ಡಿಸೆಂಬರ್ ಒಂಥರಾ ಲಕ್ಕಿ ಮಂಥ್. ಆ ತಿಂಗಳಲ್ಲಿ ಸಿನಿಮಾಗಳು ರಿಲೀಸ್ ಆದ್ರೆ ಬಾಕ್ಸ್ ಆಫೀಸ್ ಹಿಟ್ ಗ್ಯಾರಂಟಿ. ಹಾಗಾಗಿಯೇ ಸದ್ಯ ಸ್ಯಾಂಡಲ್‌ವುಡ್‌‌ನಲ್ಲಿ ಈ ವರ್ಷದ ಮೋಸ್ಟ್ ಎಕ್ಸ್‌‌ಪೆಕ್ಟೆಡ್ ಮೂವೀಸ್ ಎಲ್ಲಾ ಡಿಸೆಂಬರ್ ಮೇಲೆ ಕಣ್ಣು ಹಾಕಿವೆ. ದರ್ಶನ್, ಧ್ರುವ ಸರ್ಜಾ ಹಾಗೂ ದುನಿಯಾ ವಿಜಯ್ ಸಿನಿಮಾಗಳ ರಿಲೀಸ್ ಅಪ್ಡೇಟ್ ಇಲ್ಲಿದೆ. ಜಸ್ಟ್ ಹ್ಯಾವ್ ಎ ಲುಕ್.
- ಡಿಸೆಂಬರ್ ‘ದುನಿಯಾ’ಗೆ ದಚ್ಚು, ಧ್ರುವ & ವಿಜಿ ವಾರ್..!
- ಮೂರು ಬಿಗ್ ಸ್ಟಾರ್ಸ್‌ ಬಿಗ್ ಮೂವೀಸ್ ರಿಲೀಸ್‌ಗೆ ಸಜ್ಜು
- ಲಕ್ಕಿ ಡೇಟ್ಸ್ ಮೇಲೆ ಸ್ಟಾರ್ಸ್‌ ಕಣ್ಣು.. ಯಾರಿಗೆ ಒಲಿಯುತ್ತೆ..?
- KD, ಡೆವಿಲ್, ಲ್ಯಾಂಡ್ಲಾರ್ಡ್.. ಯಾರಾಗ್ತಾರೆ ಫಸ್ಟ್..?!
ಡಿಬಾಸ್ ದರ್ಶನ್ ಅಭಿನಯದ ಡೆವಿಲ್, ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ನಟನೆಯ ಕೆಡಿ ಹಾಗೂ ದುನಿಯಾ ವಿಜಯ್ ಮುಖ್ಯಭೂಮಿಕೆಯ ಲ್ಯಾಂಡ್ಲಾರ್ಡ್..ಇವೆಲ್ಲಾ ಈ ವರ್ಷದ ಮೋಸ್ಟ್ ಎಕ್ಸ್‌‌ಪೆಕ್ಟೆಡ್ ಮೂವೀಸ್. ಅದರಲ್ಲೂ ಮಾಸ್ ಇಮೇಜ್ ಇರೋ ಆ್ಯಕ್ಷನ್ ಹೀರೋಗಳ ಹೈ-ವೋಲ್ಟೇಜ್ ಸಿನಿಮಾಗಳು ಆದ್ದರಿಂದ ಸಹಜವಾಗಿಯೇ ಇವುಗಳ ಮೇಲೆ ಕುತೂಹಲ ಡಬಲ್ ಆಗಿದೆ.
ಹತ್ತು ಹಲವು ಕಾರಣಗಳಿಗೆ ಈ ಮೂರೂ ಚಿತ್ರಗಳು ಒಂದಕ್ಕಿಂತ ಒಂದು ವಿಭಿನ್ನ ಅನಿಸಿಕೊಂಡಿವೆ. ಅದರಲ್ಲೂ ಎರಡು ರೆಟ್ರೋ ಚಿತ್ರಗಳಾದ್ರೆ, ಒಂದು ಪಕ್ಕಾ ಮೆಟ್ರೋ ಪ್ಯಾಟ್ರನ್ ಸಿನಿಮಾ. ಹೌದು.. ಕೆಡಿ ಸಿನಿಮಾನ ಜೋಗಿ ಪ್ರೇಮ್ ಅವರು ಕೆವಿಎನ್ ಪ್ರೊಡಕ್ಷನ್ಸ್ ಜೊತೆಗೂಡಿ ಇಡೀ ಇಂಡಿಯಾದಲ್ಲಿರೋ ಸ್ಟಾರ್ಸ್‌ನ ಒಗ್ಗೂಡಿಸಿಕೊಂಡು ಸಿನಿಮಾ ಮಾಡಿದ್ದಾರೆ. ಧ್ರುವ ಸರ್ಜಾಗೆ ಸಂಜಯ್ ದತ್, ರವಿಚಂದ್ರನ್, ಶಿಲ್ಪಾ ಶೆಟ್ಟಿ ಹಾಗೂ ರಮೇಶ್ ಅರವಿಂದ್ ಸಾಥ್ ನೀಡಿದ್ದಾರೆ. ಕೆಡಿ ಸಾಂಗ್ಸ್ ಸಖತ್ ಹಂಗಾಮ ಮಾಡ್ತಿದ್ದು, ರಿಲೀಸ್ ಯಾವಾಗ ಅಂತ ಚಿತ್ರಪ್ರೇಮಿಗಳು ಎದುರು ನೋಡ್ತಿದ್ದಾರೆ.
ಇನ್ನು ದರ್ಶನ್ ಕರಿಯರ್ಗೆ ಡೆವಿಲ್ ಮಹತ್ವದ ಸಿನಿಮಾ. ತಾರಕ್ ಬಳಿಕ ಮಿಲನ ಪ್ರಕಾಶ್ ಡಿಬಾಸ್‌ಗೆ ಌಕ್ಷನ್ ಕಟ್ ಹೇಳ್ತಿರೋ ಸಿನಿಮಾ ಇದಾಗಿದ್ದು, ರೇಣುಕಾಸ್ವಾಮಿ ಹತ್ಯೆ ಪ್ರಕರಣದಲ್ಲಿ ಜೈಲಿಗೆ ಹೋಗಿ ಬಂದಿರೋ ದಚ್ಚುಗೆ ಈ ಸಿನಿಮಾ ಗೆಲ್ಲಲೇಬೇಕು. ಅದ್ರಲ್ಲೂ ಒಳ್ಳೆಯ ಸಿನಿಮಾಗಳಿಂದ ಸದ್ದು ಮಾಡಿರೋ ಮಿಲನ ಪ್ರಕಾಶ್, ಡೆವಿಲ್ ಸಿನಿಮಾದ ಸ್ಯಾಂಪಲ್ಸ್‌ನಿಂದಲೇ ಸಿನಿಮಾ ನೋಡುವ ಕಾತುರತೆ ಹೆಚ್ಚಿಸಿದ್ದಾರೆ. ಟೀಸರ್‌ನಲ್ಲಿರೋ ಡೈಲಾಗ್ಸ್, ಮೇಕಿಂಗ್ ಕ್ವಾಲಿಟಿ, ದಚ್ಚು ಲುಕ್ಕು ಹೀಗೆ ಎಲ್ಲವೂ ಸಖತ್ ಕಿಕ್ ನೀಡ್ತಿವೆ.
ಸಾರಥಿ ಸಿನಿಮಾ ಬಳಿಕ ದೊಡ್ಡ ಗ್ಯಾಪ್ ತೆಗೆದುಕೊಂಡಿದ್ದ ನಿರ್ಮಾಪಕ ಸತ್ಯ ಪ್ರಕಾಶ್ ಈ ಬಾರಿ ದುನಿಯಾ ವಿಜಯ್ ಲ್ಯಾಂಡ್ ಲಾರ್ಡ್‌ ಸಿನಿಮಾಗೆ ಬಂಡವಾಳ ಹೂಡಿದ್ದಾರೆ. ರೆಟ್ರೋ ಬ್ಯಾಕ್‌‌ಡ್ರಾಪ್‌ನ ಈ ಸಿನಿಮಾ ಹಳ್ಳಿ ಸೊಗಡಿನಲ್ಲೇ ಚಿತ್ರಿತವಾಗಿದ್ದು, ಸ್ಯಾಂಡಲ್‌ವುಡ್ ಭೀಮನ ಕರಿಯರ್ಗೆ ಇದೊಂದು ಮಹತ್ವದ ಚಿತ್ರವಾಗಲಿದೆ. ಜಡೇಶ್ ಕೆ ಹಂಪಿ ಒಳ್ಳೆಯ ಬರಹಗಾರ ಹಾಗೂ ಡೈರೆಕ್ಟರ್ ಅಂತ ಈಗಾಗ್ಲೇ ಪ್ರೂವ್ ಮಾಡಿಕೊಂಡಿದ್ದು, ಈ ಸಿನಿಮಾದಿಂದ ಪ್ರೇಕ್ಷಕರಿಗೆ ಮಸ್ತ್ ಮನರಂಜನೆ ನೀಡಲಿದ್ದಾರೆ.
ಈ ಮೂರೂ ಚಿತ್ರಗಳ ರಿಲೀಸ್ ಡೇಟ್ ಇಲ್ಲಿಯವರೆಗೂ ಲಾಕ್ ಆಗಿಲ್ಲ. ಅಫಿಶಿಯಲಿ ಅನೌನ್ಸ್ ಕೂಡ ಆಗಿಲ್ಲ. ಆದ್ರೆ ಎಲ್ಲವೂ ಕೊನೆಯ ಹಂತಹ ಶೂಟಿಂಗ್ ಹಾಗೂ ಪೋಸ್ಟ್ ಪ್ರೊಡಕ್ಷನ್‌‌ನಲ್ಲಿವೆ. ಮೂಲಗಳ ಪ್ರಕಾರ ನಾ ಮುಂದು ತಾ ಮುಂದು ಅಂತ ಡಿಸೆಂಬರ್‌‌ನಲ್ಲಿ ತೆರೆಗೆ ಬರೋಕೆ ಸಜ್ಜಾಗ್ತಿವೆ ಎನ್ನಲಾಗ್ತಿದೆ. ಡಿಸೆಂಬರ್ ಒಂಥರಾ ಲಕ್ಕಿ ಮಂಥ್. ಕ್ರಿಸ್‌ಮಸ್ ಹಾಲಿಡೇಸ್ ಕೂಡ ಸಿಗೋದ್ರಿಂದ ವರ್ಷಾಂತ್ಯದಲ್ಲಿ ತೆರೆಕಂಡ ಚಿತ್ರಗಳು ಬಹುತೇಕ ಗೆದ್ದಿವೆ. ಹಾಗಾಗಿ ಧ್ರುವ, ದರ್ಶನ್ ದುನಿಯಾ ವಿಜಯ್‌ರ ಮೂರೂ ಚಿತ್ರಗಳು ಒಂದೇ ತಿಂಗಳಲ್ಲಿ ಬಂದ್ರೆ ಬಿಗ್ ಬಾಕ್ಸ್ ಆಫೀಸ್ ಕ್ಲ್ಯಾಶ್ ಆಗೋದು ಗ್ಯಾರಂಟಿ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್