ಡೆವಿಲ್ ಅಲೋಹೋಮೊರಾ ಖದರ್.. ಡಿಬಾಸ್ ಪವರ್

ಡೆವಿಲ್ ರಿಲೀಸ್‌ಗೆ ಕೌಂಟ್‌ಡೌನ್ ಶುರುವಾಗಿದ್ದು, ಆಲ್ಬಮ್‌‌ನಿಂದ ಮತ್ತೊಂದು ಸ್ಟೈಲಿಶ್ ಸಾಂಗ್ ರಿವೀಲ್ ಆಗಿದೆ. ದರ್ಶನ್ ಫ್ಯಾನ್ಸ್ ಜೊತೆ ಇಡೀ ಕನ್ನಡ ಕಲಾಭಿಮಾನಿಗಳು ಈ ಸಾಂಗ್‌‌ಗೆ ಮೆಚ್ಚುಗೆ ವ್ಯಕ್ತಪಡಿಸ್ತಿದ್ದಾರೆ. ಅಲೋಹೋಮೊರಾ ಖದರ್‌‌ನಲ್ಲಿ ಡೆವಿಲ್ ಪವರ್ ಹೇಗಿದೆ ಅನ್ನೋದನ್ನ ನಾವು ಹೇಳ್ತೀವಿ ಈ ಸ್ಟೋರಿ ನೋಡಿ.

ಇದು ಡೆವಿಲ್ ಸಿನಿಮಾದ ಮತ್ತೊಂದು ಸಾಂಗ್ ಝಲಕ್. ಅಲೋಹೋಮೊರಾ ಅನ್ನೋ ಈ ಹಾಡಿನಲ್ಲಿ ಡಿಬಾಸ್ ದರ್ಶನ್ ಸಖತ್ ಸ್ಟೈಲಿಶ್ ಲುಕ್ಸ್‌‌ನಲ್ಲಿ ನೋಡುಗರ ಕಣ್ಣು ಕುಕ್ಕುವಂತೆ ಕಾಣ್ತಿದ್ದಾರೆ. ಈ ಹಾಡೊಂದಕ್ಕಾಗಿಯೇ ಕೋಟ್ಯಂತರ ರೂಪಾಯಿ ಖರ್ಚು ಮಾಡಿ, ಲ್ಯಾವಿಶ್ ಸೆಟ್‌‌ ನಿರ್ಮಿಸಿ, ನೂರಾರು ಡ್ಯಾನ್ಸರ್ಸ್‌ ಜೊತೆ ಸಖತ್ ಕಲರ್‌‌ಫುಲ್ ಆಗಿ ಸೆರೆಹಿಡಿಯಲಾಗಿದೆ.

ಡೆವಿಲ್ ಅಲೋಹೋಮೊರಾ ಖದರ್.. ಡಿಬಾಸ್ ಪವರ್

ಸ್ಟೈಲಿಶ್ ಲುಕ್.. ಕಾಸ್ಟ್ಲಿ ಸೆಟ್.. ಕಲರ್‌‌ಫುಲ್ D ಸಾಂಗ್..!

ಅಜನೀಶ್ ಲೋಕನಾಥ್ ಸಂಗೀತ ಸಂಯೋಜನೆಯ ಈ ಹಾಡಿಗೆ ಅನಿರುದ್ದ್ ಶಾಸ್ತ್ರಿ ಸಾಹಿತ್ಯ ರಚಿಸಿ, ತಮ್ಮದೇ ಕಂಠದಲ್ಲಿ ಹಾಡಿದ್ದಾರೆ. ಅಂದಹಾಗೆ ಸಾಕಷ್ಟು ಡೈಮೆನ್ಷನ್ಸ್ ಇರೋ ಈ ಹಾಡಿನಲ್ಲಿ ಡೆವಿಲ್ ಕ್ಯಾರೆಕ್ಟರ್‌‌‌ನ ಸ್ವ್ಯಾಗ್ ಇದೆ. ಅಲ್ಲದೆ, ಆತನನ್ನ ಅರ್ಥ ಮಾಡಿಕೊಳ್ಳೋರ ಭಾವಕ್ಕೆ ಬಿಟ್ಟಿದೆ ಇದು ಅನ್ನುವಂತಿದೆ ಅನ್‌ಲಾಕಿಂಗ್ ಸ್ಪೆಲ್‌ ಸಾಂಗ್. ಅದನ್ನ ಬಹಳ ಅಚ್ಚುಕಟ್ಟಾಗಿ ಬರೆದು, ಹಾಡಿದ್ದಾರೆ ದರ್ಶನ್ ಫೇವರಿಟ್ ಸಿಂಗರ್ ಅನಿರುದ್ದ್ ಶಾಸ್ತ್ರಿ.

ಅಂದಹಾಗೆ ಅನಿರುದ್ದ್ ಇದೇ ಡೆವಿಲ್ ಸಿನಿಮಾಗಾಗಿ ಮೊದಲ ಸಾಂಗ್ ಇದ್ರೆ ನೆಮ್ದಿಯಾಗ್ ಇರ್ಬೇಕ್‌ಗೆ ಸಾಹಿತ್ಯ ರಚಿಸಿ, ಹಾಡಿದ್ರು. ನಮ್ಮ ಗ್ಯಾರಂಟಿ ನ್ಯೂಸ್ ಸ್ಟುಡಿಯೋದಲ್ಲಿ ಅದನ್ನ ಹಾಡುವುದರ ಮೂಲಕ ಹಾಡಿಗೊಂದು ಕಳೆ ತಂದುಕೊಟ್ಟಿದ್ದಾರೆ.

ದರ್ಶನ್ ಸ್ವ್ಯಾಗ್‌.. ಅಜನೀಶ್ ಟ್ಯೂನ್.. ಅನಿರುದ್ದ್ ಲೈನ್‌‌

ಡಿ-12ಕ್ಕೆ ಡೆವಿಲ್ ಅಸಲಿ ಆಟ.. ಫ್ಯಾನ್ಸ್‌ಗೆ ಹಬ್ಬವೋ ಹಬ್ಬ..!

ಪ್ರಕಾಶ್ ವೀರ್ ನಿರ್ದೇಶಿಸಿ, ನಿರ್ಮಿಸಿರೋ ಡೆವಿಲ್ ಸಿನಿಮಾದಲ್ಲಿ ದರ್ಶನ್ ಇಲ್ಲಿಯವರೆಗೂ ಕಾಣದಂತಹ ಲುಕ್ಸ್‌‌‌ನಲ್ಲಿ ಕಾಣಸಿಗಲಿದ್ದಾರೆ. ಅವ್ರ ಅಭಿಮಾನಿಗಳಿಗೆ ದಚ್ಚು ವಿಂಟೇಜ್ ಲುಕ್ಸ್ ಮಜಾ ಕೊಡಲಿದ್ದು, ಇಲ್ಲಿ ಡೆವಿಲ್ ಯಾರಿಗೆ..? ಏತಕ್ಕಾಗಿ ಅನ್ನೋದನ್ನ ನಿರೀಕ್ಷಿಸಬೇಕಿದೆ. ಇನ್ನು ದರ್ಶನ್‌ರ ಫೇವರಿಟ್ ಸಿನಿಮಾಟೋಗ್ರಾಫರ್ ಸುಧಾಕರ್ ಎಸ್ ರಾಜ್ ಈ ಬಾರಿ ಕೂಡ ಸಿನಿಮಾಟೋಗ್ರಫಿ ಮಾಡಿದ್ದು, ಎಲ್ಲರನ್ನ ಮುದ್ದಾಗಿ ತೋರಿಸಿದ್ದಾರೆ. ಅದ್ರಲ್ಲೂ ದಚ್ಚು-ರಚನಾ ರೈ ಜೋಡಿಯ ಕೆಮಿಸ್ಟ್ರಿಯನ್ನ ಅದ್ಭುತವಾಗಿ ಚಿತ್ರಿಸಿದ್ದಾರೆ.

ದರ್ಶನ್ ಕೊಲೆ ಪ್ರಕರಣದಲ್ಲಿ ಒಳಗಿರಬಹುದು. ಆದ್ರೆ ಪ್ರಮೋಷನ್ಸ್ ಜೋರಾಗೇ ನಡೀತಿದೆ. ಫ್ಯಾನ್ಸ್ ಈ ಸಿನಿಮಾದ ರಿಲೀಸ್‌ನ ಹಬ್ಬದಂತೆ ಸೆಲೆಬ್ರೇಟ್ ಮಾಡೋಕೆ ಕಾತರರಾಗಿದ್ದಾರೆ. ಕೋಟ್ಯಂತರ ರೂಪಾಯಿ ಬಂಡವಾಳ ಹಾಕಿರೋ ಪ್ರಕಾಶ್ ವೀರ್, ನೋಡುಗರನ್ನ ನಿರಾಸೆಗೊಳಿಸದೆ, ಅಂದುಕೊಂಡ ಡೇಟ್‌ಗೆ ಅಂದ್ರೆ ಇದೇ ಡಿಸೆಂಬರ್ 12ಕ್ಕೆ ಡೆವಿಲ್‌ನ ಥಿಯೇಟರ್‌ಗೆ ತರ್ತಿರೋದು ಇಂಟರೆಸ್ಟಿಂಗ್.