ಹಿಂದಿ ಬಿಗ್ ಬಾಸ್‌ 18 ರ ಸ್ಪರ್ಧಿಯಾಗಿದ್ದ ನಟಿ ಎಡಿನ್ ರೋಸ್‌, ತಮ್ಮ ಇತ್ತೀಚಿನ ಹೇಳಿಕೆ ಕ್ರಿಕೆಟ್‌ ಮತ್ತು ಬಾಲಿವುಡ್ ಅಭಿಮಾನಿಗಳನ್ನು ದಿಗ್ಭ್ರಮೆಗೊಳಿಸಿದ್ದಾರೆ. ‘ಫಿಲಿಗ್ಯಾನ್’ಗೆ ನೀಡಿದ ಸಂದರ್ಶನದಲ್ಲಿ ಆಕೆಯ ಆಡಿದ ಮಾತುಗಳು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗಿವೆ. ಭಾರತೀಯ ಕ್ರಿಕೆಟ್‌ ತಂಡದ ಸ್ಟಾರ್‌ ಬ್ಯಾಟರ್‌ ಹಾಗೂ ಐಪಿಎಲ್‌ನ ಪಂಜಾಬ್‌ ಕಿಂಗ್ಸ್‌ ತಂಡದ ನಾಯಕ ಶ್ರೇಯಸ್ ಅಯ್ಯರ್‌ ಕುರಿತು ಮಾತನಾಡಿರುವ ಎಡಿನ್, “ನಾನು ಈಗಾಗಲೇ ಶ್ರೇಯಸ್ ಅಯ್ಯರ್‌ ಜೊತೆ ಮನಸ್ಸಿನಲ್ಲಿ ಮದುವೆಯಾಗಿದ್ದೇನೆ. ಅವರ ಮಕ್ಕಳಿಗೆ ತಾಯಿಯಾಗಿದ್ದೇನೆ” ಎಂದು ಸ್ಫೋಟಕ ಹೇಳಿಕೆಯನ್ನು ಕೊಟ್ಟಿದ್ದಾರೆ.
“ನನ್ನ ಕನಸಿನಲ್ಲಿ, ನಾನು ಶ್ರೇಯಸ್ ಅಯ್ಯರ್‌ರನ್ನು ಮದುವೆಯಾಗಿದ್ದೇನೆ. ಅವರ ಮಕ್ಕಳಿಗೆ ತಾಯಿಯಾಗಿರುವೆ ಎಂದು ನಾನು ಭಾವಿಸುತ್ತೇನೆ. ಶ್ರೇಯಸ್‌ರನ್ನು ಇಷ್ಟಪಡಲು ನನಗೆ ಕೆಲವು ಗಟ್ಟಿ ಕಾರಣಗಳಿವೆ. ಅವರಿಗೆ ಒಳ್ಳೆಯ ಎತ್ತರ, ಆಕರ್ಷಕ ಗುಣಗಳು ಮತ್ತು ಉತ್ತಮ ಮೈಕಟ್ಟು ಇದೆ. ಅವರು ಯಾವಾಗಲೂ ಗಡ್ಡವನ್ನು ಇಟ್ಟುಕೊಂಡಿರುತ್ತಾರೆ, ಜೊತೆಗೆ ಆಕರ್ಷಕ ಸ್ನಾಯುಗಳನ್ನು ಹೊಂದಿದ್ದಾರೆ. ಇವೆಲ್ಲವೂ ನನಗೆ ಇಷ್ಟವಾಗುವ ಗುಣಗಳು. ಅವರು ಭಾರತೀಯ ಕ್ರಿಕೆಟ್‌ ತಂಡವನ್ನು ಪ್ರತಿನಿಧಿಸುತ್ತಾರೆ, ಇನ್ನೇನು ಬೇಕು? ಶ್ರೇಯಸ್ ದಕ್ಷಿಣ ಭಾರತೀಯರಾಗಿರುವುದು ಇನ್ನೊಂದು ಒಳ್ಳೆಯ ಸಂಗತಿ” ಎಂದು ಎಡಿನ್ ರೋಸ್‌ ಸಂತೋಷದಿಂದ ಹೇಳಿದ್ದಾರೆ. ಈ ಹೇಳಿಕೆಗಳು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿವೆ.
ಮಾಡೆಲ್‌ ಆಗಿ ತಮ್ಮ ವೃತ್ತಿಜೀವನವನ್ನು ಆರಂಭಿಸಿದ ಎಡಿನ್ ಸಿನಿಮಾ ಕ್ಷೇತ್ರದಲ್ಲಿ ತಮ್ಮದೇ ಛಾಪು ಮೂಡಿಸಿದ್ದಾರೆ. ಬಾಲಿವುಡ್‌ನಲ್ಲಿ ಎರಡು ಚಿತ್ರಗಳಲ್ಲಿ ನಟಿಸಿರುವ ಆಕೆ, ತೆಲುಗಿನ ಸ್ಟಾರ್‌ ರವಿತೇಜ ಅವರ ‘ರಾವಣಾಸುರ’ ಚಿತ್ರದ ವಿಶೇಷ ಹಾಡಿನಲ್ಲಿ ಕಾಣಿಸಿಕೊಂಡು ಗಮನ ಸೆಳೆದಿದ್ದಾರೆ. ಇದೀಗ ನಯನತಾರಾ ಅವರ ‘ಲವ್‌ ಇನ್ಸುರೆನ್ಸ್‌ ಕಂಪನಿ’ (LIK) ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ಎಡಿನ್ ರೋಸ್‌ನ ಈ ಹೇಳಿಕೆಯು ಕ್ರಿಕೆಟ್‌ ಮತ್ತು ಚಿತ್ರರಂಗದ ಅಭಿಮಾನಿಗಳಲ್ಲಿ ತೀವ್ರ ಚರ್ಚೆಗೆ ಕಾರಣವಾಗಿದೆ. ಶ್ರೇಯಸ್ ಅಯ್ಯರ್‌, ಭಾರತೀಯ ಕ್ರಿಕೆಟ್‌ ತಂಡದ ಪ್ರಮುಖ ಆಟಗಾರರಾಗಿ, ತಮ್ಮ ಆಕರ್ಷಕ ಆಟದ ಜೊತೆಗೆ ಯುವತಿಯರ ಗಮನವನ್ನು ಸೆಳೆಯುತ್ತಿದ್ದಾರೆ. ಐಪಿಎಲ್‌ನಲ್ಲಿ ಪಂಜಾಬ್‌ ಕಿಂಗ್ಸ್‌ ತಂಡದ ನಾಯಕನಾಗಿರುವ ಶ್ರೇಯಸ್, ತಮ್ಮ ಆಕರ್ಷಕ ವ್ಯಕ್ತಿತ್ವದಿಂದಲೂ ಜನಪ್ರಿಯರಾಗಿದ್ದಾರೆ. ಎಡಿನ್ ರೋಸ್‌ನ ಹೇಳಿಕೆಯು ಶ್ರೇಯಸ್ ಅವರ ಜನಪ್ರಿಯತೆಗೆ ಇನ್ನಷ್ಟು ಮೆರಗು ತಂದಿದೆ.
ಈ ಹೇಳಿಕೆಯಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಯ ಜೊತೆಗೆ ತಮಾಷೆಯ ಪೋಸ್ಟ್‌ಗಳು, ಮೀಮ್ಸ್‌ಗಳು ಕೂಡ ವೈರಲ್ ಆಗುತ್ತಿವೆ. ಕೆಲವರು ಎಡಿನ್‌ರ ಈ ಹೇಳಿಕೆಯನ್ನು ತಮಾಷೆಯಾಗಿ ತೆಗೆದುಕೊಂಡರೆ, ಇನ್ನೂ ಕೆಲವರು ಆಕೆಯ ಧೈರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
