ಕೀರ್ತಿ ಪಾಟೀಲ್, ಫಿಲ್ಮ್ ಬ್ಯೂರೋ, ಗ್ಯಾರಂಟಿ ನ್ಯೂಸ್.
ತಮಿಳು ನಟ ಧನುಷ್ ಡಿವೋರ್ಸ್ ನಂತರ ಮತ್ತೆ ಪ್ರೀತಿಯಲ್ಲಿ ಬಿದ್ದಿದ್ದಾರಾ..? ಮೃಣಾಲ್ ಠಾಕೂರ್ ಹಾಗೂ ಧನುಷ್ ನಡುವೆ ಲವ್ವಿ ಡವ್ವಿ ಅನ್ನೋ ಗಾಸಿಪ್ ಶುರುವಾಗಿದೆ. ಒಟ್ಟಿಗೆ ನಟಿಸಿಲ್ಲ ಅಂದ್ರೂ ಬೇರೆ ಬೇರೆ ಇಂಡಸ್ಟ್ರಿಯ ನಟ ನಟಿಯರು ಇಷ್ಟು ಕ್ಲೋಸ್ ಹೇಗೆ ಅಂತ ನೆಟ್ಟಿಗರು ಪ್ರಶ್ನೆ ಮಾಡ್ತಿದ್ದಾರೆ. ಅದ್ರಲ್ಲೂ ಇಬ್ಬರ ಸೋಶಿಯಲ್ ಮೀಡಿಯಾದ ಕಾಮೆಂಟ್ಸ್, ಡೇಟಿಂಗ್ ಚರ್ಚೆಗೆ ಗ್ರಾಸವಾಗಿದೆ. ಹಾಗಿದ್ರೆ ರಜನಿ ಅಳಿಯನಿಗೆ ಮೃಣಾಲ್ ಮಾಡಿರೋ ಕಾಮೆಂಟ್ ಏನು..? ಚಾಟಿಂಗ್ ಓಕೆ.. ಡೇಟಿಂಗ್ ನಿಜಾನಾ ಅಂತ ಹೇಳ್ತೀವಿ, ಈ ಸ್ಟೋರಿ ನೋಡಿ.
ಕಾಲಿವುಡ್‌ ಸ್ಟಾರ್ ನಟ ಧನುಷ್ ಸಿನಿಮಾ ಕರಿಯರ್ ಯಶಸ್ಸಿನ ನಡುವೆಯೂ ವೈಯಕ್ತಿಕ ವಿಚಾರಗಳ ಮೂಲಕ ಸದಾ ಸುದ್ದಿಯಲ್ಲಿರುತ್ತಾರೆ. ಅವರ ಲವ್ ಲೈಫ್ ಬಗ್ಗೆ ಆಗಾಗ ಚರ್ಚೆಗಳು ನಡೆಯುತ್ತಲೇ ಇರುತ್ತವೆ. ಈಗ ಡೈವೋರ್ಸ್ ನಂತರ ಮತ್ತೆ ಪ್ರೀತಿಯಲ್ಲಿ ಬಿದ್ದಿದಾರ ಧನುಷ್ ಎಂದು ಫ್ಯಾನ್ ಪ್ರಶ್ನೆ ಮಾಡ್ತಿದ್ದಾರೆ. ನಟಿ ಮೃಣಾಲ್ ಠಾಕೂರ್ ಜೊತೆ ಧನುಷ್ ಆತ್ಮೀಯತೆ ಕ್ಯಾಮೆರಾ ಕಣ್ಣಿಗೆ ಹಲವು ಬಾರಿ ಬಿದಿದ್ದೆ. ಇಬ್ಬರ ಬಾಂಡಿಂಗ್ ರಿಲೇಶನ್ ಶಿಪ್ ಆಗಿದಿಯ ಎಂಬುವಂತೆ ಧನುಷ್ -ಮೃಣಾಲ್ ಹೆಸರು ತಳುಕು ಹಾಕಿಕೊಂಡಿದೆ.
ಡಿವೋರ್ಸ್ ನಂತರ ಮತ್ತೆ ಪ್ರೀತಿಯಲ್ಲಿ ನಟ ಧನುಷ್..!!
ಮೃಣಾಲ್ ಜೊತೆ ರಜನಿ ಅಳಿಯ.. ಇದು ನ್ಯೂ ಇನ್ನಿಂಗ್ಸ್
ಸದ್ಯ ಧನುಷ್ ನಟಿಸಿರುವ ಹೊಸ ಹಿಂದಿ ಸಿನಿಮಾ ‘ತೇರೆ ಇಷ್ಕ್ ಮೇ’ ನವೆಂಬರ್ 28 ಬಿಡುಗಡೆಯಾಗಿದ್ದು, ಈ ಸಂಧರ್ಭದಲ್ಲಿ ಧನುಷ್ ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಬನಾರಸ್ ಪ್ರವಾಸದ ಕೆಲವು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ನೆನಪಿನ ಪುಟ ತೆರೆದಂತೆ ಕಂಡ ಈ ಪೋಸ್ಟ್‌ಗೆ ನಟಿ ಮೃಣಾಲ್ ಠಾಕೂರ್ ಕಮೆಂಟ್ ಹಾಕಿದ್ದು, ಇವರಿಬ್ಬರ ನಡುವಿನ ಡೇಟಿಂಗ್ ಗಾಸಿಪ್‌ಗೆ ಮತ್ತಷ್ಟು ತೀವ್ರತೆ ನೀಡಿದೆ.
ಎಸ್, ಸೋಶಿಯಲ್ ಮೀಡಿಯಾದಲ್ಲಿ ಧನುಷ್ ಹಂಚಿಕೊಂಡ ಫೋಟೋಗೆ ಮೃಣಾಲ್ ಠಾಕೂರ್ ಕಮೆಂಟ್ ಮಾಡಿದ್ದಾರೆ. ಸರ್ ಎಂಥ ಅದ್ಭುತ ಪಯಣ ಬ್ಲಾಕ್ ಬಸ್ಟರ್, ಕಲ್ಟ್, ಲೆಗೆಸಿ ಎಂದು ನಟಿ ಮೃಣಾಲ್ ಕಮೆಂಟ್ ಮಾಡಿದ್ದು, ಅದಕ್ಕೆ ಧನುಷ್ ಅಪ್ಪುಗೆ ಮತ್ತು ಬಿಳಿ ಹಾರ್ಟ್ ಎಮೋಜಿಯನ್ನು ಕಮೆಂಟ್ ಮಾಡಿದ್ದಾರೆ. ಈ ಪೋಸ್ಟ್ ಈಗ ವೈರಲ್ ಆಗುತ್ತಿದೆ. ಸೋಶಿಯಲ್ ಮೀಡಿಯಾದಲ್ಲಿ ಧನುಷ್ ಅಷ್ಟೇನು ಆಕ್ಟೀವ್ ಆಗಿ ಇರಲ್ಲ. ಆಗೊಮ್ಮೆ ಈಗೊಮ್ಮೆ ಪೋಸ್ಟ್ ಮಾಡುತ್ತಾರೆ. ಆದ್ರೀಗ ಧನುಷ್ ಸೋಶಿಯಲ್ ಮೀಡಿಯಾದಲ್ಲಿ ಆಕ್ಟೀವ್ ಆಗಿದ್ದರೆ ಇಬ್ಬರ ಪ್ರೀತಿಯ ಪ್ರತಿಕ್ರಿಯೆ ಈಗ ಇಡೀ ಗಾಸಿಪ್ ಲೋಕದಲ್ಲಿ ಸಂಚಲನ ಮೂಡಿಸಿದೆ
ಧನುಷ್ ಕಾಮೆಂಟ್ ನಿಂದ ಹೆಚ್ಚಾಯ್ತು ಕ್ಯೂರಿಯಾಸಿಟಿ
ಸಿಕ್ಕಿಬಿದ್ರಾ ಸ್ಟಾರ್ ಜೋಡಿ.. ಡೇಟಿಂಗ್ ವದಂತಿ ನಿಜಾನಾ?
ಇಷ್ಟೇ ಅಲ್ಲದೆ ಮೃಣಾಲ್ ಹುಟ್ಟುಹಬ್ಬದಲ್ಲಿ ಧನುಷ್ ಭಾಗಿಯಾಗಿದ್ರು. ಕೇವಲ ಆಪ್ತರ ಜೊತೆ ಬರ್ತ್ಡೇ ಸೆಲೆಬ್ರೇಟ್ ಮಾಡಿಕೊಂಡ ಮೃಣಾಲ್, ಧನುಷ್ ಅವ್ರಿಗೂ invite ಮಾಡಿದ್ದು ಅನುಮಾನ ಹುಟ್ಟುಹಾಕಿತ್ತು. ಅದಾದ ಬಳಿಕ ಧನುಷ್ -ಮೃಣಾಲ್ ಠಾಕೂರ್ ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ಸುದ್ದಿ ಬಾಲಿವುಡ್ ಗಲ್ಲಿಯಾಗಿತ್ತಿದೆ. 42 ವರ್ಷದ ಧನುಷ್ ಬ್ಯಾಕ್-ಟು-ಬ್ಯಾಕ್ ಸಿನಿಮಾಗಳಿಂದ ತುಂಬಾ ಬ್ಯುಸಿಯಾಗಿದ್ದರೆ, 33 ವರ್ಷದ ಮೃಣಾಲ್ ಠಾಕೂರ್ ಬಾಲಿವುಡ್ ಹಾಗೂ ದಕ್ಷಿಣದ ಚಿತ್ರರಂಗದಲ್ಲೂ ತನ್ನದೇ ಆದ ಸ್ಥಾನ ಗಳಿಸಿಕೊಂಡಿದ್ದಾರೆ. ಇವರಿಬ್ಬರೂ ತಮ್ಮ ಸಂಬಂಧದ ಬಗ್ಗೆ ಅಧಿಕೃತವಾಗಿ ಒಂದೂ ಮಾತು ಮಾತನಾಡದಿದ್ದರೂ, ಸೋಶಿಯಲ್ ಮೀಡಿಯಾದ ಸಂಭಾಷಣೆ ಅಭಿಮಾನಿಗಳಲ್ಲಿ ಕುತೂಹಲ ಹುಟ್ಟಿಸಿದೆ.
ಸನ್ ಆಫ್ ಸರ್ದಾರ್ 2 ಪ್ರೀಮಿಯರ್‌ನಲ್ಲಿ ಇಬ್ಬರೂ ಒಟ್ಟಿಗೆ ಕಾಣಿಸಿಕೊಂಡಿದ್ದರು. ತೇರೆ ಇಷ್ಕ್ ಮೇ ಸಿನಿಮಾದ ಶೂಟಿಂಗ್ ಮುಗಿದ ದಿನದಲ್ಲೂ ಮೃಣಾಲ್ ಧನುಷ್ ಜೊತೆ ಇದ್ದದ್ದು ಅಭಿಮಾನಿಗಳು ಗಮನಿಸಿದ್ದರು. ಧನುಷ್ ಸಹೋದರಿಯ ಇನ್ಸ್ಟಾಗ್ರಾಮ್ ಖಾತೆಯನ್ನು ಮೃಣಾಲ್ ಫಾಲೋ ಮಾಡ್ತಿರೋದು ಇನ್ನೊಂದು ಚರ್ಚೆಗೆ ಕಾರಣವಾಗಿದೆ. ಈ ಎಲ್ಲ ಘಟನೆಗಳು ಸೇರಿ ಧನುಷ್-ಮೃಣಾಲ್ ನಡುವಿನ ಡೇಟಿಂಗ್ ಸುದ್ದಿ ಈಗ ಮತ್ತಷ್ಟು ಗರಿಗೆದರುತ್ತಿದೆ.