ಎರಡು ಕೋಟಿ ಸಣ್ಣ ಬಜೆಟ್ ಸಿನಿಮಾ ಗಳಿಸಿದ್ದು ಮಾತ್ರ ಬರೋಬ್ಬರಿ 424 ಕೋಟಿಗೂ ಅಧಿಕ. ಅದರ ಬಾಕ್ಸ್ ಆಫೀಸ್ ಸೂಪರ್ ಸೋನಿಕ್ ಸ್ಪೀಡ್‌ ನೋಡಿ ಇಡೀ ಬಾಲಿವುಡ್ಡೇ ದಂಗಾಗಿದೆ. 60 ದಿನ ಕಳೆದ್ರೂ ಚಿತ್ರಮಂದಿರಗಳಲ್ಲಿ ಕಲೆಕ್ಷನ್ ಮಾತ್ರ ಕಿಂಚಿತ್ತೂ ಕಮ್ಮಿ ಆಗಿಲ್ಲ. ಈಗ ಆ ನೀಮ್ ಕರೋಲಿ ಬಾಬಾ ಕುರಿತ ಭಕ್ತಿಪ್ರಧಾನ ಬಯೋಪಿಕ್, ನಮ್ಮ ಸೌತ್‌ಗೂ ಎಂಟ್ರಿ ಕೊಡ್ತಿದೆ. ಹೌದು.. ತೆಲುಗು ಟ್ರೈಲರ್ ರಿಲೀಸ್ ಆಗಿದ್ದು, ಬಾಕ್ಸ್ ಆಫೀಸ್ ಪವಾಡಕ್ಕೆ ತುದಿಗಾಲಲ್ಲಿ ನಿಂತಿದೆ.
- 424Cr ಬಾಕ್ಸ್ ಆಫೀಸ್ ಬಾಂಬ್.. ಸೌತ್‌‌ಗೆ ಹನುಮಾನ್ ಅಂಶ್
- ಬಜೆಟ್‌ಗಿಂತ 212 ಪಟ್ಟು ಲಾಭ.. ಮೌತ್ ಪಬ್ಲಿಸಿಟಿ ಪವರ್..!!
- ಹಿಂದಿಯಲ್ಲಿ ಹಿಸ್ಟಾರಿಕ್ ಹಿಟ್.. ಈಗ ಆಂಧ್ರ-ತೆಲಂಗಾಣ ಟಾರ್ಗೆಟ್
- ‘ಹನುಮಾನ್ ಅಂಶ್’ ತೆಲುಗು ರೈಟ್ಸ್ ಹೊಂಬಾಳೆ ಫಿಲಂಸ್ ತೆಕ್ಕೆಗೆ..!
ಬಾಕ್ಸ್ ಆಫೀಸ್‌ನಲ್ಲಿ ಯಾವುದೇ ಸದ್ದು ಸುದ್ದಿಯಿಲ್ಲದೆ ಸೈಲೆಂಟ್‌ ಆಗಿ ಎಂಟ್ರಿ ಕೊಟ್ಟು, ಈಗ ಕೋಟಿ ಕೋಟಿ ಬಾಚಿಕೊಳ್ಳುತ್ತಿರೋ ಸಿನಿಮಾ ಅಂದ್ರೆ ಅದು ಹನುಮಾನ್ ಅಂಶ್. ವಿಶಾಲ್ ಚತುರ್ವೇದಿ ನಿರ್ದೇಶನದಲ್ಲಿ ಮೂಡಿಬಂದಿರೋ ಈ ಭಕ್ತಿಪ್ರಧಾನ ಸಿನಿಮಾ.. ಬರೀ 2 ಕೋಟಿ ಬಜೆಟ್‌ನಲ್ಲಿ ತಯಾರಾಗಿತ್ತು. ಆದ್ರೆ ಚಿತ್ರಮಂದಿರಗಳಲ್ಲಿ ರಿಲೀಸ್ ಆದ್ಮೇಲೆ ಮೌತ್ ಪಬ್ಲಿಸಿಟಿ ಕ್ರೇಜ್‌ನಿಂದಾಗಿ ಚಿತ್ರದ ಗಲ್ಲಾಪೆಟ್ಟಿಗೆ ಗಳಿಕೆ ಬರೋಬ್ಬರಿ 424.24 ಕೋಟಿ ತಲುಪಿದೆ. ಭಾರತದಲ್ಲೇ 325.48 ಕೋಟಿ ನಿವ್ವಳ ಗಳಿಕೆ ಕಂಡಿರೋ ಈ ಸಿನಿಮಾ, ವಿದೇಶದಲ್ಲೂ 39.80 ಕೋಟಿ ಬಾಚಿಕೊಂಡು.. ಬಜೆಟ್‌ಗಿಂತ 212 ಪಟ್ಟು ಹೆಚ್ಚು ಲಾಭ ತಂದುಕೊಟ್ಟು ಹೊಸ ಚರಿತ್ರೆ ಸೃಷ್ಟಿಸಿದೆ. 60 ದಿನಗಳು ಕಳೆದ್ರೂ ಥಿಯೇಟರ್ ನಲ್ಲಿ ಹವಾ ಮಾತ್ರ ಕಮ್ಮಿಯಾಗಿಲ್ಲ. ಇತ್ತೀಚೆಗಷ್ಟೇ ಒಂದೇ ದಿನದಲ್ಲಿ 3 ಕೋಟಿ ಕಲೆಕ್ಷನ್ ಮಾಡಿ ಎಲ್ಲರ ಹುಬ್ಬೇರಿಸಿದೆ.
ತಾಯಿಯ ಅಗಲಿಕೆಯ ನಂತರ ಸನ್ಯಾಸತ್ವದ ಹಾದಿ ಹಿಡಿದು.. ಜಗತ್ತಿಗೆ ಬೆಳಕಾದ ನೀಮ್ ಕರೋಲಿ ಬಾಬಾ ಅಲಿಯಾಸ್ ಲಕ್ಷ್ಮಿ ನಾರಾಯಣ್ ಅವರ ರೋಚಕ ಜೀವನ ಚರಿತ್ರೆಯೇ ಈ ಸಿನಿಮಾದ ಮುಖ್ಯ ಜೀವಾಳ. ಈ ಚಿತ್ರದಲ್ಲಿ ನೀಮ್ ಕರೋಲಿ ಬಾಬಾ ಅವರ ಪ್ರಮುಖ ಪಾತ್ರದಲ್ಲಿ ಶೋಭಿನವ್ ಸತ್ಯ ನಟಿಸಿದ್ದು, ತಮ್ಮ ಅಭಿನಯದಿಂದ ಪ್ರೇಕ್ಷಕರ ಮನ ಗೆದ್ದಿದ್ದಾರೆ. ಅವರ ಜೊತೆಗೆ ಚಂದನ್ ಕೆ ಆನಂದ್, ಪೂರ್ಣಿಮಾ ತಿವಾರಿ, ಅನಿಲ್ ರಸ್ತೋಗಿ, ಗುಲ್ಶನ್ ಪಾಂಡೆ ಹಾಗೂ ಭಗವಾನ್‌ದಾಸ್ ಪಟೇಲ್ ಪ್ರಮುಖ ಪಾತ್ರಗಳಿಗೆ ಜೀವ ತುಂಬಿದ್ದಾರೆ. ಬ್ರಿಟಿಷರು ಬಾಬಾರನ್ನು ರೈಲಿನಿಂದ ಕೆಳಗಿಳಿಸಿದಾಗ ನಡೆದ ಪವಾಡ ಹಾಗೂ ಅವರ ಆಧ್ಯಾತ್ಮಿಕ ಪಯಣದ ದೃಶ್ಯಗಳನ್ನು ಈ ನಟರು ತಮ್ಮ ತೀಕ್ಷ್ಣ ಹಾಗೂ ಸೂಕ್ಷ್ಮ ಅಭಿನಯದ ಮೂಲಕ ತೆರೆಮೇಲೆ ಅದ್ಭುತವಾಗಿ ತಂದಿದ್ದಾರೆ.
ಹಿಂದಿ ಬೆಲ್ಟ್‌ನಲ್ಲಿ ಐತಿಹಾಸಿಕ ಯಶಸ್ಸು ಕಂಡ ಬಳಿಕ, ಹನುಮಾನ್ ಅಂಶ್ ಈಗ ಅಕ್ಟೋಬರ್ 9ರಂದು ತೆಲುಗಿನಲ್ಲಿ ಅದ್ದೂರಿಯಾಗಿ ಬಿಡುಗಡೆಯಾಗುತ್ತಿದೆ. ಇಂಟೆರೆಸ್ಟಿಂಗ್ ಅಂದ್ರೆ, ನಮ್ಮ ಕನ್ನಡದ ಹೆಮ್ಮೆಯ ಕೆಜಿಎಫ್ ಮತ್ತು ಕಾಂತಾರ ನಿರ್ಮಿಸಿದ ಹೊಂಬಾಳೆ ಫಿಲ್ಮ್ಸ್ ಸಂಸ್ಥೆ ಈ ಚಿತ್ರದ ತೆಲುಗು ರಿಲೀಸ್ ರೈಟ್ಸ್ ನ ಪಡೆದುಕೊಂಡಿದೆ. ಸೌತ್‌ನಲ್ಲೂ ದೊಡ್ಡ ಮಟ್ಟದ ಹೈಪ್ ಕ್ರಿಯೇಟ್ ಮಾಡಿದೆ. ಈಗಾಗಲೇ ಬಿಡುಗಡೆಯಾಗಿರೋ ತೆಲುಗು ಟ್ರೈಲರ್ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಆಂಧ್ರ-ತೆಲಂಗಾಣದಲ್ಲೂ ಈ ಸಿನಿಮಾ ಕಲೆಕ್ಷನ್ ಸುನಾಮಿ ಎಬ್ಬಿಸೋದು ಪಕ್ಕಾ ಎನ್ನಲಾಗ್ತಿದೆ. ಇದು ಹನುಮನ ಅಂಶಕ್ಕಿರೋ ಡಿವೈನ್ ಪವರ್ ಹಾಗೂ ಸನಾತನದ ಖದರ್ ಅನ್ನೋದು ಮರೆಯೋ ಹಾಗಿಲ್ಲ.
ಕೀರ್ತಿ ಪಾಟೀಲ್, ಫಿಲ್ಮ್ ಬ್ಯೂರೋ, ಗ್ಯಾರಂಟಿ ನ್ಯೂಸ್