ ಅನಿಸುತ್ತಿವೆ.
ನೆಲ್ಸಲ್ ದಿಲೀಪ್ ಕುಮಾರ್ ಈ ಬಾರಿ ಕೂಡ ಸನ್ ಪಿಕ್ಚರ್ಸ್ ಜೊತೆ ಕೈ ಜೋಡಿಸಿ 350 ಕೋಟಿ ಬಿಗ್ ಬಜೆಟ್ ನಲ್ಲಿ ಈ ಚಿತ್ರ ಮಾಡಿದ್ದು, ವರ್ಲ್ಡ್ ವೈಡ್ ಇದೇ ಅಕ್ಟೋಬರ್ 15ರಂದು ದಸರಾ ಧಮಾಕ ಮಾಡೋಕೆ ಬರ್ತಿದೆ. ಟ್ರೈಲರ್ ನಲ್ಲಿರೋ ಮೇಕಿಂಗ್, ತಾರಾಗಣ, ಮಾಸ್ ಡೈಲಾಗ್ಸ್ ಕಿಕ್ ಕೊಡ್ತಿದ್ದು, ನೋಡುಗರ ನಾಡಿಮಿಡಿತ ಹೆಚ್ಚಿಸಿವೆ. ಪ್ಯಾನ್ ಇಂಡಿಯಾ ಕ್ರೇಜ್ ಗೆ ತಕ್ಕನಾಗಿ ಮಲ್ಟಿ ಸ್ಟಾರರ್ ಮೂವಿ ಇದಾಗಿದ್ದು, ಎಲ್ಲಾ ಭಾಷೆಯ ಆಡಿಯನ್ಸ್ ಗೆ ಕನೆಕ್ಟ್ ಆಗಲಿದೆ.
ಇದಲ್ಲದೆ ನೋರಾ ಫತೇಹಿ ಹಾಗೂ ಶಾಮ್ನಾ ಕಾಸಿಂ ಗ್ಲಾಮರ್ ಕೂಡ ಜೈಲರ್ 2 ಹೀಟ್ ಹೆಚ್ಚಿಸಿದೆ. ಇಬ್ಬರ ಸಾಂಗ್ಸ್ ಕೂಡ ಗ್ಲಾಮರಸ್ ಆಗಿದ್ದು, ಹುಕ್ ಸ್ಟೆಪ್ಸ್ ನಿಂದ ಪಡ್ಡೆ ಹುಡುಗರ ನಿದ್ದೆಗೆಡಿಸುವಂತಿವೆ. ಇನ್ನೂ ಕರ್ನಾಟಕ ಡಿಸ್ಟ್ರಿಬ್ಯೂಷನ್ ರೈಟ್ಸ್ ನ ಗಂಡುಗಲಿ ಕೆ ಮಂಜು ಖರೀದಿಸಿದ್ದು, ಇಷ್ಟು ದಿನ ಸೈಲೆಂಟ್ ಆಗಿದ್ದ ಮಂಜಣ್ಣ ಈಗ ಅಖಾಡಕ್ಕೆ ಕಂಬ್ಯಾಕ್ ಮಾಡಿರೋದು ಇಂಟರೆಸ್ಟಿಂಗ್.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್