ಆ್ಯಕ್ಷನ್ ಕಿಂಗ್ ಅರ್ಜುನ್ ಸರ್ಜಾ ಮಗಳ ಸೀತಾ ಪಯಣಕ್ಕೆ ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಕೂಡ ಸಾಥ್ ನೀಡಿದ್ದಾರೆ. ಸುಡುವ ಜ್ವಾಲೆಯಾಗಿ, ಕಾಯುವ ದೈವವಾಗಿ, ಗೂಳಿ ಬಸವಣ್ಣನ ಅವತಾರದಲ್ಲಿ ಮಿಂಚುತ್ತಿದ್ದಾರೆ ಧ್ರುವ.
ಸಂಕ್ರಾಂತಿ ಹಬ್ಬದ ವಿಶೇಷ ಲಾಂಚ್ ಆಗಿರೋ ಬಸವಣ್ಣ ಅನ್ನೋ ಈ ಲಿರಿಕಲ್ ವಿಡಿಯೋ ಸಾಂಗ್ನಲ್ಲಿ ಸೆಂಟರ್ ಆಫ್ ಅಟ್ರ್ಯಾಕ್ಷನ್ ಧ್ರುವ ಸರ್ಜಾ. ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಈ ಚಿತ್ರದಲ್ಲಿ ಸ್ಪೆಷಲ್ ಅಪಿಯರೆನ್ಸ್ ನೀಡಿದ್ದು, ಪ್ರಮುಖ ಘಟ್ಟದಲ್ಲಿ ಬರೋದು ಕಾತರಿ ಆಗಿದೆ. ಅದಕ್ಕೆ ಸುಡುವ ಜ್ವಾಲೆ, ಕಾಯೋ ದೈವ, ಗೂಳಿ ಬಸವಣ್ಣ ಸಾಂಗ್ ಪ್ರತ್ಯಕ್ಷ ಸಾಕ್ಷಿ.
ಸುಡುವ ಜ್ವಾಲೆ.. ಕಾಯೋ ದೈವ.. ಗೂಳಿ ಬಸವಣ್ಣ ಧ್ರುವ..!
ನಿರಂಜನ್-ಐಶು ಸೀತಾ ಪಯಣಕ್ಕೆ ಆ್ಯಕ್ಷನ್ ಪ್ರಿನ್ಸ್ ಸಾಥ್
ಅರ್ಜುನ್ ಸರ್ಜಾರ ಮನಮುಟ್ಟೋ ಕಥೆ ಸೀತಾ ಪಯಣ
ಪ್ರೇಮಬರಹ ಚಿತ್ರದ ಬಳಿಕ ಅರ್ಜುನ್ ಸರ್ಜಾ ತಮ್ಮ ಮಗಳು ಐಶ್ವರ್ಯಾಗಾಗಿ ಈ ಸೀತಾ ಪಯಣ ಸಿನಿಮಾನ ಡೈರೆಕ್ಟ್ ಮಾಡಿ, ಪ್ರೊಡ್ಯೂಸ್ ಮಾಡ್ತಿದ್ದಾರೆ. ಇಲ್ಲಿ ಅರ್ಜುನ್ ಸರ್ಜಾ ಕೂಡ ಗೆಸ್ಟ್ ಅಪಿಯರೆನ್ಸ್ ನೀಡಿದ್ದು, ಲೀಡ್ನಲ್ಲಿ ಉಪೇಂದ್ರ ಅವ್ರ ಅಣ್ಣನ ಮಗ ನಿರಂಜನ್ ಸುಧೀಂದ್ರ ಮಿಂಚಲಿದ್ದಾರೆ. ನಿರಂಜನ್ಗೆ ಐಶ್ವರ್ಯಾ ಸರ್ಜಾ ಜೋಡಿಯಾಗಿದ್ದು, ಪ್ರಕಾಶ್ ರೈ, ಸತ್ಯರಾಜ್ ಸೇರಿದಂತೆ ದೊಡ್ಡ ತಾರಾಗಣ ಚಿತ್ರಕ್ಕಿದೆ.
ಫೆಬ್ರವರಿ 14ರಂದು ತೆರೆಗೆ ಬರಲಿರೋ ಈ ಪ್ಯಾನ್ ಇಂಡಿಯಾ ಮೂವಿ ಬಹುಭಾಷೆಗಳಲ್ಲಿ ತಯಾರಾಗಿದ್ದು, ಟ್ರಾವೆಲ್ ವಿತ್ ಲವ್ & ಗ್ರಾಟಿಟ್ಯೂಡ್ ಕಾನ್ಸೆಪ್ಟ್ನಿಂದ ರಂಜಿಸಲಿದೆ. ಟೈಟಲ್ ಸಖತ್ ಫಿಲ್ ಗುಡ್ನಿಂದ ಕೂಡಿದ್ದು, ಇಲ್ಲಿಯವರೆಗೂ ರಿವೀಲ್ ಆಗಿರೋ ಸ್ಯಾಂಪಲ್ಸ್ ಕೂಡ ಚಿತ್ರದ ಮೇಲಿನ ಭರವಸೆ ಹೆಚ್ಚಿಸಿವೆ.
ಸದ್ಯ ಧ್ರುವ ಸರ್ಜಾ ಎಂಟ್ರಿ ಕೊಟ್ಟಿರೋ ಸಾಂಗ್ ಒಂಥರಾ ಮಾಸ್ ವಿತ್ ಡಿವೈನ್ ಟಚ್ನಿಂದ ವ್ಹಾವ್ ಅನಿಸಿದೆ. ಧ್ರುವ ಲುಕ್ಸ್, ಕಾಸ್ಟ್ಯೂಮ್ ಎಲ್ಲವೂ ಇಂಪ್ರೆಸ್ಸೀವ್ ಆಗಿದೆ. ಭರತ್ ಜನನಿ ಸಾಹಿತ್ಯದ ಈ ಹಾಡಿಗೆ ಅನೂಪ್ ರೂಬೆನ್ಸ್ ಸಂಗೀತ ಸಂಯೋಜಿಸಿದ್ದು, ನಕಾಶ್ ಹಾಗೂ ಕೀರ್ತನ ಕಂಠವಿದೆ.