ಅಭಿನಯ ಚತುರ ಸತೀಶ್ ನೀನಾಸಂ ಹಾಗೂ ಡಿಂಪಲ್ ಕ್ವೀನ್ ರಚಿತಾ ರಾಮ್ ಕಾಂಬಿನೇಷನ್ನ ‘ಅಯೋಗ್ಯ-೨’ ಸಿನಿಮಾದ ಬಾಕ್ಸ್ ಆಫೀಸ್ ಬಿರುಗಾಳಿಗೆ ಜಸ್ಟ್ ಒನ್ ವೀಕ್ ಬ್ಯಾಲೆನ್ಸ್ ಇದೆ.ಸದ್ಯ ಹೈ-ವೋಲ್ಟೇಜ್ ಪ್ರೀ-ರಿಲೀಸ್ ಇವೆಂಟ್ನಲ್ಲಿ ಸ್ಯಾಂಡಲ್ವುಡ್ ಸ್ಟಾರ್ಗಳು ಹಾಗೂ ‘ಮಿಲ್ಕಿ ಬ್ಯೂಟಿ’ಯ ಹಂಗಾಮಾ ಹೇಗಿತ್ತು? ‘ಬೈಕೊಂಡಾದ್ರೂ ಸರಿ ಕನ್ನಡ ಸಿನಿಮಾ ನೋಡಿ’ ಅಂತ ಡಿಂಪಲ್ ಕ್ವೀನ್ ರಚಿತಾ ರಾಮ್ ಹೇಳಿದ್ಯಾಕೆ..? ಇಲ್ಲಿದೆ ನೋಡಿ ಅಯೋಗ್ಯ 2 ಕಂಪ್ಲೀಟ್ ಮಾಸ್ ರಿಪೋರ್ಟ್.
- ಅಯೋಗ್ಯ 2 ಪ್ರೀ ರಿಲೀಸ್ ಇವೆಂಟ್ ಹೈಲೈಟ್ಸ್..!
- ಆಗಸ್ಟ್ 7ಕ್ಕೆ ಬಾಕ್ಸ್ ಆಫೀಸ್ ಶೇಕ್ ಮಾಡಲು ರಚ್ಚು-ಸತೀಶ್ ರೆಡಿ
- ಬೋಲ್ಡ್ ಅವತಾರದಲ್ಲಿ ಮಿಲ್ಕಿ ಬ್ಯೂಟಿ ಪ್ರಜ್ಞಾ ಧಮಾಕಾ
- ಒಂದೇ ವೇದಿಕೆಯಲ್ಲಿ ಸ್ಯಾಂಡಲ್ವುಡ್ ಸ್ಟಾರ್ಗಳ ಸಂಗಮ
ಬಾಕ್ಸ್ ಆಫೀಸ್ ಶೇಕ್ ಮಾಡಲು ಆಗಸ್ಟ್ 7 ರಂದು ರಿಲೀಸ್ ಡೇಟ್ಗೆ ಕ್ಷಣಗಣನೆ ಶುರುವಾಗಿರೋ ಬೆನ್ನಲ್ಲೇ, ಬೆಂಗಳೂರಿನ ಮಂತ್ರಿ ಮಾಲ್ನಲ್ಲಿ ನಡೆದ ‘ಅಯೋಗ್ಯ-೨’ ಪ್ರೀ-ರಿಲೀಸ್ ಇವೆಂಟ್ ಅಕ್ಷರಶಃ ಪಟಾಕಿ ಹಬ್ಬದಂತಿತ್ತು. ಈ ಮೆಗಾ ಇವೆಂಟ್ಗೆ ‘ರೆಬೆಲ್ ಸ್ಟಾರ್’ ಅಭಿಷೇಕ್ ಅಂಬರೀಷ್, ಡಾರ್ಲಿಂಗ್ ಕೃಷ್ಣ, ಪ್ರಮೋದ್ ಪಂಜು ಹಾಗೂ ನಾಗಭೂಷಣ್ ಸೇರಿದಂತೆ ಸಾಲು ಸಾಲು ನಟರು ಇಡೀ ವೇದಿಕೆಗೆ ಮಾಸ್ ಜೋಶ್ ತಂದರು. ಸುದೀರ್ಘ ಗ್ಯಾಪ್ ನಂತರ ಸಾರ್ವಜನಿಕವಾಗಿ ಕಾಣಿಸಿಕೊಂಡ ಅಭಿಷೇಕ್ ಅಂಬರೀಷ್ ಈ ಇವೆಂಟ್ನ ಮೇನ್ ಹೈಲೈಟ್ ಆಗಿದ್ದು, ಏನು ಹೇಳಿದ್ರು ನೀವೇ ನೋಡಿ
ಇನ್ನು ಈ ಇವೆಂಟ್ನಲ್ಲಿ ರಿಲೀಸ್ ಆದ ‘ಮಿಲ್ಕಿ ಬ್ಯೂಟಿ’ ಸ್ಪೆಷಲ್ ಸಾಂಗ್ ಈಗ ಸೋಶಿಯಲ್ ಮೀಡಿಯಾದಲ್ಲಿ ಹೊಸ ಅಲೆಯನ್ನು ಸೃಷ್ಟಿಸಿದೆ. ಚಂದನವನಕ್ಕೆ ಸಖತ್ ಬೋಲ್ಡ್ ಆಗಿ ರೀ-ಎಂಟ್ರಿ ಕೊಟ್ಟಿರೋ ನಟಿ ಪ್ರಜ್ಞಾ, ಮಂಡ್ಯದ ಸೊಗಡಿನ ಆಲೆಮನೆಯ ಸೆಟ್ನಲ್ಲಿ ‘ಮಿಲ್ಕಿ ಬ್ಯೂಟಿ…’ ಸಾಂಗ್ಗೆ ಸಖತ್ ಹಾಟ್ ಅಂಡ್ ಗ್ಲಾಮರಸ್ ಆಗಿ ಕುಣಿದು ಕನ್ನಡಿಗರನ್ನು ಫಿದಾ ಮಾಡಿದ್ದಾರೆ. ಈ ಇವೆಂಟ್ನಲ್ಲಿ ಸ್ವತಃ ಪ್ರಜ್ಞಾ ಹಾಜರಿದ್ದು, ವೇದಿಕೆ ಮೇಲಿದ್ದ ಸ್ಟಾರ್ ನಟರೆಲ್ಲರೂ ಅವರ ಗ್ಲಾಮರಸ್ ಸ್ಟೆಪ್ಸ್ಗೆ ಫಿದಾ ಆಗಿದ್ದಾರೆ. ನಾಯಕ ಸತೀಶ್ ನೀನಾಸಂ, ಶಿವರಾಜ್ ಕೆ.ಆರ್.ಪೇಟೆ ಹಾಗೂ ದಡಿಯಾ ಗಿರೀಶ್ ಈ ಹಾಡಿನಲ್ಲಿ ಕ್ಯೂಟ್ ಕಾಮಿಡಿ ಸ್ಟೆಪ್ಸ್ ಹಾಕಿ ಹವಾ ಕ್ರಿಯೇಟ್ ಮಾಡಿದ್ದಾರೆ. ಇನ್ನು ಈ ಹಾಡಿಗೆ ಚೇತನ್ ಕುಮಾರ್ ಸಾಹಿತ್ಯ ತೂಕ ಹೆಚ್ಚಿಸಿದೆ.
ವೇದಿಕೆ ಮೇಲೆ ಮೈಕ್ ಹಿಡಿದ ನಾಯಕಿ ರಚಿತಾ ರಾಮ್ ಆಡಿದ ಮಾತುಗಳು ಪ್ರತಿಯೊಬ್ಬ ಕನ್ನಡಿಗನ ಎದೆಯನ್ನ ತಟ್ಟುವಂತಿತ್ತು “ಬೇರೆ ಭಾಷೆ ಸಿನಿಮಾ ನೋಡ್ಬೇಡಿ ಅಂತ ಹೇಳ್ತಿಲ್ಲ, ಆದ್ರೆ ನಮ್ಮ ಮೊದಲ ಆದ್ಯತೆ ನಮ್ಮ ಕನ್ನಡ ಭಾಷೆಗೆ ಇರಬೇಕು. ಎಂತ ಪರಿಸ್ಥಿತಿ ಬಂದಿದೆ ನೋಡಿ, ದಯವಿಟ್ಟು ಕನ್ನಡ ಸಿನಿಮಾ ನೋಡಿ ಅಂತ ಬೇಡುವಂತಾಗಿದೆ. ನೆಗಟಿವ್ ಕಾಮೆಂಟ್ಸ್ ಮಾಡಿದ್ರೂ ನಮಗೆ ಖುಷಿನೇ, ಒಟ್ಟಾರೆ ಬೈಕೊಂಡಾದ್ರೂ ಬಂದು ಸಿನಿಮಾ ನೋಡಿ ನಮ್ಮನ್ನು ಬೆಳೆಸಿ ಎಂದರು
ಮತ್ತೊಂದೆಡೆ ತಮ್ಮದೇ ಆದ ಮಂಡ್ಯ ಶೈಲಿಯಲ್ಲಿ ಅಬ್ಬರಿಸಿದ ನಾಯಕ ಸತೀಶ್ ನೀನಾಸಂ, ಮಾಸ್ ಡೈಲಾಗ್ ಹೊಡೆದು ಮಳೆ ಹರಿಸಿದರು. ಈ ಸಿನಿಮಾದಲ್ಲಿ ಶಿವರಾಜ್ ಕೆ.ಆರ್.ಪೇಟೆ ಹಾಗೂ ದಡಿಯಾ ಗಿರೀಶ್ ಅವರ ಪರಿಶ್ರಮ ಬೆಟ್ಟದಷ್ಟಿದೆ ಎಂದ ಸತೀಶ್, ಪ್ರೇಕ್ಷಕರಿಗೆ ಕಂಪ್ಲೀಟ್ ಎಂಟರ್ಟೇನ್ಮೆಂಟ್ ಗ್ಯಾರಂಟಿ ಕೊಟ್ಟಿದ್ದಾರೆ. ಜೊತೆಗೆ ರವಿಶಂಕರ್, ಡ್ಯಾನ್ಸ್ ಮಾಸ್ಟರ್ ಎ. ಹರ್ಷ ಹಾಗೂ ಮ್ಯೂಸಿಕ್ ಡೈರೆಕ್ಟರ್ ಅರ್ಜುನ್ ಜನ್ಯ ಅವರ ಜುಗಲ್ಬಂಧಿ ಚಿತ್ರದ ಹೈಲೈಟ್ ಆಗಿರಲಿದೆ
ಮೊದಲ ಭಾಗ ‘ಅಯೋಗ್ಯ’ ಹಾಗೂ ಶ್ರೀಮುರಳಿ ಅಭಿನಯದ ‘ಮದಗಜ’ ಬ್ಲಾಕ್ ಬಸ್ಟರ್ ಹಿಟ್ ಕೊಟ್ಟಿದ್ದ ನಿರ್ದೇಶಕ ಮಹೇಶ್ ಕುಮಾರ್, ೮ ವರ್ಷಗಳ ನಂತರ ಮತ್ತೆ ‘ಅಯೋಗ್ಯ-೨’ ಮೂಲಕ ಹಳೆಯ ಕಥೆಯನ್ನೇ ಮುಂದುವರಿಸಿ ಕಂಪ್ಲೀಟ್ ಮನರಂಜನೆಯ ಧಮಾಕಾ ನೀಡಲು ಸಜ್ಜಾಗಿದ್ದಾರೆ. ಅಯೋಗ್ಯ 2ಗೆ ಬಂಡವಾಳ ಹೂಡಿ ಅದ್ದೂರಿಯಾಗಿ ತೆರೆಗೆ ತರ್ತೀರೋದು ನಿರ್ಮಾಪಕ ಮುನೇಗೌಡ
ಇಷ್ಟೆಲ್ಲಾ ಸೌಂಡ್ ಮಾಡುತ್ತಿರುವ ‘ಅಯೋಗ್ಯ-೨’ ಆಗಸ್ಟ್ ೭ರಂದು ಥಿಯೇಟರ್ಗಳಲ್ಲಿ ಎಷ್ಟರ ಮಟ್ಟಿಗೆ ಧೂಳೆಬ್ಬಿಸಲಿದೆ ಎಂಬುದನ್ನು ನೋಡಲು ಫ್ಯಾನ್ಸ್ ಕಾಯುತ್ತಿದ್ದಾರೆ.
ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್